一直都很喜歡吃Panash的產品, 因搬了家的關係, 很久沒去德福,

這天踫巧經過九龍灣打算逛一轉便到Panash買包,

豈知德福二期開了間UNY, 到裡面的麵包舖Pasco一看,

咦! 簡直就是Panash的姊妹, 不但大部份包包的一樣, 而且還有一些是她姊妹店沒有的, 如黑麥包同店員推介的法式丹麥圈。

更重要的是, 這裡的包比一期她姊妹店的更飽滿漂亮!

注意, 我說的漂亮並不是說她姊妹做得不好, 只是姊妹店實在有太多Fans,

店裡長期人頭湧湧, 人人夾起又放低左揀右揀, 再靚既包都被搞到變成殘花敗柳。

加上太多顧客既關係, 受歡迎的包通常都會一次過出好多, 店員將D飽疊在一起D飽疏唔切氣變得不夠脆口。

而Pasco就冇呢個情況, 幾乎每一隻包都是漂漂亮亮的。

所以我立時放棄回到姊妹店的念頭, 買了我一早打算買的合桃提子飽(個人認為這集團的比A!的更香脆可口)

和明太子法包(SOGO的DONQ都有呢一種包, 但風味稍稍不同)。

呢間麵包舖果然冇令我失望! 以後一定會再黎試試其他既包。

幾個好耐冇見既女士在銅鑼灣搵地方落腳傾偈食晚飯,

沒有想太多就來了這裡, 貪方便。

等位從等到傻, 好彩餐廳外有櫈坐, 一邊坐住等一邊傾偈。

四個人一共叫左一個2人套餐+一個意粉+一個小食拼盆。

小食拼盆: 肉腸惹味, 正! 薯條雖似雪藏貨色, 外面微脆內軟, 甚得呀妹歡心。雞翼炸得岩岩好, 唔錯。

2人套餐: 露荀忌廉湯, 露荀味雖淡, 但不失香滑。燒豬仔骨焗得過火, 肉又靭又鞋, 醃料雖多而濃, 可惜未能釣起鮮味, 呀妹仲話上次屋企整既仲好味。反倒是Pizza芝士份量十足, 一拿之下半溶的芝士被拉成長長的芝士絲, 食落口香濃得來又不會死鹹, 配合其他饀料如菠蘿及辣肉腸更是美味。

大蝦白汁蘑菇意粉: 大蝦乃一段雪藏中蝦, 有雪味冇鮮味, 就咁食汁蘑菇意粉仲好味。

我地一邊食一邊傾偈, 侍應雖然不多, 但仍盡量定時為我地添水, 而且仲係暖水, 實在細心。

雖然食物質素麻麻, 但加埋服務, 價錢都算合理啦~~

前陣子興食Frozen Yoghurt, 經過見Yoggie係連埋smoothie好似幾好味, 又有人排緊隊應該都唔錯, 於是決定一試。

點知出到黎不但藍莓少得可憐, 我問多聲可唔可以多少少至加返一粒, 總共4粒咁大把,

某部份Yoghurt更名副其實的Frozen, 好似食緊冰粒咁,

底下個smoothie不但一D都唔smooth, 仲淡而無味, 稀得很, 一D質感都冇。

成杯野惟一可取既地方就係個yoghurt本身既味道都幾好, 同埋個黑糖漿味道都不錯。

但係如果同樣係$20既話, 我不如食阿菠蘿好過。

經過K-11, 心思思到Paul Lafayet晒返件cake, 點知小舖塞滿人, 只好外賣。

選了Lemon Jasmine, 雖然只買一件, 但仍有紙盒提供, 店員還細心放入一枝木叉。

回家反將蛋糕轉碟, 切開一試,

lemon mousse內有一層鬆脆的薄脆, 一層軟熟的lemon sponge,

還有一層帶有微弱茶味的啡色mousse, 整個組合十分清新, 只隒茶味稍稍不足。

蛋糕上的2粒lemon marshmallow更是軟熟得來帶點煙un, 不錯的說。

總括來說雖比不上Tony Wong的One Two Tea, 但十分清新, 好吃!

自從貪得意買左件富士卷當下午茶食之後, 對呢個平凡又特別的包一試難忘。

富士卷平凡在於其材料簡單: 蛋沙律, 蕃茄, 生菜, 火腿, 肉鬆同麵包;

而特別在於以上既材料配合埋一齊實在非常之有層次感, 真係好好味。

富士卷的確是一用心之作, 惟一缺點係沙律醬略多, 有點漏。

三人行叫了2個茶餐, 分別是:

奇趣籃: 雞翼, 薯角及咖哩角熱辣辣新鮮炸好, 配上跟餐的千島醬挺不錯。

咖央豬仔包: 大大片牛油在烘得脆卜卜既豬仔包上慢慢融化, 用刀將半融牛油與上面的砂糖及咖央醬塗均, 再大口咬下, 嘩, 正到丫! 冇得頂!

辣魚豬仔包: 豬仔包幾脆, 不過辣魚好乾好鞋, 我唔食辣都覺得唔太辣, 唔recommend。

因為咖央豬仔包實在太好味, 所以encore, 不過今次個包唔夠熱, 牛油融唔到, 有點失望。

正唔正宗老實講我唔肯定, 不過食得好味又開心就得啦~~

一早已聽過呢間餐廳, 不過一直無試過, 2009年最後一日和朋友相約在此午餐。

一入門口, 帶位的女店員一聲響亮的「歡迎光臨」, 全店的職員立即轉過頭來, 一同大聲「歡迎光臨」, 嚇了我一跳, 隨即想起上海的永和豆漿店也是這樣「歡迎光臨(普通話)」聲不絕。

這天人不太多, 不過店員卻無視中間的空位, 直接帶我到一個緊急出口旁的角落位, 另我不禁懷疑之前果句「歡迎光臨」既真實程度...... 我只好要求轉位。

朋友黎到後, 我地一人叫左一個Lunch Set, 套餐包括 田園沙律/Focaccia + 主菜 + 是日餐湯/Drink Bar

我和朋友都要了是日餐湯 - 粟米忌廉湯: 幾濃粟米味, 上面加了點忌廉, 有點日本罐裝粟米湯的味道, 只是沒那麼濃郁。

朋友叫了田園沙律: 西生菜片 + 2片青瓜 + 千島醬, 生菜尚算新鮮爽口, 千島醬太浠

我選了Focaccia, 但事實上呢個包係一個加上蒜蓉同olive oil 焗既pita bread, 冇一忽係同Focaccia 有關係......

我的主菜是白汁野菌意大利飯: 白汁唔creamy, 野菌OK, 意大利飯太淋。

朋友的主菜是西蘭花意大利粉: 少少辣幾惹味, 意大利粉OK彈牙, 不過得果4粒西蘭花, 似伴菜多過主要配料。

以呢個價錢食意大利野一開始已沒有太大期望, 但仍然失望, 不是因為材料既問題, 而係煮得幾差同名不乎實(俾塊pita bread我, 等我以為去左食咖哩), 加上店員多但極不醒目, 企喺我地隔離都可以見唔到我地想點菜 食完之後完全認同妹妹所講: 媽媽買的十幾蚊叮叮意大利飯仲好味過佢!

元旦瞓到晏一晏, 屋企人想飲茶又驚多人有排等, 於是便決定在此吃我們新一年的第一餐。

我們一家四口共叫了:

2個上湯韓風粉絲配五件壽司($58), 套餐包括:
醃茄子: 鹹鹹的帶點麻油香, 稍為淡味但不太油膩。
上湯韓風粉絲: 熱辣辣的粉絲煙韌彈牙, 配料包括肉碎, 鮮冬菇, 大量本菇, 大白菜, 芽菜及韭菜, 湯底微辣, 不夠濃, 似清湯底加辣。
壽司: 壽司飯不夠醋味, 不過夠軟熟不會死實實, 我吃了鰻魚和帶子, 鰻魚薄薄的, 帶子新鮮程度一般, 不過後來晚上從吉之島買回家吃的帶子壽司比這裡的還要好。

1個滿樂亭便當(花)($68), 套餐包括:
韓式薄撐: 有D似中式既家鄉煎薄撐, 不過就煙韌D, 冇咩蛋香味。
燒牛肉: 賣相燒得唔錯, 味道淡淡的, 得個鞋字, 不過媽媽說都食得出有牛肉味, 只是不太鮮。
泡菜豚肉大蝦: 泡菜辛辣度適中(我怕辣), 豚肉不太入味, 大蝦由父親大人解決, 不知好味予否。
生蝦三文魚刺生:

1 個豆乳豚肉鍋定食($48), 套餐包括:
豆乳豚肉鍋: 湯底頗濃豆乳, 豚肉份量好多, 配料包括豆腐, 大白菜, 本菇, 鮮冬菇及洋蔥, 簡簡單單, 熱辣辣, 洋蔥又甜又夠淋, 唔錯。
醃茄子: 和上面一樣

所有套餐包飲品一杯, 凍飲不用加錢。環境不錯, 座位闊, 坐得幾舒服, 不過檯排得比較密, 搞到有D嘈。總括來說, 食物不太突出, 不過都幾唔錯。

朋友來我家作客前特地帶她到我中學時代最愛既阿肥食撈檬, 順便滿足下自己既慾望。D布人會唔鍾意間舖係馬路邊得個簷篷, 我就覺得佢咁至有風味, 秋天去就最岩。

雖然E+冇得再用學生身份叫學生餐, 不過$25一個餐都唔算貴。我地一人叫左一個餐, 再加半份春卷拼魚餅。

香茅豬扒凍檬跟汽水: 豬扒香脆有咬口不太韌, 惟一小心咬到碎骨, 檬粉拌勻酸蘿蔔, 炸乾蔥及蔥油更是好味。朋友話唔錯, 但北角有間仲好味, 下次帶我去食。

沙嗲牛肉凍檬跟檸蜜: 牛肉份量超多, 不過沙嗲明顯比以前浠同少, 其他配料同豬扒凍檬一樣。

春卷拼魚餅: 半份有3條春卷同2件魚餅, 新鮮熱辣炸起的春卷脆卜卜點雞醬好好味, 魚餅頗彈牙不過冇咩魚味, 香料味亦唔多覺, 唔係太得。

總括黎講, 未食過既就會覺得好好味, 以前食開既就會覺得有分別, 例如沙嗲汁同撈檬的醋都溝得比以前淡。不過我諗我仍然會幫趁, 因貴過佢好味過佢既實有, 但同佢咁平又有返咁上下水準既我暫時仲未搵到!

新開張派COUPON, 買早餐送薯寶, 諗住一試無防, 點知......

蘑菇奄列牛角, 睇落OK, 拎上手發現炒蛋求其夾埋一邊, 蘑菇又亂放在斜了的蛋上, 咬落口D饀極不平衡, 最慘既係佢D蛋汁同油(並非蘑菇汁)勁多, 搞到個牛角既底濕晒, 一PATPAT咁款, 蘑菇炒得一般, 不會像Triple Os' 的蘑菇一樣咬落爽爽聲, 成個包惟一既好味之處只有塊半溶的瑞士芝士幾香幾好味, 不會像M記的車打芝士般得個鹹字。

至於薯寶, 像是M記薯餅mini版, 味道差不多, 只是炸得有點過硬。

另外Burger King 值得一讚的是早餐轉鮮奶不用加錢, 他們用的是牛奶公司的屋仔奶。

同樣是早餐, 要平的話我會去M記買個穩打穩紮的包+飲品, 要好味的話會去Triple Os' 買至愛的Champ, 至於Burger King, 要平唔夠平, 要好味唔夠好味, 真係, 唉!