🥢季節限定：極上厚切鰻魚 厚切鰻魚配上鰻魚汁，有口感，大件啲更好 🥢季節限定：灸燒柚子胡椒左口魚裙邊 左口魚裙邊灸燒後，魚油感覺倍升，肥美甘香 🍣中拖羅、大拖羅、油甘魚腩 甘香嫩滑，油脂滿滿，口腔充斥魚油香氣，其中油甘魚腩最為出色 🐠柚子胡椒鰈魚 柚子和胡椒蓋去鰈魚的腥味，魚肉薄而有靭勁 🐟池魚 魚味濃郁 🐚螺片 爽呀 赤貝 質感柔軟，帶點腥 🐙芥辣八爪魚 八爪魚爽口彈牙，略嫌不夠芥辣味 腐皮 甜甜的腐皮壽司，真的越來越細件了 🦀燒珍寶皇帝蟹柳 無辜珍寶二字，份量十足，加上沙律醬灸燒，絕配 🥑牛油果軟殼蟹卷 是以前的味道⋯⋯很久沒有食過軟殼蟹還暖的，可帶出松子仁的香，超讚 用手機點餐，不小心點多了，超級飽，我個肚真係頂唔順啦

東北酸菜排骨💰1️⃣0️⃣8️⃣ 點選了刀削麵豬骨湯底，麵質偏糊，排骨軟諗入味，湯頭配上酸菜，不油不辣，我連湯也全喝掉呢。 老北京炸醬麵💰1️⃣0️⃣8️⃣ 五花肉、黃瓜絲、芽菜、花心蘿蔔絲、蔥花等，食材豐富的拌麵，麵條有咬口，醬料濃而不膩。 鮮肉小籠包💰7️⃣0️⃣ 肉餡新鮮多汁，皮厚薄適中，熱辣辣，小心燙啊！ 老北京鮮肉窩貼💰8️⃣5️⃣ 大大隻，皮有點厚，不過不失。 拔絲香蕉（半份）💰4️⃣5️⃣ 剛熟的香蕉掛上糊漿炸至金黃色，外脆內軟，入口成了強烈對水，再加上拉絲糖漿，甜甜的，視覺味覺俱佳，打咭之選。 店舖以紅黑色為主調，掛上紅紅的燈籠，枱與枱之間有空間感。服務員會了解顧客口味，嗜辣程度，也主動加水。酒店範圍內的食肆，真心覺得價錢公道，美中不足是室溫過高。

午市套餐選擇多 每個套餐跟白飯一碗，維他檸檬茶一包 +$5可選雪碧 可樂 零度可樂 +$8 可選熱情果梳打 柚子茶 加多寶 100%純椰青水 桂花冰釀 荔枝玉露等 好，以QR Code開動下單啦！可選辣度啊！ 田雞麻辣香鍋 $56 （少辣） 材料豐富，有土豆條、蓮藕片、大荳、雲耳、香脆花生，大量的辣椒，當然唔少得主角田雞啦，非常惹味。 酸菜魚 $73 （少辣） 魚肉大大片，肉質嫩滑，沒有泥味，少量魚骨，酸菜不會死咸，配上微辣的湯頭，入口不會油膩。 配上香軟熱辣的白飯，超級味美。 桂花冰釀，酒份已揮發了，入口甜甜哋，可以解油膩，不過太細瓶啦！ 熱柚子茶，真材實料，很多柚子，這杯份量正常，足夠解渴解辣。

今晚食外賣 腐皮烏冬（大）$48 烏冬煙韌有咬口，甜甜的腐皮配上較清的湯底，剛剛好。 咖喱豬扒飯$52 豬扒都幾大塊，日本甜咖喱，香口，微微辣，不過太少了。 炭燒雞肉飯$44 皮脆肉嫩的雞伴有紫菜、粟米粒、溫泉蛋，豐富的大碗飯。

再戰自助山 每位入座賓客都有一杯餐前橙汁。 今晚完全沒有吃自助餐必吃的海鮮，傻了嗎？ 吸晴的甜品依然是我至愛，不太甜，賣相食味俱佳，打咭一流。 必食的鮑魚海參花膠，夠軟腍，多吃一點也不會胃脹。源源不絕供應，每次限取一盅。 各式涼拌前菜沙律都很好食，可惜今晚沒有了磯煮鮑魚。 中式點心有一籠兩粒的蝦餃，餐廳職員推介的蘿蔔糕，超級難才取到的蟹粉小籠包，重份量的燒賣等，每人每次限取兩籠。 餐廳本週推介的咖啡葡撻，入口微溫，撻皮有層次，口感酥脆不膩，咖啡味不突出。 即灼大頭蝦，熱辣辣，肥美多膏。 360度，超多選擇，中西湯、泡菜鮑魚炒飯、黑松露通粉、印度薄餅、翡翠螺、麵包蟹、帶子刺身、油甘魚、三文魚、鐵板青魚、帶子、燒臘等等 最重要的是服務：保持水準 - 沒禮貌。晚上6:29顧客預備取食物，職員很衝動的制止，並說：未夠鐘，未夠鐘；我6:30特意去取食物，另一位職員說：都未夠鐘，我話已夠鐘，對方說：未得未夠鐘，我用電話報時說依家6:31了，職員才半推半就給我取食物。禁止自助晚餐開始前偷步是超讚的行為，但是請禮貌點。 （之前兩次用餐體驗也很不禮貌，真的要多注意）

乾燥的天氣最好飲杯潤口的飲品，今天用手機app點選了「手作功夫茶」的蜂蜜檸檬蘆薈，少冰，入口啖啖的蘆薈果肉，蜂蜜的甜混和了檸檬的酸，不會過酸，較茶x的來得清爽好味。

今次試食迷你撻，但size一點也不迷你，寬5cm高7cm啊 伯爵牛奶朱古力撻 賣相勁似雪糕球的伯爵茶慕絲，入口幼滑，茶味香濃，少了清新的柑味，可可撻底鬆脆可口 朱古力夾心曲奇 打開餅盒已聞到香噴噴的榛子味，朱古力軟曲奇和朱古力軟夾心，再配上厚實的朱古力餅底，朱古力迷必試

餐廳以粉色乾花作為裝飾，很溫暖。用QR code落單，非常方便。 第一次嚟，樣樣都想試，睇吓我食咗咩先： 鮮打香濃蘑菇湯： 湯頭濃稠適中，湯如其名，香濃蘑菇味 脆炸粗直薯條配松露蛋黃醬： 薯條熱辣辣，比想像中幼身，松露味不特出 蒜香辣椒炒大蜆意粉： 手工意粉口感煙靭有彈性，意粉下是大量的大蜆 黑松露雜菌芝士薄餅： 滿滿的松露香，薄餅厚度恰到好處，多吃幾件也不膩 香脆德國豬手： 豬手拼薯蓉酸菜，超大隻，皮脆肉嫩，很入味 朱古力脆片蛋糕： 朱古力味濃 海鹽焦糖芝士蛋糕： 冇份食

廳房設於酒樓2樓，環境闊落，除了一席12位枱外，還可放置一枱麻雀枱，並設有電視 琵琶豬肥瘦適中，皮脆肉嫩，火喉平均 翠綠豆苗配上髮菜瑤柱和大大隻的蠔豉，常用的冬菇終於退場，讚 蝦球炒西蘭花，蝦大隻爽口，以黃紅椒同炒，色彩豐富 久違了的蟹鉗，有點過火，雖然沒有神還原兒時味道，但也不過不失，伴以清新的沙律菜是一大加分位 足料的仿翅不稀不稠，味道剛好 鮑魚在巨型的鵝掌下顯得份外細，鵝掌很硬，打包回家要用壓力煲加壓 花尾斑滑魚肉鮮嫩，可惜豉油有點過鹹 燒雞正正常常 糯米飯不夠軟糯，偏硬、乾 水餃飽滿，滿滿的蝦肉和幼細的香菰絲，超滿足 芝麻味湯圓紅豆沙甜味適中，不會有糖精味 整體：環境、味道、份量、服務俱佳的晚餐

早前被網上一連串排山倒海嘅網絡宣傳吸引，歷山餐廳自家宣傳影片、各大媒體的文字，短片推介，看後無不令人食指大動於eshop繳付全費預訂更有85折早鳥優惠，真係手快有手慢無，趁著兩姊妹生日，逐拍板訂咗3/12維多利亞宮廷式聖誕盛典美饌自助晚餐，用餐時間為晚上6:30-10:30，成人85折後：成人$596.6 長者$511.1 小童$482.6 2/12歷山酒店終於正式開幕 3/12我和家人成為歷山餐廳的坐上客期待期待 晚上約5時50分抵達非常吸睛嘅Cafe A接待處，奇妙的晚上亦即將開始 在沒有事前通知下被安排到宴會廳，向職員表明要坐歷山餐廳，獲得回覆是已安排好坐位。Ok!咁即係唔會改!再向職員了解兩邊食物是否一樣？職員回覆：一樣。記住佢話一樣㗎！ 在宴會廳坐了一會，諗住出去打吓咭，真係差d俾張長到拖晒地嘅枱布陰親攪到PK 大約6時15分看見全場只有一位太太在取食物，便詢問職員A:未夠鐘點解會有人取食物？ 職員A往太太方向望一望：有冇人俾碟你？ 我：乜要人俾碟嘅咩？佢VIP嚟？ 擾攘咗一輪後職員B出現，我再問一次：自助餐未開始點解會有位太太取食物？ 職員B望一望位太太後：開始咗啦！ 我：未夠6:30就開始？冇人通知嘅？ 職員B:係呀！開始咗。 咁我都唔客氣，但好明顯係未開始囉，食物仲陸續擺放緊，繞場一圈後，目測食物有： 即開生蠔、壽司、龍蝦、翡翠螺、蟹腳、各式沙津、煙三文魚、中西湯、燒味（叉燒/切雞/燒鴨）、兩款薄餅、鰻魚烏冬、紅酒燴牛面頰、煎蝦、鮑片鵝掌、咖哩雞、飯、辣汁青口、花枝蘭花、臘腸菜芯、火雞、牛、煎鴨肝、喇沙湯米、中式糖水、聖誕姜餅、白朱古力噴泉、熱香餅、窩夫、棉花糖、聖誕朱古力樹頭蛋糕、大師雪糕（榛子朱古力/雜莓/紅莓/曲奇朱古力）、貴花糕、生果（西瓜/火龍果/蜜瓜/菠蘿）、刺身（劃紙仔：三文魚/吞拿魚/帶子/鯛魚/紅蝦）⋯⋯⋯ 嘩！食物應有盡有，聽到都想食⋯⋯睇到就唔想食（熱葷）。自助餐剛剛開始食物已經唔熱，係微溫都冇，但未至凍，就像開完OT返屋企，亞媽留嗰碟飯餸未翻熱時。我要求唔高，但唔該你俾返少少溫暖我吖！雖然係自助餐，但都不會只求飽肚。食物要做到色、香、味俱全，每環緊扣，決一都會被打折扣。打開食物盤蓋已看得出已擺放一段時間，食物唔熱就注定失敗。 煎鴨肝總算是一道熱食，但個心都係唔熱，冇油香，媽媽為免浪費才KO晒，仲要係好似乞丐咁先有得食師傅煎緊7塊鴨肝，當時只有一位小姐等候，我和媽媽便跟著排第二，三位，等到鴨肝煎好，排第一嘅小姐取了4塊，我伸手去取第5塊時，師傅遞給剛走過來的太太，話佢之前order，心想仲有2塊，所以都算數，誰不知師傅把餘下2塊鴨肝盛起並放於爐後面驚死我攞咗，仲話有人order咗。真係火滾我問師傅為什麼我們排隊時唔出聲？唔問我們要幾多件？可以轉頭嚟攞？媽媽說個人都未嚟叫師傳俾我們先，師傅才勉強給我們！！ 熱嘅唔掂！寄望冷盤及甜品Sorry!龍蝦仲有雪氣、翡翠螺冇鮮甜味、食過最難食嘅棉花糖、似百寶膠嘅芝士蛋糕、dry過荷包嘅Tiramisu 、加鹽加水嘅喇沙米粉 怎麼宣傳片重點之一，烤瑞士芝士不見了！找來高級職員了解後，獲每人送上一片芝士飽（見圖）。聞名不如見面，宣傳片吹噓到咁勁，又配薯仔，又醬汁，又即溶⋯⋯依家係唔溶喺飽，唔溶喺口。 牛肉7支骨也不見了！焗酥皮龍蝦湯只是聖誕期間限定（24，25，26/12）！我和姐姐的生日餅等到9:00都冇踪影，要追問才跟進！ 無聊走去Cafe A逛逛先知這邊多嘢食D:xx牛柳、xx排骨、xx豚肉、四季豆、xx雞、Tiramisu 、藍莓芝士蛋糕、布朗尼⋯⋯等，就連個白朱古力噴泉都大個好多，先前講好的”一樣”呢即開生蠔、煎鴨肝、熱香餅不用排長龍，辛苦晒宴會廳工作嘅師傅 同一間酒店，同一樣的價錢，但係兩個唔同的體驗⋯⋯