今日去APM做嘢,唸住平啲去工業大廈啲食堂食Lunch..但係星期日好多都唔開..行行下見到呢間有開就入咗去張就下..

叫咗個＂廚師推介＂嘅芝士海鮮伊面..等咗半個鏡吹咗三次先拎咗個＂白汁魚片伊面＂泥..貨不對版我都算啦，但竟然俾我係啲面道夾咗兩隻昆蟲出泥!!我問個呀姐點搞..佢竟然話＂可能D伊面吾啦，叫咗佢唔好煮㗎啦＂..原來佢地一早知有問題..但係照拎俾我食..我服呀..最後轉咗個平啲嘅快餐A..俾錢果陣仲要同個呀姐理論完先至肯改反做快餐價...總結：勿去!

飯後行過見到呢間甜品，所以試下~

入到去叫咗個主打嘅椰明珠同花朱蕉展.
椰明珠-椰汁西米露+西米做嘅皮包住麥提莎,好有創意，粒明珠口感好特別，外面層西米皮好彈，而裏面嘅麥提莎亦冇林到；要令西米變成皮仲要粘得實麥提莎真係好高難道，現場所見老細係親手逐粒咁搓出泥,正!花朱蕉展-朱古力刨冰+水果，個朱古力刨冰好足料，而且唔係用冰+朱古力粉溝出泥嘅，食落好似朱古力軟雪糕，水果亦都好新鮮，而且則面有幾粒棉花糖係度，加理朱古力醬簡直係三重享受!!總結：好有創意的一間甜品店,價錢唔貴，推介!

係街俾人塞傳單而見到呢間嘢，見幾好就去試下..

入到去，個待應問完我地幾位之後竟然無啦啦走咗去=='咩料..最尾另一個待應先走過泥再問多一次我地幾位..

睇完食乜之後就㩒果個Remote叫人泥落單..點知㩒極都冇人泥=='最後有個待應經過就叫咗佢泥落單..點知成個落單過程佢極差態度..

我地叫咗牛肉面，溏心蛋鹵肉飯便當，鹽酥雞同熱棉花糖朱古力..

嘢食好快就到曬..
牛肉面-味精多，似公仔面湯粉..溏心蛋鹵肉飯便當-鹵肉只係普通貨色，紅蔥頭落得唔夠..溏心蛋有水準鹽酥雞-普通貨色..但都ok.熱棉花糖朱古力-好濃..保守估計咁細杯野最小落左四大匙朱古力粉=='正呀~埋單果陣我再一次㩒個Remote..㩒完個埋單制吾洗一分鐘就有個待應過咗泥埋單..落單就叫極唔泥但係埋單就咁快=='呢間嘢主打係甜品..但係我地今次係食Lunch.所以冇試到.下次先試..

總結：呢間嘢食甜品ok,正餐就吾掂..有啲貴，服務有好大改善空間.

第二次食呢間嘢.
四點幾去到，人吾多.

叫咗咖哩坑腩飯小辣，清湯爽腩米線同豬紅.咖哩坑腩飯小辣-咖哩水準好高，料好多，唔係咖哩粉開出泥嘅，坑腩煮得好林~正!清湯爽腩米線-每日限量供應，個湯冇味精，牛肉味重，爽腩肥瘦比例均勻~正!豬紅-新鮮豬紅制作，好食過街邊果啲~總結：清湯腩專家，價錢公道，絕對會再去!

上次去食台灣嘢果陣經過見到呢間土耳其菜，所以搵咗日去試~

間舖好細,但係人吾多所以唔太迫.
我地叫左炒羊肉飯同牛肉卡巴.另外加咗個湯同土耳其紅茶.

先講個炒飯，份量都好大，啲羊肉冇so味，正!而個卡巴亦都好大份~啲牛肉好正~菜亦都好新鮮=]土耳其湯-味道有啲似酸酸地嘅番茄湯..土耳其紅茶-個人覺得同普通荼餐廳紅茶冇乜分別..總結：價錢有啲貴，但味道唔差。

去MEGA BOX睇戲，睇完肚餓所以試下呢間嘢~

星期日的夜晚..有點冷清..不用等位~

叫咗個肉醬窩蛋飯丸同南瓜芝士雞脾扒飯丸跟餐~另外加多咗個雜菌忌廉湯同暖心南瓜湯~餐飲要咗凍烏龍茶，小食要咗日式冷豆腐~

雜菌忌廉湯-好Cream,雜菌香味很濃,推介!暖心南瓜湯-有小小薑蓉，南瓜都打得好細~都ok~日式冷豆腐-普通嘢，板豆腐加芝麻同麻醬..而個凍烏龍茶都可以~不是津露~

肉醬窩蛋飯丸-肉醬係現成嘢，飯丸好似焗咗嘅上海粢飯..

南瓜芝士雞脾扒飯丸-南瓜汁麻麻地，雞脾扒不錯~~芝士係很普通的車打碎..總結：平民價錢，都算高級~會再來

係西門町食完晚飯,去食甜品~

叫咗個心太軟配雪糕同埋凍西米露配紫米露~

凍西米露配紫米露賣相不錯，兩者比例剛好~甜度適中~但只係一般貨色...而個心太軟就都算靚，有流心，不過糖粉太多，而且雪糕只係普通貨色..仲$59咁貴，唔掂!總結：不會再幫襯，比以前差了很多,而且也貴了很多...

耐冇食台灣嘢，見呢間好評多，所以試下.

本身以為夜晚實要等位,但係竟然唔駛!!二人枱，張枱有啲細..

我每次要睇一間台灣菜館得唔得，就必定要試鹵肉飯,今次我亦不例外；我愛人就叫咗個芝士丸撈面餐配涼伴苦瓜.另外我地仲叫多個炸豆腐.

先來的是飲品，一杯係凍蜂蜜紅茶，另一杯係凍泡沫咖啡.

先講凍蜂蜜紅茶，冰量適中，泡沫細綿；茶味自然，甜度沒有蓋過紅茶的回甘味，而蜂蜜的用量也沒有被糖水代替.

而杯泡沫咖啡就不太馬虎，泡沫豐富之餘亦冇放太多冰令咖啡味變淡，而且應該唔係即溶咖啡，因為凍咗之後冇太大嘅酸味，我估店家有將隻杯放落雪櫃雪下先至用泥整飲品，因為雖然冰量唔多但係飲品溫度也不太暖.涼伴苦瓜，味道調較得好好，麻醬沒有蓋過苦瓜的苦味，少少甘甘地嘅味道配上香脆嘅芝麻一齊食個感覺好Fresh~芝士丸撈面，有一小堆的鹵肉，三粒炸芝士丸同埋一碗湯，個湯有少少乾蔥係面；芝士丸亦唔係求期貨色，入面嘅唔係蛋白芝士，而係真係流心嘅車打芝士，正！炸豆腐，等咗比較耐，所以應該係即炸，外脆內軟，夾起時冇散開~而且配埋酸甜汁，好得意~最後，係個鹵肉飯啦~一大堆的鹵肉上有一小堆炸蒽乾，中間有半隻鹵蛋..鹵肉七肥三瘦，鹵料中的紅蒽頭亦放了很多，鹵汁香口而且不太濃，好正好正宗!!總結：價錢不貴而且味道正宗，絕對推介!

之前韓燒食泥食去都係漢和..開始悶了,決定今日食呢間老牌嘅韓燒店.

六點半到場~人不算多,即刻有位，四人卡位兩個人座.

開始食野，先係拎嘢飲，有西瓜汁，涼茶，酸梅湯，豆漿；不設熱飲，汽水啤酒需加錢.
推介飲酸梅湯泥開胃，雖然只係用酸梅晶開出泥..但係都可接受~

嘢食佢地有五個類別：
涼菜-泡菜，涼伴芽菜，涼伴黃瓜，魚皮等.
熟食-多數係炸嘢；炸豆腐，炸魚柳，炸雞翼，炒菜等.
壽司魚生-壽司啲飯極大舊，推介食卷物，勿食玉子壽司（啲玉子應該係叮出泥嘅，好乾..）；魚生只有三文魚，都算新鮮同大件，不過要同人搶...
湯&點心-湯有三款，泡菜海鮮湯，豬骨湯，扮人參雞湯嘅花𣄃參豬肉煲雞...點心就有小籠包.
生料類-有已調味及未調味的豬牛羊海鮮，味精唔算多，款色都算齊，疏菜有菇類，特別推介金菇肥牛卷.甜品都算ok，有水果，熱豆腐花，凍熱糖水，啫喱，西米撻，雪糕，推介朱古力同綠茶味，雪糕品質不錯.總結：不錯..但係有啲貴..都係漢和好啲,杯碟較舊...

今日同愛人去沙田連城搵食~~
之前已經食過呢間了..覺得唔差所以再幫襯..

七點幾去到竟然唔洗等位~不過就俾咗四人枱拆做兩人枱嘅位我地..果度本身已經好迫了..咁樣拆完仲迫..座埋邊嘅話出入要用骨功=[而且張枱太細..基本上放兩碗粉就冇乜位了..

我同愛人叫咗個$158嘅二人套餐..
碗粉都要咗生牛肉金邊粉..
小食要咗香茅雞翼同炭燒豬頸肉.
菜就要上湯浸籮蔔..
嘢飲就叫咗熱檸蜜同凍菜蜜..先講個生牛粉..賣相都可以..但係啲生牛就差唔多變曬熟牛..而佢地話個係＂傳說湯底＂嘅湯底係用牛骨煲出泥..但係我就只試得出味精同小小牛肉味..(不禁聯想到他們傳說的意思是：傳說中的強國一滴香牛肉調味料..)啲牛肉都算靚,冇雪味,應該係冰鮮牛；而個金邊粉亦煮得啱啱好,淋得泥有彈性~個小食就麻麻地了..個豬頸肉似焗完再炸..而且有雪味...亦都好硬； 而個雞翼就冇乜香茅味..反而有啲似BBQ冇搽蜜糖嘅雞翼..而個上湯浸籮蔔就只係熟籮蔔+傳說的湯底..普普通通 而我個凍菜蜜就....唉..竟然冇菜味似蜜糖加水..總結：不過不失,但有改善空間；要求不高者可試.