傅師傅甜品小食(大圍)

o個日同朋友踏完單車，朋友推介呢道的心太軟好好食，結果我地一行三人叫左四個甜品試試。

招牌菜-心太軟
心太軟的份量稍少，皮很鬆軟像剛出爐的蛋糕。朱古力的分量亦適中。味道不錯。

鮮果千層酥
一層層薄薄的鬆化的皮，包著很多的生果和cream。感覺好豐富同形成強烈對比。

其餘兩個是雪糕香蕉船同錢袋藍莓蘋果酥，認真麻麻。

總括來講，這裏的雪糕好似雪山牌的家庭裝雪糕唔食唔食係損失，生果味道稍淡及稍為不新鮮。

但是之這個價錢來講，我覺得可以接受。
尤其如果大家鍾意食 心太軟同鮮果千層酥 的朋友，我更會強烈推介。
但其它甜品，就不敢恭維了。

Burger King(黃大仙)

今日經過黃大仙，咁啱食午飯時間。周圍都係人，但係Burger King 仲有好多坐。所以試下暗大介紹的「獸王三重天」

材料包括有；
華堡餐一個+2塊華堡肉+1塮芝士

獸王三重天o個然係勁...
自問係食肉獸既我..試完傳說中的「獸王三重天」
同本身佢推緊既三層狂牛，同麥記double足三兩
嬴足幾條街
唔止啖啖肉，而且更加令青瓜同洋蔥味特顯出黎

如果你自命係食肉獸同大胃王一定要試下..
不過後果自負
我食完個飽連跟餐既洋蔥圈都食唔落.仲飽足成日..完全比佢KO左

復興粥麵專家(葵涌)

今天有事經過荔景站，見到地鐵個網介紹呢道有好野食。所以特登幫大家掃下雷。
我同朋友分別叫左皮蛋瘦肉粥、豉油皇炒河、齋腸粉、淨牛什、豆漿

先講 皮蛋瘦肉粥 $13
好綿，材料多，不過陳皮味比較淡，睇下你個人口味

豉油皇炒河 $6.5
佢用西生菜同微量牛肉去炒
我三點幾去食，碟野都係凍冰冰、食完有半碟油響碟

齋腸粉 $6.5
比一般粥舖更一般，冇野好講

淨牛什 $35
係間舖貼滿雜誌講佢既牛什，以為好掂
比一般屋村來講足料，有通菜做底，味通我覺得其實都ok普通不過不失咁
個湯係敗筆，好鹹、如果你飲左。保證你要叫番兩杯豆漿洗下個口

豆漿 $4
味道唔太甜，但豆味冇乜，用紙杯唔環保兼唔好揸

總括來講，如果你行開o個區又想食粥，或者同朋友吹下水。可以考慮下，間舖環境唔錯，光猛，又衛生。ps:不過電話會收唔到eg.3香港同smartone....唔知對你來講係好事定唔好事。

天菜(觀塘)

今晚走去APM飯堂開飯,見到天菜個滑蛋豬扒飯個樣好得,所以去試下.
叫左個38蚊滑豬飯+16蚊天婦羅,天婦羅有蝦,南瓜等五件.炸得ok脆同熱,炸粉唔會太厚.
但係個滑豬就完全唔掂,塊豬炸到黑色咁,又油淋淋,最大鑊係充滿油"億"味,污染哂成腕飯.
各位朋友,超雷勿試