呢間新開嘅餐廳，其實想試好耐，但係佢午餐只係開星期四至星期日，所以等咗一段時間，work from home 先至有機會抽時間嘗試。 星期五的午餐，店內已經有幾位OL食緊，午餐選擇都有幾款：豬扒、牛肉、魚，各樣有啲，可以自由選擇加埋甜品、沙律、湯，甜品又有款揀。 先來嘅係一個沙律，蔬菜新鮮，沙律汁好refreshing，個重點就係上面的幾粒麵包糠，並唔係預先包裝的沙律麵包糠，好明顯係自己用麵包再烘，有誠意。 之後我加咗一個南瓜湯，相當好飲，一定係自己整㗎。 再上主菜，係梅子醬豬扒，豬扒煎得外脆，豬扒味濃，我唯一略嫌有少少熟咗啲，有少少乾，但係我好鍾意塊扒有咬口，非常好味，配有醋汁洋蔥及意粉。個意粉亦係一個重點，佢哋係用幼身意粉，煮得非常煙韌，每一條都有味道，並唔係普通用滾水淥熟嘅意粉，非常有誠意。豬扒配襯日本梅子醬，其實非常配襯唔油膩好開胃。成碟菜，其實有成四五種味道，每一種都好有特色，好食得出味道，讚！ 之後再加上甜品，係檸檬撻，簡簡單單，個curd 做得味道適中，個tart好脆亦好有味道。 佢哋每三四個禮拜會轉Menu，我諗我嚟緊每個月都會去一次食。

去過呢間餐廳幾次，都是在平日。環境非常舒適，樓底高、簡約設計。客人質素不錯，唔會好嘈。我通常都係叫mocha latte，加麥皮或者多士，也試過茄蛋洋蔥多士，也不錯。 大體價錢都算偏貴，但係我會坐三、四粒鐘，加上接近冇時限Wi-Fi，睇吓書、做吓嘢、諗下野，都抵返晒。

首先想講一講點解我會揀呢間餐廳去食團年飯：事緣係上年新年，我一家幾口來這間餐廳食飯，當中令到我們最回味的，除咗啲餸好味外，塲內有位serve我們的服務員，他非常健談又貼身地為我地介紹適切嘅食品，而唔係一味叫我們食貴野。今次返嚟食，其實都係因為那位服務員嘅服務態度，令我們對呢間餐廳留下很好的印象。 今次食了： 烏雞螺頭湯、涼拌海蜇、黑椒牛柳粒、生炒排骨、炸子雞、粉絲海蝦煲、辣味肉片、蒜蓉炒豆苗、油皮、 生炒糯米飯、紅棗糕。 共$2200，四位 個湯是老火湯非常鮮美及材料好出味，必讚！ 冷盤海蜇及牛柳粒也非常美味。 炸子雞皮脆肉嫩，很入味。 生炒飯軟硬適中，有臘味味，容易入口又不會太飽肚。 粉絲蝦煲的粉絲炒得剛剛好，不太油利，有鮮味又夠入味，送飯正好。 油皮及紅棗糕味道唔錯，沒有令我失望。 其他叫的餸就普普通通。 上次serve我們的服務員今次沒有serve 我們，換來一位小姐不知為何服務不太禮貌，黑面，比較敷衍，問佢點解有個餸冇，佢話「都話收爐咯，。。。」，作為食客，我最憎聽到「都話」，我唔係佢屋企人，唔需要聽佢啲晦氣說話。😡 最後那位上前serve我們的服務員-肥肥的四眼哥哥-幫我們結帳，他提我們要簽泊車，態度誠懇，也很有心。我心想，點解唔係你serve我哋呢。 其實我想講句只要你哋服務好少少，作為客人，好自然就會返嚟。食餐飯都係想開開心心，點解要客人睇面色呢，今次之後，我未必唔會再來了。

星期六晚在這間餐廳叫了一個自選魚湯米線- 魚腐及豉油雞翼，價值$44。 米線一到，我已感到失望，那碗米線的賣相非常求其，望落去已經知道一定唔好味。請參閱上載照片。 首先是試一試是那個魚湯湯底，失敗！完全沒有魚湯味，只好像清湯一樣，帶點白色而已。 之後吃了豉油雞翼，色澤好有豉油色，我還以為很好味，但吃落其實淡而無味。 再吃魚腐，味道其實好似街邊的炸魚肉丸，是不是正統魚腐？我不知道。 最後一提，那位收銀姐姐的態度。在點菜時她已經不甚禮貌。到結帳，我問她是不是＄44，她答我係呀咪寫咗囉，的確有點趕客。 我沒有食完這碗米線，因為確實難吃，又不是平，我費事浪費自己的肚皮。

一向喜歡平曰到訪西貢，人又少，有如去了世外桃園，沿車路有燦爛的粉紅洋芷荊，真的有點似櫻花。

十時多走入呢間野，店內已有兩台洋人，靜靜的，好有渡假感覺。

叫了一個大早餐和咖啡，先來一杯illy咖啡，唔知點解，香味未喝已聞倒，正

主餐是大大碟早餐，sauage 同方包一流，sauage d 肉鬆鬆軟軟，方包甜甜地，有別於平時食個d。蕃茄加了香草，不是行貨，煙肉也是與別不同。可能唔洗比貴租，所以成本可放在食物上，正。

順帶一提，店外有幾夥洋芷荊，一棵黃葉樹，好似櫻花，楓葉都盡在眼槏。正

Most of the OL in Central would know, going to TST for lunch is very convenience.

This was my first time to try this restaurant. Most of the window seats can enjoy excellent and expensive seaview. It would be a verg good experience to go there for lunch, enjoy a short break between the whole working day.

Ordered a set lunch, only ~$120.

The green salad was so refreshing, and did not look like a canned/"fast food" salad. Chef's effort and preparation was well noted.

The pumpkin soup was good and yummy too

The shrimp pasta was creamy and the pasta was just fited, not too hard or not too soft.

Overall was good. I will visit this restaurant again.

只有hotdog, 好專一, 有多種腸間, 都唔錯.

我order左spicy BBQ腸, 加左肉醬,洋蔥,同多種醬汁.

個包都脆, 不過條腸同洋蔥未夠火侯/野味.

適合後生仔和學生,因為啖啖肉呀嗎.

今日終於去買左個剛剛出爐的武大朗，熱騰騰好新鮮。

食下去，係有d 肉還肉，皮還皮。
舊肉料d胡椒味剛剛好，但是舊肉就太多根。個皮夠穌，但油利左d。

總而言之，10蚊個都算有80分啦。

可能多左人知，又或是午飯時間（不過都已經1時多啦），我order完後足足等左45分鐘！！咁都算快餐！？

最令人火起就係個侍應亞姐嘅態度其差，明知要等咁內，只係講「無咁快，要等喎」，之後問佢要等幾內，就講「唔好吹啦，排僅，講左話無咁快啦」；同佢講趕時間，佢話「個個都話趕時間，做僅啦」，今時今時咁態度，好食都無下次！！！

其實做得咁慢，係佢地唔識分流，一切只按order排！仲要d客受氣，過分。

佢地d野食都係簡單野，無理由要咁內囉。而且見佢下下攞住碟飯出來問係邉個，太水皮。

至於d豬排，就好鬆脆，不過無咩肉味，豉油淡，旦就太生。

整體而言，可以一試（如果你有多時間等，和可以受氣）。

我對中東菜都無咩感覺，同事約好午餐去試食咪試下啦。華！$145 set lunch都唔平，不過好多款間，幾個人樣樣間d，感覺幾好。

頭盤：春卷豆蓉、毛豆墨魚、炸豆球
好多豆品，不過分不清種類，味道唔錯，d野用olive oil好健康，春卷香口yummy。

主菜：燒雞，薯蓉燒牛肉
燒雞唔乾，牛肉鮮味

總之言，健康、味道清新，而又好味。會encore。