久仰大名,由於lunch放早左,終於唔洗排隊都試到九記.
清湯腩伊 & 咖哩牛筋伊 ($28)
叫左1分鐘都冇,後者就已經送到=.= 快到丫........前者ge速度亦不甘示弱.
清湯,個人覺得冇所聽聞ge咁誇,不過牛腩真係好味得關交,好林; 見到有dd肥肉,起初有d擔心,點知食落先發現咁樣半肥瘦法先係王道,D腩連埋少少肥肉來食,真係一絕.
可能太耐冇食伊麵,食得好開心~
咖哩真係幾辣,牛筋取代左上者的肥肉,亦都不錯,2種口味各有所長.
慳番$13唔叫油菜,叫左一杯凍檸茶,食水深到丫.....不過天氣又真係好熱囉!!!

其實味道真係值好高分,但係一碗的份量其實不多,加上最低消息$26,同埋野飲要成$13左右,略嫌有點貴.最後基於牛腩實在好味,仍然推介.

咁ge天氣,食大排檔其實真係唔係一個十分明智ge選擇!
不過趁有d雨,比平時少人,咁就試下啦!!!

茄牛蛋通&茄豬通
講真,個湯底真係比預期差,唔覺有幾濃蕃茄味之餘,淨係得d微酸味
係d餸全部都整得好,牛比滾鮮牛更有味而且完全唔UN.
奶油脆脆
又真係幾脆,唔會硬得濟咬到咀都累.奶油ge多少岩岩好,唔會多到整到成隻手都係.
咸檸七
係貴就貴d,但難得來,加上天氣真係太太太太過熱,唔飲都唔得!
係就係篤得幾勁,不過預先篤定就扣左少少分啦.

我知d落單嬸嬸無心串咀,但一坐低10秒未夠就話我地諗咁耐都未諗到,真係無佢符.
環境同衛生就麻麻架喇,特別係夏天.不過一條斜路冇啦啦有間咁港式ge大排檔,都幾特別,幾過癮ge.

花枝丸:
香口,熱鄗辣新鮮送到!好味!外層有少少胡椒黎惹味,但食落不會創去本身的花枝,有生菜吸緊d油~$12/5粒~
蕉糖奶茶(大)$14 (如+珍珠+$3)
味道出色,甜度很合個人的心意,奶茶又滑,不過小弟仲未試過較平的貢茶,對抵唔抵仍存疑.

總結,又係贏味道,但唔算太抵.(已經係要企街邊食)
不過個炸雞好似好吸引wor~
其實差唔多"笑臉",但款色實在不多,味道好但未至於會不斷翻炒都唔嫌.所以只能夠"OK".

向女人街行行行,都有好幾間好似ok但又未試過,見多幾多款揀下就入去呢間,唔入去都唔知原來間餐廳都唔細.
一坐低,侍應就問我地熱唔熱,之後安排左我地坐一個更涼ge位.
好多2人都可以坐到4人位.不過就算2人位都唔迫,D分隔做得十分好.

野食方面,真係好飄忽...........大家真係要小心d揀~
ORDER左一個SET~

餐湯:
幾淡下,搞到要自己落鹽黎吊番味.

餐包
脆到好似威化餅咁,但蒜蓉味就唔多覺.

醋鴨胸意粉
聽過名十分普通,但比想像中好!
個意粉有d似炒意粉的質感,但冇咁乾身而且帶點醋味.鴨胸係分開煮,所以冇乜特別,如果可以連鴨胸都有醋意,可能有意想不到的效果.
雖然有d蕃茄同伴碟,不過食落就唔多覺佢地d味存在.

帶子拼牛柳薯蓉
估唔到最值$果樣反而唔得,好失望.
帶子,好明顯係舊殼不斷翻炒用,都唔係咩大問題.
最大問題係,d帶子勁"梅",完全唔知想點.個所謂的汁亦都冇咩味可言,似係好浠ge白汁.

牛柳,肉質其實好好,又唔UN,但我地明明order 5成熟,完全錯晒.
都唔知用咩醃的,完全冇味咁濟,浪費左舊肉.冇汁就直情冇味架喇.......

薯蓉
正常,但個面有d位"lon"左d wor!

凍檸茶
以為自己叫左凍檸水,唉,勁無茶味,超唔得!真係好後悔2杯野飲都叫同一種!

甜品
分別要左原味芝士cake同雲石芝士cake~經歷左連續2個下滑,終於有反彈.
原味果個都冇乜特別的喇,不過芝士味真係好好好重,而且個面有d檸檬味(酸).
不過另外果個真係好岩我!!!因為我好鐘意甜食!!!又有d朱古力味,面有一層超簿糖漿似的甜東西.

推介雲石cake俾甜食的朋友.

7點鬆D去到,非常多位,但如果8點幾就要等位了.

霸王炒飯:
見係招牌菜先叫,不過發現只係楊州炒飯多左D雞絲,特色方面有D失望,不過整體味道就幾好,D蝦又彈牙.

杭州炒年糕
好普通的一道菜,唔係太油,如果咁都做得唔好,呢間店就唔配咁多好評喇.

小籠包($28 4舊,賺到笑)
不過又真係做到皮簿餡靚,D湯好正;好熱呢,小心熱親咀~
有D牙煙,但冇穿到~
雖然明知佢賺到笑,但又真係抵佢ge.

桂花小丸子
出奇地清甜!有D驚喜.丸子係芝麻餡,粒數適中.

高力豆沙
最差的一道,因為冇乜豆沙,搞到好似食包咁

向呢區,求其食個面$3X蚊,向呢度有$16之選!!!
不過2人都分別叫左雙併($21)~
(雲吞牛肉河 & 雲吞鯪魚球)

由於份量唔係太多,所以叫多碟菜(通菜).

雲吞,果然不負所望,不單止蝦靚,新鮮,彈牙,簿皮,不過雙拼的話得2粒JA ><
牛肉,幾有蔥香,份量又多,有少少少驚喜.

鯪魚球冇試到,淨係知到大粒到咩咁,不過雙拼都係得2粒,見到對面果女仔整跌左一粒,好慘......

個菜唔點腐乳都幾咸........($9)

幾清潔,同埋手腳同都流程都幾快,因為向門口排緊隊都已經問定你食咩,係冇野飲咁囉,不過因為味精問題不明顯,向呢區,就真係幾抵架.唔怪得成日都要排隊啦~(不過排隊時間可接受)

由於遲左放,最想試果幾間排得長到離譜,所以又試下d相對比較少人食ge店.

雖然都係搭木台,但比其他店更迫.

一坐低,就有3隻蚊or烏蠅之類係咁向面前飛-_-
仲要見到佢地向d筷子度休息........."""

叫左墨丸粗丸幼面 & 牛腩魚餃拷伊.
食就幾好味,特別係牛丸,墨丸,牛腩.
唉呀冇試到招牌魚蛋河.

唔包野飲,但食完都幾口渴下.....不過一枝汽水要$7.

總結,雖然味道不差,但衛生真係相當有問題............唔係太抵.

補充一下,間鋪入面都幾多同澳門有關ge資料睇下,例如旅行熱點或者當地特色小食等等,要去澳門的話不防參考一下.

連續3日都係掃番中環街市附近呢堆餐廳,反正咁多間,要逐間試絕非易事.
今日一改2日的風格,並沒有去得獎及最多好食評的餐廳試,而係去左呢間本來得2個食評ge茶餐廳~
地方方面,就都係搭檯架喇~
梅菜豬頸肉飯:
實在幾有趣的配搭,講真,我係見佢有菜先叫,因為好多都冇.
梅菜同豬頸肉竟然成功地配合,滿意.
沙爹汁豬扒撈丁:
個汁唔點辣,豬扒香口,數量足夠有餘.
檸茶有成8片檸檬@@"(見圖)
凍利賓納有得揀用梳打沖.
另外,有龍鳳檸樂,杯芽好立克等冇咁大路ge野飲.

不過埋單果陣多謝都冇句.
雖然呢度真係冇乜特色,但仍有佢可取的地方,例如款色多,等候時間短.13:30後炒面粉每個再平$2.

由於呢區真係太多打工仔,真係度度都要排1餐,呢間算係排得冇咁激喇.
老細超有禮貌,老闆娘就講野好快.
$28一個餸
$30二個餸
凍飲+$2-4
主餸有18款左右~建議食番推介及特色菜式.
蠔油腐皮炸魚皮豬腩肉撈幼面:
遂樣講,炸魚皮,香口;豬腩肉,肥到真係唔敢成日食;腐皮,比較淡一點,以量取勝.
但蠔油實在太冇特別,推介沙茶及洋蔥.
洋蔥汁包心卷沙茶魷魚撈粗面:
包心卷味道真係唔錯;魷魚幾林下;
呢個配搭可以一次過試晒洋蔥汁同沙茶,過癮.

飲品都幾多款揀.
記住啊,飲有咸檸的飲品,一定要篤到舊檸爛晒！

總結飲食方面都滿意,唯獨是成餐飯不斷見到d蟻朋友經過."