檢舉

味道

環境

服務

衛生

抵食

推介美食

2

JUN 20

唯一服務好嘅分店

雲桂香米線專門店 (尖沙咀)

心思思想食撈米線但唔係間間有。特登搵黎去，好彩冇失望！食過其他分店好多次，服務都唔係好，以為里間都係一樣啦，但服務出奇咁好，仲傾左兩咀添。環境有啲奇怪，同我心目中米線鋪嘅概念差好遠。涼拌米線實係不得了，今次叫雞絲炸醬，本身醬汁夠重口味，加埋清清地嘅雞絲真係好夾！

更多

876

推介

檢舉

味道

環境

服務

衛生

抵食

28

AUG 17

清湯唧~唔駛冇味卦!

生龍清湯腩 (旺角)

星期六中午時段嘅旺角搵嘢食都唔易啊！連喺附近嘅兩間連鎖炸雞店都爆場，唯有行遠少少，見到有四間連住開嘅食店，見個名好似做到專門店咁就入場喇~生龍清湯腩!入到去啲姐姐係咁叫我地落單，俾人睇吓都得卦，見佢態度唔算差我都快手快腳落單啦!一客咖哩牛腩飯，咖哩汁香而且濃味，牛腩多但係碎嘅，薯仔都好入味嘅但啲汁太水汪汪喇，似咖哩水或者咖啡湯，里點扣咗好多分啊！再叫咗個清湯腩湯河，牛腩量少得四小件，冇味嘅?再飲啖湯先，都係冇味喎，我落咗三羹辣油加二羹豉油先食到，招牌就係咁咋!?

更多

563

推介

檢舉

味道

環境

服務

衛生

抵食

26

AUG 17

肉...全部都係肉

緣聚西日餐廳 (元朗)

好新鮮日都唔去一次元朗啊真係!友人話要食放題啊,第一時間當然諗到旺角啦,大家為咗可以食完快啲返屋企,所以決定去元朗一試!講地點其實唔係好就腳,而家要我去多次都唔識去,唔當眼而且門口細!因為我地一行10人所以係大枱,感覺唔算迫!刺身好快到而且新鮮肥美,虎蝦同甜蝦都唔記得翻啅咗幾多次,好鮮甜!之後係烤蠔，有芝士同蒜蓉,蒜蓉好正,夠香又夠重口味!芝士有啲膩！其他嘢都係一般,重點係燒蝦同羊扒無限點!一上枱就要即食,羊扒唔硬燒蝦夠大!佢係新界地區近近地嘅好選擇 like

更多

145

推介

2 推介

檢舉

味道

環境

服務

衛生

抵食

4

MAR 17

15樓嘅牛牛

牛牛台式鴛鴦火鍋 (旺角)

話說要請食飯,大家都話要打邊爐,做主人家嘅我梗係搵間任飲任食,食得飽班人又慳住個荷包!今次唔揀雞煲,上咗樓上食台式麻辣火鍋,有折又有新鮮感 lol

!黎到感覺開揚唔迫,唔錯,點左個鴛鴦鍋,一邊麻辣一邊清湯!原來只有豬牛肉海鮮係點,其他全部自己出去拎,幾好吖,起碼係自己睇過想食先至拎,食幾多拎幾多,讚!因為太多經驗係黎到見到個樣都唔想食同埋數量明明寫一件黎一大盤!出面雪櫃材料非常新鮮而且refill得快!手打墨魚膠,彈牙又有墨魚粒，好味!雲吞好似係自家製,大大粒,爽！豆腐黎啦…一開始放嘅蜂巢豆腐而家食就差唔多喇...

更多

1548

推介

檢舉

味道

環境

服務

衛生

抵食

推介美食

鰻魚

4

MAR 17

唔駛等食住先

極尚大瀛喜日本料理 (觀塘)

難得搵咗個星期二晚放工食放題,打電話book枱已經對店舖加分,因為佢任何時間都可以book,唔係得6點同8點9你揀,讚!!!7點準時到達,搵個自己友坐定定落單先,其他人梗係出去睇吓有咩拎!中華沙津八爪魚時冷盤可以自己拎,太餓嘅話仲有香腸章魚燒任你拎。飲品雪櫃都好大個種類多,唔會唔夠凍,而且佢有椰青水,解茶等,貴嘢喎！先黎個刺身,我呢個蝦怪對牡丹蝦甜蝦虎蝦都係得一個感覺,冇味嘅?刺身係失望嘅,但竟然鰻魚有驚喜,啱啱燒到出黎個邊仲有少少脆,燒辣辣,正!炸榴槤波同羊架都值得推介!

更多

662

推介

檢舉

味道

環境

服務

衛生

抵食

30

DEC 16

平有平食

759車仔麵 (屯門)

你話佢平咩,佢又算係平嘅…一個晚餐配凍飲唔駛40蚊(當然有會員卡先有折啦),今晚來一個鹹魚肉餅飯,送個紫菜湯添...仲以為送嘅好飲極都有限,紫菜都幾多喎仲幾好飲添,唔知759有冇里隻紫菜買呢？冇腥味清清地,唔錯!講個飯喇,講真舊鹹魚真係幾香好餸飯,肉餅肉味差少少但加埋薑絲豉油,話咁快就食晒成碗飯,但碗飯嘅質素好差,冇飯味,如果唔係餓真係唔會食晒,凍OT叫左少甜都係好甜!服務一般,唔會吹你走但好阻我收工咁嘅樣,但係仲有9個字先收鋪喎

更多

88

推介

檢舉

味道

環境

服務

衛生

抵食

7

SEP 16

彈牙米線

雲貴川風味 (旺角)

酸辣/麻辣米線一向都係我食極唔厭嘅食路,只要諗唔到食咩好就會食!今次點餐用點菜紙一碗一張,發現點餐紙出奇地清楚,仲可以加至愛嘅莞茜...其實仲可以有其他要求,走油,多酸汁,走x,走x...好貼心!我點左麻辣雞肉菜肉雲吞酸辣中辣!有啲意外...雞肉咁深色?但味道幾好,似滷過,雲吞似全菜餃,冇咩味個皮仲好鬼厚 dislike

！個湯都唔錯啱我口味,夠酸又夠辣,米線比食開譚仔彈好多,仲有點左鴛鴦雞翼,辣嘅就只有辣味 dislike

,唔辣都好啲但味道好一般!

更多

751

推介

檢舉

味道

環境

服務

衛生

抵食

1

JUN 16

酸辣滋味

雲貴軒米線專門店 (屯門)

每個月都總有三兩日會行老遠黎里度食愛食嘅酸辣米線....亦只會食酸辣,麻辣唔係我杯茶。員工唔多理你架,要識做啲一坐低就要快快手手order,如果唔想人地黑晒口面咁對你嘅話...而且冇take2,想再佢,難啲啦!!!今次order豬軟骨菜肉雲吞酸辣中辣米線,豬軟骨淋滑又入味而且有三四件,大件夾抵食,雲吞就失色啲，個皮一夾就散...湯底夠酸唔夠辣,下次要試大辣....愛莞茜嘅可以浸晒佢地落啲湯度,多一種香味 yummy

更多

302

推介

檢舉

味道

環境

服務

衛生

抵食

1

JUN 16

改善了

譚仔雲南米線 (屯門)

上次因為服裝態度差而俾劣,經過一段時間嘅觀察,起碼都有十幾廿次嘅光顧,眼見員工態度都有所改善就再評多佢一次啦...上次豬潤中伏,我到宜家都仲有陰影,今次食炸醬雞肉麻辣小辣,我個人覺得雞肉麻辣配搭最好吃,雞肉好似令湯更香更濃,米線又唔會過淋!覺得太辣就用炸醬嘅甜咪中和一吓，過癮！

更多

670

推介

檢舉

味道

環境

服務

衛生

抵食

20

JAN 16

夜歸之選

家家滋味 (屯門)

夜晚9點行到悅湖商場,仲係營業中嘅鋪頭唔多,今晚一於試新野!其實里間鋪頭開業咗好一陣子,不過俾我感覺都係好似甜品店,我係唔會專登食甜品嘅人,所以次次都係行過就算...今次點左雞扒飯,原來佢仲會俾埋肉燥加上甜豉油,令飯粒配炸雞扒感覺唔會太乾,雞扒唔會太油,而且外皮香脆,幾好食,唯一唔好嘅只有蔥!點解要加生蔥上面,一入口就...辣!總之感覺唔好,但可以自己慢慢拎返出黎,整體都唔錯嘅 smile

更多

921

推介

RISRISMAN

唯一服務好嘅分店 雲桂香米線專門店 (尖沙咀)

清湯唧~唔駛冇味卦! 生龍清湯腩 (旺角)

肉...全部都係肉 緣聚西日餐廳 (元朗)

15樓嘅牛牛 牛牛台式鴛鴦火鍋 (旺角)

唔駛等食住先 極尚大瀛喜日本料理 (觀塘)

平有平食 759車仔麵 (屯門)

彈牙米線 雲貴川風味 (旺角)

酸辣滋味 雲貴軒米線專門店 (屯門)

改善了 譚仔雲南米線 (屯門)

夜歸之選 家家滋味 (屯門)