老公好鐘意食麵食，意粉當然啱，佢睇咗大台嘅飲食節目介紹呢間餐廳，話影得好好味，就想嚟試試 加上呢度商場可帶狗隻，梗係帶埋「亞仔」嚟試 佢最想試就係個海胆意粉，我哋仲叫咗安格斯牛扒還有一份魚柳（共三個餐），晚餐包前菜及餐湯，前菜有三款1）凱薩沙律；2）香茅酒煮蜆；3）芝士年糕，我哋有三個餐咁就每樣一款試晒佢 好可惜，希望越大失望亦越大⋯⋯ 首先嚟麵包，冇咩特別，個湯我冇試但同行嘅人話唔好飲 跟住嚟嘅蜆，都算大隻，味到我覺得可以（因為我唔太喜歡香茅，唔太濃）但友人話香茅嘅味唔出🙅🏻‍♀️ 再嚟芝士年糕，都係放題食開嗰款，而沙律都係基本嘢，全部無驚喜 好啦，熱切期待嘅海胆意粉嚟啦，嘩～～～細碟到呢（請睇相）。我問老公大台影係咪咁嘅份量，佢話多啲喎，而海胆只有一瓣而且好腥，意粉餐$268㗎，即時有中伏感 再嚟嘅係份魚柳$208，我食到陣味有啲石油味，有啲怪，已經唔太想食落去，基於珍惜/尊重食物，我哋食埋佢 最後就係塊扒$268，見到係薄牛扒已經（無影相，因為已經無心情），開頭下單店員問幾成熟我係叫medium (5成）但來到是7成以上近乎well done（全熟），唉！啲肉好韌會有渣 埋單呢餐$800多近$900元，我們哭了！即刻想上樓上嘅日牛補返餐。 可能網友們覺得每個餐約$300唔係好貴，但如果個餐$100多元嘅話我唔會上嚟打編食後感，其性價比真係好低，唔知店主係咪同大台飲食節目監製好熟、或比錢大台節目、又或主廚24/3（日）放假了、更或⋯⋯（很多很多原因），但我好相信的是 - 大台飲食節目信唔過，你懂我的意思吧！

之前狗友推介此處BBQ, 但因為我冇時間, 沒跟他們一起去...

今次適逢2013年平安夜, 約齊佢哋帶埋小狗去食, 玩, hea

24/12 當天仍要返工, 放工後各人帶埋小寶貝去錦上路的環保農莊, 呢度真係幾方便, 好近錦上路港鐵站, 只要在停車場那邊一直行, 過了馬路便有指示 (就算唔識問吓嗰邊巴士站職員, 佢會比埋單張教你去添, 好nice)

BBQ場大小適中, 有瓦遮頭唔怕落雨, 嗰度有個小小動物園+金魚池, 又有單車踩, 小朋友一定唔怕悶

嗰日係節日(平安夜)但佢都冇加價, 仍然收HKD 98/人任食(包2罐啤酒,汽水或水)

講返食物, 出面燒烤任食嘅食物佢都有, 而且麵包(厚切添)都包埋, 仲有牛油任搽, 好好味呀
而肉類方面, 樣樣都好出色, 特別係牛仔骨, 豬扒&雞翼, 食完唔會勁口乾, 我諗佢無乜加味精, 所以我哋都好欣賞, 佢哋仲包埋雜菜, 所以唔係一味只食肉, 可以健康啲

好多BBQ場啲洗水間勁臭勁污"租", 但嗰度啲廁格有抽風機, 所以就算廁所範圍都唔會勁大陣味, 連我咁怕污"租"嘅人, 都會去到洗水間. 值得一讚

BBQ場老闆好好人, 佢會行埋嚟同你吹吹水, 飲飲啤酒(可能認得我哋狗友啦), 啲員工亦好有禮貌, 老闆好自然員工都一樣會好.

如果你有小朋友, 寵物, 就好啱去呢個BBQ場玩, 我會再去~

食評現在才補, 因為實在不吐不快, 唔想再有其他人好似我咁嘥錢

要去九龍城辦重要事, 走時唔想兩手空空去家姐屋企, 諗起n年前search過呢度有間餅都幾有特式, 剛行過見到就特意入去買.......

入到店見到有車輪包, 細細個時外婆常常在家附近的餅店買給姐姐和我吃呢, 好懷念外婆呢!!!!!! 而且現今唔常見到, 所以好想買到姐姐家一起懷緬一下
亞姐仲說我買多條就平2蚊, 我梗係唔買啦~ 一心諗住試埋佢其他嘢嘛, 梗何況只平1蚊/條呢~
另外買了他們頗有特色嘅原味蛋卷 ( $65/條), 貴都唔緊要啦, 去家姐屋企嘛, 無計啦...去到目的地打開一睇, 蛋卷真係好大條, 但個車輪包就比童年時的大小差很遠 (因為佢當時被放在廚櫃內, 我未有看到佢嘅實際大小 )
味到方面, 車輪包質地死死實實, 提子干好像只有數粒
蛋卷大而無當, 無蛋味, 奶油膩到似食豬糕~~~蛋糕乾憎憎, 食緊唔飲水差啲比佢啃死
我另買了個合桃提子麥包(勁貴 $16/個), 質地亦是硬彬彬...OMG

花了八十多元買回來的卻是"垃圾", 真真體會到 "食之無味, 棄之可惜"的感覺啊!

我好少去九龍城, 今日因有事要去嗰度, 臨時臨急喺Openrice搵食~ 諗緊食泰國菜好定試牛肉麵好呢? 由K大小姐發牌 - 牛肉麵
點餐後, 亞姐好有禮貌地說了"多謝晒" , 嘩 ~估唔到咁好禮貌呀, 一啲原本好普通嘅回應發生在今天, 亦變得好窩心 我點了牛腩麵 $27
牛腩色較紅, 咬落好軟滑亦好香牛味, 其中有一件牛坑腩, 超甘香, 正!!!

K大小姐則點了牛筋麵 $37
她小小年紀可真懂吃~
牛筋跟麵分開上, 因為那些筋是跟生肉汁好似做啫喱咁結在一起後才切片, 若把牛筋片放入熱湯後, 便會變軟身, 所以冷/熱食法有兩種口感我們也點了每枱都點的 "牛肉餅" $24/2件
咬開肉汁四溢, 感覺肉汁不太膩, 皮薄餡靚, 真係要試
相片肉餅的牛肉滿滿的, 我一個食一塊後都可以KO碗牛腩麵, 哈哈

之前有個朋友send咗條link比我, 話睇到呢間嘢啲餅好正, 睇咗食評好多人好好味, 有啲話住附近好多年, 成日食, 又話好食過 "Jexxy" 嘅曲奇...

好啦, 20/3 (Sat) 去開太子花園行, 咪同BF去買嚟試囉, $62/lb or $31/0.5lb, 諗住買1lb㗎, 分啲比同事食都好, 好彩...後來諗吓試咗先就要半磅, 叫姐姐每樣要啲, 佢話半磅每樣要啲只能每樣得一塊, ok啦, 志在試吓啫

買完滿心歡喜拆開包裝嚟食, 嘩....出事啦!!!!! 好似小時候細細個在舊式差差餅店賣嗰啲一舊粉嘅曲奇, 食完個口只得粉, 牛油曲奇? 點解冇牛油味嘅, 健康曲奇??

嗰啲寫食評嘅人, 係咪槍手? 定係我唔like食粉嘅曲奇...我真係唔明其他食客的感覺

佢仲有啲立體蛋糕, 要成$170/lb, 仲諗住訂個比姨甥女生日, 而家唔洗諗啦, 對佢都冇乜信心

30/1星期日, 同朋友 book 咗尖沙咀 Hyatt 食 dinner buffet, 諗住去開尖咀, 梗係早啲去九龍公園影吓相啦, 臨去之前閒逛, 去到星光行入面, 見到貢茶喎 內心諗緊飲唔飲 (怕飲咗飽住夜晚食唔落), 朋友已話買杯飲吓止渴

我哋一向在荃灣飲開貢茶, 好自然攞返嗰張印仔咭比妹妹仔蓋印.......點知佢話只有列明嗰三間分店先至可以蓋印 .......ok, 都算, 應該係唔同荃灣嗰間嘅老細啦

呢間由落單到攞飲品, 不到1分鐘, 嘩...勁快呀

拎嚟飲飲...噢!!!出事啦, 味道好似水+少少奶+丁丁丁丁多茶...完完全全唔係一杯台式珍珠奶茶, 與荃灣店嘅味道相差好遠
重有一樣嘢, 呢間店佢話只賣一個size, 即係$12蚊嗰種...唉, 飲咗兩啖, 只覺得浪費我個胃, 唯有同友人棄之...

奶茶都做到咁...其他一定冇好嘢啦

住在深井, 當然食在深井......
但當我倆到呢間"騎尼"意大利餐廳食飯, 應該係我地最錯嘅決定......怪只怪我地去食前冇嚟Openrice check check...睇咗...一定唔會去幫襯... (我地兩人食咗三佰幾呀)

半自助餐...唉, 都唔知呢間嘢係乜嚟嘅
我食嘅翡翠螺 (4隻) 全部有沙, 好似沙伴螺一樣...雜菜...就如滾水煮熟無味,
男友食嘅薄燒牛肉, 牛肉似打邊爐用嘅肥牛一般, 佢亦做到~~牛肉真係好薄...螺...只有幾粒放在一隻很大嘅碟子上, 侍應放下時仍有碌前碌後...牛油乜乜天使面...貌似粥店嘅炒面, 毫無牛油味

寫到呢度...我都冇之前寫食評嘅人咁有心機咁寫落去......

如果我去食之前...有睇到之前嘅食評, 我唔會去...我睇返上一篇食評, 係食在6-Apr嘅, 而我就係7-Apr...一日之差..........
深井住咁多人, 又有個新嘅大型屋苑, 有咁多好似我同男友嘅情侶, 新婚年輕人&一家大細..., 一人比佢呃一次, 足以令佢有得做 唔怪得間嘢好似仲有咁多人去食啦

Ciao老闆, 如果你睇到呢篇食評, 而你有有少少想改善嘅心, 請你改變一下啦, 唔好再統一用一隻大大的碟盛載大小不用的食物啦, 你可以改用較細嘅碗/器皿載幾粒會打轉嘅螺

住咗深井咁耐, 因對泰國菜一般, 一直都冇食"泰皇菜"
昨晚食到無聊, 唔想再去茶餐廳及其他餐廳...又唔想走出深井, 咪上openrice睇睇呢間嘢嘅食評囉...成績好好, 起碼冇劣評先 (上星期就係冇睇到openrice而去咗深井嘅Ciao Ristorante Italiano試餐, 食到一吐氣)

我地兩人點了 1) 蒜蓉包 ($15); 2) 泰式炒金邊粉 ($45) & 3) 泰式燒雞半隻 ($40)

三樣嘢都好好食, 食到好飽好飽, 嘻嘻

值得一提嘅係, 個waitress好有禮貌, 埋單佢計條數比我地睇食咗幾多時因為啱啱$100, 仲打趣講"呀, 未遇過啲客咁啱要比齊頭$100, 你地好好運, 可以去買6合彩...." 她比我們還要高興, 而我地都冇留意點菜剛好點了呢個收, 佢真於工作於娛樂. 起碼我地兩人都是滿腹而又開心的離開, 唔好話我低B, 我只係一個簡人罷了~

嚟緊嘅星期六, 一定要試吓佢地嘅冬蔭公蝦湯面lunch set...嘻嘻

:琴日突然想試吓食新地方, 平日經常出沒荃灣一帶, 梗係由此開始......

在Openrice上搜尋了所有荃灣食肆, 發現了這間我一直沒留意過嘅餐廳......居然沒有見過, 唔係掛? 皆因"森美"地處不是日常人流多嘅必經路, 我沒有見過也不是罪過 但現在見到也不遲

我同男友坐底, 看看餐牌, 他第一時間揀咗一個較豐富嘅set dinner,
湯係酥皮海鮮湯, 頭盤則是焗田螺酥撻, main course 佢揀咗香煎鵝肝西冷牛柳配薯菜, 最後有件芝士凍餅 + 餐後飲品 (HKD148).
而我點了另一晚餐包括: 羅宋湯, 燒豬仔骨配意粉 + 餐後飲品 (HKD68)

男友晚餐:
(1) 酥皮海鮮湯: 酥皮好香, 焗得啱啱好, 海鮮湯內湯料夠, 但我對海鮮麻麻地, 男友嫌咸味不夠..;
(2) 焗田螺酥批: 第一口吃吓好香嘅青椒味, 跟住就係好酥嘅撻&田螺, 一個細細嘅撻, 已有5隻田螺啦, 好豐富;
(3) 香煎鵝肝西冷牛柳配薯菜: 賣相精美, 味道好好呀......鵝肝煎得好香口, 而牛柳肉汁多而肉嫩, 以一小件鵝肝加厚厚嘅牛柳, 一絕 但醬汁不太夠, 不夠點大而厚嘅薯條, 另外, 餐內有足夠的菜蔬, 食得很健康 ~;
(4) 芝士凍餅: 原本想要木槺布甸, 但冇 , 改要件cake; 件cake應該係雪得太硬, 好難用叉子插入去, 味道還可以... 有啲似食硬雪糕;
(5) 餐後飲品: 男友點了熱奶茶, 佢話連奶茶都整得好香滑, 可以媲美茶餐廳嘅奶茶 .

我的晚餐:
(1) 羅宋湯: 似俄國羅宋湯, 較稀不稠, 酸度合適(以我個人喜好);
(2) 燒豬仔骨配意粉: 好香口, 個汁酸酸甜甜好醒胃, 但又係汁不太夠, 亦都配備足夠菜蔬, 而意粉大部份給了男友吃, 因為而經吃不下了...
(3) 餐後飲品: 怕睡不着, 只點了凍檸檬水

雖然舖仔細細, 但佢嘅味道好過中環LKF有間 Tu----y by H , 價錢仲平人地一大截
會唔會再去? 我會再約朋友去嘅, 你地都試吓啦~ 話唔定我會坐喺你隔離, 嘻嘻

昨日 6月15日父親節，帶屋企人一行9人到 Langham 嘅 Monster Sushi 吃中午~
我其實近大半年都係食開"板前"，上星期給友人介紹這個"怪獸"，未等及約她吃飯， 便先來試試看囉。

因昨天我地中午1點前到達， 人不多不需等位，我們便坐在一入門口的一張張枱上，因為天花很高，沒有一般日本餐廳的壓迫感。入內餐牌其實款項不太多，便先叫一些大路 sushi 品嘗。我當然叫了三文魚及珍寶帆立貝 sushi 啦！它的 sushi 飯不是純白色帶點紅，味道幾好，帆立貝入口即溶一流, 跟"板前"相比略勝一籌，但三文魚就沒"板前"般甘香。

最值得一讚是"怪獸"的卷物及炸物，真是超新鮮 (唔知係咪早的關係)，我地叫咗各種天婦羅 蝦啦、軟殼蟹、茄子...... 最正係軟殼蟹及軟殼蟹sushi，入口感覺超完美，就連"Genki" 及 "Sushi Kuu" 都不能相比, 我一個人就已吃了各兩件軟殼蟹及其shushi啦！！！

重有一款卷物(唔記得咩名)，外面是用三文魚包著, 加上有些辣汁, 好野味~

另外因為有兩小孩同行 (8及4歲)，所以我地都叫咗好多熟食，而玉子及鰻魚玉子都在內, 味道一般啦！

希望日後怪獸能再提供多啲嘅款式就好，再多啲選擇嘛！