草苑韓國料理 (尖沙咀)

朋友生日食好D, 第一次食草苑, 食物好新鮮 , 燒烤及熟食都好味 , 不過友人唔食牛肉同蝦, 而且又有生日蛋糕, 所以都唔算叫得多嘢.
呢度D嘢幾好食, 但係人手唔夠, 想叫侍應都好難吓..

今日叫咗......每樣都唔錯. 同日本壽司唔同, 仲好有麻油味 如果有都一定會叫嘅.................粉絲 因為好多嘢都唔叫得, 咪叫個魚囉, 幾好味.燒烤....帶子幾大粒 , 下次要試埋牛肉開動喇

Double Tree (灣仔)

好耐冇去灣仔, 今日約咗舊同事食飯, 佢地話去呢間, 近舊公司, 之前返灣仔時食過(轉工前....都好耐吓), OK 咁啦, 但佢地話轉咗老細, D嘢好食咗又唔算貴, 咁就試吓啦.......

我地一行4人, 去到唔使等位, 即刻叫嘢食, 原來加$58便有兩小時甜品任食 及一個特選甜品....good !  我地叫咗......... 羊...冇試....佢地話幾好牛扒.............好味仲好大份 我選三文魚...........外脆內軟, 好正 特選甜品有幾款, 我梗係食至愛嘅心太軟 見到隔壁枱個火焰雪山好勁, 要咗一個, 對我來講甜咗D, 但效果一流...... , 仲有D酒香.

任食甜品幾好食, 但細件咗D, 不過食完成個餐都好full, 細細件食完再叫唔會浪費, 反正上得都好快.不過掛住傾計, 只係影咗個焦糖布甸, 其他冇影到,  只係記得樣樣都幾好, 特別係個焦糖布甸, 勁飽都食咗2個, cheesecake 都好好味. 而且呢度傾計聚餐幾好, 唔係好多人, 慢慢食, 慢慢傾......

翡翠拉麵小籠包 (荃灣)

以前食沙田果間, 次次都等好耐, 而家多數食荃灣呢間, 基本上星期一至四都唔使點等位, 等都好快, 超正! 

今日兩個人, 叫得唔多, 不過樣樣都好好味.必叫, 佢有個七彩小籠包, 有唔同味道, 不過唔知好唔好食, 仲有8隻, 下次多人至叫.至愛, 熱辣辣很脆, 仲有好多菇菇.本身唔like窩貼, 第一次叫呢果食(因為友人堅持要叫), 嘩!好好味, 外皮好脆咬落去D肉汁噴出來, 要食得好小心.好食就好食不過又辣又麻, 麻就少少啦, 好鬼辣. 唔知係咪食咗口水雞, 担担麵已經叫少辣都..........
不過唔知係咪心理作用, 呢間D麵好似彈牙D, 沙田果間D麵粗幼不一.