因為公司係附近, 所以時不時會去食早餐
估唔到2013年最後一個早餐發竟然會發生D咁既事情
當日大約早上8:45去到呢間茶餐廳, 坐左最近水吧果張檯
一坐低已經想叫人寫單, 但全部伙計都當睇我唔到, 就算迎面行過都無理到我
我心諗.........唔通我死左自己唔知, 所以無人見到我
等左一段時間, 舉高手一段時間........終於有個伙計理我
佢同我講"呢張檯有人, 你坐第二張"
聽完就知咩事, 原因張檯留俾熟客, 唔怪得我坐底咁耐都無人理
我一轉坐第二張檯, 即刻有人幫我落單

大佬............要留張檯俾熟客可以一早出聲, 唔駛唔理我, 又唔寫單呀!
唔駛咁串呀! 又唔係黎乞唔駛咁呀!
呢D九流伙計, 九流服務, 我決定唔再去呢間野........

牛肉通粉, 油淋淋
煎蛋, 蛋黃成日爛
出前一丁, 煮得過淋
餐包, 似隔夜
連出名既奶茶,都名大於實
唯一長處, 會自動自覺俾杯水