富臨漁港 (九龍灣)

前2年,奶奶生日都試過訂房為佢慶祝生日,所以今年父親大人生日都再次訂房大宴親朋慶祝一下,但係只知道各親友吃不飽同對食品評到一文不值而離開.

由於今次訂房的關係, 每席要$3788, 才有訂房的安排.....錢都不是一個很大的問題, 最緊要大家吃得飽同高興, 可惜:
1. 第一碟的上湯龍蝦麵: 太鹹, 麵:太油,淋既...唔知自己食乜 (所以第一碟已開始投訴)
2.炸物, 太細件, 無乜味,
3.魚:個豉油好鹹,無乜人食
4.炒瓜....太細碟,唔夠分
5.紅豆沙湯圓:不知所謂,有生以來最難食的湯圓, 紅豆沙差到無野講
6.壽包(加$88一打): 同樣不知所謂, 包大, 但硬, 埋單時, 仲收我$120一打, 仲要同佢進行罵戰先比番$88一打價錢我(,因我訂位時已問左3次話加壽包加幾多錢, 佢地答我$88)

侍應由始至終都無笑過, 我個royal garden蛋糕仲要比佢地攪到側埋一邊, 我肯定佢地打開睇過, 因我問佢地我個蛋糕是否己放入雪櫃, 佢話黃色個個ma, 已放了, 唔開又點知我個蛋糕黃色, 仲有因為我個係mousse cake, 侍應一拿出來, 我就開, 點知有d mousse已溶 , 攪到原本好靚個蛋糕變得唔靚,真的很不高興, 切完蛋糕, 個侍應仲傻傻下, 唔主動幫我分蛋糕, 最後, 我自已分........完全no service

只值得一讚是間房夠大, 同音響設備ok.......

但勸告大家, 生日訂房吃飯, 如無地方搵到, 寧願你去大排檔,都千其唔好去這間富臨, 以後我唔會再去任何一間富臨食飯, 多謝, 富臨集團可能就因為這一間而摺埋.......

KABOOM (尖沙咀)

首先 我OpenRice book左table 寫明慶祝生日，佢打比我confirm時話無outdoor 得indoor，我話無問題，盡量安排比我就可以。
當天下午四點因天氣問題唔開outdoor ,佢打比我兩次，我聽唔到，佢地send過Sms來 話cancel我table,我心諗佢仲講我係book左indoor 無拿拿又會話我book outdoor, 仲要cancel,我不停打電話去餐廳，十次都無人廳 ，留言又留唔到，我覆佢Sms問佢是否confirm cancel, 無人覆。

去到餐廳 話我cancel 左我booking,我話你未得我同意，仲要我伙寫明慶祝生日，我又唔係訂outdoor ,仲乜cancel我table,跟住佢話可以比table我至7:30(當時6:20），我話我接受唔到，之後又話8:30都ok.
好啦 我坐底 ，坐位迫既程度係同茶餐廳一樣，好啦order野 ，漏單不斷，食物質素是ok既。
7:30話我可以last order ,我地話唔駛，之後就不停埋黎收野 （明明未食完），無拿拿放張bill係table,我無埋單，但waiter不停叫我埋單，話有好多人等。
我以為自已去左茶餐廳，服務質素無，reception衰過一般餐廳，除左講英文外，真係無咩分別。
於是我上去rooftop 看看乜環境，同相好大出入，行上去條樓梯完全同商業大廈無分別，上到去唔覺有咩特別，又唔係特別靚，佢既價錢唔算太貴，食物質素ok。但服務態度同環境唔值。
相信佢係近排佢好熱門既餐廳，但相信好多人會去試下，但我肯定我唔會再去。

Bar Buonasera (尖沙咀)

第一環境：唔覺有乜可取地方 ，一入到去只覺得好細 好迫。
第二質素：食評寫到d飲野好特別，但唔太覺 。叫左幾杯cocktail 唔覺有任何酒精成份
第三價錢：同酒店既bar 一樣價錢 但環境唔值呢個價（仲要nuts加水，每人收多你$30，有點過份，下欄都成百元三條友去）
第四waiter: serve過我既兩個waiter都好有禮貌，但我以為自己是去左一間著左叫做西裝既茶餐廳。

去一次夠曬 去多一次都太多。

加上隔離講國語，再扣左分。

越北牛肉粉專門店 (粉嶺)

一個下午茶，over 50蚊唔係問題，但佢只比到30-40蚊質素我，我加左個18春卷，是我人生最難食既春卷。

但服務態度是好好，值得讚。

個粉份量就係下午茶既份量，但我覺得價錢唔係。

Hue Dining (尖沙咀)

本來看食評 以為是高質素的餐廳 可惜服務不像預期般 感覺到完全是沒有心的服務 表面看似高級餐廳 但一般的侍應衣著如茶餐廳侍應無異 （除了佢識英文外）

但食物水平是好的 口感及食物味道屬一般酒店水準 不可以說是很高水平

環境方面可看到的風景時很好 但影相打卡方面未有好好的地方 因是次本人選了每位加200元的後座位置（包一個cocktails 及小甜品）但本人感不值 建議如很想到餐廳一試的朋友不要選後座位置

麵包方面質素屬非常一般 仲要得兩片麵包 如要加麵包好像加40元 基本上應該沒有人會再加麵包罷 （當然我沒有加 ）

Cocktail 方面只係一般質素 不覺有什麼值得打卡的點

全間餐廳只有數圍入座 其他圍埋單時 都可以計錯數 其實餐廳一般都只有2 course 及3 course選擇 不明點解咁小野都可以計錯數

說真的 不會再多一次光臨 因為呢個價錢應該還有很多更有質素的選擇 （訂了位不到仲要收1000，仲要預先用credit pay 訂位費用）由於不是我訂 如我早知有此安排 一定會選擇其他餐廳

餐廳要求高質素客人 但服務完全不到位 你會感覺自己不像是客人 餐廳才是你的老闆的感覺