因為lunch time時間，harbour city好多地方都full 哂，見到呢間有位，就立即入去試一試，冇唸過會有驚喜！☺️ 可能係新開，所以人唔多，又唔嘈！望住個海，坐得好舒服！我地3個人，都叫咗lunch set！完全冇唸過頭盆同甜品都咁大份😋！個Crème brûlée超滑，超好味😋👍 而且店員同經理service很好！可以再Encore👍！唯一係上菜慢咗d，希望佢第時人多嘅時候唔會重耐🤪

上星期六，我生日，d friends 幫我安排生日飯局，一行十幾人去左佐敦淘園打邊爐，唸住打邊爐可以hea耐d, 吹下水。

無唸過lee間火煱鋪D o野食咁有水準！好有驚喜！ 所以一定要上來表揚一下！

因為係生日飯局所以食豪少少，點左好多剌身！完全無唸過火煱鋪嘅剌身會咁正，龍虾剌身鮮甜；活章紅魚刺身超好味，個魚咀重郁呀！象拔蚌刺身勁正！重有剌身拼盆，拍得住曰本餐廳！泰式生蝦，配個綠色辣汁，好味到不得了！我d friends重講笑, 我哋黎打邊爐定食刺身呀！

食完刺身，我地叫左2款湯底，一款花膠魚翅雞湯底，成碟花膠魚翅比你自己落入湯底到，先飲吓個湯食左d花膠魚翅，再加湯打邊爐，咁勁嘅材料，都係$198，超值！ 另一款係冬陰公湯底，原本唸住會好辣，但原來一d都唔辣，濃濃嘅椰香，因味道好濃，所以淥完d o野食都唔洗點豉油已好夠味，而又唔會蓋過左食物原先嘅味道！一定要提一提，我地食完剌身d魚頭尾, 蝦頭，攞左去椒鹽，真係好味過大酒家，我地食唔哂，我打包返屋企整返熱黎食都重好好味！

我自己係一名牛痴，超鐘意食牛肉，我地order左3碟手切牛勁脊, 入口即溶，勁濃烈牛香o係個口入面， 雖然成$198一碟，但都真係物有所值！我d friends話o係出面食, 起碼二百五至三百蚊一碟！重有, 我地有叫牛胸尖，我係第一次食，好香牛油味，口感好特別!!! lee道重有新鮮肥鵝腸，出面己好少地方有鮮肥呀啦！我當然即刻點啦，不負所望，勁肥美！！！另外，重叫左聖子皇，勁大隻又新鮮，但食左2隻真係會好飽！值得叫完再叫嘅即炸腐皮，佢重配埋好似錦路雲吞嘅酸汁，大家都只係就咁點酸汁食，都未有機會放入湯度食，就已經食哂啦！

我地重有點好多其他o野食，如：粉腸，手打蝦丸，雲吞，牛脷……. 樣樣都好有水準。我唸我地會好快會再去食過！

唯一我覺得的缺點就係太嘈啦，可能人客太多，服務員做到無停手咁濟，都好似做唔切咁！我覺得佢地要請多幾個服務員囉！