5:30pm到達...毋須等位!

三個人柯打了兩碗粉，沙律及粉券，加一份咖喱牛腩.......

安南藕苗蝦沙律....第一次食蓮藕苗(好開胃!)
清浣蒸粉卷....(一般)
河內蕃茄蟹檬....好有鮮味 (有驚喜!)
河內生牛+爽腩粉....湯好有牛味 (無味精!)
西貢咖喱牛腩....有空間改進(甜咗D!)

Service 好，價錢公道，不妨一試!

經好友推介，早前去了大埔的【鹿鳴居】聯誼飯敘，
試了這潮州小館的海鮮小炒，非常好味夾抵食，
但沒有一嚐他們的招牌潮州鹵水，
上個禮拜見入開新界，便和太太再次到訪這飯店，
一於食餐「打冷」晚飯。這飯店位於大埔太和路太和中心地下，
但正門不是在太和路，是在太和中心後面的翠和里。
舖前有個黃色大招牌
【汕頭鹵水鵝皇 鹿鳴居 餐廳潮粵小廚】門口擺放數個載滿海鮮的發泡膠盒。翠和里及翠樂街都有咪錶位，附近還有威信停車場，
對我們自駕一族，非常方便！

言歸正傳，講番這裡的美食，
相約太太在六時半到達，早少少貪唔駛等位，
食飽又要揸長途車回家。海鮮已在上回試了，
今次就專攻潮州打冷及鹵水......先來碟『潮州三寶』醒醒胃，
咸酸菜超好味，咸酸度適中，
炸花生好香脆，
微辣的菜甫送潮州粥就是最皆配搭，
一大碟都是$25。跟著是一大碗『韮菜豬紅』，
少少麻辣，做得不錯，
但韮紅都有很多油。老板娘介紹了『鹵水鴛鴦腸』，
即鹵水豬大腸及鵝腸雙拼，
吃得出鵝腸是新鮮的，不是那些發水大大條但無味果種，
豬大腸都不太肥，鹵水味香濃，
相信煲鹵水膽都應該有番咁上下歴史!今晚當然唔少得招牌『汕頭鹵水鵝皇』，
太太話要試真D，棄啖啖肉的鵝片，
我們只叫了一份例牌鹵水鵝，
連骨的鵝件，肉質非常嫩滑，仲好有咬口添，
送啤酒一流，
叫得鵝皇，又真係有番D功夫
..........抵讚！再來多碟『蒜蓉炒菜心』，
綠油油的菜遠，真正郊外油菜呢！簡簡單單，經經濟濟食餐潮州打冷，比山珍海錯更來得美味。但隨好味的鹵味及打冷，
都免費附上超高膽固醇，
間唔中做個百厭星，胃食一吓，
但適可而止.，做多兩百次Sit-Up，相信問題不大呱!
（替自己講好話）
密食就真係有損健康呢！

註：老板娘真識貨，用上我事頭隻『御品皇 南菲鮑汁螺片』，即時要加多兩分！不過有麝自然香，
正唔正，都係等各位諸君試過才說吧!

最後要多謝好友「狄波拉」及「賓尼」的好味推介
.......超讚！

食好味豬扒包，未必要去澳門，
記起食神韜哥曾經介紹一間位於元朗賣超好味豬扒的【永順食店】，
通常韜哥的推介都係大件夾抵食，
週末去開元朗出差，
便去這小店試試！該食店不難找，正正位於元朗安寧路大榮華酒樓傍的橫洲路，
店前仲可以偷雞泊車。走本地茶餐廳格局的【永順食店】十分地度，沒有豪裝，
鋪仔細細，門口都擺放數張摺檯，
據聞這小店已有廿多年歷史，大部份都是街坊熟客。『熱鴛鴦』每杯十元，非常香濃，
我試了用煉奶的『鴛鴦走』，入口更香滑，茶啡比例洽到好處!『雪菜肉絲麵』有大酒樓水準，不是一般貨式！
祗賣十四蚊一碗!
最特別的是這小店的即食麵 ，用由日本製造的『蟹皇麵』，
爽滑彈牙的麵條，比丁仔更好食呢！『豬手麵』的豬手炆得好淋，柱候醬不太濃，
唔怕肥少少就不妨一試吧！
同樣賣十四蚊!當然要試試這裡的主角『炸豬扒』，
淨食每款都衹賣十二蚊，
炸豬扒每碟有兩大件，
金黃色的外層炸得香脆鬆化，豬扒肉厚多汁。『炸雞翼』同樣炸得出色，全是中翼，
每碟有四隻，賣十二蚊！實在抵受不注美味豬扒的誘惑，
最後都要試埋『豬扒蛋三文冶』，大大份每客才十二蚊，
要烘底加多一蚊，
沒有可怕的沙律醬，
簡簡單單衹有豬扒同煎蛋，
有幾好食，不如睇睇相吧.........花數十個大洋就嚐到如此美味，去開元朗，不妨一試！

大坑除了有著名的中秋舞火龍外，還有很多美食小店，
但交通不算方便，又很難找泊車位，所以我們都未曾有衝動到此一遊。

直至上星期日睇了美女廚房『和味蘇 - 懷舊冰室巡禮』
介紹有一間位於大坑浣沙街，
由全統茶餐廳，成功加入了新元素，轉型去賣小炒，
創出佳績，客似雲來！

和味蘇 - 懷舊冰室巡禮 - 第9集
http://mytv.tvb.com/foodandtravel/kitchendivalouisa/114730

今晚和太太就決定踩入大坑，
一嚐這著名小店『民聲冰室』的美味！

約五時半到達大坑浣沙街，等了十多分鐘咪錶位，
泊好部隱形戰車便行到對街的民聲冰室。
見食店內空空的，原來晚市要在六點三才開始，
尚有半小時多才營業，店員建議我們可先四周逛逛才回來，但見此小店真的很小，店內祗有十多個位子，店外放滿了摺檯摺櫈，
而且看見有其他散客都陸續出現在店前查看，
我們便決定不走開，先排隊等位。

果然不出所料，未到六時，已有長長的人龍!店員見等候的容人太多，廚房又已準備妥當，
便提早在六時開市。

好在我們排在第三位，可以在頭輪入坐，
店內店外隨即坐無虛。
排在龍尾的客人便要繼續食住西北風等第二輪了.......經店員推介，我們叫了四款小菜，
分別有鎮店之寶『咸蛋蒸肉餅』、
另加兩款招牌菜『泰式排骨』、『口水雞』及『豉椒炒蜆』『咸蛋蒸肉餅』
其實是座小肉山、山頂上加個咸蛋黃，
味度很好，肉餅肥瘦比例均勻，
上檯前淋上經調了味的豉油，加上蔥花，
來一碟賣相吸引的小小肉山，能送上數碗白飯呢！『泰式排骨』
用的是一字腩排，
大大件但肉太肥了，除了條骨便是肥肉，
炸好的一字肥肉排像"層層疊"般架得高高，
淋上"泰式史拉差酸辣雞醬"上檯，
賣相都尚算討好。
如果能揀選較瘦的肉排，入口不太肥膩，
相信不難取得滿分吧！『口水雞』
很嫩滑的雞肉，加上爽滑粉皮、糖心皮蛋、薑蓉及蒜蓉，
淋上特製的微辣口水醬油汁，味度確不差。
唯一美中不足是坐在寒風下的室外，
吃冷食的口水雞，感覺始終不太討好，
除非您喜歡流著"凍凍"口水食口水雞喇!『豉椒炒蜆』
蜆是大大隻的花甲，肥美肉厚，吃得出是新鮮的貨式。
加入少許辣椒、蕃茄及菠蘿粒去炒，鑊氣十足，
味度微酸少辣，是水準之作！『白飯兩碗』
祗賣六蚊一碗的白飯不能有甚麼期望，
相信米是較便宜的越南貨式，
如能收貴一些但用上泰國香米，這一餐便能接近完美!

全店不收加一服務費，
今晚四餸連白飯兩碗，埋單盛惠＄245.-最後要一提的是這"冰室"不供應免費茶水，
但客人可額外柯打奶茶等港式茶餐廳飲品，
或付十元一枝的鑽石能量水.........

至於你是否會去排隊近一小時，為了一嚐這度咸蛋肉餅皆餚美味，
攀一攀這座吸引的『小肉山』呢.........???

食飽飽就與太太拖吓手仔，散散步幫助消化......

看看大坑的聞名小店，四週快拍數張便離開。又是一個滿足的晚上......

早已聽聞這飯店做的菜式都是全统粵菜美味。但老字號經常都人山人海....

今個週末剛巧要到九龍東做 Market Visit，便順道到新蒲崗碰碰運氣，看看能否有緣找個位子，一嚐著名的懷舊小菜......

為免人多，未到五時半便已抵達新蒲崗，先將車泊好便到『得龍飯店』。
可能時間尚早，毋需等位....

店內陳設老舊，牆上貼著"米芝蓮"海報，被評為價錢合理而美味餐廳......

菜牌只是A4紙一張，詳列了各款鎮店名菜，還有☆數目代表受歡迎指數呢......

兩枝公點了三度菜；餐前小食 ($14) 是冰鎮鹵水鵝掌及千層耳，味度確實不差，少許的麻油香沒有蓋過鹵水的鮮味，少少的幾件便能食出師傅是絕不馬虎....

第一度菜是「2007食神爭霸戰冠軍名菜」砵酒焗桶蠔 ($178)，熱騰騰上枱，味度尚有接受，但賣相一般！而價錢遍高，雙比同樣做得出色的「西苑」的 薑葱焗美國石蠔煲 $138 及 「大榮華」的 橄油焗金蠔 $88，「得龍」賣的確非物超所值呢.....

跟著是 山揸咕嚕肉 ($88)，脆漿做得非常好，入口脆脆的，酸甜度恰到好處......

最後是另一鎮店撚手名菜 「2005食神爭霸戰冠軍名菜」失傳古法太爺雞 ($128半隻)，濃列的煙燻味加上雞的肉香，果然一試難忘。如能在賣相做好些就十全十美....

飯後並送上 紅豆沙 及 杞子紅棗桂花凍糕，都是水準之作......

全店不收加一，這晚兩人消費共 $440，整體食物質數都好有水準，但環境衛生及樓面服務尚有改善空間，加上部份菜式都略為 Mark-up 過高 (可能名氣大吧!)，如要一試都無妨........

由「百樂門飲食集團」經營的 MegaBox『肇順名匯河鮮專門店』曾出現於蔡瀾套 "嘆名菜" 電視特輯, 仲被蔡生盛讚他們D河鮮好特別, 可比美甚麼東星斑等貴價海鮮...
近排經常為「小家居※大裝修」個項目四出搜羅家私及裝修意念, 上個週末一早去左MegaBox, 唸注去 B&Q 逛逛; 泊好車就先找吃喇! 醒起蔡生話有間甚麼河鮮專門店, 便走去睇睇有冇早茶飲......
何至有茶飲, 原來逢週末都有半價點心益食家...
兩枝公試左...
布拉义燒腸粉, 粉皮好滑, 义燒都合格.!
山竹牛肉球, 有成三粒, 有咬口, 食到有用馬蹄同陳皮!
四寶雞扎 就好有空間去改善! 未上?有件已散左! 唔駛講味度, 個賣相都衰左!
魚湯水餃 同樣失敗! 湯唔夠魚味(可能我地早, D湯未煲好!) 水餃散左, D皮仲淋晒!
魚骨腩粥 要追左幾次至上?, 老婆大人話D骨腩唔夠新鮮同無爆過就落粥, 連薑絲都無落!
最後連 生灼菜遠 都衰埋, 都未淥熟! 唐生菜就好! 但D碟係菜心呢!
好彩個蕃薯糖水 D蕃薯囉番唔少分!
事實上, 又食又飲仲BLOG埋都係$107蚊, 都算係咁喇!
下次一定要去食晚飯, 試下佢地D招牌菜...河鮮! 後會有期!
Blog: http://hk.myblog.yahoo.com/ykfat/article?mid=2775

今年十一國慶假期, 好友小姚建議再去石澳「几回味」食燒乳豬仔午餐......

入到石澳, 成個停車場都泊滿車, 好彩餐館門口伸有數個"臨時"位!

九個人叫左著名好食燒乳豬半隻、燒鵝半隻、 紅燒北菇豆腐、砵酒焗美國石蠔煲、椒鹽鮮魷、咸魚炒芥蘭、馬拉盞炒通菜、脆炸沙拉骨同几回味招牌炒麵......

除了鮮魷過咸外, 其他?菜都中規中矩, 貴唔貴就唔知?! 有人請客...多謝小姚!

同場加映, 遲來的嘉頓限量版珍寶裝『十二黃白蓮蓉月』做甜味! 咁大個又幾好味番!

農曆八月十四日 2008年9月13日星期六 晴

今年中秋忙著搬屋, 心唸食餐勁海鮮當做節補返數獎勵下自己同太太! 正當考慮緊去西貢定鯉魚門食之際, 話都無咁0岩！突然收到好友小姚來電，問我地有冇興趣去布袋澳食海鮮迎月? 當然第一時間舉腳讚成喇!

去布袋澳除左可以係將軍澳1寶琳地鐵站坐綠VAN外, 其次就要自駕或打的。我地一行五人當然揸番自己部砵砵車。原來衣家去布袋澳食海鮮泊車係有特別安排, 人客祗需沿進入布袋澳的小路泊在路傍, 一架跟一架, 泊好車後便可乘搭海鮮食店安排的穿梭貨VAN落番村口, 非常方便。如果你是幫襯食海鮮(任何一間), 穿梭貨VAN服務費仲全免添! 記住食完海鮮埋單時打個印係張乘VAN証度就免費!

講番食海鮮, 全布袋澳漁村只得兩間海鮮飯店, 一間叫『發記』, 另一間叫『海鮮島』, 我地揀左後者, 幾乎全部枱都係室外, 部份仲係露天添 。 我地揀左張係碼頭盡頭同露天0既枱, 可以係八月十四個月光下歎美味海鮮...

先去大門口個海鮮檔揀生猛魚蝦蟹, 今餐食D乜?

白灼海蝦
椒鹽瀨尿蝦
清蒸原隻鮮鮑魚
鮮活墨魚剌身弍食
清蒸臘腸斑
豉椒炒蜆
沙薑雞腳
腐乳椒絲唐生菜
蒜茸油麥菜
楊州炒飯

海鮮味度都可接受,
價錢同西貢墟都相差無幾,
至於服務就有大量空間去改善!
而招牌菜甚麼墨魚刺身就可以放棄吧!

食飽海鮮仲有生果奉送, 遇0岩中秋及洪聖寶誕, 村內更搭起戲棚, 有免費神宮大戲睇添! 真係多謝晒小姚0既好介紹呢個「海鮮迎月飯局....蝦好鮑圓慶中秋」!

BLOG: http://hk.myblog.yahoo.com/ykfat/article?new=1&mid=2547

今天是農曆「夏至」, 天氣非常炎熱, 連天文台一早就發出本年度首個 天氣酷熱警告…

最長的白畫......
夏至，指夏天來臨。這一天，太陽直射北半球北緯23度半（北回歸綫），使北半球受光最多，所以這是一年裏白天最長、晚上最短的一天。至於一年中黑夜最長、白畫最短的一天則是冬至，而立春、立秋的晝夜時間則是相同。不過，夏至不是最炎熱，因為等到稍後的大暑，才是北半球最熱的時候。
根據傳統，農作物在夏至時生長旺盛。同時春天下梅雨的情況已經結束，颱風季節即將來臨，沿海地區的農民必須做好防風工作，減少颱風來襲時農作物的損失。

有HEART的泰菜館......
可能熱便想起熱帶地方, 一家人中午便走去食下泰國菜應下節! 我們揀左紅磡黃埔的「金不換」。
第一次幫襯金不換已是十多年前的事, 當時她衹不過是在九龍城啟德道上其中一間細小的泰國館子, 但做的菜已十分有HEART, 絕不馬虎, 當時在九龍城除了黃珍珍, 金不換亦是十分著名的泰國菜館...

今天我們叫了炸蝦餅、燒豬頸肉、泰式酸辣鳳爪及蝦膏炒飯。都是超水準, 而且份量十足, 但價錢又算物有所值...不妨一試!

週末去開德福間Jason巡舖, 便順便試試德福商場間『翠園』, 星期六下午週圍都係人, 好彩等了一陣就有位。
美心集團既出品都有一定的水準, 點心款式都幾多, 坐得都幾舒服, 加埋張恒生enJoy卡又有特別折扣優惠, 價錢都幾合理。
本來都唸無乜好寫, 但試過佢地D甜品後, 真係忍唔住要同大家分享?!
太太叫了『燕窩麥皮杏汁布甸』, 既健康又養顏, 又不太甜, 個賣相仲好討好, 加上小小的心型士多啤梨蛋糕, 看得出廚師是用心去做的...
而我就試左『胡麻凍豆腐』, 白滑的自家製甜豆腐加一數片粟米片再伴以芝?醬, 一黑一白, 顏色配搭已經非常吸引, 個豆腐好似識"跳舞"....滑到震呢!

Video: http://hk.myblog.yahoo.com/ykfat/article?mid=1299