一早約好家人來飯聚慶生，問了店家，可以點party food menu，只要提前通知店家預備食材就可以。可是當天正值八號風球高掛，幸好天文台有預告幾點改發三號，而店家也人性化處理，回覆轉三號就會開舖做晚巿。 機會留比有準備的人，我們一行七大兩小，預先選好餐單，到店就通知店家可上菜。 首先來了蜜糖雞翼及南乳雞翼。前者個蜜糖係有拉絲感覺後者賣相黑七七，咬落去雞翼入味，唔錯唔錯。 然後是椒鹽豬扒（炒飯底），哇。。。好有鑊氣的一兜，有啲啲咁多辣，好惹味。 跟住係魚湯浸時蔬（menu係浸菜苗，由於掛了一整個白天八號風球，有咩菜都照食啦）好食，同行者有人當菜湯咁飲。 然後卡邦尼意粉，比較失色，味道係夠既，可能同枱參與者都開始飽了，手腳放慢好多好多。 慶生，少不了蛋糕，可是打風關係，買唔到。最後腦筋急轉彎，點了個一口多士山，插著自備的生日旗，yeah…..搞掂。 就係咁，食左餐正正式式風雨不改的晚餐。 一定一定會擇日再光顧。

第一次幫襯此小店，今日有番茄輕醬油濃湯拉麵，一於試試。由於時間尚早（6:40）及是平日，唔使等位就入座。座位舒服唔迫狹。 水是自助形式，水壼放門口，自己斟。 落單至拉麵上枱時間為15分鐘，另加的$2/2雞翼竟然比拉麵更遲上枱。 拉麵上枱，賣相一流，先試湯底，wow….番茄味好濃，冇比醬油味覆蓋，但又食到輕微的咸味。成兜野個配搭係好好好夾。我點了蕎麥拉麵，原來係幼身既，每啖麵都索滿湯，好正。 隨之而來係雞翼，微微辣的，中規中矩，無乜特別。 個麵絕對有下次。

本人一向喜歡試新小店，今次就㨂了小木屋作為老公生日晚餐地點。 起初諗住新店，唔使訂枱，但都係唔放心，訂枱穏陣。當晚是週五晚上七點，竟然也滿座。 點了三個main，全部轉set。 先來沙律，有少少失望，是罐頭水菓的沙律 當晚由於太肚餓 點了唐揚雞塊（$58）小食，正常水準，應該係來貨 五重芝士pizza（$68），也應該是來貨 主菜了 點了香煎加拿大AAA牛排配薯條（$128），好好食，肉質嫩滑 焦糖蘋果豬扒配意粉（$98），醮豬扒的沖甜甜的，幾特別，幾夾 煙三文魚忌廉意大利粉（$98），正常水準 整體水準極高，雖然有服務，但沒有加一，讚👍🏻 一定全來再😊😊

臨近新年，見有日式盆菜，膽粗粗一試 食材有別於傳統比較廉價的食材 此盆食材有炸蠔，帶子，鰻魚，大蝦，豬軟骨，甜腐皮，鮑魚，蘿蔔，同一堆菇。另外有跟拉麵及雞白湯 點了個4-6人盆（原價$1388，自取$1338） 一打開，勁驚喜，本身對傳統盆菜唔太雀躍的本人（太肥膩），眼見日式盆菜幾新穎，食材又幾吸引，就食餐好既。 味道方便跟食日食一樣，甜味多於咸味，充滿味醂的味道 大蝦唔梅，有彈性 豬軟骨入味 鮑魚淋滑，牙不好的都食到 唯獨炸蠔經過焗左一輪已唔脆，不完美但可接受 4-6人盆份量足夠七位成人食 雖然已經唔再餓（呻飢莫呻飽），食到尾見濃濃的汁，仲要唔係傳統盆菜有層厚厚油既狀況，忍唔住淥拉麵黎個happy ending， 食左一個又一個。用兩個拉麵作總結先肯停口 結論係性價比超高，個雞白湯仲有淨黎他日淥拉麵食 抗疫。停晚巿，咪用其他方法支持支持

經朋友推介下先識黎肉浦團，原來係新開業我最鐘意就係試新嘢。今次係食$298級數。新開業有88折。 暫時未有酒牌，所以未有酒賣。 湯底揀了麻辣同蕃茄薯仔雙併，啱哂同行辣與唔辣的朋友 開動喇，牛肉方面，點了好多轉澳洲M5和牛肩胛，多到都唔知食左幾多碟。 野飲方面，有桂花烏龍茶，無糖洛神花茶，當然唔少得大路野，但我冇影到野飲相 平時唔係丸友的我，一見自助吧有咁多種平時罕見又新穎的丸，都忍唔住樣樣都試。個人推介芋頭貢丸同牛肉芝心丸，唔係坊間放題的下價貨色。 平時就算在家打邊邊或出去食，滾下牛肉後例必勁多血泡浮面，今晚打邊邊又無咁情況，唔知點解既呢。 食到尾，仲有甜品，今晚真係超級滿足。 環境方面，枱櫈地面同碗筷，全部都好乾淨，冇笠痴痴感覺。 絕對有下次

屯門區泰菜其實選擇都頗多, 食象泰一來年幾前黎過數次, 覺得可以有下次, 所以先促成今日既飯局.

首先, 咁啱喺OPENRICE見到做團購, GOOD, 就一於買定幾張傍身.
買之前先打去象泰CONFIRM"可以用", 同"無限一枱用幾多張", 接線的強調"你買幾多都可以用".
OK, FINE, 滿心歡喜就買幾張.  而OPENRICE買團購, 無論幾多張都好, 不是獨立QR CODE, 只是得一個CODE的!!!

由於時間尚早, 唔使等位, 直接入座, 上菜都好快.
唯獨是每味的味道....都好平均, 其中一個鐵板蠔仔蛋, 堪稱全晚之最, "油浸炸蛋...."
串燒豬雞雙併, 乾乾的, 炸過龍.
黃咖喱軟殼蟹麵包, 個包硬到唔敢比BB食...

最好食係生蝦, 炸蝦餅, 保持到年幾前食過既水準
到最後埋單, 戲肉來了....
負責團購的一位男店員, 錄音機上身咁講左幾次"麻煩你睇清楚條款先", REPEAT左3次. 也許是太重要吧, 所以要講三次 原來佢想講既係"一枱只可以用一張COUPON". SORRY, 恕我讀得書少, 我睇完條款, 最可疑都只係最後一句"如有最後爭議商店保留最終決定權".
由於佢最終都"妥協", 所以冇再同佢ARGUE落去.

事後諗番, 一枱只可以用一張COUPON, 咁請問無論買幾多張COUPON都只係得一個QR CODE, 一係用哂, 一係全部唔用, 係咩玩法.

由於全餐要湊住小朋友, 太混亂, 無影過相.

 
雖然未到秋風起, 但突然想食煲仔飯, 於是又上"開飯喇"做功課揾食. 最後揾到此店.
去到時已是夜晚9點幾, 店舖位於一條除此店外都已全部關門的街上.
但都好容易就找到.

入到去, 冷氣都好足夠. 座位不算多, 只有3, 4張枱. 人多就要將就一下, 坐得親密一點了.

見到MENU, 其實唔太明, 但眼見都係$4X蚊, $5X蚊, 就唔理了, 想食乜就自由配搭.
落單後見到廚房的婆婆及EE開始煲飯.
完全係家庭式經營. 如此小本經營的店, 在現今舖租高企情況下, 真的買少見少了.說回正題, 每個煲仔飯都跟一個菜或汽水. 又OK喎, 好似幾健康添, 哈哈.

等了又等, 我地點的2個飯終於上枱了. 等了差不多20分鐘呢.
但要食就要等, 是常識吧, 所以我哋都好耐心地等.

打開蓋, 好氣撲鼻.

1.  豬肉餅+排骨+牛肉煲仔飯
一打開, 見到勁多蔥, 薑, 辣椒. 一句講哂....重口味.
而餸的味道, 坦白講, 唔知邊樣打邊樣. 但撈勻食, 又幾好食.
食到底的飯焦奇多, 應該是煲過了火引致2.  豬肉餅+牛肉+雞煲仔飯
同以情況一樣, 食到落唔知邊樣打邊樣. 但味道都OK既.3   等煲仔飯上枱期間, 點了串燒.
最失望就係串燒. 豬牛雞都燒得太乾了, 就像燒了好耐, 放了好耐一樣.
而用黎醮串燒的汁. 也不是人人能接受, 有點辣, 還有較重的咸魚味. 這個串燒汁係我未曾遇過的.總括來說, 到天氣涼一點, 也會再來幫襯. 不過就只食煲仔飯就夠了
此店特別之處, 煲仔飯也可以外帶, 連煲帶走就要比按金. 唔攞煲走就可以轉膠兜. 做法也是一樣的即做, 製作需時, 要有耐性才好叫.

第一次黎食午市牛牛放題(午市係11:30-17:00, 一至日都係一樣收費, 入座計90分鐘).
最平係$118 + 10%
我同先生就揀了高一級. $148+10%

是日週日, 中午12:30到, 等五張枱, 等了10分鐘就入座了.

我地點了壽喜燒湯底, 亦即是日本甜醬油湯. 好味道.
烚所有東西, 都不用再加豉油調味, 都已經夠味了.
每位還附送日本生雞蛋一隻.
唯一較奇怪的是....烚粟米. 甜醬油跟粟米不是朋友, 味道怪怪的, 嘻嘻.我地喪點了好多好多轉牛肉, 都已經唔記得幾多轉了, 但每碗的水準都保持到. 正呀.除了牛之外, 還有豚肉片, 估佢唔到, 又幾好食. 所以豚肉片都點了不少碟.其餘配料, 都不過不失. 唯獨是餃子味道比較差. 試過就算了.另外還有軟雪糕任食. 小朋友一定十分喜歡.

侍應跟單足, 落牛肉及豚肉上枱好快. 最窩心係有個"哩哩"專係用黎片肥牛的泡泡, 亦即是血水. 出面打邊爐都未見過有此架生提供, 值得一讚.

2點要交枱, 門口己經有3, 40人等枱了. 好彩早到.

放工發口痕想食雲吞, 就黎左劉森記試食.
奶奶住附近, 成日推介話好好食, 就連外國來港的親戚也大力推介, 每次返港都一定黎食.
所以我就黎試一試.

點了淨雲吞($27), 比想像中便宜. 有8粒.
但味道就....唔係我杯茶, 好好好重的味精, 吃完勁口渴的感覺.食過就算了. 唔使再心思思想黎食.

午飯時段, 只等了10分鐘就入座.
店內的坐位格局, 完全無機會比人客食飽HEA喺度吹水唔交枱. 值得欣賞.
難怪客如輪轉

入座時侍應提供了一張過了膠的MENU及紅筆一枝. 選好了就劃上膠片上, 去收銀處落單及比錢.
此舉十分環保, 又省時, 又不會有走數情況出現

既然是出名吃台灣紅燒牛肉麵, 點都要試一試.

1.  紅燒牛肉麵 ($50)
原先我以為會辣, 所以唔敢叫, 先生就叫了一個試. 味道OK. 麵條很有咬口及彈性, 份量也蠻多.....2.  炸豬扒湯麵配豬骨湯 ($45)
真係勁勁勁清的清湯, 差點以為是滾水....好淡口. 麵條也一樣有咬口及彈性. 份量也多得過份.3.  家鄉水餃($35/10粒)
雖然覺得90%似係交貨, 但呢個係最有驚喜, 幾好食, 兩個人共點了兩客....台式凍飲如冬瓜水, 都係$8/杯, 勁抵飲.

一路食, 一路望隔離枱, 始終都係隔離飯香.
下次黎食, 我會食炸雞排/豬扒便當, 賣相比我的炸豬扒湯麵吸引很多很多倍. 嘻嘻