今日行遠少少到火車站附近光顧新開十字冰室. 別人對十字奶有偏好, 而我沒有特別喜歡與否. 8:30左右到, 不算太多人. 被但都安排"高人"坐的吧枱向街位罝. 在不想食香腸和其他太貴下, 選了深海魚柳餐+咖啡(多奶), 侍應再三說單雖沒有寫多奶但已叫加了. 咖啡 (多奶): 雖然已叫多奶和加了糖, 始終擺脫普通茶餐廳通病 - 酸和苦, 加十字奶都冇用 炒蛋: 尚算可以, 雖然加奶去炒, 但有點實. 鄰座點餐時, 店員强調炒蛋全熟 魚柳: 反而比較好, 上枱時是熱, 沒有油溢味, 份量尚可. 一試無妨, 但以對十字奶有情義結去試, 就失望. 環境: 其他食評話闊落, 但坐滿人時, 通道行一個人都勉强. 結賬時, 在另一邊門口最少有6個座位擺雜物, 是沒有管理後果

今日在旺角行一轉， 見到新開湯加就試吓。。。中伏 8點半點了豬扒餐， 先送牛奶麥皮和蜜桃汁，麥皮有淡淡奶味， 蜜桃汁係熱， 好奇怪 一路玩手機等， 等咗20分鐘豬影都冇， 已叫侍應追， 幾分鐘得鄰座一家3口又叫侍應話25分鐘魚柳又未出， 待會侍應回覆廚房機壞收不到。但鄰座一陣就出魚柳， 其實我早過佢哋叫餐都未有。 算了再等。 最後等到第30分鐘再追先到。全場得5至6枱都搞到， 人多咪大鑊 豬扒基本上入味， 但居然畀咁多骨（3件，有2件小的都只係骨），下次就唔去

今日要在旺角辦事，又想喝冇酸味咖啡（之前喝過係ILLY)， 結果中伏了。。。 星期六唔洗買飛先， 係入場有人serve。點了$35火腿炒蛋腸仔麵包+咖啡多奶 早餐：麵包帶甜不錯， 但火腿腸仔都係烚冇味， 炒蛋冇味又炒得實， 沙律菜係黃 咖啡： 不是熱。。。暖的 埋單先最， 無啦啦要加$5， 我問係唔係因為多奶， 侍應話唔係， 因星期六咖啡+$5， 我落單時侍應都唔出聲， 結果要$40， 我以後都唔去謀人寺。

今日去還書後食番早餐... 本想去恒豐某餐廳試試, 門口寫開8:00, 但到8:20居然未開門??!! 只有到遠一點逛逛. 看了價錢後, 到了此間一試.

入內時...咦, 相對其他餐廳靜, 唔通有伏味?? 點了吉列石班+奶油多士+腸仔+豆漿

吉列石班及腸仔: 腸仔普通貨. 唔知係唔係見到"石班"2字, 第一啖食落真係好似"石班"味, 但碟底偏油

奶油多士: 好多地方都係牛油多士或普通多士, 少有跟餐上奶油多. 食落甜甜地OK

自家製豆漿: 其實見到幾枱都係叫奶茶, 但費時成日飲到血紅素低和骨骼疏鬆, 見有其他選擇就叫豆漿. 第一啖甜...但後來食完奶油多士變得冇味?? 不過在攤涼後, 有一層豆皮在面, 相信堅自製

好久沒有寫食評。。。早2日遊樂富見有新餐廳， 平時食普通早餐太悶啦！ 今日決定試韓式早餐， 點了早餐B豬肉蕃茄撈。
門外己嗅到韓燒味...晨早9點喎?!

菠菜蛋卷：較清淡，提議在食麵前KO蛋卷先.

奶茶：普通, 奶味重不需落哂全包糖，但一樣要食麵後飲水才再飲奶茶, 否則咩味都唔覺.

豬肉蕃茄撈麵：堅有蕃茄蓉但茄味唔濃, 酸味多點， 由於撈麵， 所以汁醬較稠。豬肉少了點， 但食落十足韓燒味， 早上居然都食到韓燒味

服務就麻麻， 舉手幾次都見唔到

平時早上食得太悶， 不妨一試。

晨早去大角咀買嘢, 終於去咗上次過門不入的意樂. 時9:30, 人多要攞飛, 我冇攞到在商場行了一個圏, 回來人潮散了. 之前我都見過人潮, 今次知道原來他們的早更很缺人, 做寫排隊飛又帶位又落單, 侍應更加求其將餐放在錯枱上就走了... 我的餐就如此放在鄰枱上, 客人叫侍應不回頭. 要她自己隔條"河"交回給我.

講返個餐先: 豬扒+餐肉+煎蛋+茄汁豆+熱奶茶
豬扒 - 幾鬆化, 薄咗D
餐肉+茄汁豆 - 來貨, 份量較少.
煎太陽蛋 - 居然蛋白唔熟 (睇完"我要做厨神"後, 原來煎蛋要蛋黃唔熟, 其他蛋白要熟但又不焦才合格)
熱奶茶 - 不是港式, 沒有茶味

環境 - 晨早都有D幽暗, 如果你1個人來要搭枱, 直至4人枱都坐到4個陌生人.

是日去中環辦事, 本想去永樂園堂食, 但價錢貴過旺角很多 (火腿煎蛋都$34 ), 無奈轉軚了過昭隆.

點了雞扒+腸仔+煎蛋+熱奶茶
熱奶茶 - 多奶味唔苦的茶...係阿伯冲
雞扒 - 本人不食皮, 但見已不脆的. 雞肉尚可
煎蛋 - 流心的
腸仔 - 敗筆了...來貨太𢨟了要麵包夾來食
牛油麵包 - 普通
無論外𧶠或堂食都用發泡膠盒, 不環保但無奈...中環請個清潔員要多少$呢??? 除麥記外, $28在中環食早餐, 還想點?

是日遊到深水埗前食番早餐, 來到此處.
點了吉列魚柳+炒蛋+腸仔+熱奶茶
熱奶茶 - 茶苦味比較重, 奶味較少
吉列魚柳 - 明顯不是即炸, 只是炸完保溫. 好明顯皮是淋咗, 冇咁好食, 醬是普通沙律醬.
炒蛋+腸仔 - 普通料啦
以$29價錢相對平, 質素亦只係一般

今日尖沙咀一行, 先找多好評的美心系食店.

點了香煎鷄扒+腸仔+炒雜菇+熱咖啡
熱咖啡 - 帶點苦味, 雖然好少飲咖啡, 但試飲過酸的咖啡後, 呢間咖啡相對好飲.
腸仔 - 腸衣太韌, 雖見一點點香草, 但缺乏香草味
炒雜菇 - 冬菇炒得太乾, 其他菇都幾硬身, 少了咸味
鷄扒 - 望落煎得幾燶和油, 但內裏都不太老.

環境 - 可能時間幾早(09:40)幾幽靜, 可選普通座椅或矮身梳化.

今次去試日式早餐...結果

熱奶茶 - 未試過咁難飲入口的奶茶, 好似加化學物入奶茶內, 居然"嗆喉"又"拿拿地".
三文魚 - 不大條, 有D腥
2個飯團 - 有吞拿魚和不知名食物內飯團只是一般
巻蛋 - 正常, 微溫.
椰菜沙律 - 反而比較好食因為可以加芝麻醬
麵豉湯+凍豆腐 - 普通料

環境 - 好靜, 冇乜人. 食到得返我一個...
$39完全唔值