alilys 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-09-12
明記算係個條海鮮街既中間位置. 要食海鮮就要先到佢隔離間雄記海鮮買左料先. 幫我地稱海鮮個個叔叔都幾好人, 我地話想要4隻扇貝, 佢就建議我地要2隻, 怕我地食唔晒. 最後叫左 蝦都大隻, 不過味就普通, 個味好平淡. 無咩層次, 就好似係豉油味咁. 個伊麵都係咁既味. 伊麵質地唔錯, 都好多, 不過個味就真係PLAN 左d. 呢個好好味, 扇貝好大粒, 蒸得剛剛好, 蒜蓉係爆過所以好香口, 粉絲索晒鮮味, 正! 如果粉絲再多D 就好. 原本想食薑葱蠔, 不過海鮮呀叔話依家D 蠔唔夠肥, 11-12月黎先好食薑葱蠔, 依家想食蠔食炸. 呀叔講得無錯. D 蠔唔夠肥, 少左種香味, 炸左都食得出. 不過個炸漿做得唔錯, 炸得幾好, 唔覺油. 味道可以其實OK, D蟶子都唔老唔UN. 不過就唔夠鑊氣. 好似一個汁撈蟶子, 多過炒. 我地一路食, 其實都唔知要俾幾錢, 最後埋單先知, D 海鮮總數299, 加工費共200 (應該係每樣50). 夾埋其他野, ~540. 食海鮮又唔算貴, 不過又唔算整得好好食. 回頭機會微.. 推介美食: 蒜蓉粉絲扇貝
評分: 味道 3 環境 3 服務 3 衛生 2 抵食 2
2014-09-12
6:00就有得入. 如果放工時間先黎攞就會差好遠, 一定唔只等45 min. 終於入座, 限時90分鐘. 餐牌有2本, 一本係drink list, 一本係野食, 其實選擇唔多. 但一柸值$48 既野飲其實屬於好差=.= 總括黎講, 服務幾好, 好nice. 野食係好食. 野飲(至少係我地叫個柸)好失望. 野食偏貴同細碟. 食完都唔覺得飽.........朝聖都係只此一次. 試過就算. 相比同樣是人氣既台式CAFE咖啡弄, 雖然都係偏貴, 但會想再去食. 呢間就真係一次就夠. 題外話/補充資料: 每人至少order 一柸野飲. 其實咁樣俾起set最低消費更衰. 如果你話一人最少消費100, 我都ok, 因為我唔想飲野都可以叫野食, 總之夠100 就得. 但你要我一定叫野飲, 其實除非你只係你飲野, 唔係既話想食飽平均都要成200一個人.推介美食: 佛羅倫斯花枝干貝麵,蜜派對蜜糖吐司 (酥脆)
評分: 味道 3 環境 3 服務 4 衛生 3 抵食 1
2014-09-10
12點半開門, 12點15分已經有人係出面等. 準時有得坐. 不過D 呀姐仲打緊牙絞. 你有你舉手, 佢有佢地吹水. 等多一陣, 終於落到單, 不過呀姐同你講, 落左單都要等3-4個字. 本來叫左芒果河粉.不過等左大約10分鐘先話俾我地知今日無. 咁就轉B仔船啦. 小食黎得快好多, 因為做野個個應該唔係呀姐, 似係菲律賓人. 睇佢摩打手咁整, 好快整左好多碟腸粉呀, 雞翼尖, etc. 不過無人幫佢攞去檯. 過多陣, 佢都頂唔順, 唔等d 姐姐, 自己送去俾d 客, 見佢真係6-8 碟咁攞. 題外話/補充資料: D 呀姐真係唔係好理D 客, 你有你舉手, 佢地有佢地吹水,佢地攞野食, 係逐碟逐碟黎, 絲絲然, 唔休做咁樣. 相反全間最做得野係個個貌似菲律賓人負責小食.推介美食: 雞翼尖 $14,腸粉$7 有4條
評分: 味道 3 環境 2 服務 1 衛生 2 抵食 3
2014-09-07
有好多位, 可以選坐出面定入面. 農夫包上檯既時候係微暖, 算鬆軟唔un. 不過再熱d 會好d. 點牛仔肝醬或芝士醬都好味. 不過牛仔肝醬會香d. 德國麵包圈黎既時候係室溫, 好軟熟. 個人覺得農夫包好食d. 題外話/補充資料: 上菜好慢, 本來佢俾2個鐘時間我地, 我地念住唔使咁多時間. 個個時間, 客唔多, 點知等包又等左15分鐘(但係d 包唔係熱). 隻豬手又等左成45分鐘. 食完真係剛好交檯.推介美食: 農夫包 $40,德國咸豬手
評分: 味道 4 環境 4 服務 2 衛生 3 抵食 3
2014-09-07
waffle 係即做, 出黎個賣相好靚, 不過一入口, 好甜, 真係好甜, 太甜. 但係, 真係甜到漏, 個種甜既程度係令你覺得面個球雪糕係唔甜, 個waffle 要溝住d 無咁甜(相對)既雪糕先食得落. 可能係我地太唔食到咁甜既甜品.
評分: 味道 2 環境 3 服務 3 衛生 3 抵食 3
|