Miso(尖沙咀)

食過幾次了, 價錢比之前貴了好多, 仲係唔包餐飲, 但都想食, 因為覺得物有所值.
而且間中食下, 對自己好D又何嘗唔好呢!

除了食物外, 該店地方整潔, 坐得舒服, 店員服務都唔錯.

雜錦鍋仔烏冬 ~ 好熱辣辣的, 有好多餸, 整個份量都好多, 有一隻煎蛋, 一個大冬菇, 少量牛肉片, 菜, 甜豆腐, 雖然係普通餸菜, 但mix一起好好味, 湯底清甜. 烏冬滑, 好味的 $100但包以下的小食

三文魚刺身 ~ 有3塊, 件件好肥厚, 新鮮, 正

魚子蟹柳手卷 ~ ok的

炸蝦天婦羅 ~ 有2隻, 新鮮, 炸至金黃色, 味道唔錯架

三盞燈茶餐廳(藍田)

之前都食過一次, 覺得OK, 當日同友人係該商場找地方食LUNCH, 所以再幫襯.

豬頸肉米線 - 單叫要2幾30蚊, 不包餐飲, 其實都幾貴的, 但好大碗, 份量多, 味道都OK

厚多士, 火腿奄列 - 厚煎多士, 好味, 而奄列, 煎成半月形, 火腿餡份量都OK

沙嗲牛肉米炒 - 唔錯, 沙嗲汁濃, 牛肉都OK

熱奶茶 - 略嫌奶味重了

食物OK, 但服務一般, 因為D 侍應好趕囉.

廣東茶居(尖沙咀)

去過呢間都好幾次了, 呢度既點心不錯的.
內裡裝修好有中國色彩, 不過可能樓底不高, 比較嘈雜.

如意上素餃 ~ 外形晶瑩剔透, 皮薄餡多, 餡係素的, 清清地, 好好食的

蔥花炸兩腸 ~ 呢度既炸兩不錯架, 粉皮薄, 包著的油炸鬼好脆架, 呢個差不多每次都叫

虎珀素丁炒飯 ~ 呢個係用素炒的, 大大碟, 而且d飯炒到好靚, 整碟不覺油膩, 而且味道都唔錯架

流沙麻蓉包 & 叉燒腸粉 – ok啦, 不過不失

其實該店既點心炒嘢不錯架, 服務態度都ok的.

御麵之坊 (藍田)

當日路過此商場, 亦路過該店, 覺得都幾'企理', 於是同友人在此進餐.

因為不是太肚餓, 所以叫了一個午市定食同兩個小吃.

花枝丸拼豆腐丸湯拉麵 (豬骨味湯底) $32
每款丸類各兩粒, 都ok 的, 但d麵就麻麻, 唔係彈牙爽口既日本拉麵

餐飲 ~熱柑桔檸檬, 雖然細細杯, 味道都ok

和風煎餃子 $22
有4隻, 餃子Size 都算大隻, 餡肉都OK, 都都幾好食

脆皮南瓜餅 $13
有3件, 賣相都幾吸引, 件件金黃色, 但好奇怪的裡面除了有南瓜蓉外, 仲有紅豆蓉, 雖然細細粒一件, 但覺得好甜

食物一般啦, 但唔使加一而服務態度唔錯, 而且座位都坐得舒服.

糖百府(太子)

當日下午行到有D累, 又口乾, 友人就提議到該店.

我是第一次品嚐雪花冰的, 雖然可以自選冰的味道同配搭款式, 但在十五十六情況下, 我就選了咖啡秋香 (咖啡冰)

友人選了宇治金時 (綠茶冰)

咖啡冰 ~ 見到賣相已經好吸引, 一層層咁, 好特別, 外表看似是軟綿綿的感覺, 食時好有口感, 好冰涼, 雖然係冰, 但就有好濃郁既咖啡味, 正, 配料有紅豆, 小丸子同咖啡凍, 仲有少少咖啡漿同七彩朱古力碎係冰上面

綠茶冰 ~ 好靚既深綠, 外型有D似一棵菜, 冰上加上了少少既綠茶漿，帶出不同層次，配料係紅豆, 小丸子, 椰果同茶凍, 我試了幾口, 綠茶味都好濃, 都好好味

見到已經好開心, 食了除了可以止到口渴之外, 比起飲一杯凍飲或食沙冰更實在, 更有口感.

不過如果D配料多番小小就會更加好喇.

Panash(尖沙咀)

之前去過該店好多次, 一向覺得都不錯, 咁耐以黎都KEEP到水準.
該店地方雖然好狹, 無咩特別裝修, 但都好多人幫襯, 試過無訂位, 真係要等好耐才有位.

當日因為要到海運攞嘢, 所以自自然就選擇了該店食LUNCH.

每枱都奉上佢地自家製既小麵包, 好軟熟, 暖暖地, 加上少少牛油, 好好味的.

餐湯叫了羅宋湯, 雖然細細杯, 味道都OK架.

食了個雜菜牛枊絲炒烏冬, 整碟份量足夠, 雖然似茶餐廳既炒麵類款式, 但味道好好味, 又不覺油膩

最後餐飲叫了MY FAVOR 熱咖啡, 凍的我之前都飲過, 咖啡味香濃, 好正架.

和民居食屋(九龍灣)

當天友人請我去該區睇戲, 之後友人同我食補祝生日飯.

睇完已是1點幾, 雖然係星期日, 但都不需要等位.

海老帶子沙律 ~ 供有８隻炸蝦仔同帶子，但炸物的脆漿太多, 雖然無咩特別, 但都過得去啦

特上壽司盛合 ~ 炙燒海老, 吞拿魚腩, 照燒雞, 每款有兩件, 呢個唔錯, ok的

帶子蟹肉丸子 ~有4粒, 外表賣相唔錯, 每粒都金黃色的, 咬開時熱辣辣的, 好新鮮, 裡面好似係有少少芝士既汁, 不過內裡無咩肉的, 但味道都OK啦

青蔥牛肉卷~ 呢個幾好食, 供有3串, 每串有3件牛肉卷, 牛肉片厚薄適中 @ $19

某指定飲品買一送一

柚子蜜梳打, 巨峰提子梳打 ~ 雖然好大杯, 但味道好淡 @$16

紅豆雪糕 ~ 呢個我叫的, 紅豆蓉份量都ok, 雪糕都有紅豆味, 兩者加上一起食, 都唔太甜, 好好食, 如果飽飽地又想食甜品, 雪糕係唔錯既選擇 @$9

朱古力雪糕 ~ 呢個我朋友的, 我試了一口, 都好好食, 都唔太甜, 雪糕裡仲有少少nuts碎 @$9

我覺得和民不同分店水準都好参差的, 呢間都ok吖, 服務都不錯.
可能我地坐係角落位置, 所以唔覺得嘈吵, 幾舒服的

EXP(九龍塘)

當天與友人睇完戲, 都唔知食咩好, 又好肚餓, 係個商場行上行落, 間間都好多人等位食嘢, 但最後都係選擇了EXP, 因為該店地方大, 上菜又快, 同D人通常食完就走, 人流去得會快d, 而且我係太古個間食過覺得唔錯. 等了唔使十分鐘就有位.

串燒 ~ 牛, 雞各半, 總供6串, 味道普通, 雞的串燒還可以, 但牛的就硬咗d, 尚可接受

Max Concepts Pizza ~ 本來要普通批, 但個waitress話賣晒, 米要薄批囉, 餡料有Hams, pineapple, mushroom, 供有八件, 味道幾好, 唔錯呀

Iced Cupuccino ~ 咖啡味ok, 但too creamy, 我最怕的 ($27)

家傳滬曉(觀塘)

之前想食呢間已經好耐了， 而當日放假， 所以決定一試。

我地一行三人walk-in去， 到達已是1:00pm食飯peak hour， 該店的接待員已話無訂位的要1:30pm後才有， 咁我地行下先，到大約1:40pm返回該店， 拿了飛都要等多15分鐘才有位。

進內時留意到店內中央位置既裝修好中國化，有古典色彩。

而我地被安排到店內某一個盡頭， 一個可望向街景窗口位置坐， 樓頂有別緻燈飾點綴，另一面的牆壁上有簡單的小掛畫， 可能差不多過了食飯時間， 店內已慢慢寧靜下來， 我地好似係一個小天地咁享受下午， 好舒服悠閒。

可能到了non-peak hour，店內侍應服務都幾好， 上菜速度都好快， 而且仲不時幫我地加茶同沖茶。

四寳茶 - 有香片， 紅棗， 杞子，仲有一樣唔記得係咩， 香片味好重， 開始飲時覺得有ｄ苦，後來沖淡了才覺得好味， @$3茶錢　

紅油抄手 - 有6粒雲吞， 醬汁都幾辣的，不過味道唔錯 ($32)

黑醋排骨 - 有好多塊大大舊的排骨，味道濃，幸而混有少量的松子，才不至於整碟黑漆漆的，味道都ok ($68)

醬燒年糕牛柳粒 - 有'的的色色'的年糕粒, 牛柳粒份量都算多, 用上紅黃青椒等疏菜炒，整碟色彩吸引開胃，味道都不錯架 ($88)

菜飯 - 叫了兩碗，都幾大碗的， 但唔知係用咩米煮， d飯煮得幾好，可以一粒粒散開， 每粒飯係短肥形， 不是淋身的， 好有'趙'頭 ($12)

本來想叫甜品的，但已經好飽了，唯有下次試啦。

用WORLD CARD 有 85%

半島 Boutique(尖沙咀)

去年經朋友推介買了半島迷你奶黃月餅試, 食過後覺得超正, 所以今年繼續支持.

雖然整體PACKING跟去年一樣, 但貴氣仍然十足, 而月餅既水準都不變, 果然係高級酒店出品.

雖然係迷你奶黃月, 但個奶黃餡一d都唔迷你, 細細個但皮薄餡多, 已經好明顯將奶黃餡成為主角, 食時已可以品嚐到'啖啖'好香既奶黃, my favourite, 一個人食一個都唔膩, 如果用microwave'叮'一陣, 當個月餅暖暖地, 而d奶黃餡溶溶地咁食, 仲正呀.

簡單廚房(將軍澳)

本人不是因為該餐廳是明星開才光顧, 只是聽朋友說這食店不錯才去試下 .

該店地方寬敞, 用的是Sofa座位, 坐得舒服,  可能是樓底高的原因, 在店內不覺得很嘈.  而侍應的服務態度幾好.

是日餐湯 - 係忌廉湯, 不似罐頭湯, 仲可以食到細細粒既洋葱粒, 味道不錯

黑松露黑椒汁燒牛肉石窩撈飯($48) - 上枱時非常熱辣辣,仲有好香的飯焦味傳出, 食時要間中番下以免飯焦太燶同過份硬, 黑椒汁是另上, 整體味道不錯, 不過略嫌份量不多

蒜蝦天使麵配新鮮蕃茄汁 ($58) - 味道ok, 看似油膩但食後不覺得, 都有5隻中蝦, 不過天使麵的份量不多

青炒翠肉瓜石頭窩 ($18) - 用石頭窩煮翠肉瓜都是第一次食, 好耐都熱辣辣, 不過要間中番下, 特別是窩底的翠肉瓜, 否則很快會燒燶的, 呢個餸幾有特色, 不過覺得味道咸了少少, 唔知係米開始時把d餸番得不均

椒盬一口豆腐 ($18) - 每一塊都炸到金黃色, 新鮮熱辣, 賣相已經好吸引, 顧名思義真的一口一粒, 不過朋友們不要太心急, 因為真的非常熱辣辣, 小心燙咀呀, 外層薄薄的炸到有小小脆口, 而裹面的豆腐很香滑, 一碟都有十塊, 食幾塊都不覺油膩

甜品 - 套餐可加 $15 要一款切餅蛋糕 (原價是$20), 叫了一件藍莓芝士蛋糕, 味道都幾好, 又不甜漏, 件頭size都過得去

餐飲 - 叫了熱奶茶, 茶味不算濃, 奶味重, 可接受的

可能我地四人不是太肚餓, 雖然食物份量少但都夠飽.

該店註明用意大利西西里特純橄欖油烹調意粉類食品, 都幾健康吖, 現在大部份的食肆採用了很重的味精烹調食物, 而大家外出用膳時會不自覺地習慣了味精的濃度, 久而久之會慢慢將可接受味精的濃度調高, 所以可能有些朋友們會覺得該店的食物味道不夠, 太清淡, 可能本人對於味精比較sensitive, 所以發覺該店的食物不太重味精, 而1味道剛好合口味.

許留山(將軍澳)

當天到新都城行街時,下午行到有d口乾, 所以就到food court買嘢飲,雖然有好多食店可以選擇, 但因好耐無幫襯過許留山, 所以就揀了它, 而本人很喜歡許留山既芒果, 覺得有芒果既香甜味, 於是買了杯芒椰奶西

本以為food court既質素會比地鋪差d, 但又唔係喎,味道ok, 不太甜, 又有椰香味, 杯裹加了好似沙冰, 飲了後有涼快既感覺, 爽呀
但略嫌芒果粒不多而且細粒得滯
不過整體上係ok的

大街餐廳(香港迪士尼樂園)(大嶼山)

第一次到迪士尼，
到既時候已差不多是食飯時間， 而CORNER CAFÉ算是近樂園入口既餐廳，為了醫肚，所以就選擇了該店。

內外裝修好有特色， 而我地一行五人被安排到一區有很多玻璃窗既角落位置坐，坐得舒服之餘又可以清楚望到店外環境， 而店員都好有禮貌地招待，服務都OK呀。

$96 SET LUNCH ( 只包 前菜 + 主菜)
餐飲要另加$15汽水或蒸餾咖啡一杯

我地叫了3 SET，沒有另加餐飲，但都夠飽。
前菜～
意大利雜菜湯配餐包 - 個湯都算OK， 但餐包硬了小小
田園沙律 - 都過得去， D疏菜幾新鮮

主菜～
鮮茄燴豬扒配炒飯 - 一般， 豬扒硬了小小， 炒飯唔似炒飯
中式燴牛腩飯拼炸雞翼 - 都係一般， 唔知點解D雞翼質地好淋身
芝士肉醬意粉 - 碟意粉都好大碟， 不過味道麻麻， 最好味返而係個兩塊薄薄的蒜蓉包，好香既蒜蓉味同好脆的

其實都預咗一般主題公園食店收費貴之餘同食物質素只是一般， 但一場黎到都要試下， 不過都好ENJOY該店既服務同店內外環境裝修。

而晚上園內既景色真的很吸引， 相信晚上到該店可享受浪漫氣氛。

California Pizza Kitchen(尖沙咀)

當晚是兩位友人同我預早慶祝生日.
地方是當日臨時改到CPK的, 因為時間太短, 已經訂唔到坐window side既位, 不過我地坐既位都望正海景, 而且仲可以睇到幻彩.

可能係星期五緣故, 訂座時已說明只可以食個半小時, 因為未食過, 所以都決定一試.

Mediterranean Salad - 出去食通常會叫Caser Salad, 所以今次試下呢款Salad, 都OK吖, d疏菜都好新鮮

加洲鮮蝦卷 - 薄薄的粉皮包住D餡, 隻大蝦都見到, 有特色的, 買相已經吸引, 加上佢既小小甜既醬汁, 幾好味

蒜香雞肉闊條麵 - 一般, 可能cheese味重, 有D'漏'

Pepperoni - 呢個Pizza好味, 好多辣肉腸, 而且芝士剛剛足夠, 我食了兩件都唔覺太'漏', 而且加了隻'Hot Sauce', 有小小辣味, 幾好味喎

Soft Drink - 二十幾蚊杯, 無限添飲, 本人叫了Ice Lemon Tea, 個侍應真的會密密幫你添加

除了食物不錯外, Service都OK架, 坐下時, 剛坐係冷氣風口位下, 有D凍, 可能該店既侍應留意到, 好細心地自動給我地熱水.

東海堂(將軍澳)

友人買了東海堂既流心芒果蛋糕預祝本人生日.

單從外觀上已經覺得好靚,好吸引

外層滿佈芒果肉塊,
切開後裡面有層芒果味既慕絲, 而最內層是有芒果肉粒既流沙汁,
整個蛋糕既芒果肉都好好味, 好香甜, 同好軟滑

用恆生 enjoy card 8折