SOYmart by 豆乳狂人 (荃灣)

黑白芝麻豆漿
大半年前有一次經過覺得佢幾特別就試下，試完立即愛上，仲有一排個個星期都突登買一次同家人分享，我家的小baby都好喜歡這個質感、既濃郁又美味！

前日中午入荃灣食donki壽司，諗住食完去買番支懷念下，因為一段時間因工作關係冇黎依頭！點知，一排冇飲之後，佢竟然將支咁原汁原味咁健康既飲品加左糖！
琴日飲左一啖已經想吐，跟本就唔夾！

唔該可唔可以照顧下的想要健康人生既客仔，仲有本身你賣豆漿都係想sell健康姐，成件事就咁就變咗質！嬲！

藝廊咖啡室 (赤鱲角)

又都一排都冇食過自助餐.......
今次見佢咁大字標題有蟹腳, 又有椰王甜品, 仲有MOVIN PICK 所以當友人call 團就試下啦~
總括來說查實都不太差.......你比左幾錢食翻差唔多既野己好好
一開始就食海鮮冷盤先啦梗係d 蟹腳都好新鮮....建議大家一早拎左先, 好快冇晒, 同埋為左他人著想, 食幾條好, 都仲有其他野食....冷盤就都同其他差唔多, 最正係有個泰式牛肉沙律....!yummy~ 唔係間間buffet 都有....!

食左依d 之後就開始食雪糕, 第一球就係我最想食既rapsberry!!!! 果然不出我所料的美味...之後就開始main dish.......肉肉肉~個燒牛肉真係冇咩味......有d 失望....
反而佢果d串燒好味喎....... 雖然有d 凍凍地........但味道不錯, 甜品沒有什麼驚喜, 除了那個特濃朱古力蛋糕......果個真係好好味, 其他都不算差, 但冇咩特色, 同食k-buffet 差唔多......個椰王上得太遲.......有d 飽.....XD食左4球, 最好味都係覆盤子, 仲有珈啡, 推介必食

overall 黎講都算係咁....佢都仲有幾多野食, 有魚生, 中式熱食, 麵食, 泰式食品, 印色食品等等....但己很飽, 哈哈.....如果下次都仲係差唔多價錢都會再食, 算幾經濟, 又都幾好食.....^^

靠得住粥麵小館 (灣仔)

難得一日PAY DAY 仲要可以食個半鐘, 咁就同同事千里迢迢來下灣仔食....

本身原意是一試華星.....點知去到要排長龍.....

為左要慳時間我地就轉場

正當煩惱緊食咩既時侯, 特然間比我見到米芝蓮個LOGO

同同事四目交投之際己深知大家已被佢吸引了.......

可能因為炎熱既關係, 我們不需排隊就有位了........入到入面, D 裝修都唔錯....跟住發現原來同事都喜歡吃粥......真係好啱KEY~

同事要了個鮑魚雞絲粥, 我就要了北菇雞絲粥.....個北菇雞粥粥底好有雞味, 又綿又唔會水水的, 真係靠得住!!!! 而且D 冬菇也好香.....成個粥都好夾帶!好好味....!!!

之後我地又叫左個炒麵SHARE總括來講~ 都係同個店名一樣靠得住.......

所以.....I WILL BE BACK!

嘉樂冰廳 (荃灣)

難得來到荃灣打波, 友人即時推介了這裏
看看食評, 發現原來就是之前小儀介紹過的大蛋蛋火腿奄列~
二話不說就決定要來看看虛實......
雖然排隊進場的時間超過了預期, 但也沒有減低了興致^O^入到去, 其實D 位真係唔多, 係一間幾迫既茶記.......
事關時間緊迫, 我地就只係叫左佢最出名既2 樣野黎試

就係火腿奄列和鮮牛治.....先來個小火腿奄列, 如果唔係現場睇同食, 你都估唔到佢咁大
大之餘又好味, 個蛋既感覺好厚身, 但又夠滑, 好豐富既質感...
D 火腿絲又多, 而且味道也很好, 好像有點鼓油的味道, 也不知還有什麼了,
總之~好有香港茶餐廳既獨有味道.....!!!
用D 麵包夾住佢黎食簡直係一流~跟友人一起叫了他們的招牌飲品, 嘩, 正.......好濃好厚的感覺^O^鮮牛治是最遲來的, 但也不失它的霸氣,
看得到嗎看得到嗎?, 什麼叫真材實料, 什麼叫氣勢磅礡.....
牛肉好味, 汁料也很配, 再加上綿綿的白麵包.......吃完真的要捧肚子回家.....
幸好, 友人胃口大, 給他一塊大的, 我要小的就夠了, 呵呵~

謝謝友人的好介紹, 希望這間小鋪能繼續維持這麼好的水準....發揮香港茶記精神....

Qui 意大利餐廳 (葵芳)

2012 年10 月10 日

聽說這餐廳不錯, 就應友人之約來這共縉晚餐

個環境不錯說~我們每人都叫了一個set dinner在未上頭盤前有麵包咬下......., 有d 意大利黑醋....唔錯.....黎個生牛肉, 無咩特別味道, 可能係因為冇汁配,
但都新鮮略嫌薄了點,夾埋的草食都幾特別 ^o^
但個湯太傑身,有d 似獻....不過都有少少海鮮.....唔錯!跟住係海鮮拼盤第一個上場~ 有帶子, 鮑片, 煙三文魚, 青口
海鮮好有本身既鮮味, d三文魚同d 青口都冇腥味, 證明廚師有特別處理過, 比個good 你!接住來左一客個黑毛豬扒配薯菜~~~
豬扒好juicy, 厚身仲好彈牙~~~讚~!
而個汁好清香, 少少咸得黎帶點點甜味
薯蓉油左少少,但好香, 好滑口, 肥都抵!跟住呢......就仲有個西冷, 不過呢.....我地明明叫左5成熟.....佢好似比左個7成既比我地 XD
不過都OK.......略嫌個汁淡左D, 而且未能帶出牛的鮮味,
肉質都厚而軟, 只係有D 位比較UN........
感覺一般, 不是很好吃, 但又不是難吃
但如果兩個相比, 西冷當然是比下去了

黑毛豬勝!!!

而依個SET仲有甜品同飲品甜品係泡芙x2: 雪糕puff 不過太硬身, 應該係一拎出黎未解凍既效果雪疤 (好fresh): 有d 似柑橘味既自製yougurt, 食完係有陣解油膩之感....!!

值得一讚係coffee 係配biscotti........ 好好味....大家記住叫!