而家天氣真係熱到爆，行街行到身水身汗，見到許留山就諗住入去食個甜品消下暑。一坐低，阿姐即刻走過嚟幫我落單，仲介紹個新產品比我，叫『金菠蘿』系列，咁我見新出咪叫左個『金菠蘿海底撈』。

等左一陣就有得食啦，個樣都幾靚，仲有好多什果，中間白色個海底撈原來係撈球，好香椰子味! 跟住仲有好香的菠蘿汁，仲有西米係底，真係好鬼好味!最重要係佢又夠大碗，真係飽哂~! 廿幾蚊真係好抵!

今日約左fd出粉嶺行街，出到去實在熱到頂唔順，於是見到許留山就即飛撲過去食下甜品先繼續行… 不過去到門口鬼死咁多人…又唔想等,,,,,, 本來都想買個芒椰蘆薈爽邊行邊飲就算…但突然間聽到個fd話： 喂，呢個潮撈可以一路渣住黎一路食喎~~~ 我地抬頭一望個牌, 果然係喎, 仲有6款甜品可以揀添~! 於是我地就買左一杯楊枝金撈黎share….

等左一陣, 終於有得食喇！！！ 急不及待咁食左一啖，真係超冰涼!!! 岩晒一路行街一路食！入面除左有楊枝金撈之外，仲有我至鐘意既椰汁，許留山至出名好味既芒果肉同芒果撈球。

楊枝金撈一如以往咁好味, 依家佢用左新既外賣杯黎裝，真係方便左好多，個樣仲好得意添！以後想行住街食甜品唔駛淨係食雪糕lu!~~~~~ =]

雖然話係share, 但因為太熱同太好味既關係，杯野最終大部份都比我食晒 XDDD

等我下次經過再試下食嗰個芒果寒天潮撈先,,,,聽人講話d寒天係焦糖味ga~!!!好似好好食咁~~~~