今晚路經天后, 見到呢間新開的yogurt店, 吸引我入去一試.
環境裝修得好簡約, 落地玻璃設計. 推開門已經有好香的番石榴味道, 還有得試味呢.

最終都選了番石榴味道, 加士多啤梨, 朱古力脆米, 薄脆片及熊仔糖.

入口好冰凍, 但番石榴味道唔明顯, 有d失望.

鮮蕃茄雜菜湯: 都幾多菜, 味道唔錯, 唔會過酸.

南瓜雞絲忌廉湯: 太杰! 而且好甜, 一d南瓜味都冇, 成碗糖水咁.

蟹柳粟米沙律: 一般, 冇咩特別. 沙律醬勁多.

焗牛油什菌燒: 勁重蠔油味! 蓋過晒牛油的味道. 一d都唔似焗過, 似煮完用錫紙兜載起.

海老玉子飯: 蝦的份量6隻, 比想像中多. 味道偏鹹.

蕃茄牛肉烏冬: 牛肉好韌! 湯底完全冇味.

飲品用玻璃樽裝, 賣相幾特別... 但芒果薄荷多多味道怪怪地, 好重藥水味!

本來一心想嚟試隔離間ABC, 點知full晒, 之後就去咗呢間食印度餐.

呢度雖然係熟食中心, 但衛生環境比想像中乾淨.

Order了3款食物:

先送一客烤薄餅, 香料味好重, 好薄, 好脆.

什菜咖喱角: 一客3件, 脹卜卜的~ 入面好足料, 有肉碎, 薯仔及青豆, 好香咖喱味!

沙爹雞(6件)及印式烤包: 沙爹雞串皮多肉少! 雖然將雞串起, 但唔覺得有燒過, 感覺似用微波爐番叮.
印式烤包: 唔夠熱! 而且唔脆.

印式什菜炒飯: 無咩驚喜! 只係什菜粒炒飯. 味道較淡.

食物質數真係一般.

唯一可加分的就係友善的服務態度.

今晚一行三人去試試呢間金裝燉奶佬, 環境唔錯! 新裝修的.

一望餐牌已經被茄蓉蘑菇芙蓉蛋飯所吸引...

Order了3個套餐:

茄蓉蘑菇芙蓉蛋飯: 賣相一般! 遠睇以為係蟹蓋. 芙蓉蛋個邊唔脆而且煎得好老! 餡料唔多, 只有蟹柳, 芽菜 及 帶有腥味的鰻魚, 完全格格不入. 另外, D飯比較硬.

咖喱牛腩配油酥餅: 咖喱汁味道OK的. 但好稀. 牛腩帶點羶味! 油酥餅唔熱而且帶點油益味.

鮑醬西蘭花班球: 鮑醬汁較鹹! 班球帶有雪味及腥味.

甜品: 海帶綠豆沙, 椰汁黑糯米: 兩個都唔錯! 唔會太甜.

食物質數真係麻麻!

除了店長之外, 其他侍應服務態度唔多掂!

今日Lunch比我發現咗一個新美食, 玉環瑤柱黃金炒飯, 賣相好特別! 冬瓜約2吋厚, 中間有蛋炒飯, 雞肉, 冬菇及菜芯粒, 上面再加一隻鹹蛋黃, 味道唔錯 感覺好清新~ 夏天唔錯的選擇.

今晚同姬絲汀食生日飯, 好彩Qooooooo之前提醒我一定要book位, 去到真係大排長龍.
雖然有book位, 等5分鐘才入座.

打開餐牌, 樣樣都好吸引, 最後order了以下食物:

和風鮮蟹肉野菜沙律: 份量都幾多! 蟹肉同野菜都好鮮甜.

一口上級牛肉燒: 一客有6粒, 有少許un, 但可接受. 好快已經凍咗, 所以有點硬.

香蔥醬油吉列北海道鮮蠔: 一客3件. 都幾肥美. 雖然吉列, 但唔覺油膩.

牛油煙肉炒巨菌: 巨菌切件炒, 唔知係咪好搶火, 好燶而且帶有苦味! 有點失望.

豬軟骨石鍋手打烏冬: 先試試個湯底...好香濃! 豬軟骨好淋好入味! 好值得推介.

食物質數唔錯! 但環境比較迫, 而且人手唔夠, 全店只有2個侍應.

今晚8:00要去演藝學院睇舞台劇, 所以要早d開飯. 大約6:25pm去咗大有商場, 比我地發掘咗間好嘢~ 門口的茶餐及午餐menu至6:30pm, 款式多, 而且價錢合理.
紅燒牛肉麵: 紅燒牛肉好入味, 十分之淋, 好正!
鮑汁燴雜菌跟肉燥飯: 十分喜出望外~ 份量比想像中多! 還有雜菜墊底, 非常健康的小菜, 肉燥飯真係唔錯, 因為食過好多間都偏鹹, 但呢間唔會
鹹楊桃蜂蜜: 味道鹹鹹酸酸, 都幾得意!
胚芽奶茶: 唔會太甜, 幾好!
服務有禮~ 下次一定會再幫襯

跟餐沙律: d菜好新鮮, 再配芝麻汁~
薯仔忌廉湯: 好香濃! 薯仔磨到好溶, 有起沙的感覺!
鮮蕃茄三文魚菠蘿米pizza: 好香口~ 邊邊好脆.
北海道牛乳蛋包牛肉飯: 牛肉嫩滑, 咖喱汁好香! 值得一讚炒蛋好滑, 一啲都唔老.
環境ok~ 配上水晶燈吊燈佈置, 但好奇怪他們重複又重複播同一首英文歌, 感覺好煩~
另外, 侍應面冇笑容, 有點黑面~

剛剛睇完7:30pm, 又係醫肚嘅時間... 見到呢間餐廳應該開咗冇耐, 所以入咗去試.

打開餐牌都有好多食物選擇, 小食, 沙律, 湯麵, 石鍋飯, 壽司, PIZZA等等...

最後ORDER了3樣食物:

茶碗蒸蛋: 好滑! 但係好淡, 冇味道的.

黑椒牛舌石鍋飯: 賣相OK, 熱辣辣! 薄切牛舌爽口, 但帶點un.

牛肉鍋: 個鍋好淺, 唔夠深! 要滾好耐先熟! 牛肉唔多掂! 好un~

服務一般啦! 環境嘈到好似街市咁~

唉...今日lunch又去試新嘢, 又再多一次失望

先嚟跟餐的沙律: 賣相好差! 好似食淨咁~ 菜又唔新鮮

日式炸豆腐: 豆腐好滑, 但醬汁較鹹

麵豉湯: 入面冇料而且超鹹

滑蛋豬扒飯: 個飯好乾! 個滑蛋好老. 豬扒好乾!

咖喱龍脷魚柳飯: 咖喱汁味道唔錯! 不會太辣. 龍脷魚柳唔會太乾.

整體真係麻麻~ 一次就夠