好耐好耐無去安利了，　以前多數係母親去開ｓｈａｕｋｅｉｗａｎ買餸，　然後買外賣比我同細佬食（因為堂食真係好多人），　近年母親無去ｓｈａｕｋｅｉｗａｎ買餸，　所以我地都無得食安利。。哈哈。今日同母親去ｒｅｎｅｗ回鄉證，　有機會食了。１２：３０ＰＭ，　都滿滿地坐，　不過我地２位，　都唔洗等，　即時有位。

（我的慣食）切腩片頭撈粗：仍然覺得好食，　切腩唔太肥唔太瘦；片頭幾好味，　不過得一嚿係片頭，　其他係魚片ｏｎｌｙ；撈粗仍然好食，　好入味。
鮮牛油多：外脆內軟、大大件牛油，　ｙｕｍｍｙ。

食物ｋｅｅｐ到水準，　不過價錢就比以前貴，　ｓｅｒｖｉｃｅ都仍然係快快快。。不過都係有禮貌的。

一個人行街, 突然想食水餃, 去八方雲集。

叫咗個餐, 加杯豆漿。($30) 10件水餃、紫菜魚丸湯：其實一個人食10件都幾多咖, 哈哈。不過, 當lunch, 還可以啦。水餃係最orginial的款, 豬肉+菜, 豬肉唔會好肥、好實果種。有菜, 都幾有咬口。味精都幾OK。個魚丸湯, 都幾好, 不過好明顯係味精, 不宜多飲。
($10) 豆漿：一般啦, 唔係好勁豆味果D。

喺突然想食某種食物下而有得食, 都算幾幸福。

service都叫好, 可以係細店。環境、衛生當然唔係好好啦, 不過快食嚟過, OK啦。

行開CWB, 未食lunch, tea Time...去咗呢間三皇冰室。成間店都是可樂的佈置, 幾得意。我叫咗個吉列龍利柳tea set, 飲品配支裝可樂都唔洗另加$, 幾好喎。個份量以tea嚟講都OK喎, 個龍利又唔會好油, 都幾多肉。不過D薯條就"瘦"咗D同乾咗D。service都幾好, tea time (平日)又唔太多人, 環境都幾舒適。

星期六，　去完ＴＫＯ　再行ＡＰＭ，　巧遇友人ｓｈｏｐｐｉｎｇ，　所以一起食晚餐。

我提議去ｋｉｎｇ　＆　Ｉ，　因為我覺得幾ＯＫ。由於事出突然，　當然無訂位，　所以要等。

６：３０ＰＭ開始等位，　７：００ＰＭ有位，　入去時侍應問可否８：３０ＰＭ交枱，　正常速度。。ＯＫ的。

我們３個人叫咗：
牛油雞亦：雞亦大細適中，　味道好香口，　不過唔多牛油味，　多香矛味。正。蝦餅：蝦肉彈牙，　肥ｄｏｄｏ的，　好味。蝦片亦好味。咖哩牛腩：咖哩唔會太辣，　牛腩、牛筋都好＂林＂，　正。配上蒜蓉包（另叫的），　一流，　不過咖哩汁份量唔係好多。蒜蓉包：叫咖哩就一定要叫，　好味，　就咁食都香口，　蒜蓉味夠。海鮮炒金邊粉：帶少少酸酸甜甜的味，　幾好食，　都炒得乾身，　海鮮都幾足料。５月期間，晚市ｏｖｅｒ　＄２００可抽一個餸，　我地抽到：泰式辣豬肉生菜包：免費野，　不過份量唔會因此減少。味道ＯＫ咖，　不過我個人唔食得辣，　個豬肉碎好辣。整體食物、ｓｅｒｖｉｃｅ、環境都滿意。我地亦剛好８：３０ＰＭ還枱。

ＢＴＷ，　晚市ｏｖｅｒ＄２００，　其實３個人或以上都已經＂達標＂，　所以都幾抵喎。我見侍應都會提一提Ｄ食客，　抽獎內的食物名單，　避免重復食客本身想叫的食物。夠細心。

剛巧午飯時間在CWB出現, 無啦啦比我見到大家樂搬咗嚟這裡, 所以就食個快飯。

食物要了四寶飯：
取食物時, 見到個四寶都有D開心的感覺, 因為D食物好"令立立", 但又唔係話"油林林"果種。
四寶有紅腸：都好味, 唔會有肥肉, 不過就切得好薄。
雞亦：好味, 卥水都好入味。
半隻咸蛋：唔會有咩問題啦。
叉燒：唔肥, 蜜汁好味, 正。

食物, 大家樂係快餐, 我當然唔會話係一流好食啦, 不過都算係咁了。以前我係覺得快餐排位係：(1)美X, (2) 大家樂, (3) 大X活, 但依家係(1)大家樂, (2) 大X活, (3) 美X。
環境：新店, 新裝潢, 幾好呀, 同一般大家樂不同, 仲有free報紙比你睇添。

2:30PM去到皇室堡買戲飛, 之後睇吓食咩先, 經過夏麵館, 想起我有$50 coupon, 不如入去食啦。

燻蛋 ($18)：好食, 之前在德福那間食過, 一樣咁好食。不過就切得肉酸D, 但無損佢的味道。下午茶餐 ($32)：
嫩雞煨麵 (原價$38)：呢個真係好唔得, 雖然好大碗, 但一D都唔好食。無論係湯、麵、雞....都係無味....搞到我都有懷疑自己的味覺.......唔知係唔係無落D咩呢....因為之前在德福果間食過都唔係咁差......
餐包一杯豆漿：OK, 不過唔算好有豆味。$18 + $32 + 10% = $55, 我食上有張會員$50 coupon, 不過我發現我無帶會員證, 問了店員, 可用coupon, 而無帶會員證只是無得儲分。所以...呢餐...$5。哈哈。

由上個月發現元氣圍板, 已經好期待了。我好鍾意食元氣, 有時我會特登搭車去柴灣果間買外賣番屋企食。依家家樓下就有, 好開心。

18/4 內部試業；19/4試業；20/4正式開營業。

20/4 晚上8:30PM去攞位, 預咗食野多人, 攞籌156號, 叫到48 號 , 照等, 因為阿媽同細佬都未有耐番到嚟, 大把時間。
9:30 PM 阿媽、細佬相繼出現, 剛剛差不多叫到156號。因為此店close 10:30PM, 10:15PM last order, 所以我地都把握時間叫野食。

炸蝦卷：因為有free coupon, 所以先叫這個。都OK, 炸蝦都幾好, 唔會好厚炸粉。筋子：細佬食, 佢話好味。
厚燒玉子：細佬食, 佢一向係玉子fans。
炙燒黑椒三文魚：呢個好味, 燒一燒過的三文魚, 好creamy, 好正。
三文魚手卷：阿媽的。
軟殼蟹手卷：我的, 紫菜脆, 軟殼蟹夠脆。三文魚頭湯：阿媽的。
日式燉蛋：我的, 一向都係燉蛋fans, 正。三文魚壽司：一般, 唔夠肥美。
赤貝壽司：一般, 唔算好新鮮。
生海蝦：呢個唔得, 好唔新鮮。
元氣卷：好食, 次次都叫, 唔會衰得去邊的。
吞拿魚手卷：阿媽encore手卷。
海膽墨魚軍艦：海膽墨魚OK, 不過紫菜un了。

其實以3個人嚟講, 我地今次唔算食得好多, 可能因為臨收工, 所以在迴轉上的壽司都唔多吸引, 所以只係食了order的食物。service嚟講都好好, 有新人, 亦有D舊人幫手, 所以唔會因為新而亂, 個個都好有禮貌。不過始終係新店, 所以都會吸引好多人, 星期五、六、日, 食飯時間, 應該都要等一小時以上。一定會再幫襯, 不過我估會以外賣居外。 同埋, 今晚order的食物都比較耐先嚟。

同友人睇完戲, 未決定食咩, 行吓行吓..去到牛角...居然唔食排隊 (aroun 7:45PM)。友人未食過, 就入去啦。

有會員套餐 (我係會員), $446 (包咗原價加一) 的2人餐, 我地都覺得可接受呀。套餐食物：
超礦物海藻野菜沙拉：呢個勁好食, D菜好fresh, 加上D汁, 好match。
kimchee:我同友人都唔like, 所以基本上無咩點"掂"過。
王樣豆腐：同kimchee一樣。
野菜兩品 (我們要了雞比菇/露荀)：2個都好食, 不過比較難燒得好食。
chuck roll:好juicy, 好肉味。
1cm cut beef tongue , 呢個就搞笑, 因店員話牛舌無哂 (我仲開心, 因為其實我唔食牛舌的), 店員要我地選其他野。咁佢一定要我地選$49的食物..貴過就一定唔得啦..連平過都唔得喎..哈哈...咁其實唔多選擇, 所以我地要了"腹胸肉"。
腹胸肉：都幾正, 好肉味。
salmon in shio：呢個一般啦, 可能我本身對魚唔多"好"。
premium karubi：好juicy, 有雪花, 正。
pork cheek：因為係豬, 怕唔熟, 所以都燒咗好耐。初時以為會好un, 但又唔係喎, 好食喎。
牛角飯：正呀, 加上剛剛燒好的牛肉就一流了。
2杯$29以下的飲品：
我要了Kyoho Grape Collagen：之前已經飲過, 都幾好飲, 唔會好藥水味..咁所謂的collagen係真定假就唔知了..哈哈..友人要凍柚子茶

2個$19以下的甜品：我兩都要銅鑼燒, 好味, 燒一燒, 外熱內凍。會員dinner over $100：免費辣油豆腐 ：我同友人都麻麻地太辣的東西..所以都無咩點食過。(即係同kimchee、王樣豆腐一樣)

整體上不錯, 有會員套餐, 總比單叫化算(雖然有D我地唔多like)。食物上得好快, 由於我地坐2人枱, 所以D食物一枱都係....有點難搞。service：幫我地落單的男店員好好, (1) 無牛舌, 我地想叫D平過$49野, 佢唔sure 佢地會好有禮貌要我地等等, 要問人 (2) 個餐係包2杯$29以下飲品, 我叫的grape collagen就係$29的, 友人的柚子茶係$19的, 店員好好的提一提, 叫$29的就"抵"D...雖然友人最終叫番$19的, 不過都覺得店員好盡責。另外fill 水、換燒網都好快手。

當然, 話好平就唔講得, 不過間唔中食吓都OK呀。BTW, 其實呢個2人餐好多野食..for 3人都OK喎...哈哈.

自從沒有在kln bay番工之後就好耐無去mega box ikea食了, 十分排念肉丸、雞亦哦。

今日約咗人去德福MCL睇戲, 所以我就去咗ikea食lunch了。話就話lunch, 其實我2:00PM先去到, 都仲係好多人。肉丸：真係必食的, 大大粒肉丸, 配上肉汁(是嗎?)...好好食呀, 不過我就唔多鐘意個莓醬。
雞亦：又係勁like的, 炸得香口, 又好味、多肉。正呀..
火腿扒意粉：呢個都OK咖, 個火腿係蜜味的...意粉軟硬適中..
汽水 (無限refill)

好開心, 食完好滿足......

希望CWB果間快D有cafe啦.....CWB近我多D..kekekeeee

10/4/2012

約咗友人去德福睇戲, 睇完見口渴, 去咗mc cafe試吓新野：

友人要"豆奶綠茶：友人話聞就好勁綠茶, 不過飲就豆奶多D..不過都OK
我要"凍奶茶"：第一口...感覺似食早餐pancake的糖漿, 再飲...都係一般...感覺上太甜了.,,之後行街...再dinner.....dinner完...想搵個地方坐低傾計....又去番mcdonald..

今次我飲"可樂冰"..with 橙味cream..：在開始summer時...飲呢個真係正...透心涼...