繼續生日飯 第一次去呢間，係上openrice search 的 食物： - 3杯mango smoothie ： 我地3個人都覺得好好飲，好芒果味但唔會太假、太甜，但就比平時的smoothie '傑'咗d - 原味烤雞 : 皮脆肉嫩，我覺得好味；而友人覺得再配埋上菜時提供的醬汁更好味 - 芝士 rib ： 呢個反而麻麻地，ribs唔多肉、芝士亦有d過咸的感覺 - 招牌pizza ： 呢個係我喜歡的薄pizza , 其實佢一d肉都冇，但係又出奇地好食，唔會好'齋'果種感覺。呢個有驚喜，同埋分量多。 坊間好多食韓式炸雞、烤雞都有限時、又坐得迫迫夾夾，呢間就坐得好舒服。 Service 就中規中矩 雖然我地果晚係平日，但係以銅鑼灣的韓食來說，真係好冇客，果晚十枱客都冇。希望佢可以增加menu食物，吸引多d客啦。因為我覺得佢食物好食咖。 埋單做用埋生日月有85折的優惠（openrice)

食完韓式生日dinner , 再食埋韓式dessert就perfect了。 我地接近9時多先到達，有3枱客（totally全店大約有10張枱） 食店以自助形式，去收銀處買完，職員會比部'震震提示機'你，一震動就可以拎食物 本身見到收銀處有寫每位客人最低消費係一杯飲品或甜品，但我見在場果3枱客都係4人2杯、6人3杯。所以我地3人都只叫咗2杯。 - 一杯mocha (友人的，我冇飲） - 一杯mini mango bonbon ：一上枱十分吸睛（其實大的仲吸睛，不過剛剛食飽飯的我們冇能為力）配合埋本身枱上的配件，打卡一流。味道方面，第一層的芒果超甜，超好食，係芒果接近好好好熟程度果種果甜，加上佢大大嚿，好啖啖肉feel. 之後下面有d cream, 第二層芒果明顯冇第一層咁甜，不過都好好食。之後中間有芒果味的沙冰、比較細粒的芒果肉⋯⋯⋯⋯食完成個日涼爽哂，好滿足。 應該會再來，希望下次可以食大bonbon

繼續生日飯，一行8人，唔想去d限時限刻的地方，所以我提議去ruby Tuesday , 因為我係會員，有半價discount . 食物： 1: 炸洋蔥圈 ： 好香口，份量多 2: 雞亦 ： 必食，喜歡呢款烤雞亦。 3: 芝士條 ： 好濃芝士，但一定要趁熱吃 4: crab cake ： 足料 ，都算多蟹肉 5: mini burger set ： 有三款burger (牛、豬、crab cake) 呢個一般，比較dry咗d 6: rib combo : 有rib , 炸雞柳、炸蝦。rib 係ruby Tuesday 主打，好味，肉'林'。炸雞柳、炸蝦都好香口、入味。 7: rib eye，：呢個我次次都叫，7成熟，yummy . 8: 白汁西蘭花通粉 : 麻麻地，d汁一pat pat咁 9: 餡餅 ： 呢個食完唔知自己食過咩咁，哈哈 10: 汔水/凍檸茶 (無限refill) 其實我覺得ruby Tuesday d 小食、肉類係好食過佢d飯/粉嘅。 食物：7/10 服務：8/10 環境：7/10 Ruby Tuesday 係一班人去食的推介，大大碟咁。不過，都係果句⋯⋯⋯係會員先會去食。

7月7日正日生日，一行三人入迪士尼翠樂庭食自助餐慶祝。 其實本人乃係迪士尼年票會員都6-7年，但從來冇喺樂團酒店食自助餐，因為太貴了。今次難得2位友人不介意請我呢位壽星，太感動了。（金卡會員生日有買二送一的優惠、另外7月亦做緊85折優惠） 食物方面（我有食果d, 但其實仲有好多其他美食）： 長腳蟹的腳、不同款式的刺身、壽司、BBq的食物（牛扒、腸仔、火雞脾、、大蝦、炒蜆⋯）、北京填鴨（不過呢個麻麻地）、沙律、蝦、煙三文魚、不同的中式點心、亦有即整的湯麵、多款迪士尼人物造型的甜品、生果、糖果、軟雪糕⋯⋯⋯⋯ 其實最期待當然係同迪士尼人物合照⋯⋯⋯如果預早訂咗蛋糕，仲有迪士尼人物同你唱生日歌、切蛋糕⋯⋯⋯⋯真係令我返老還童⋯⋯⋯⋯變番小朋友咁開心。

繼續係生日飯⋯⋯唔好比佢停 一行四人去達人包車，叫咗： 1: 芝士炒飯 ：基本上呢個夠熱就好食，所有野撈埋一起食。 2:西瓜燒酒：成半個西瓜咁上，好多冰、不過唔勁燒酒味 3: 檸蜜炸雞：唔太酸，都幾香口 4: 五花肉炒魷魚：呢個我之前睇過openrice 好多人話好食。份量上枱好似好多，不過其實係椰菜多⋯⋯⋯但其實d五花肉、魷魚係好食的，可以再多番少少就好了 5: 雞蛋卷：份量多，多汁 ，我同友人覺得好食、不過有一位友人覺得太多汁 食物：6/10 服務：8/10 （堅多oppa , 又主動幫我們影相） 環境：7/10

一行5人為我慶祝生日，去食蒸海鮮 每位$198套餐包： 1: 每人半隻龍蝦 ： 超新鮮、d肉好彈牙、個鉗啖啖肉 （不過就冇乜膏） 2: 每人2隻蝦 ： 雖說不太大隻、但都幾鮮甜 3: 每人2隻鲍魚，大隻，上枱時仍然郁的。d肉好彈牙。 4: 有三款不同的貝類，都數不到有幾多了。大部分都大隻、肉鮮甜 5: 每人2粒豬肉丸 ： 都幾juicy 6: 一堆牛肉粒 ： 可能控制時間不好，比較un 7: 一堆瓜： 完全冇味,我地冇食哂 8: 每人2件馬拉糕： 鬆軟 、甜 9: 每人2件唔知咩餃：一般 以上係套餐包的，個排骨粥底要另加收費。 我們要了細的（$60） （另有大的，$100）。 餐牌上仲有其他海鮮加$ 選擇，不過我地覺得個餐都夠食，所以冇加。 雖然話個餐$198，不過要加一、茶錢、小食（2碟花生 共$30）。 食野又少不免飮吓汽水咁，所以計計吓都差不多$250 （咁坊間都有d成$3xx 一位，任飲、有限度任食果d....... 任君選擇） 而服務，d阿姐大部分有禮貎的。 除咗頭一次有阿姐幫我地放排骨粥、龍蝦⋯⋯⋯之後就自己動手。咁有好有唔好，我試過去另一間蒸氣煱食店，剛巧果晚冇乜客，所以阿姐服務周到，成晚貼身服待，但就同朋友傾唔到計。而今次就自已來，可自己控制，但就未必遇上準確時間,所以d牛老哂。haha。

7月了，我的生日月，由something wild 呢度展開我的生日聚會 友人提議食呢間，佢話因為見其友人Facebook d相好吸引。 我地叫咗： 1: 炸軟殻蟹 ： 份量不多，不過炸得鬆脆，好吃 2: 龍蝦意粉 ： 有一大隻的一開二既龍蝦，同友人可以一人一半。龍蝦冇乜膏，不過d肉都大件、彈牙，啖啖肉。意粉以為好少，但原來都唔少喎，幾好食。不過menu係話有辣味，但一d辣都feel唔到，當佢茄汁意粉好了。 3: 牛柳：呢個有驚喜，以7成熟來説，有咁嘅顔色，已經好好了。咬落'林'得來有少少咬口，肉味都重。 4: happy hour 叫了asahi , 都好大杯喎 其實我之前睇openrice 見好多人食龍蝦餐，不過我同友人覺得唔抵，佢貴在龍蝦，而其他的蝦、蜆份量好少、雖然有pizza , 餐湯，不過呢d不太吸引我們。所以我們散叫，咁個龍蝦意粉都有一大隻龍蝦啦。haha. 而今晚d食客都係散叫多。 另外喺門口有人派coupon , $300減$50

又係懶人出動的時候，事隔2年又心思思寫番食評。 喺佐敦上韓文堂突然想食韓燒，search到呢間平昌。友人更立即save openrice 的送premium 食物優惠。 食物 （1）2隻芝士鮑魚就係openrice 優惠送的 （2）任食有生蠔、蝦、帶子嚟燒，已經回本 （3）我地分別有叫唔同的牛、豬⋯⋯⋯其實就唔係好識分種類，不過大至上都好味 （4）任食有鰻魚比你燒真係第一次見，係好食嘅，不過難控制火喉 （5）熟食叫了炒粉絲，居然仲好食過出面就咁散叫果d, 起碼唔會成pat咁，所以我呢個encore咗 （6）汔水任飲 （7）雪條只可每人一支 2小時，食得飽飽；食店乾淨企理；職員有禮貌；上食物上得快。 可以再同朋友嚟食。

友人提議食呢間，因為想試辣湯底。喺group到，一呼百應，共8位女子一齊'十吓十吓'。 好在有訂座，好多人等位。 一坐低我地就選好湯底，之後就瘋狂點牛、豬、蜆⋯⋯之後四散去拎野飲、拎食物。 基本上d牛、豬都係正路任食貨仔，都叫ok 啦。 D蜆都比得好足，又夠鮮甜，所以我地都encore 咗2次。 出面拎野真係乜都有，好多不同款嘅丸、有一包包嘅方便面、連生雞蛋都有、又有我好愛的魷魚加魷魚so, ⋯⋯⋯真係未見過有咁多可以拎 又有鹵肉飯、好多不同嘅甜點、連醬汁都多選擇過人（有腐乳）、汽水、啤酒亦都任拎、連茶包都有，啱哂唔飲凍野嘅人、最後就好多不同的雪條。 食物選擇多、地方有d迫、員工服務有d差（由其係拎肉出嚟嘅阿姐，佢好話我地叫咁多盤) 但應該會再嚟食，因為食一次真係食唔哂咁多款食物

原來對上一次寫食評已經係2012年，懶到爆炸。


27/2/2015

同友人團拜之後的甜品，去友人推介的韓冰。我地大約9點幾pm到，坐位full, 所以等咗5-10分鐘先有位。

去counter 落order, staff 有問是否已有坐位, 因order 完會有staff拎比你。咁所以如果一個人嚟食會有難度。staff話因今晚多人，所以可能要等比較耐，無所謂，反正同友人邊傾邊等。

我們5人，叫了：
3個人叫blueberry cheese 冰；
1人叫紅豆豆粉冰；
我叫mango 冰。

我食的mango 肉比較酸，不過本身d冰有牛奶味，所以可以balance 番。因為個碗都係雪櫃拎岀來，所以d冰又唔會溶得好快。

整體來說都幾好，所以應該會再來。

Ps : 其實一碗份量都大，不過我同d友人又未相熟到可以share食。哈哈。