1227 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-03-04
15/12/2023 Bookmark 左好耐嘅柴灣名物之一:澤記快餐嘅巨型魚柳包 (作為港島東居民都係第一次去,有啲慚愧) 其實佢係接近大排檔感覺,所以夏天真係去唔到。其實今日都係接近28度嘅12月15日😵💫😵💫😵💫😵💫不過因為下晝要去東區醫院複診,早咗有少少時間,所以可以去食 (食店收五點的) 果然一上枱勁巨型,炸得香口,魚肉厚身之餘好嫩滑,好食。 不過都食得幾論盡,因為佢入邊有醬汁,同埋有蕃茄同青瓜,所以都會整濕少少個包,拎上手擺落口都有啲難度🤣🤣🤣🤣 佢本身應該早餐同下午茶時段就會平啲嘅 (平啲加錢配嘢飲)但係我係晏晝時間去,所以就分開計。 推介美食: 巨型魚柳包
評分: 味道 5 環境 3 服務 3 衛生 2 抵食 4
2024-02-25
23/2/2024 今晚gathering 團拜,好耐冇去南山邨品香樓了 一行六人,叫咗: 南乳雞翼、半隻風沙雞、椒鹽鮮魷、火焰牛柳粒(一上枱,職員會問我地準備好影相未🤣🤣跟住點火👍🏻👍🏻)、蒜蓉蝦蒸糯米飯、金銀蛋豆苗、一人一杯凍忌廉朱古力就梗咖啦👍🏻👍🏻👍🏻👍🏻👍🏻 味道同以往一樣咁好食、服務同以往一樣好忙但仍然keep 到禮貌、仍然同以往一樣咁多人,坐得有d迫夾,熱鬧。 埋單除翻開每人$160。抵 Ps: 只收現金 推介美食: 凍朱古力, 南乳雞翼
評分: 味道 4 環境 4 服務 4 衛生 4 抵食 4
2023-10-28
6/10/2023 我今日食咗個麻麻哋嘅下午茶。 本來諗住去大x樂食炸雞比,但sold out 😭行去美x快餐, 執咗笠😅😅 路過一間叫做和順記嘅茶餐廳,佢聲稱自己炸雞髀好勁, 係雞髀王,所以如果入去試吓。下午茶時間,得一兩枱客。叫咗個下午茶‘生炸女皇雞髀’,個名好有霸氣,所以都有啲期待嘅。 但係我覺得佢完全好似冇醃過, 隻雞髀夠大,仲好多肉,但係冇味,浪費左隻髀🙃🙃🙃薯條雖然冇‘林’,但係唔夠熱. 失望。🙈
評分: 味道 2 環境 3 服務 3 衛生 3 抵食 2
2023-10-28
1/10/2023 國慶要食好啲😏 當初‘石燒’盛行時都幫襯好幾間唔同嘅,之後越來越多就好似少咗食。今晚突然之間有啲掛住,所以去咗‘牛極’油麻地分店。(其實旺角同油麻地都有分店,不過感覺上旺角應該多人啲,所以我寧願行遠少少去油麻地) 有新品~立即要試吓先~封門柳. 好味喎,肉好‘林’身,仲軟綿綿過牛柳, 又好有牛味。 再配上蒜蓉同海鹽,正呀。 (今次我食270g $150, 下次食180g $105 就夠了,因為仲有白飯、湯、沙律任飲任食)😋😋 我覺得佢個湯真係好好飲,牛肉湯,每次起碼都要飲2、3碗。反而沙律就單調啲,剩係得啲沙律菜, 自己加啲麻醬。 食得滿足之餘,唔知係咪因為油麻地分店真係相對少人,所以侍應服務超好,d 阿姐好貼心推介你食新嘢,有提你可以拎圍裙等等。 不過都有弊病,始終石燒都比較大油煙,食完全身都係油煙味😛😛
評分: 味道 4 環境 4 服務 5 衛生 4 抵食 4
2023-10-28
25/9/2023 難得晚餐時間路過太子,去 友利冰室x勿當奴 食嘢先。之前已經試過食佢好出名嘅乳豬卡邦尼意粉,今次試吓食中式。 呢個一人餐真係好誇張,我叫咗中式牛柳,啲牛柳多到呢⋯⋯⋯食極都仲有⋯⋯味道就偏酸(有啲似咕嚕肉嗰種汁)⋯⋯我都接受到嘅⋯⋯好啱送飯⋯⋯⋯ 菜又多(感覺上似係兩人份量嘅菜)⋯⋯仲有中湯飲 (紅蘿蔔湯,勁好飲)⋯⋯⋯一大碗白飯⋯⋯⋯仲有飲品添 (我要咗支羅漢果茶,不過對我嚟講有少少苦) 食完真係飽到上心口😋😋😋😋😋 推介美食: 中式牛柳
評分: 味道 5 環境 5 服務 5 衛生 4 抵食 5
|