Jackiess 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-03-22
真心難尋,男友在這個悠閒的下午說要帶我到他之前試過的那間冰滴咖啡的cafe坐坐,說這裡真的很用心煮咖啡,老實說,我男友常看不慣我每星期有3至4天在中環星巴克打座,說是咖啡不便宜又難喝等云云,所以就下定決心帶我來喝什麼叫咖啡。 其實我沒想到3、4時也竟然滿座,雖然位置很少,也是一間cafe,但環境一點也不吵鬧,大家都像文青一樣,小聲說話,或是自顧喝咖啡、看書等,好一間優雅的cafe。 推介美食: 炸魚薯條,焦糖燉蛋撻
評分: 味道 4 環境 5 服務 5 衛生 4 抵食 3
2015-03-03
每年我們也會和合作伙伴到一些餐廳吃好一點,而繼上年第一次吃過文華廳後,便很想再來,所以今年也是來這裡用餐,文華廳這裡真的給人一種很傳統的感覺,像回到六、七十年代。餐廳在25樓,風景也格外好看。 螢光粉紅給人一種時尚的感覺,但整個設計卻滲透著淡淡的傳統(不好意思~ 專業發作) 這是今天的菜單~
評分: 味道 5 環境 5 服務 5 衛生 3 抵食 3
2023-05-11
朋友說我沒有關心佢,咁啱睇咗一位youtuber介紹和昌飯店的叉燒 所以為咗顯出我嘅誠意 我帶呢位朋友嚟到呢間百年建築物食餐飯 而預留位置時,我係特意預留叉燒 嚟到先發現其實好多野都要留,特別係海鮮。 雖然都知道係廂房先可能會有師傅嚟表演燒叉燒你嘅 不過我以為點都有炭爐上 結果係無。 佢係無問我地要肥定瘦 但舊叉燒本身已經係有肥有瘦,入口啲肉非常軟淋 睇得出已經搽咗幾層麥芽糖 甜得嚟有咬口 基本上,我食咗3舊,已經我位朋友食哂。絕對係手快有手慢無之作。 $398 我唔係覺得性價比高,不過我覺得物有所值。 跟住因為呢條友無試過柚皮,我就叫咗個柚皮嚟食 我自己本身食過大圍已經執咗嘅楓林小館version 所以我覺得呢個都算係拍得住嗰個級數 柚皮唔澀仲無搶咗啲蝦籽嘅味道 嗰兩條菜雖然係伴碟都唔差,一啲都唔老。 由於前面兩道菜太好味,呢道粉麵就顯得有啲失色 雖然兩面黃仍然處理得好好 不過黑豚肉就個色就麻麻 個麵仍然都叫好味嘅 雖然我都飽到嘔,但我仍然叫咗個甜品, 不過都係普普通通, 即係蛋白係香嘅同滑,但係撈埋一齊又唔係太驚艷。 不過如果係靜靜地傾偈,呢度係幾唔錯,環境唔算太嘈又唔算太靜。 我都打算同我老公再嚟。
評分: 味道 5 環境 5 服務 5 衛生 5 抵食 3
2022-02-05
過左一個月都令我念念不忘的泰菜 因為佢嘅味道同曼谷嘅正宗泰菜有得揮 就趁住而家個疫情,無得堂食,都懷念下。 呢間係朋友仔住附近推介,我地就叫咗個二人套餐share 另外仲order咗多一個冬蔭海鮮湯,堅係足料,除咗咸咗少少之後,其實無乜好挑剔,我亦都欣賞店家無因為要就下啲食客嚟減辣,老實講,唔食得辣,做乜鬼要食泰國菜? 另外佢嘅泰式明爐魚都係相當吸引,本身出去都成 $238 啦,呢度更加好味,香茅味足,又唔係細條,都係包係個餐裡面,老實講,我感覺店家真係蝕做。 呢個醃肉碎生菜包,我地揀咗雞肉,再加埋佢地特製嘅香料,真係好唔錯,而且啲生菜都係好新鮮,入口爽爽聲,唔係大食嘅話真係3個人食都得。 食完呢餐飯,我個胃真係好想去旅行.........建議去唔到曼谷又想食泰菜,呢度真係一個性價比好高嘅選擇。 推介美食: 冬蔭海鮮湯, 醃肉碎生菜包
評分: 味道 5 環境 5 服務 5 衛生 5 抵食 5
2021-04-06
在又一城修完眉,就約老公係附近食埋野係地下味千集團嘅金色不如歸同埋LUBUDS集團嘅鳥十之間 我揀咗呢間 畢竟LUBUDS旗下多數係日本餐廳,唔係真係純想食拉麵嘅,我就揀咗呢間了。 本人點咗個定食,雖然3點幾都仲有得食定食,我覺得算係唔錯 前菜係三文魚沙律,雖然賣相一般,不過我覺得都唔錯,菜又爽口。同埋都真係少餐廳,定食嘅沙律都會有幾塊三文魚,畢竟好多都係求其沙律菜俾啲醬就算。 麵鼓湯唔算好咸,而且有啲年輪狀的腐皮也少見,口感不錯。 係食主菜前,我仲貪心叫咗呢度出名嘅串燒,丫,單係賣相嚟講,真係幾好,雞皮唔會乾哂,雞軟骨都唔係hea你,一串四粒都真係每粒有骨有肉,下次有開心事都可以係度食佢地個串燒套餐,都係四百幾一個。 不過見到佢真身嗰時,又覺得有啲弱 不過跟住嘅生姜豚肉燒就無失望勒,沙律配料就可以不吃,因為一般,但係本身個生姜豚肉燒真係整得好好食,係忍唔係會:「丫!」 點頭嗰種~ 而且豚肉同洋葱都好入味,而且飯嘅份量都啱啱好,啲洋葱都係好好送飯。 推介美食: 生姜豚肉燒
評分: 味道 5 環境 5 服務 5 衛生 5 抵食 3
|