最近發現於灣仔有一間很有趣既北歐小店— AERA，從門面來看，是一間裝潢平實而富細緻感既餐廳，餐廳提供 $1,188/ 10道菜既餐單 (tasting menu)， 假如喜歡Wine Pairing的話，也有5杯/ $798 或是6杯/$898的選擇～ 先是3款悅口小食，從擺盤上已見精緻。小撻內既係經發酵過嘅雪梨粒；而波波係北歐既傳統菜式，有薯餅、脆煙肉、薯蓉，波波上有lingonberry jam，富香口而開胃既感覺； 自家醃製嘅青口，用本地三黃雞炒過嘅薑蔥，加上Cavier、柚子皮，多重口感，最喜歡就係呢個了 所用既係日本帶子，落咗少少花椒油，富點微辣，非常好食；而配既麵包係自家製既sour dough bread，連酸種都係餐廳自家整既，配既係牛油既焦糖化既酵母，新鮮辣根牛油，外脆內綿密鬆軟。 主菜既部分於「牛肉」與「雞肉」之間選了後者，大家都大讚處理得好好，雞皮香口略帶脆身，肉質嫩滑 進入甜品部分前以「蜜糖青檸梳打」清清口腔，以最佳狀態到甜品既環節 甜品既部分有兩款，特別一提既係其中一款係goat cheese，確係比較稀見呢

位於Regent Hotel 既Nobu係由星級餐廳主理人、廚師松久信幸先生（Nobu Matsuhisa）領軍，為客人提供富秘魯元素既日本料理 來先來小灼一杯，是夜飲既係一支相對premium既sake，有點點spicy既aftertaste，甚為特別 前菜「辣味三文魚粟米脆片」也甚有風味，厚切富微辣嘅三文魚粒很有醒胃效果，餡料飽滿，粟米脆片相同香口，與粟米脆片形成雙重口感，令人回味無比～ 「菠菜沙律配乾味噌 (蝦) 」既菠菜葉塊塊分明，簡單既調味，搭配大蝦，乃係沙律類既好選擇 「油甘魚刺身配南美辣椒」 中既油甘魚豐腴味美，柚子醋為菜式添了清新既效果，南美辣椒起了畫龍點睛既功效。平常刺身皆係沾醬油既較多，呢個新派既配搭還真的能提升刺身既鮮味呢 「皇帝蟹天婦羅西瓜」以紅洋蔥、芫荽作裝飾。皇帝蟹天婦羅脆漿炸得很夠薄，皇帝蟹腳相當鮮甜；而以西瓜作墊底確係有趣，帶來有趣既味覺刺激。 而富火焰效果既牛肉除咗富視覺絕佳效果外，油脂分布平均，每口皆係味覺上既享受 另外亦點了壽司拼盤，例如係吞拿魚腩、海膽，帶子等等，皆很夠新鮮，不失望。 招牌「銀鱈魚西京燒」乃係必點項目，所用既係甜味噌、所須醃製時間會係兩日，再配上醃過既日本薑苗，吃白色嘅部份可以refresh口腔一下，再加入柚子味噌，增加風味。 甜品選擇上已甚有誠意，而個人亦甚為喜歡「朱古力心太軟配綠茶雪糕」，富軟心效果，朱古力味道亦比想像中濃郁～

係香港都唔少會員制餐廳，其中一間就係香港大學校友會，地點位於中環核心地段，印象中幾年前曾跟友人來飯局，幾年後再訪與友人慶生，依然印象深刻～ 前菜有三款— 「糖脆柚皮」、「煙燻素鵝」、 「麻香鳳尾蝦多士」，「糖脆柚皮」既處理相當考功夫，還做出了拔絲既口感，喜歡！必試既一定麻香鳳尾蝦多士，鳳尾蝦既香氣與炸得酥脆既多士完美融合 「杏汁白肺湯」滋補潤肺，特別天氣時冷時熱，相當順喉 翡翠骨香鯧所用既係黃立鯧，火喉剛好~ 當晚最令大家心動既係鹽水鵝，原隻鹽水鵝陣容令人嘩然，鵝肉乃是嫰粉色，肉質嫩滑，令人相當回味 都已經忘了多久沒吃過「經典鴛鴦飯」，紅白兩色似是太極般相融，各有特色 甜品既部分亦很有誠意，是偏向新派既甜品，3款皆有印象點，包括「太極布甸」、「抹茶奶凍」、「脆奶卷」，個人最推薦既係「抹茶奶凍」，奶香十足的。

今日係飲食界放榜日，講緊係《香港澳門米芝蓮2024指南》發佈，聽到唔少飲食界朋友都覺得榜單唔算有太大改動，沒有新上榜既三星餐廳，特別想highlight既係澳門有新上榜米芝蓮2星 — 位於倫敦人嘅中餐廳「淮揚曉宴」，早係還係一星既時候，特地到訪過，當時已甚有驚豔既感覺，味道上超水準，更能感受到美食乃係藝術～ 還記得當日係一個Walk in嘅狀態，正常下已經滿座，但於侍者既細心安排下，竟然可以不枉此行。 品嘗的是10道菜「周曉燕大師的味覺起伏」tasting menu，MOP1,888 以一星來說不算便宜，但用餐後深深有感，呢種味道，還真是世間難求。 先來的是「淮揚經典冷盤」，精緻又美味，特別是「鱘龍魚子醬配蔥香南非鮑魚脆塔」； 而Best of the night定必是「蟹粉清燉獅子頭」，應該是我食過味道最難忘，肉質最鬆化的獅子頭的版本，湯頭清甜，後來有機會跟師傅傾偈先知道，原來當中準備功夫甚多。 最特別係中段安排既係「酸湯裙邊象拔蚌」，刺激味蕾後，為味覺起伏之旅下半段 做好準備～ 吃到尾段的「鯧魚焗飯」亦不容錯過，令人回味無窮！

諗起自助餐，好多時候都係覺得所費不貲，最近發現喺尖沙咀鬧市有一間性價比極高嘅自助餐，人均不用$500，即使係平日夜晚都全場滿座！ 重點係即使價錢比想像中低，但係環境、食物方面都合乎預期。 冷盤方面，龍蝦、琵琶蝦、小龍蝦都係可以隨便食的～ 如果鍾意食海鮮嘅話，更加唔好錯過即點即煎嘅老虎蝦，煎得剛好，肉質非常之有彈性，同場加映亦有即煎嘅羊架，香噴噴的，粉嫰的鮮牛肉都係好受到客人所喜歡的！ 甜品嘅部份，除咗有隨便攞嘅Häagen-Dazs雪糕之外，有流心效果既朱古力心太軟都係我嘅心水之選; 一系列春日嘅甜品除咗賣相吸引之外，味道都相當唔錯啊～ 最特別有一個限定嘅環節，會邀請客人喺一條長長嘅蛋糕上面灑上花瓣，互動元素十足！

銅鑼灣呢間開業超過10年，曾經為不少名人、明星、政要既中菜館，最近重新開幕，除了名氣大外，用餐位置也極有私隱度，大部份也為包廂，目測由4人到10幾人也有合適的選擇。重點是菜式都極有水準，勢必很快成為熱店！ 據了解「龍皇藏金衣」這道名菜的靈感是來自酸菜魚，用的是酸菜河粉和薯粉— 雙粉，有雙重口感，掛湯力一流，加入南澳龍蝦、魚湯底，有越吃越開胃的感覺。 原來「橫行抱玉」指的是膏蟹蒸肉餅，所用的豬肉更是第一刀梅頭肉，肉質比一般更遠腍，所用的膏蟹是本地出品，肉餅盡收蟹汁精華。 看似平平無奇的「大澳蝦醬蒸肉筋」，實質係一道矜貴菜式，印象中肉筋每隻豬只有一條，一條則最多可做出3個portion，用上本地的大澳蝦醬，埋底是疊起的鮮腐竹，經餐廳自己炮製才下鑊蒸的，非常juicy，是一道用心而美味的菜式。 先將芥蘭最好的中間部分切出再炒，葉的部分切絲再炸，上菜時再放入葉的部妙，便做成「肉鬆芥蘭兩味煲」，確是比一般吃到的更香口！ 看到粢飯，總會覺得是一個極飽肚的菜式，然而這個一口份量的「香煎粢飯」外金香，內軟糯，更只是一道澱粉小吃，份量剛好。

好像有一陣子都冇去過上環嘅蘭桂坊酒店，特地走既一趟為既就係呢間最新既打卡餐廳— 鴨巴甸公館。餐廳環境復古典雅，似係一間精緻既藝術館。 招牌既「黑魚子鵝肝慕絲」，入口就意想不到地有一陣濃郁既潮州滷水鵝味道，後來得知原來鵝肝慕絲係用咗澄海獅頭鵝肝製作，配上魚子醬既鮮味，令人一吃難忘。 「四川麻香烤海魚」係一道有四川辣椒風味既海鮮菜式，上菜時已香噴噴，仲有師傅預先熬製既魚湯，魚肉鮮嫩，特別不可錯過魚皮既部分，仲有恰到好處既辣香，回味無窮。 滑嫰無比嘅「蟹粉豆腐滑」，一口挖到底部一起吃、齒甲間亦有蟹粉嘅香氣～ 「南北杏雪耳鷓鴣燉迷你萬壽果」既湯底清澈，很有秋冬的滋潤感覺 主食係「松露菌滑雞煲仔飯」打開蓋時已經滿有松露既香氣，松露獨有既香氣正好與滑雞互相輝映。 「西施穀飼和牛尾 」既伴碟有意大利蕃茄、紅棗、圓肉，圓肉既味道都相當入味。 「牛油果桃膠」就係用牛油果打出黎既慕絲再配桃膠的，顏色通透，啱晒喜歡甜品唔會太甜既朋友～ 最喜歡既係鴨巴甸公館食飯既私隱度極高，食飯既地點都係一個包廂， 更加係味覺同視覺嘅享受～

踏入秋涼嘅季節，特別適合一班朋友打邊爐，深水埗有好多餐廳，今日就特登揀咗呢一間「舅父仔」～ 火鍋食材選擇比想像中多，更有唔少自家製項目，先黎自家製竹蔗茅根水，甜度控制得唔錯 特別推薦呢度一系列既小食，最大賣點一定係即叫即炸— 「脆炸魚皮」、「黃金炸響玲」、「椒鹽豆腐」， 炸響玲同魚皮都係加咗鹹蛋黃既炸響玲，鹹香度十足，必點「脆炸魚皮」！ 另外都叫咗「火炙薄切鮮牛肉」，加埋蔥、芫茜，味道有提升。 點既係花膠雞湯鍋，見到湯底都有唔少雞肉，一於打邊爐前飲返碗靚湯先！ 海鮮既話，點左蟶子、元貝，鴛鴦招牌滑，海鮮目測都有光澤，新鮮度亦乎合預期～ 餃子仲係自家製既， 皮薄餡靚。蔬菜籃顏色亦夠色彩繽紛，選擇亦豐富— 既有蕃茄、粟米、亦有各款蔬菜。

如果要睇開我寫野朋友仔，應該知道早前應邀到位於灣仔Mira Moon問月酒店 Supergiant Social Dining & Cocktail Bar Opening Party，而最近亦都有機會同位朋友一齊再次黎到食吓飯、傾吓偈～ 環境上都非常討喜，感覺係一間年輕有活力既餐廳，如果收工後先happy hour飲吓嘢，再食吓飯，個vibes都好啱～ 先來幾款前菜— 「風味酸汁醃鮪魚」既酸度怡人，現脆片食更有雙重令人滿足既口感，相當喜歡 「蟹肉春卷」都做到脆而油分唔會過多既效果，有幾隻蟹仔成個感覺都幾得意～ 主菜既部分，假如吃羊既朋友真心必點上次都有介紹過既「烤澳洲羊架」，肉質既軟腍度恰到好處，烤既熟度亦剛好，相當美味便是 假如唔食羊既朋友，「黑毛豬排肉」都係相當唔錯既好選擇，肉質則係粉紅色的～ 甜品係「Moonana香蕉船」—既親民的有雲呢拿，又有焦糖香蕉，又真係好滿足啊

早已聽聞於中環交易廣場內有做得相當唔錯既中菜，「紫玉蘭」正好係其中一間，聽到店名已能感覺到其優雅。裝備亦富典雅氣派，很適合三五知己聊天、亦適合商務聚餐。 先來既係玉蘭三小碟，「蔥油雨花紅蜇頭」，紅蜇頭質感爽身，有點嚼勁，吃後倍感開胃； 「腐皮轉頭」則有多重口感； 「醋油田七苗」既菜葉翠綠，有沙律既感覺 非常期待嘅係「脆煎灌湯小籠包」，向來都喜歡食呢種包點，經過脆煎後就更香口，鐵板更有保溫效果，肉汁滿滿既保留到。 喝一碗暖身既湯羹「宋嫂魚羹」，湯中有魚肉、香菇、芫茜等等，味道上相當調和。 「北京蔥爆炒鮮牛肉」係牛肉x叉子燒餅既合奏曲，牛肉鮮嫰不鞋口，叉子燒餅稍為有點脆身 「龍蝦球麻婆豆腐」係相當惹味既一道菜式，菜式中有爽口既龍蝦肉，個人認為更為重點既係吸滿湯汁既 甜品係相當有嚼勁既「香格里拉桂花拉糕」，入口有陣陣桂香既香氣，為盛宴作出一個溫柔既句點。