又再次嚟食我最愛的炯記鵝油麵 今次特別啲，唔再食麻辣手撕雞，試吓其他菜式先 炯記煙燻燒鵝撈麵燒鵝好濃嘅煙燻香氣，外皮燒得香脆，一咬鵝油香加上煙燻香氣，令燒鵝有不同的層次味道，估唔到咁出色 清湯牛魔王撈麵也是推薦牛腩同牛肚好嫩滑，一咬即腍，雖然話清湯但牛腩同牛肚都好入味，但一啲都唔鹹，牛味亦好香 太子鵝油撈麵一直都係我嘅最愛，濃厚嘅鵝油香，每條麵都充滿油光，見到都流口水 仲叫咗小食炯記三皇盤(蒜香雲耳、蒜辣鳳爪、鹽焗雞腎)，雞腎爽脆，鳳爪酸酸辣辣好開胃，雲耳入味而且份量都幾多，抵食 仲要每位都附送例湯，足料又好飲

青衣長發開咗間星馬餐廳，平時都見幾多人幫襯，今日收工見唔算多人就試下。 內裡裝修都幾靚。 我一直都好想食肉骨茶，所以我點咗砂煲肉骨茶 一嚟到好濃嘅藥膳香氣，濃好濃，都有幾多肉，仲有好吸湯汁嘅豆卜同腐竹，湯好濃但唔鹹，撈飯食真係好正 另外，仲叫咗個招牌星馬雞配油飯，雞好滑，油飯好香，但雞份量偏少，仲有雞湯，幾清甜，檸檬梳打幾開胃又解膩。 藥膳浸菜，湯好濃藥膳味，浸白菜仔幾特別，好少有呢種味。 椒鹽雞軟骨好脆，好好味

原來Yadllie Plate喺荃灣海之戀新開了，餐廳內比旺角店更闊落，坐得更舒服👍🏼 🐟魚介湯鍋 - 料好多，魚糕、魚餅、魚蛋，全部都好彈牙，吸晒湯嘅精華😋仲有蔬菜及年糕，真係好夠飽。 🍗大邱辣醬無骨雞 - 除咗雞仲配埋炸蕃薯條，蕃薯條好甜好好味🤤韓式烤雞啖啖肉，好juicy，加上辣醬好惹味，但唔會好辣，就算唔食得辣嘅人都接受到，仲送上醃蘿蔔，可以解膩👍🏼 🐙八爪魚煎餅 - 傳統韓國煎餅，外面煎有少少香脆，八爪魚彈牙爽口，沾上醃料醬好好味😍 🍹藍橙荔枝梳打 - 賣相已經一絕👍🏼好濃嘅荔枝味，但又唔會好甜，好解渴

估唔到中環都有咁平價嘅石燒餐廳 石燒和牛套餐真係好抵食，仲包埋自助沙律吧、例湯、甜品任食 沙律吧除了有沙律菜仲供應多款小食前菜，而且都好好味，好入味，仲可以解解和牛嘅油膩感 例湯都係任飲，但款式只有一款 我哋叫咗兩個A5和牛套餐，和牛份量都幾多，雪花分佈都好平均，好有牛油香氣，仲有紫菜飯選擇，更有日式味道，牛油嘅肉汁配埋一齊食真係超好味，可惜飯冇得任食，一碗有啲唔夠 仲叫咗個雞翼，外脆內juicy，仲要係單骨雞翼，食得好方便

我間唔中都會去呢間炯記餐室買外賣，但堂食都係第一次，原來有二人套餐，仲要價錢好抵，只係$198，而且炯記嘅招牌菜都有齊，真係好抵 我每次食都會點麻辣手撕雞，雞肉好嫩滑，最愛個麻辣汁，真係好入味，又麻又辣又香，真係好啱夏天涼拌，超開胃 冬菇醬皇豬手好有驚喜，估唔到啲冬菇都好入味，仲有豬手炆到軟腍腍，一咬即化 炯記招牌太子鵝油撈面，每條面都油光油光，好香鵝油香味，但一啲都唔肥膩，食落好滑，面也煙韌，是必食之選 套餐仲有兩款小食，麻辣雞腎好爽口，麻辣味唔會好重，但都好入味 酸辣雲耳，味道酸酸辣辣，雲耳又爽脆 二人套餐真係好抵食，仲有油菜及例湯 我超級推介二人套餐，真係好抵食

經過見到呢間泰國餐廳排晒長龍，店也很地道的樣子，所以就揀咗呢間一試。 點咗最近好hit的火山排骨，賣相真係好吸引，肉面淋滿泰式酸辣醬，配埋一齊食酸酸甜甜好開胃，又可一解肉嘅膩感。 泰式明爐冬蔭功烏頭魚，肉嫩多汁，冬蔭功湯好濃好入味，蔬菜配料也不少，魚亦很大條。 飛天通菜帶有少少辣，好惹味，菜好夠味好送飯。 仲有套餐可以選擇，價錢仲好實惠！菜式也蠻多選擇。 唯一就係店內環境比較小，位子不多，排隊大概要15-20分鐘。

最近減肥，所以有時都會揀啲健康嘅嘢食，見到呢間主打健康日式飯，而且個賣相好好味，最怕啲健康餐好唔吸引。 仲可以自己選擇配料自行組合，啱晒啲揀飲擇食嘅人。 有選擇困難嘅人都唔使怕，佢仲有特定嘅選擇，已經幫你配好料唔使煩，只要揀你想食嘅就可以。 而且仲可以揀唔同嘅Base，鍾意食飯有白飯，想健康啲有糙米飯和黃薑椰菜花，唔想食穀物類仲有烏冬選擇，真係梗有一款啱你口味👍🏼 我點咗夏威夷四重奏和夏威夷海浪三文魚，另外仲加點蟹籽及溫泉蛋 夏威夷海浪三文魚配咗沾烏冬，三文魚有用醃料醃過，撈埋溫泉蛋嘅蛋汁真係一流，烏冬也有醬汁，所以唔會好dry 另外仲叫咗夏威夷四重奏，配料豐富，有三文魚、吞拿魚、蝦、牛油果，Base我配咗黃薑椰菜花+白糙米飯，有兩種口感，飽肚之餘又唔會有罪惡感 我仲見有鮮榨蔬果汁，啱晒注重健康嘅人士

喺網上見到介紹呢間旺角人氣韓式餐廳好吸引，所以專登嚟試吓，當晚book咗8:00左右，估唔到都幾滿座，不過好在我哋有訂位所以好快就有位。 又想食炸雞又想食牛扒，呢個二重奏就啱晒，可以一次滿足晒，仲要用上安格斯牛扒，佢係配上一塊熱石板，可以隨自己生熟喜好，肉質好嫩好juicy炸雞個炸皮好薄，唔係一咬就係炸粉，雞肉好滑好多肉汁，外皮都幾香口 芝士蟹子蛋卷好滑，個蛋唔會太熟，仲有少少流心，蛋香配埋芝士同蟹子，真係好好味必點推介 食韓國菜點少得部隊鍋特種部隊鍋材料好豐富，而且好貼心俾個麵你自己落，唔會浸到淋晒，淨係食呢個都飽。 叫咗杯香芋沙冰，我就覺得香芋味唔係好夠，比較淡，配上cream好滑，好解暑。 總結呢間韓式餐廳都唔錯，我見lunch時間仲有折扣優惠，下次再試吓佢其他菜式先

難得入元朗，朋友帶我去食呢間黑木亭日本料理，嗰日係平日但都幾多人，我地都要等咗一陣先入坐。 我叫咗杯北海道芒果牛乳乳酸，好香嘅牛乳乳酸加淡淡嘅芒果香，好開胃 朋友叫咗蜜桃烏龍熊茶🐻，真係有隻熊仔架，好得意，打卡一流 呢碟和牛他他係我朋友每次嚟必點，和牛好嫩滑，有油香，配上洋蔥和特製酸汁一啲都唔會膩，難怪朋友好推介 帶子海膽青瓜卷，帶子同海膽都好鮮甜，帶子有微微灸燒過，可以帶出帶子嘅香，夾埋青瓜反卷一齊食好清爽 店員推介嘅和牛海膽多士 多士唔算好脆，但一啲都唔硬，配搭和牛、海膽、三文魚籽、芝士等配料，口感豐富又有層次 我哋怕唔夠飽仲叫咗個一人前套餐，好多款式選擇 我哋揀咗松葉蟹石頭鍋飯套餐，個餐仲包埋前菜、湯、沙律、雪糕，真係好抵食 除咗松葉蟹腳，其他配料都很多，有三文魚、三文魚籽、海膽、魷魚等，真係好足料，而且石鍋好夠熱，仲有飯焦雪糕仲有比較少有嘅海鹽味選擇，連個雪糕杯都好別緻

前排端午節做節，老媽子叫我去斬料加餸，咁啱喺熊貓酒店附近有一間炯記燒味舖，見到都幾多人幫襯就買嚟試下 見到餐牌都幾多選擇，仲每日有不同燒味做特價 我就揀咗佢哋嘅特價組合A，可以揀叉燒/燒腩仔(半斤)+貴妃雞/豉油雞(半隻)，夾埋都只係$118，真係好抵 我最後揀咗燒腩仔(半斤)+豉油雞(半隻) 玫瑰豉油雞色澤油亮，有淡淡的玫瑰露酒香氣，肉嫩皮滑，重點唔會死鹹，好好味 脆皮燒腩仔大大件，唔似一般的燒腩仔細細舊咁，啖啖肉，而且一啲都唔柴，個皮好脆，又唔肥