今日三人行，六時半到店時，只有二台六人台係吉，女店員招呼我地坐其中一張六人枱，我地已經坐埋邊空番兩個位出嚟，我地4個位其中一張椅放袋，後來一位年長既女店員走埋嚟話我地唔可以攞張椅擺袋，咁我話，唔緊要，你比張圓椅比我擺啦！佢即刻話唔得喎，我地即刻起身走，我望到隔離枱都係攞張椅擺袋，佢又無話佢地，我明白生意難做，已經坐埋一邊空番兩張椅出嚟比其他客，但都唔好咁離譜，位已經窄，唔通叫我地將啲袋掉出門口，你一係唔好叫我入去坐，我唔介意等一張4人枱，個位年長女店員， 希望你好好檢討你對客人既態度，你咁樣真係好趕客。

今日3個係萬發食飯,

叫了4個餸,

石頭通菜

,古老肉,

乳豬,

椒鹽鮮魷,

唉,已經知呢間野唔同以前,

包括食物同埋啲待應,

講待應先,以前未入門口,一定有個呀姐係門口帶位,

我地每次都係walk in ,

好少要等,就算等我都覺得無所謂,

因為從來都無門尖情況出現,

但而家就差得遠,個個呀姐唔見佐,

換了個扎辮戴眼鏡既女待應,

打尖唔理,佢帶既位如果唔想坐,(冷氣大),

佢就會黑口黑面,

今晚叫個個椒鹽鮮魷,就好大問題,我諗好多人都食過,

今晚就真係見識見識,我以前食開(係呢間食)從來無辣椒片,係成碟都係,

真係呆佐,個個扎辮戴眼鏡既女待應,就好惡同我地講以前都係咁,

我好肯定我以前食唔係,因為我平均每星期食一次,

跟著佢就話唔食辣你就應該一早叫走辣椒,

佢仲要嘈喎,我真係好少食飯會嬲,明明無錯,仲要比佢鬧,無病呀,

我真希望萬發老闆可以睇到呢編野,呢啲待應係同你趕客,

仲有石頭通菜真係食到石仔,我估應該啲廚唔同佐,

順便一講,辣酒煮花螺,呢個餸以前都好鍾意,

我地每次都係叫例牌,佢地煮得好好味架,

講明例牌係$168,10兩,我肯定無囉,

個個男待應好大聲講,嫌少咪叫一斤囉,

啲態度,唉.........

其實我成日都覺得,洗錢食飯,(除了唔洗煮之外)

食得開心係好往要,以前就肯定係好好,而家就會除佐無得選擇外,

否則都唔想再食。

(打呢編野我打得好辛苦,目的只係想其他食客清楚我既食後感受,唔好隋便拒絕我刊登,謝謝!!~)

6點15開始,
又話要等夠鐘先入得,
夠鐘又話要排隊,
我就等到傻下傻下,
d人就可以走晒入去坐,
係買佐團購既~$318+30(加1)+公眾假期($加30)=318+64.8=382.8,
相比正價係便宜少許,
但食物質素一d都唔值,
首先係蠔,超細隻,
食完完全唔覺食過,
都唔緊要,
最慘係開同埋洗個兩個人超慢,
一定唔洗諗食多兩轉,
最好笑係8點45分,
攞多次竟然大隻好大,
唉~真係團購既就細咁多,就到下個時段就隻咁多,
其他野食仲死得,一出就比人搶晒,我覺得都唔關客既問題,
人人比錢就梗係攞架啦!
係REFILL好慢,客咁多無理由出咁細盤就算架,
有兩個湯,一個係番茄湯，一個係菇湯，無味要落鹽,仲衰過醫院餐,
話有賴尿蝦，但係從來無見過，
汽水係破璃樽個隻，有可樂，忌廉，雪碧
但係竟是唔凍，我都唔明點解可以求其到咁，
仲有冷盤聖子，食到成口沙，一字骨就un到咬唔到，
薯蓉要自己再落鹽先食得，因為好淡（我強調我唔係食得好喊架）
刺身就有4款三文魚，吞拿魚，八爪魚劍魚，都ok既，
熟食扇貝一出就無晒，呢樣係最火滾，成個場咁多人，
無理由淨係出一盤，又唔refill ，得個十幾隻，個個都攞幾隻，食鬼咩，
甜品就係另外一邊，糕就係破璃櫃裏面，要人攞既，都幾多款揀，但係全部無既，都唔知係乜，要估，
食佐其中一款透明，好似日式果子既物體，好un,另外有爆谷，呢樣我最喜愛，
雪糕有2款無p字頭個間，同埋h字頭共兩間ok既，好在有專人畢比你，唔洗你同桶雪糕駁命，
你知啦！有啲會雪到好硬，
食梳芙里竟然有粒冰,好細杯，好水，同出面食個啲好唔同，一句講晒難食囉，
想去食真係要諗清楚,
個人認為仲有好多選擇~!!!!!!
(最嘔心係廁所洗手盤有人嘔,係無人理架)

間餐廳地下個層滿灑客,

以為要等好耐,

但係樓上仲有好多位,

入到間房就知死,

因為個個客入到去都要出番黎,

有一枱客真係好嘈,

嘈到走剩我地一枱,

真係好嘈,D男人個嘴無停過,頭都痛,

我肯定下層全場都不及佢地一枱,

D野食都OK,但係偏淡,

今日同兒子一齊吃午餐,

叫了一個什扒飯跟凍奶茶,

同埋一個野菌炒飯跟凍lemon tea

個仔個什扒飯想轉炒蛋,..........唔得...要加$$$$$..

我個野菌炒飯問有無加什豆,......什豆就無....什菌就有.......我真係唔覺得好笑囉...

炒飯加什豆我諗住係香港既人出過街食飯既都無可能唔知道!.

呢個難gar真係好爛,好百痴囉,你做待應係咪只需答有定無而唔係串個客,

個什扒飯來了,嚇死人,我以為佢地當我地係bb,D飯爛到,

我野菌炒飯我見到只吃了二,三口就放棄了......真係唔想咁浪費,.....無辦法D飯真係好爛....

凍飲落完糖水都係超淡..(我已經唔係飲得好甜....要二杯分一杯糖水....D糖硬係好貴..)

結論係食碗麵好過,

果個超難GAR 待應係男仔,只得佢一個係男仔....唉......80後......