翟軍無光 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2009-08-09
小弟我同太子爺有幾分交情,識左佢好多年都未曾去過佢間鋪幫襯,適逢當日得閒,遠水路都由黃大仙北上到上水探佢兼試菜,兄弟做到咁算唔話得啦haha 好!廢話講完入正題~一坐低就當然叫佢的鋪頭招牌菜「海南雞飯」啦~ 飯未到先來一大碗靚湯先~係青紅蘿蔔豬骨湯~飲得出個湯好清甜、冇味精,讚 連湯料都食埋(餓ma~) 好,主菜上台~係一大碟脾連翼的海南雞(太子爺本來想幫我走翼,我話無使,因小弟愛吃翼),跟上一碗滿的帶少少啡色的油飯~飯唔油、好香帶少許鹹味和薑味,太子爺話佢加左沙薑去煮,唔錯~ 雞本身就淡口,但點完跟來的酸汁加薑蔥又幾好味兼送到飯~吃到一半,太子爺私人醒左一碗仔咖哩牛腩俾我,叫我試下~~我試一試d咖哩汁,正~好鍾意帶甜身濃味但唔辣的馬來口味咖哩,牛腩就俾左一小舊我食,幾有口感都唔夠喉~太子爺話想食多d下次黎咪食咖哩囉~ 但由於d咖哩汁太正,餘返d小半碗飯一下子就食光~再飲埋杯港式地道奶茶,好滿足飽曬 可惜自己食量有限,如果唔係想叫埋炒貴刁,因為見隔離台叫左賣相唔錯haha~
評分: 味道 5 環境 4 服務 4 衛生 4 抵食 4
|