TL1231 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2018-10-21
隨意網上亂搵到一間私房菜、book 左搵先發現係新開同無乜食評⋯都怕會中伏. 無期望下去到⋯竟然有驚喜👍🏻👍🏻 雖然部客𨋢勁臭好大陣煙味、但一上到私房菜、見到裝修光猛、位置闊落、坐得舒服. 最值得欣賞、佢地非常細心、連冷氣出風口都加左個蓋、減少冷風直接吹到客人👍🏻 有獨立房間. 食物方面、食才非常新鮮、無味精、上菜時間岩岩好、一道菜接一道菜、(有好多私房菜因爲個廚應接不暇、要等好耐)清酒鮑魚非常入味、鮑魚鮮甜、 花雕蒸蟹、蟹本身非常新鮮⋯擺盤方面都好有心思、尤其係手撕雞😍 整體所有餸菜都做得好好、價錢相比同區都算係超值. 無加一、 茶介. 服務亦都好好👍🏻 唯一係菜單太多用酒烹煮既菜式. 不過老闆話如有需要係可以同佢講、佢可以應要求修改. 呢間有下次👍🏻
評分: 味道 5 環境 5 服務 5 衛生 5 抵食 5
2018-04-21
3人行、 每人叫左一個$299既火鍋套餐、首先牛肉普通、無牛味、開頭嗰碟都叫可以接受、之後再refill , 比埋d勁多肥肉、吾知仲以為食緊肥牛⋯⋯限時90分鐘放題、我地21:43入坐、超級準時23:10熄你個爐、其實當時我地已經食飽、所以都無乜問題. 我地仲已經埋左單、拎晒袋、其實準備走、 就起23:17分左右就有個女仔一野走嗰來、講左一句 : 其實你地真係夠鐘要走⋯⋯ 我地又無繼續食、成張枱乜都無、仲已經拎晒袋、講到好似我地瀬死吾走咁、 眼見仲有幾張枱仲食緊、 如果係得返我3個人阻你收工就話啫⋯⋯咁既態度、咁既食物質素⋯Black list
評分: 味道 1 環境 1 服務 1 衛生 1 抵食 1
2013-05-29
自從睇過明星介紹之後, 幫襯過永騰既鵝掌2次得確吾錯, 鹵水夠入味, 再次幫襯原本都係想買鹵水鵝掌, 6點左右去到已排長龍, 只係得返鹵水鵝, 所以叫左一份鹵水鵝下庄, 都要$150, 拎左個號碼牌仔就要企出門口等, 斬好就會拎出0黎比你, 中途其實係睇吾到佢比左d咩你, 返到屋企一打開, 嘩. 血淋淋, 生既. 見到都反胃, 4分1隻成百幾蚊, 都吾好咁過份啦! 負責斬既師傅無理由睇吾到掛, 明知吾熟仲比人, 拎反個良心出0黎做生意啦, 真係第一次買到生既鹵水鵝, 全部都吾食得, 唯有自己炒返熟佢, 真心講味道得確吾錯, 鹵水夠入味, 完全吾需要再加任何醬料. 下次有機會仍然會幫襯, 不過只會買鵝掌, 比較有保證. 推介美食: 滷水鵝,永騰
評分: 味道 3 環境 2 服務 2 衛生 1 抵食 1
|