一行三人去食，地點雖然係尖沙咀，但比較難搵。餐廳係2/f，一般人應該唔會留意到佢。

我地叫左1個前菜(情侶肺片), 3個主菜(樂山甜皮鴨, 水煮水庫魚, 辣椒抄雞煲)。
樂山甜皮鴨做得非常好，皮脆肉味美，嫩滑，值得推介！情侶肺片同其他餐廳夫妻肺片類似，無咁辣，但好麻，正！水煮魚同抄雞煲都唔錯，用料足！會再幫襯。 

從團購買了這開業不久的法式餐廳半自助餐優惠。心想新店開張，質素應該會有保証。怎想到最後得出來的是一個苦笑。如果因為以一個相宜的價錢，而合理化我以下的評語，相信這亦有違寫食評的原則。
團購的是2小時的半自助餐，但由於早前的booking被店方因為爐具出問題而要reschedule，所以當晚可用餐時間增加１小時，有好有壞：好~可以有時間等等等待出菜；壞~令自己腎臟受更多傷害。。。寫食評前先描述一下現場環境，由於餐廳約200呎左右的開放式廚房，5張2人枱所以廚師(亦是唯一的店員)的舉動客人也瞭如指掌。
每晚可供選擇的餐單不同，以下是當晚的半自助餐餐單︰法式濃湯︰點湯後不久，便聽見「叮」一聲，家中有微波爐的各位一定很熟悉吧(所以是之前食評指湯不夠熱的主因吧)！湯的賣相呈橙黃色，但除了鹹味及重油份，卻喝不出什麽味道來。後來才從餐牌上得知原來是甘荀忌廉湯(註︰沒有甘荀味，一點也沒有…)煙火腿沙律︰單看名字真的以為是酒店自助餐冷盤區常見的火腿，怎想到法國的「煙燻火腿」=「未煎過的凍煙肉」，而且還將煙肉切成幼絲及限量供應。而羅馬生菜配上沙律油，仍吃得出菜有點點的苦澀味。如果不是任食，我相信投訴將少不了。香草烤春雞︰春雞是廚師事前先煮熟並收在雪櫃以方便應付客人的要求，到客人點餐時，由於時間的關係，所以又是微波爐出場的時間。由於沒有經過烤焗而且醃料不入味，所以春雞皮質及肉質頗淋頗鬆及頗淡，而伴碟的薯粒當然亦是事先準備，為營造適當的口感，所以廚師放在鑊內翻炒，不知道是技術問題還是薯粒太上油，薯粒的邊蓋上了一層油。而廚師可能慣於煮出「重口味」，薯粒上鹽粒較誇張。而你會看見之後不同的食物評語是鹹、非常鹹或極鹹等等等等。燒烤汁豬柳扒︰本人覺得味道尚算可以，雖然肉質偏「鞋」及賣相不好，但沒有很重的鹽份，假如要ENCORE，應該是我唯一的選擇。青口配薯條︰選擇這間團購的目的之一。青口本來應沒有出事，正常稍作調味本應可以應付不挑吃的我。但固中的味道是︰非常鹹。青口應該是由「死海」來的。青口放在清水沖洗好一陣子仍很鹹，食用時請於旁邊準備汽水。打到最後仍未見薯條的評價？原因之後聽說是說炸爐壞了！(而點餐及上餐時，店員(即廚師)一直沒有交待，是後期打聽回來的。)奶油汁烤魚柳︰估計應該是雪藏魚柳，廚師想蓋過魚的雪味，所以淋上濃濃的醬汁，但由於魚肉肉質太軟(像非常差勁的炸魚用的魚肉)，所以一入口就化作糊狀，非常適合老人家的一道菜！法式海鮮炒飯︰ 廚師非常豪邁地供應一碗滿的「飯」，令我想起電影<雞同鴨講>裡面快餐店待客之道。海鮮配料固然不足，而且沒有鮮味，而炒飯的味道主要來自味鹽(又很重手)。不知是不是時間太倉猝還是飯太黏，碗中的飯部份是黏作一團，亦有部份是飯焦。總體而言，是一道非常普通的鹹味海鮮飯。蘑菇肉醬長通粉︰原以為是乾炒，但到最後究變成放湯。所以正正變成大家早餐有機會食到的「蘑菇肉醬通心粉」，看見廚師將樽裝的蘑菇肉醬倒進通心粉，還想應該差不了多少。肉醬本身的味道沒有問題，但怎想到又是「鹹到飛起」，明顯是廚師的後期加工所致！
最後... Dessert有Fruit cocktail(水果雜錦)同German yogurt，見到隔離枱食Fruit cocktail非常似罐頭雜果，所以我唯有楝German yogurt，原來。。。有相有真相，本人無言了！總結︰之前我也質疑是不是因為團購價錢所以導致食物質素下降，但剛好於旁邊坐了一台「WALK IN」証實我想法完全錯誤。價錢收取正價，但食物的水準如一，唯一有分別的是多了伴碟(那塊豬扒旁的一少掫綠葉)。其實一間餐廳只有一個人打理已經很困難，還要做任食的團購生意未必想得有點過份理想。估計老闆是想透過團購為自己餐廳宣傳，但這方法所播下的種子恐怕令自己陷入不利的局面。各位可以從食評中了解食客的怨氣，一次是意外，兩次是大意，如果一而再，再而三的話，那麽這個應該是事實吧！ 

星期日下晝去~ 人客數目唔多，可能係落場時間，所有員工都清潔中同埋數中。坐低後要再找server order比較困難。

一行2人Order左佢嘅Signature Burger: Juicy Lucy同啤酒。Burger製作時間約15分鐘~ 熱辣辣! 有香草及烤芝士香，唔錯! 食得出有兩款芝士parmesan & cheddar，更有蕃茄同紅洋蔥! 但芝士未有之前comment寫得咁多，下次如果芝士份量可加碼就好啦! 下次dinner time再去試其他嘢！

一行6個女仔~
order左3個小食,3個main courses,2個desserts~
一致認為佢d越南菜唔好食...
係d desserts比較特別~~

小食拼盤 樣樣都超油..

牛油果軟殼蟹米紙卷招牌菜, 但都唔係太可口...

自己包ge米紙卷幾好玩, 但個個都整到穿哂張米紙, 卷唔到~

海鮮銀芽omelet個omelet幾好味! 薄又脆! 加埋d餡都唔錯!

海鮮抄金邊粉 一般水準~

扎肉豬頸肉河內炒米粉 普通, 非常普通!

朱古力甜品+vanilla icecream 終於食返少少好味野~ 朱古力好濃!! 個vanilla雪糕唔係一般食到個d, 而係真係有vanilla籽個種! 正!! hk好少食到!

拿破崙餅+vanilla icecream 都唔錯, 甜d仲好!!

是日唔知食咩好, 又想食d濃味少少ge野~
最後就去左清亭食抄金邊粉~~~
好彩唔使等好耐!

黎到呢到一定唔少得叫牛油雞翼~
一樣都係咁油, 利口唔利腹~
不過黎到又好少唔叫ge~~~

抄金邊粉就咸左dd...
不過d料都仲好足~ d蝦竟然唔錯~

再order左個炸春卷檬粉~
其實好少食檬粉, 估唔到幾好wo今次!
加多d花生仲好味~!

聽左人講好耐~
好早之前+ve多過-ve, 變變下就-ve多過+ve...
去完覺得唔錯呀~
個抄蛋會令我再去

2個人叫左2 sets~
抄蛋火腿多士 + 叉燒通粉 + 凍奶茶
抄蛋最正! 好滑好多汁~~
叉燒通就麻麻~ 好彩佢有日清麻油俾你任加~!
奶茶都幾好, 重茶味!

腸仔三文治 + 凍咖啡
腸仔ok~ 但塊包應該搽左牛油+椰漿 ...
椰漿令口感怪怪地..下次一定要走呢樣野!

愛朱古力人士一定要試!!!
雖然係貴左d, 但都值~

*****Choco Mochahaud
係呢度皇牌~
有個爐仔烘住D奶,
再有d朱古力粒俾你自己加入去調教朱古力濃度~

***Brownie Sundae
相比起個Choco Mochahaud,
呢個遜色左d, 唔夠濃朱古力!
一試無妨~

*****Crepe with cheese, bacon & egg
Woh~ 估唔到咁好食!!
d bacon好野味, 加埋隻好滑ge蛋同濃厚芝士味!
正!!! luv it~

唔係朋友話去呢間我應該唔會去試..
都ok ge, 一大堆人搵個地繼續chat~
不過d service就...

我地order左一set ge甜品:
朱古力木糠布甸 **算係最好ge一款, 好似雪硬左ge vanilla雪糕+朱古力粉...

朱古力草莓 **不過不失啦~

芒果糯米滋 **無咩芒果亦無咩芒果味...

桂花糕 **膠味

涼粉xxx **無試, 因為本人唔鍾意涼粉

食完dinner想搵地方食dessert~
行下行下就到左wtc~
1個客都無..
之前去過百德新街個間食desserts唔ok,
所以都有少少hesitate~
不過見佢個choco truffle好似好thick choco咁,
所以都去試一試~

chocolate truffle cake真係唔錯~
好choco人士一定會愛上佢!

呢度係我去左好多都仲會回味ge burger餐廳!!!
個包次次整都係新鮮烤出黎, 又熱又脆!!

best buy 係芝士牛肉漢堡 同芥末雞扒漢堡~~~

塊牛肉非常咁好味, 有肉味之餘又juicy!
加埋個沙律醬同d生菜洋蔥, 一絕!!
去咁多次有80%都係order呢款~~

其次係芥末雞扒漢堡~
個醬好特別, 好野味!!
唔order佢咁多ge原因係因為佢太spicy~
食哂成個好驚個咀會腫

飲品方面個人覺得Freeze Mint最正!!!
hk唔係好多地方有呢種mint ge飲品~~
呢度d飲品入面仲有d蒟蒻粒~ 幾得意!

近來佢個薯條轉左扭扭薯
希望佢會轉返之前個款薯條啦!!!
好食好多!!!