今日天寒地凍…真係唔想出街…奈何朋友爛玩...終於磨爛蓆到11點先出黎開飯…簡簡單單叫左個set lunch...呢度幾特別...連包包都有得自選...皆因呢度係A1-bakery集團cafe...係cafe對面就係麵包舖...食過既人都知質量有保證吧...蘑菇湯都好唔錯...真材實料...另外加左個健康沙律...新鮮夠凍...凍凍地無中式煲仔飯...就選個西式焗飯啦...海鮮飯有得選茄汁或白汁...我選左開胃既茄汁...有汁撈飯就最好味...海鮮量適中...飯唔會太軟...唯唔夠熱辣辣...朋友係食肉獸...例牌叫扒...今次選左香草焗美國有骨豬扒...初初以為豬扒燶左...原來圍繞住豬扒既係黃芥辣醬黎...香口而唔辣...造型靚靚之餘...又可以阻隔焗過火...令到豬扒熟哂又唔會好乾身...餐飲都係普通既檸茶咖啡...特別之處係咖啡奶超香甜...好似我呢d愛奶味之人...忍唔住要添多dd奶呢...齋飲奶仲好味過溝落咖啡度呢...>,<

元朗又有新開食肆…今次係阿差咖喱…真係阿差開架…午市黎食…仲好經濟實惠…我首選係羊咩咩…逢送餐湯…應該係蕃茄湯黎…幾溶杰…但茄味一般…有別於西餐味道…加左少少香料…餐茶係凍檸檬茶…味道清淡…少甜…主菜羊咩咩…夠腍但唔夠騷…咖喱有薯仔粒…香而不太辣…好啱我呢d唔係好食得辣既人…而朋友亦同我一樣都食到…朋友點左雞…話好滑…跟餐有飯同鬆餅…朋友既飯係乾身粒粒米黎…睇落幾地道…而我點既鬆餅有3塊之多…雖然唔係圓形扭扭餅…但都好麵粉味…仲暖笠笠…食飽飽...侍應仲比左碗野比我地...叫我地咀嚼一下...相信係唔食得落肚既...無咩強烈味道...反而可以減低咖喱既口氣...總括黎講...感覺幾地道...簡單英語溝通...好味又抵食...

新張誌慶…朋友急不及待…火速試菜…地方唔算好大…但裝修應該都有design過…頭頂掛上耀眼既燈飾…右邊係鈄紋木製牆壁…而左邊係原始石牆…再加上黑中帶金既餐巾…有種樸實中帶點grand既感覺...可能新開無咩人知…我地幾乎包場…不過試業中…午市menu只得寥寥可數既4個set 選擇…無得散叫…朋友聽見waitress話鴨肶係限量…二話不說即時poke搥…而我就選左3文魚…餐湯係椰菜花湯…椰菜花蓉好微細…清清地夠健康…配大大件法包…脆脆地…沙律亦係較乾身既青青菜…比多dd沙律油相信賣相同味道會更理想…限量鴨肶好快上枱…應該係嫩鴨黎…腍而足味…香橙汁味道帶點甜…汁多配薯蓉更加快清倉…薯蓉帶點粒粒肉…更有口感…三文魚四四正正…估唔到魚皮超脆…適量既魚油令到魚肉帶點嫩滑既感覺…通粉看似配搭怪怪的…腍度適中…芝士汁略稀…反而感覺輕怡…凍檸檬茶同熱coffee...味道都ok...初嚐感覺唔錯…唯朋友未感滿足…皆因少了甜品…期待有更多菜式選擇……

係沙田市廣場云云食肆當中…要選一間黎幫襯其實都幾頭痛…因為自己係心急之人…未必會花一頭半個鐘用黎等位…今次睇中左呢度…係大家都可能無發現既>>市廣場之外…又有可能係大家以為呢度只係用黎做wedding party…天氣好既時候…呢個平台雅座就大派用場哪…好舒服既梳化呀！！！就算係室內...玻璃窗既設計...仍可感覺到微暖既陽光...感覺好warm...午市時份只得set...雖然無餐湯...但有自家製麵包...餐廳logo清晰可見...麵粉味特別香...暖笠笠又細軟...我諗住order個輕怡d既鮮果大蝦沙律...點知好大碟...仲差d食唔哂呢...各式各樣都鮮甜可口...朋友order左牛尾濶麵條...因為好少可有得食牛尾...麵條相信亦係自家製...牛尾腍而入味...仲好多汁...其實一人一個餐都已經好飽...但加28蚊就有dessert...好似好抵...朋友就好貪心咁order左...係一款係綠茶芝士餅...綠茶味一般...味道稍甜...另一款係雜果奶凍…鮮奶味淡而香…如果有花奶就更加好…其實呢度並唔係只做wedding party生意…午市價錢都幾合理…實屬寧靜休閒之選…

話說119新開張時…我也有幫襯過…當時無論食物環境都係合格之選…但今次再返黎就變左好多…雖然環境依舊…但食物款式就少左好多…兩個人叫左三味…先黎年糕…包沙律前菜…只屬一般…主菜芝士超氾濫…無咩南瓜…可能溶哂啦…年糕煙韌彈牙…但唔係好大碗…再黎烤肉…大size...依舊開爐烤返熱黎食…味道都ok...其實主要食肉、豆腐、蕃茄仔…感覺較寡…最後係炸雞…包一碗飯…舖係雞上面既唔係芝士…而係奶油黎…好快就溶哂…幾香…但炸雞就腍哂…雞都滑…但唔係想像中既脆口感覺…整體感覺無以前咁好…但部份食物有減價…貪新鮮既話…試一次半次都得既…

其實元朗都有唔少小店式經營既泰菜…呢間算係近期新開…門口放哂餐牌係度…驟眼睇落去都係平民化價錢…入面無咩裝修…似茶餐廳feel…都唔少人幫襯呢…係泰式沙律之中…我最鍾意點呢款…因為柚子感覺爽甜健康…少少辣可刺激食慾…但呢碟蝦唔多...只得兩隻…而朋友每次都會點串燒…一碟得3串...肉質實實的…沙爹未算好惹味...只屬一般…午餐原本想叫海南雞…點知咁快無哂…唯有改選湯飯…因為未試過...泰式同潮州式有d分別...泰式湯底呈奶白色...相信係魚湯黎...味道較濃...但蠔仔反而較少...完全係距另一種風味...另一個餐朋友選湯粉...火車頭最多料...有肥牛、扎肉、雞絲、炸魚皮、蘿蔔、貢丸等…湯底較清甜...都ok...差d唔記得跟餐包飲品...薑茶好夠薑辣味...真係暖透身...而朋友話蘋果茶似用蘋果醋溝出來...有d難飲...

話說新開有間西餐廳…街頭行到街尾都要黎試下啦…細細間…出面開埋枱都唔超過廿個位…天氣唔凍…坐出面都無所謂啦…一個西餐廳既名字…估唔到餐牌既西餐只得包包…意大利飯配冬蔭功…意粉配金不煥…實在有d怪怪既感覺…所以我地不約而同咁…大家都係選左包包餐…但今日既意式包卻缺貨…改哂做漢堡…餐飲亦只得汽水、有機茶同柚子茶選…先黎餐飲…有機茶都估到係用茶包…柚子茶唔似柚子…似桃茶多d...但非常淡味…午餐包左例湯同包…蒜蓉包係凍既無烘過…餐湯亦好稀唔夠熱…之後漢堡都陸續送上…size唔係好大個…賣相好普通…只係基本生菜蕃茄配料…講到最好食同最抵食既應該係雞漢堡…叫做大件雞…有塊車打芝士叫做好味d...三文魚無咩醬汁都好寡…牛肉只係普通煎薄塊牛扒…一d芥醬味都無…香蔥只係洋蔥咁解…睇黎係一d驚喜都無…唔可以話難食…但以咁既價錢食漢堡…相信係元朗區有更多更好既選擇…

多次經過呢邊既市廣場入口…有好幾間食肆…唯獨呢間<穴>似乎特別多人…洞穴既<穴>…好奇心驅使下…當然要黎拆穿佢既蘆山真面目！！行到門口…已經sell梗飛彈牛…似乎價錢非比尋常…但坐低睇清楚…有好多都係set黎…樣樣都包哂…所以一人一個餐已經好足夠…幾種沙律菜加醋…多少少醋會好d...但食肉獸朋友嫌太多了…前菜好索口…有d似迷你三文魚子整成粒粒狀…旦超滑…但海鮮唔多…可能因為咁...少左鮮甜味…要加豉油…湯熱辣辣…配豆腐海帶…珍珠米煙煙韌韌黏黏地…正常一碗份量size...兩款酒味都唔錯…尤以梅酒較香…比左好大粒冰…易入口好多…sashimi有8款之多…除左蝦同帶子之外…其他都可以share一人一件…樣樣都夠冰凍大件…唯咬落有少許渣…海膽有少少腥…調味料係配串燒用…分別係咖哩、海鹽、綠茶…除咖哩味較突出外…其餘都只係咸味…十串串燒無得自選…規定兩串海鮮…五串肉類…三款蔬菜…唔係好夠熱同脆…可能係預先燒好…所以好快上枱…當中以蝦、肉腸、雞肉尤為好味…食物好快續件送黎…攪到張枱好迫…跟餐仲有迷你雪米糍做甜品…只係雲尼拿味…朋友貪食…再order雪芭壓軸…可惜無左桃…士多啤梨都好味…雖然大粒超凍…但好快咬得開…早晚餐牌相信都係一樣…但有d漏頁了…另可留意門口水牌有無額外添加…

有次無意中行經A1既美孚分店…發現有個雪糕櫃…外表異常吸引…諗住同餵食朋友分享…所以無食到…點知下次去到第間分店先知原來唔係間間分店都有雪糕櫃…@@！好彩皇天不負有心人…無意中係沙田分店搵到…有四種味道…最後選左黑朱古力草莓同冧酒提子朱古力…其實係雪糕雪條黎…A1自家出品…成份似乎幾健康天然…外層有黑朱古力味…顯得內層淡淡味…咬落去有微軟而帶脆既感覺…掛住食…差d唔記得影返件實物添…>，<…好快已經食左大半啦…1枝$22…2枝$39…3枝$56…價錢都算合理啦…

yoho mall開左咁耐…佢地呢度既食肆幾乎比朋友攻陷哂…今次排隊輪到呢間cafe…入到去睇埋menu…先發覺唔係想像中同隔離左右咁high class...反而有d似euro gogo果種半自助式既中級快餐店…即係話自己出counter 比$order食物…再有人送餐來…不過野食方面就連pasta小食咩都無…只得all day breakfast同sandwich...但有餵食鬼鍾意既dessert cake...等食期間…有少量雜誌供應…但唔係咩大熱之選…朋友原本諗住order兩個唔同既餐…點知…快快快…懶懶懶…攪錯左…變左兩個都係班尼廸旦…@@！！一款係傳統式…另一款係佛羅倫斯…分別在於傳統係配煙肉火箭菜…佛羅倫斯係配菠菜野菌…基本上班尼廸夠滑而流心…但配菠菜野菌似乎有點怪…而沙律菜就唔夠新鮮…講野飲…熱朱古力既cream無相中咁靚…但比普通cafe既杯大一倍之多…飲到底仲見到朱古力溶…味道濃郁…另一杯原本想要季節限定…但缺貨…只好點冧酒咖啡…味道有點唔match...酒味有點苦…鑑於呢度一d肉食都無…食肉獸朋友唔夠滿足…所以最後決定order返個cake…氹下自己開心啦…買cake要自己出門口選…原來幫襯開既話…買cake會平d...原價38…現只售25…一款係生薑檸檬旦白撻…比較偏甜而蓋過檸檬既獨特酸味…薑味亦頗為清淡…而另一款係65%純朱古力旦糕…味道唔苦唔甜…啱哂呢排愛朱古力既朋友…