早前見呢間新開梳乎厘pancake店開又未試過，見啲post賣相ok，評分又高，滿心期待！ 2個月前假日嚟試，大約下午兩點，排30分鐘左右。 70%純朱古力梳乎厘 $92 唔試猶自可，一試就出事⋯呢個話係70%純朱古力，原來只係梳乎厘上面啲朱古力碎，個梳乎厘一食覺得個味怪怪地，味道就好似係啲萬年油味咁🤢，唔知係咪咁啱嗰日先係咁，不過已經好大陰影，唔會有下次⋯

嚟開呢頭揾食，見電視介紹過，又係handmade意粉咁有誠意，所以試試佢！ 叫咗個特色海膽幼蛋麵做主菜嘅餐，包麵包、湯同飲品！（$268） 呢個自家製麵包味道ok！ 跟住呢個湯，我估佢係南瓜湯，因為一啲味都無，所以係估，就好似有顏色嘅水咁！ 呢個蜆叫做最正常嘅一道，有小小香茅味，蜆都新鮮嘅！ 期待咗好耐嘅自家製意粉終於到，份量有啲少，都唔緊要，一放入口已嗅到有啲臭味，放入口，勁腥🤢！麵又無咬口，真係好失望囉，咁嘅價錢食碟咁嘅嘢，單點都要$208，真係自己買板海膽食無咁嬲，當堂無哂mode🤧！ 呢個意大利飯都係咁細碟，味道較淡(本身都已經食得清淡），都有少少龍蝦汁味嘅！ 埋單$4xx，總括嚟講：一個字，「伏」🤬🤬🤬！ 完。

經常會去這區的cafe，上網搜尋下發現這間新開的，所以試一試。 地方不難找，就在大連排與嘉慶路的交界位置。你會見到一間藍白色的咖啡店，低調中又帶點跳皮地林立在繁忙的工業區。 望著外面那煩囂的工廠區，在cafe 內靜靜的品嘗咖啡，無疑形成強烈的對比。 環境不錯，樓底又很高，所以有很大的空間感。 坐位亦寬敞、舒適，與隔離枱亦有一定距離，很有私人空間。 樓面簡潔。 此店以半自助型式，自行點餐及付款後，便等候店員送上食物。餐具、水等都是自助的。 除餐牌上的沙律、牛角包、帕尼尼包外，亦有special 餐牌。 這個意粉選用了扁意粉，意粉軟硬適中，是我鍾意的硬度，有咬口，青醬味道亦不錯，很清新，不會膩。腸的味道淡淡的，擺盤亦很精緻。😋 這個panini包亦不錯，蕃茄、牛油果與煙三文魚配搭亦很清新。沙律菜的青醬有點酸酸的，很開胃！ 首次在餐牌內發現Trinity One 咖啡，當然要品嚐一下，而且有3種豆可供選擇。不認識也不要緊，餐廳亦細心地把豆磨成了粉末放入了香水瓶，讓客人可嗅嗅它的味道，老闆亦會續一講解，非常貼心。👍🏻 我選了Yemen Mocha Matari 咖啡豆，味道不錯。用來放咖啡的瓶十分精緻，可見老闆的心思。😍 這杯冰滴咖啡味道也不錯，如果可以大杯點就更好！😁 這個朱古力蛋糕忘記了名字，朱古力味算濃郁，質地厚實。店員亦很有心思地在碟上畫上公仔，見到心情也好起來！😚 整體來說，這間cafe真的很不錯，老闆及店員們親切友善，亦會主動向客人傾談及收集意見，食物及飲品價錢及份量適中。 傾談間，我好奇地問帥氣又年青的老闆，為何會選擇開這間咖啡店。帥哥表示，這餐廳的名字叫VII=7, 7是代表完美的意思。而他開這餐廳的概念，是希望讓客人在這舒適及寧靜的環境中享受咖啡及食物，輕鬆地渡過在餐廳內的時光，所以一定會再來。😊

現在越來越多雞蛋仔店，而且口味亦好多選擇及創新！

呢間第一次試，諗咗好耐，終於點咗伯爵茶雞蛋仔，因為不嬲都鍾意伯爵茶嘅香味，所以好期待佢同雞蛋仔嘅結合會係點！果然無令我失望！伯爵茶味香，會見到一點點黑色嘅茶葉，外脆內軟，又唔太甜，正！

此店位於pizza hut 隔離條行，如依地圖可能有點難找。店舖裝修簡約，大門亦以膠簾代替，應該想省卻一點位置吧！內裡約有4-5張枱，約16個座位，如多人嚟，最好還是先訂位！

餐牌亦很簡潔，賣的都是大路菜式，如德國豬手、德國腸等都是不可缺少的菜式！
這個Nachos有少許肉碎、芝士，不太鹹，ok，最啱送酒！
由於店舖新開張，原價$118，現在只賣$98，抵食！皮都算脆，比較薄，肉亦不太鹹，有肉汁，唔乾，個芥末醬不是結的那種，是稀的，味道不太濃烈，比較淡，好處係張整塊肉點個醬汁亦唔會搶咗肉嘅味。薯仔亦焗得唔錯！
見枱枱都有叫，所以就試試！雞唔算大隻，但肉都好嫩，個自家調醬汁唔錯，好野味，又入味，即叫即整，正！
呢個無特別，同超級市場買嘅無分別！
餅底係餅乾脆餅底，應該係買嘅貨式。上面加上煙三文魚、青椒、洋蔥、芝士等配料焗，味道ok，但無特別！
店有幾款支裝啤酒供應⋯名就唔記得，但呢款唔錯淡淡地，又有啲花香味！
呢個麥味比較濃，有少少苦！

呢間茶記想試好耐，但嫌地方有點偏闢⋯今日有朋友揸車嚟，旁邊就有車位停泊，非常方便！

呢度室外同室外都有坐位，室外比較優閒，室內就有冷氣，因全是大枱關係，2人喺多數要搭枱。
今日星期日，約下午4點嚟到，都好多人，但室外仍然有位，仲見到蘇思黃添！

呢度有好多出名嘅嘢食；菠蘿包、煎雞尾包、豬扒包、紅豆冰等


紅豆冰：紅豆大粒夠淋，又唔太甜，👍
豬扒包：豬仔包外脆內軟，上枱個包仲熱嘅，豬扒夠鬆軟，不過有骨就麻煩咗啲！

仲叫咗個乳鴨：係BB乳鴨嚟，好細隻，但皮脆肉嫩，👍

由荔枝角道搬到大南街，一街之隔。搬遷後首次嚟食，地方大咗，招牌靚咗，坐又坐得舒服咗！餐牌也是源用舊有的。湯餃是用野葛菜生魚豬骨湯底，是店的招牌，以此價錢有啖靚湯飲，確係超值，絕不是飲完會口渴的味精湯。但今次湯味道偏淡，不知是否冬天味雷遲鈍的關係！
餃子比較扁身，不是脹卜卜那種，餡料切得很細，但仍然保持口感，餡料亦新鮮。韮菜餃都係第一次食，因我不愛韮菜的味道，但朋友稱無嗰種味道，姑且一試⋯果然無我不愛的那種味，煎得很香脆，煎了嘅皮亦倍感煙韌，不錯！

店舖在馬路旁，地方不難找。埋邊近行人路放上幾張摺枱，雖然天氣咁凍，但仍有不少棒場客，可見其吸引力！麵食種類唔多，但最機本的種類都有。每次嚟都係食呢個豉油撈麵，撈起時嗰種豬油嘅香味散發出嚟，正！啲豉油撈完個麵，唔多唔少，剛剛好。個湯就無特別，普普通通！

之前食過雲吞，麻麻地，其他就無試過喇！

在元朗偶然下經過這間店，被它的名字和裝潢吸引，由於我是麵包狂熱分子，於是立即入內逛逛。一問之下，原來此店開了約2星期，現在還有試食⋯

店內的佈置簡潔，但又不失高雅的氣派，再看麵包的價錢，知道它是走高當的路線。雖然價錢比起市面上的麵包店略貴，我想，它也應有它的生存之道！

我細看麵包上的名字，已被它深深吸引了，因有各式各樣的特式麵包；有愛文芒果包、松露芝士包、宇治金時包、薰衣草橙皮包等，而店內最貴的是一個紅酒桂花桂圓包，定價$100，見到頓是我也覺得有點驚訝，一個圓形比普通面積大少少的麵包甚可以賣這麼貴，還要在元朗區，真的摸不著頭腦，或許這是噱頭吧！

搽茶卡門=搽茶粉+芝士
一個像馬碲鐵型狀的麵包，我叫店員將它一分為二。麵包超軟熟，有著搽麵香，又不會太甜，芝士是軟軟的奶油芝士，很香滑，好好味。

經我在網上查看，原來這是一間台灣麵包店，酵母也是自行培養及進行發酵的，每天也會選新鮮食材，在自家工場做麵包，難怪這麼有特色！

上次嚟雞腸已賣哂，今次終於有得食，可能平日關係，無咁多人！
雞腸無鵝腸咁硬，但都係咁爽口，好新鮮，而且差不多去哂啲肥糕，絕對唔肥，果然係招牌菜之一！
黑栢葉依舊爽脆，麵亦相當彈牙，我唔係間間麵店都會食麵，但呢間啲麵真係相當唔錯，保持水準！