今日帶妹妹去打第一針復必泰，經過30分鐘就搞掂，打完休息期間，佢話有啲眼瞓，所以我諗住帶佢返屋企休息。 點知佢話難得嚟到葵芳呢個美食街，就話要上嚟葵涌廣場3樓食啲好嘢 之後佢就同家姐嚟到呢間甜品店 好快佢就點了一個奶茶牛乳芋圓 ＄32 妹妹未等家姐，就急不及待飲了幾口牛乳，好味到唔再講嘢，完全沉醉呢碗甜品中 芋圓口感煙靭，而有餡的芋圓香甜，好味到停不了口 最開心係學生穿校服或有學生証會平2元 所以放學行過真係要帶一碗返家

呢幾個月超忙，忙完公事忙家事，終於有時間可約好友食飯，就試下呢間啦~~ 環境優美，坐於鳥籠設計的厢坐裏，私隱度高，和好友可暢所欲言 服務一流，接待和侍應都非常貼心！ 食物方面……就 蘋果金寶：蘋果蓉墊底，中間係餅碎，上面朱古力雪糕 本來味道都唔差，但蘋果蓉太熱，雪糕好快就溶，所以三分鐘後就撈埋一堆 意大利芝士餅： 食法係用手指餅沾上咖啡溶色液再加上甜甜的芝士cream，但不知為何芝士cream 有淡淡的blue cheese 味，不太相襯 晚餐 set: 燒春雞，熱辣辣，夠Juicy， 好好味吖，仲有薯菜底係用紫蕃薯的 帶子偏意粉：白汁有少許芝士，無得輸啦 甘筍忌廉湯： 我個人麻麻地甘筍汁的味道，調味雖然夠，但有草青味 前菜：巴馬火腿，太乾了，無油香，得個咸字，擺盤靚 10蚊隻生蠔，新鮮算抵食了

好耐無去銅鑼灣～好多店都唔同哂～ 晚飯時段…行了幾圈，最後揀了呢間泰餐廳 真心無揀錯吖～ 係好多嘢揀～ 兩個人叫了以下美食： 炸豬皮 keto 小食，本身無味，我加了調味架啲粉落去…好香脆！ 燒腩肉～好 crispy 點埋特制汁，好啱送酒一齊食 豬手～～一個字正食住唔想講嘢～點解？因為好味到停唔到口！ 海南雞～無骨味道平均 仲有碗船麵～係我老公食，我見佢連湯都飲埋…所以你話好唔好味吖！

講明角落…一入到去就見到啲裝飾好吸睛，所以真係有一個角落俾你影相 因為有 keto menu, 所以特登嚟食… All day breakfast 味道不錯 帶子意粉不過不失 keto cake 缺點： 諗住响 FB book 位，以為坐位會好啲，點知係坐响蛋糕櫃側的門口位… 明明見到有 window seat 都唔安排下…後尾見到遲嚟嘅人都可以安排坐果度…原來係留俾自己友？ 之後見到後面咖啡巴枱有兩女客…又係特别招呼囉…原來間餐廳係 for 自己友 gathering， 早講嘛… 真心唔會介紹朋友嚟囉

炎炎夏日，一岀街就滿頭大汗 做嘢做到過左食晏時間，即刻走嚟試下呢間懷舊冰室啦！ 疫症之下，首先要探下熱…侍應都幾好禮貌！ (因為見到啲人 post 度話阿姐趕人) 店內裝修懷舊 feel, 兩人坐埋一邊都夠闊落，半張枱上有白卡隔住，衞生防護做足！ 午餐餐牌有五樣食物： A: 特式豬排配越式湯檬 B: 唔記得 C: 虫草花鴨腿湯飯 D & E 好似一個意粉，一個係飯！ (午餐有湯麵，湯飯，又有飯同意粉…仲想點) 我就叫左呢個C餐 虫草花湯濃味，就咁飲就偏咸，但配上白飯又味道啱啱好！ 隻鴨腿多肉，而且味道夠，肉夠鬆化，用筷子一夾就散開，真是美味！份量有2－3件，多多都食得哂！ 再配埋杯凍檸茶，都係收$48＋$3 呢餐 lunch 係無敵！

一早聽過一鍋堂嘅火鍋～好難 book 位，又話好好食～於是就早幾日用 apps 嚟 book 枱，今晚終于可以嚟試真身！ 一嚟到好多人等位，好彩有用 Apps 訂位，所以等左幾分鐘就可入座！ 我們一家四口就坐張大圓枱嘅一邊，疫情嘛，無所謂啦！ 入座時，店家話只可揀一個湯底……吓？！原來不是一人一鍋咖～都算了，咁如要鴛鴦湯底就要加$50, 都算了，鬼叫女兒話要麻辣湯底咩～所以就一邊係清湯一邊係麻辣湯底～ 跟住就用 Apps 點嘢食，都算幾方便！ 款式就一般般，無乜好特别！ 戲肉嚟了，我同侍應講想加湯 加湯只得豬骨湯可加～啲麻辣湯就淡哂！有無搞錯，咁之前入嚟食前要講定，仲要加50蚊叫個鴛鴦喎！有無搞錯！ 我响樓下間馬辣～係跟湯底加湯咖！ 所以真係名過于實！

疫情影响下學校停課，兩個女就唯有留守在家！ 為左氹下佢地…好想同佢地加下油…於是上星期就膽粗粗同蘇媽訂左20片糖霜曲奇了！ 蘇媽好好…安排好時間就幫我整並預約了今晚攞餅！ 一場嚟到就和我蝦子餅食個晩餐： 他點了安格斯牛扒飯 牛扒剛好七成熟…配上自家製燒汁…非常野味！ 牛肉鮮嫩煮得剛好…入口有豐富牛肉汁充满口腔…正！ 我就點了一客鰻魚飯 鰻魚烤到焦香…肉質較軟身配上特制鰻魚汁…好好味 主角岀場喇～～～ 就係我預訂的角落生物糖霜曲奇 係咪好靚呢…真係唔捨得食咖！ 但當然逃不過我女兒的咀仔啦 她不停咁話好好味…牛油香加糖霜的甜，真係俾左好多正能量佢！ 真的多謝蘇媽！

政見不同～同蝦子餅講不下去 心情極度欠佳 一個人走左嚟呢間小店恢復元氣～ 今日選擇坐岀面～感覺好似响外國街頭飲咖啡咁～當然你要欣賞下四周不同嘅車聲～呢度就係香港！ 點了一杯泡沫咖啡加一個雞肉沙律 飲了一啖泡沫咖啡～ 心情即刻順滑左 幼滑嘅牛奶泡沫加上濃濃嘅咖啡香……壞心情即刻一掃而空！ 跟住沙律就送到～ 沙律色彩繽紛： 有紅色和橙色車厘茄～ 有淺綠色嘅羅馬生菜～ 再加上深綠色邊嘅切片青瓜～ 主角係慢煮雞排～ 五種食物加在一起…食得清爽…口感清新…真係一個都不能少！ 慢慢享受食物同飲品…心情即刻回復過來！大家不妨一試！

香港賣 Bagel 同法式麵包嘅店少之又少…仲要係新鮮岀爐嘅… 今日終於有機會嚟Miam Bakery 一嚐滋味！ 店內有個玻璃櫃，不同款式嘅麵包好似首飾咁展示：有四款 Bagels定期轉款(店家話各位食客要留意下 FB通知) 另外其他款式：農夫包，大小法棒，酸種包等，見到自己想食的，便可叫店員包俾你！ 有幸等到剛岀爐的杏仁牛角酥 熱辣辣，新鮮岀爐，酥面上的杏仁片香又脆…… 內裏的醬甜甜地又暖笠笠…伴著牛角酥溶入口中～好好味！ 另外我試了個法棒 外脆內軟～新鮮牛油香～妹妹都忍唔住一買了就吃！ 另一皇牌：肉桂卷～未岀爐，唯有下次再品嚐了！ 回家才試農夫包…外層煙靭內裏鬆軟…夾芝士片或就咁食都一流！

話說今日係假期的最後一日～我就帶妹妹嚟愉景新城買禮物…希望佢勤力温習，準備考試購物完畢，就帶妹妹去食飯！ 行過呢間…之前好多人排隊，見而家無人排，而妹妹又見到啱食既嘢，就即刻入去了！ 首先點了妹妹的咖喱飯 可愛的卡通造形飯再加四件炸雞～ 一上枱，妹妹好開心，啲咖喱汁不辣帶甜，炸雞脆口 之後就到我同蝦子餅點的食物 呢個意粉係無味的～～ 於是我問個女員工可否俾樽pepper and salt 我，佢即刻幫我拎入廚房再調味～呢位員工服務真一流！ 再岀過的一碟意粉～今次味道一流，蟹肉夠味，波菜夠多，意粉質感剛好 薄餅係一般日式食店的質素，芝士夠多，肉有少少，可以一試，餅底不是厚的，脆脆的！ 沙津菜新鮮，唯一係啲雞肉就較軟身…味道一般！ 我個人覺得女員工比較 helpful，親切有禮！ 男員工就