ordered 綠茶疏乎厘, 個雪糕應該唔係新鮮嘅，表面有層冰 再點個士多啤梨pancake，好硬，我指係啲pancake，似係整完之後擺咗成日 同埋啲侍應好似好趕收工 我9pm 入去食嘢，9:30pm 已經要我埋單 食物一上到枱嘅時候唔夠10分鐘就收走晒餐具盤，其實係咪咁趕? 如果係嘅話點解我哋入嚟嘅時候唔講聲？ 轉頭再嗌我哋離開，我問佢係咪立即要走，佢話係佢要收工 咁下次如果入去嘅時候麻煩你話俾我知你9:55一定要我哋走啦，謝謝

提前一星期book位，當晚順利到達，order 左一個fine dinning menu set，total 6道菜，因為我唔食牛肉佢好樂意換左個帶子Risotto，好貼心 如果你想去食 fine dinning，真是唔好掛住玩手機，用心慢慢去品嚐，因為地環境装俢一流，每晚既表演一定唔可以錯過 當晚我欣賞既係駐場歌手道出一個50年代小女孩成長小故事！ 我認為食一餐飯，要睇對手，睇食物品質，環境同當時經歷都好重要，overall 仙后俾到我！

第2次幫襯, 上次唔好, 可能新開, 今次3個月後....今日見門牌tea set 幾吸引, 再俾機會佢 ! 叫左個tea set 外賣, 車打芝士腸熱狗, 入到去, 同waitness表明 take away order, 放底menu 走左去, 落order 啦, waitness 咩都無講走左去, 等左10 分鐘, 問我收$, 牌寫$38 送茶, 但問我收左$44, 問佢點解, 唔出聲, 要自己睇單先知咩事 ! 哦, 原本凍飲要加$5, 外賣加多$1

點解門牌無寫, 落order 時waitness 唔講呢?

講返食物
- 車打芝士腸熱狗 -- 唔係用車打芝士腸, 普通腸, D sauce 好到可以浸死個包
- 凍檸茶少甜 -- 茶濁, 仲甜過叫少甜

我無言 ! 亦決定唔會再俾機會佢...

同朋友去食飯, 一行6人, 點了以下

1) 馬蘭頭 - 一般
2) 雲耳 - 汁惹味, 好食
3) 魚 - 一般
4) 小籠包 - 一般
5) 湯 - 我自己覺得落了不少味精, 因為咸同飲完皮膚敏感出粒粒
6) 素菜包 - 無汁

仲有糖醋排骨, 涼伴茄子....都好一般...

最大問題係個擔擔面, 面唔散開, 個湯唔濃, 仲有一陣酸味, 點解擔擔面沒有濃濃的麻油及花生味，反而有酸味呢？

服務員服務更加難忘, 叫每一樣野要問2次先會去攞俾你, 幫我地點菜O個位女經理, 可以點點下菜突然走左去招呼剛入來既熟客, 一句叫我地等下都費事, 事後當無事, 我問佢我地而家可以點菜未, 佢仲黑口黑面 !!!!
我知我地係生客, 親疏有別, 但係動作都唔好咁明顯啦, 你唔好服務, D 菜式唔好, 我地呢班生客無好印象, 又點會變成熟客呢 ?

本人唔好太喜歡食豬肉, 但係每次去MR.KOREA BBQ, 我一定會點 豬腩肉, 青口湯, 因為真係好好味

豬腩肉, 當燒完之後, D 肥肉出晒油, 一D 都唔肥, 再加生菜包埋食, 一流 !

青口湯, 飲既時候, 覺得佢落左D 黑椒, 唔腥, 清得黎仲有少少香味

因為我唔食牛, 所以唔知道好唔好味 ! 但係其他食物都OK, 價錢又唔貴 ! 

住在TST 其實好慘, 無咩小店 (有都俾大集團租哂), 唔想成日食D無SOUL 既食品同韓燒, 盡量都會幫襯小食店

阿芳餛飩雖然店舖細細, 但食品絕不馬虎, 餛飩有好多種, 亦是自家包制, 今次我選了素餃+豬肉餃+豆漿, HK$38一個套餐

素餃用上甘荀, 色靚 & 甜
豬肉餃菜同豬肉比例好, 唔會搶味

個湯底用上小蝦做湯底, 相信不是味精水...

有誠意的一間小店, 要多支持 !