真心樣樣野都又靚又好食！前菜加左生蠔2隻（$90）同青口（$88） 生蠔新鮮唔多講啦。青口個汁好好食，如果可以跟埋麵包就好啦。 燒豬肋骨好味同夠冧，唔係一般BBQ汁，係清新番茄醬，無咁漏。 配菜唔同顏色，好靚好新鮮，食得出食材唔係普通料！ 牛小排都好食，但未到驚喜。 甜品跟餐加左$3x。好靚又超得！我係紫薯控，食得好開心！ 小店大廚同餅廚都係出名酒店出黎，真係酒店質素，小店價錢！ 環境舒服，深水埗好難搵到lee類小店，要好好支持

友人係荷蘭黎, 邊邊就食得多, 雞煲佢就未食過, 梗係帶佢試試。而66我自己都係第一次食, book左位, 可惜自己大頭蝦, 點左朋友去山林道, 原來已經摺左, 只怪op的錯呀.... 結果我地要趕去旺角白布街
而旺角兩間66相隔兩條街, 好易搞錯, 食友要留意。而我地亦係去左旺角舊鋪, 先知自己book 左既係新鋪, 連累我既朋友, 3間66一晚行哂。由於友人都唔食得辣, 所以叫左個微辣雞煲($138), 跟據店員所講, bb辣係少少少辣但無麻, 而微辣就少少辣加少少麻。雞煲黎到, 店員都會幫手搞拌。個雞煲好香, 而厚厚既醬包住嫩滑既雞肉, 以微辣黎講, 味道是中上的, 友人們都覺得好味。就連配菜洋蔥, 青椒都炒至都好香好甜!到加湯打邊邊時間, 有清湯和辣湯選擇, 當然, 今晚既人腳, 我地選擇左清湯。
蝦丸+墨丸雙併($88) - 有8粒, 蝦丸彈牙, 墨丸更加彈牙, 而且有鮮味, 好味, 我地有encore。 手切肥牛- 大 ($198) - 雪花平均分佈, 而且有牛既肉香加油香。好快就俾我地消滅左。百花+咸牛芝士釀油條 ($68) - 其實而家好多火鍋店都有這類型的釀油條,而這裡的, 不算突出。百花的還可以, 但肉不夠厚實, 口感有點散。而咸牛芝士, 就有一點兩頭唔到岸, 咸牛不夠濃,又沒有芝士口感。其他的, 響鈴/菜籃/稻庭烏冬/薯粉就正正常常。而菜, 粉, 吸了湯汁就好味, 香而不辣。
飲品都係大品牌的汽水涼茶, 如果有自家涼茶就更貼心。

約左大埔友黎個girls talk, 友人問我想食乜, 我答"我要借酒消愁!" 真係問非所答!
心情好飲一杯, 心情唔好又飲一杯, 其實都係借口啫。
之前我地都黎過一次, casual dinner 既感覺唔錯, 所以決定碰碰運氣, 睇下星期六晚有無位, 好彩有位唔駛等。
一早target 左burger, 上次食過好食。而且飲酒配薯條真係好match 嘛!
今次黎有set dinner 喎, 唔錯唔錯! 叫左個燒雞餐。
跟餐有湯同包, 包我就無食, 因為要留肚食burger 嘛, 個湯係南瓜湯, 都唔錯, 唔係話好香濃, 但最少唔係好水果d, 以一間bar 黎講, 我覺得唔錯。主菜既burger 賣相一流, 大大份, 半開俾你見到有蘑菇, 半溶既芝士, 真係見到都開心。至於味道, 先講個包, 夠厚身而且有淡淡既牛油香! 至於個牛漢堡同d 配料, 唔乾而且夠味, 真係好難唔好食。若然係挑剔的話, 就係漢堡可以再生d, 而塊煙肉再燶d,咁就再多一份juicy 同crispy 啦! 另外, 薯條夠熱真係好難唔好食!再食就係燒雞啦, 個賣相又係吸引。食燒雞個汁好緊要, 個汁甜甜地都ok。而雞既皮唔算脆身, 但可以接受。肉亦唔算好嫩。但最好食係個薯蓉, 點唔點個燒雞汁都好好食!我叫左杯house wine, 好多時house wine 都係chile/argentina... 但我個人唔多好.... lee度無記錯杯house wine 係澳洲, 都幾香果味, 而且順喉。
另外叫左杯chocolate martini, 其實係martini加杯邊既chocolate 粉, 同我想像有d 出入, 但又夾喎, 一飲d朱古力粉就溶係martini中, 幾好飲。沿杯邊既朱古力粉, 飲哂d粉就剛剛飲哂杯野。但小心每飲一口, d 粉就多多少少係咀邊, 要keep 住抺咀呀!服務都幾好, 會提d客happy hour 夠鐘時間, order 定之後出。另外, 個男staff好好, 雖然開始多人, 都幫我地班到張high chair 俾我地擺袋。(我地有問d 女staff 架, 但見到有空既chair 都唔俾我地搬.... )

原本打算BOOK 另一間九龍城人氣打邊邊, 點知幾日前BOOK 平日晚都FULL 哂, 結果BOOK左LEE 間。
第一讚, 枱與枱之間唔迫。
第二讚, 枱夠大, 你知打邊爐好多碟野要放。
第三讚, 夠多凳俾你擺野, 我地三個女仔, 一人一張凳擺袋。
第四讚, 野食
好, 打邊爐湯底, 叫左個沙嗲湯($59), OK, 唔係好濃果D, 但食完又無乜好口渴。
(我地幾個都係海鮮怪, 但大家搵得唔多, 都盡量忍手地叫左少少海鮮類既野)
超大竹蝦: 成隻手掌咁長。你可以揀做剌身OR 打邊邊。我地揀左打邊邊, 一人一大隻爽死... 好爽同鮮甜。
桶蠔($109):有5大隻。 桶蠔係點, 我諗唔駛多介紹。
墨魚滑($69): LEE 個堅好味。非常爽口彈牙, 而且調味適中, 仲食到D鮮味。
蝦丸($59): 8粒, LEE 個又係好味。非常爽口彈牙, 仲食到有爽口蝦肉粒。
本地手切牛 - 小, 普通位 ($169): 佢有分大/小, 靚位版/普通位, 我唔知靚位係咩, 但我地食既普通位, 我地都已經覺得好好食。食手切牛, 有時好怕切到散修修。但LEE 度切成好靚, 大塊。而且牛味好夠, 又唔易老。好味
即炸響鈴($42): 最好炸完出黎即食, 佢跟個酸甜汁俾你, 我平時唔好響鈴, 因為坊間果D 好多時都有油益味又油淋淋。但LEE 個即炸, 好鬆脆。你又可以放湯食, 應該都唔錯的。
韓國薯粉($22): 佢俾埋個碌車仔麵既"哩" 你, 幾得意
仲有.... 桂花蚌($8X), 芋絲($32), 西洋菜($32), 木耳($29), 一喳自家竹蔗茅根, 兩支啤酒......
第五讚, 服務
其實佢人手唔多, 我見地下LEE 層, 都係一個Staff 加一個疑似老闆既人, 一坐低未人齊都叫你整左個SAUCE 先, 好搞笑。個Staff 係忙, 但唔會唔記得你要乜, 問佢手切牛我地叫大定細好, 佢話細就夠, 又唔會硬sell 你要靚位。個墨魚滑見我地笨手笨腳, 幫我地碌埋。
而且食完唔會趕你走, 感覺非常好

因為係內街，都搵左一陣先搵到，加上果晚無人等位。我地係第二枱客，d staff 當你透明咁，唔緊要，自己坐低囉。見到d甜品都好貴，四五十蚊一個，唔緊要，坐得低我就豪食。諗住叫野，個staff先開口話要自己出去cashier叫同俾錢（嘩，快餐呀而家?!但你收酒店價喎....）好，咁出去叫啦，一個夢幻，一個napoleon, 一個綠豆沙（因為家父唔食榴槤的），個唔知收銀定老闆娘搵左好耐都搵唔到綠豆沙點入，無唔好意思，無多謝。嘩，lee刻懷疑我真係客？！

咁野食到啦:
夢幻雪糕，會出白煙，拿，除非你溝緊女或者幾個女仔要kawaii selfie 一下，唔係，叫個普通版得啦，因為夢幻都幾貴。雪糕味道，唔算好濃，但係幾滑，有d芒果味珠珠幾好食既, 塊杏仁條可以唔食。但我唔知點解佢值咁貴。榴槤Napoleon：lee個榴槤味好濃，個皮都脆脆地。lee個係好味既。但問佢要刀，無刀，你lee度有pancake食，但成間鋪都無餐刀，勁囉。（最後都搵到支膠刀俾我，哈)綠豆沙，一黎到，咦，蛇羹黎既... 個樣真係好似蛇羹.... 個味道, 我老豆話正常, 咁lee 間野食榴槤既, 你唔會expect 個綠豆沙好味既。其實點解間野叫貓山皇, 但我唔覺佢有野真係用貓山皇榴槤黎整。。

咁既服務態度真係唔掂, 收得唔平, 要你出去叫, 全場唔多客但唔會同你互動。真係唔會覺得你有heart 做, 你d 野食到曉飛都無用, 唔會再想返黎食。

這家餐廳是從宣傳, 裝修都是很正宗意大利餐廳格的, 仲有個西人做大廚, 諗住唔會差。
打開lunch menu, 好多野揀, 連焗豬飯都有, 見好多人都食佢添, 我地都未醒覺… “會出事架o麻”。lunch menu 左面係港式, 右面係比較西式的, 多野揀過茶餐廳呀。我地4人, 叫左:
德國豬手 Roasted Pork Hock in Honey Sauce $82
黑松露帶子意粉 Scallops Spaghetti & truffle Sauce $88
美國牛柳配黑松露意大利飯 Beef Tenderloin & Truffle mushroom Risotto $98
香煎海鱸魚伴牛肝菌意大利飯 Pan Fried Sea Bass & Porcini Risotto $98

首先, 見其他食友相中的蘑菇湯好似好濃咁, 好想試。色係有啦, 味道係還可以的, 有D蘑菇味, 但唔夠香, 而且好水….加錢叫左個Caesar salad, 正常味, 菜算新鮮, $68份量算正常德國豬手, 好正常, 皮脆肉嫩, 夠味。黑松露帶子意粉, 意粉唔al dente, 而且好碎, 但味道都可以的.. (但一家意大利餐廳做唔到al dente….. 好似茶餐廳炒俾你咁law, 只係茶餐廳用黑椒同牛柳絲… 佢用高檔少少既黑松露同帶子… well… 你懂的)美國牛柳配黑松露意大利飯, 我見朋友都食哂個牛既, 但個飯…. 唔知大家睇唔睇到, 佢個飯同我食果個牛肝菌意大利飯一樣色的。最奇係, 連個味都一樣。黑松露意大利飯.. 加少少黑松露, 都應該係有黑粒粒, 而且黑松露係好濃味, 加少少都食得出, 可惜, 我地真係食唔到law! 而我個香煎海鱸魚伴牛肝菌意大利飯.. well… 我唔明點解個汁, 直接淋左上條魚度, 個魚本身脆都變唔脆lu… 個味真係同我平時街食既白汁龍利柳差唔多。個飯, 上面講左, 同黑松露意大利飯一樣… 係無味的, 連咸都唔咸下… 我食左一啖, 放棄!而就黑松露意大利飯同牛肝菌意大利飯一樣既問題, 我地有問侍應, 可惜個答案係。“係咁架, 係一樣架!” 如果你係收我茶記價, 無扮自己係意大利餐廳, 我可以接受. 但你收我成舊水一個lunch……

唔知係咪個飯, 餐廳有送TIRAMISU, 可惜, 個蛋糕底濕到一pat pat… sorry 真係唔好食。

你當佢係舒服既茶記就可以囉。

結志街搵下行下, 見到間野幾靚就入左去。但星期五晚成7點幾都無人...心諗"咁古怪既?!" (但老闆話星期五, 六晚都爆ga.... 果晚落雨先靜d, 所以諗住食就最好book 位)

但內裡既裝修擺設真係好特別, 咩都係意大利, 最型係個意大利三色雪櫃同個古董咖啡機(其實我唔知係咩, 總之覺得佢好靚好型), lee 度唔多講, 因為樓下食友d相說明一切~

晚餐lee 度甚為抵食, 百零蚊有頭盤, 主菜, 野飲, 甜品! 重要係好食!

兩個人兩個餐, 叫左一個沙律同一個湯share。沙律係用balsamic vinegar sause, 偏甜的, 我好鍾意。
今晚係西蘭花湯, 我本身唔多LIKE綠綠既西蘭花湯, 但佢地其實係西蘭花蘑姑忌廉湯, 係我地發狂影相既時候, 遠遠都聞到個湯好香! 飲落好香好creamy! 主菜叫左 Organic Linguine Prawns and Creamy Tomato Sauce 同埋 daily special - 。老實, 兩個sause 其實差唔多, 但  Prawns Linguine  稍勝, 始終 Linguine 上汁容易d, 個汁幾鮮甜, 而且杰得黎好似好creamy 既湯, 我食哂d意粉, d汁當湯飲哂。而當晚既Rigatoni有少少undercook, (我本身食開al dente 既pasta) 但有d明顯食到未透, 亦令整碟Rigatoni偏乾, 上唔到汁, 個人覺得個汁可以帶少少辣, 既然配得Chorizo, 個汁可以惹味d~ 甜品, 係雪櫃任選一個跟餐。老闆介紹芒果拿破崙, 面上左浸糖水先焗, 好脆好好味, custard 見到vanilla seed, 好香, 又唔會甜, 超好味。如果lee件唔係last 一件, 我會encore囉~ 另外叫左。單係個樣都殺哂啦, 個味match 得幾好, 配咖啡唔錯呀。lee 度既coffee 亦好好飲, coffee base 夠濃香, 但完全無酸同燶味。crema 夠dense 同 smooth, 不愧為~
仲有, 跟咖啡既almond biscotti, 我原本以為咁硬, 應該唔方好食, 我點Crema 黎食 (我唔知正宗係咪咁食) 總之好好食囉!! 好想再黎~

一直都滿喜歡食西班牙菜, 但無奈係香港既西班牙菜館都幾貴... 加上食tapas, jamon.... 唔飲紅酒, 總係差d野。

俾我係OP搵下搵下, 見到個個都話LEE 間 value for money, 我最鍾意試菜, 即刻叫fd 同我試啦。友人打黎去book 位, 話無酒飲, 但free cockage...仲開心。本黎諗住買支spanish wine...但搵唔到, 結果買左支隔離既意大利... 我知道都match 到既

間野其實都隱世, 都要上斜落斜左一陣先搵到, 其實最簡單就係 pxxxxxxc coffee 轉落去。

坐低, 我都好唔客氣同我個fd 講, "其實我諗左食咩"... 真係一d矜持都無...

有酒... 又點可以唔食ham... tapas bar 係casual dining, 都係枱細細, 所以叫左個48mths iberico ham 送下酒先($4xx/100g), 而且就算有iberico ham, 都唔多地方有48months。ham 算係幾有油香, 咸度唔係死咸... 但可能...佢切既位置比較上, 有時食到比較乾。而且切都比較厚, 但我同朋友都好enjoy 食哂個ham, 就再叫d tapas la, 叫左個Grilled Tiger Prawns, 通常tapas 都用細隻既蝦仔, lee 度用虎蝦, 爽口彈牙, 個蒜片辣椒欖油係靈魂，提鮮加惹味。試得西班牙菜, 點可以唔叫Suckling pig 同 paella, 個Suckling pig皮脆, 但個人黎講, 我覺得肥左d, 而且某d 位好咸,… 食到尾, 有少少夾硬食咁…
Paella, 好體貼地有tapas size, 蝦, 蜆都好鮮, 而且d飯入哂味, 我覺得好好味。店內環境好typical 以紅色做主打, 我自己覺得好hip, chit chat成晚好開心。

食開大埔果間, 但都幾full 架, 而家係九龍城開仲好, 因為大間d, 新開張仲免加一! 當晚兩條友, 每人叫左兩隻蠔, 雖然, d staff 可能新, 唔係好識介紹蠔, 不過佢都好努力推介, 算係咁啦.. 叫左afrian gigas - 淡味, 好creamy, 我唔太like; 而tasmania 就好對板, 有蠔味, 偏爽, good龍蝦湯... 唔夠濃.. 亦唔多覺龍蝦味, 下次都係唔加$20要佢啦。朋友話佢個雜菜湯ok~

我都係食返我例牌的, rib eye, 其實我幾like 佢既炭燒味, 7成出黎係lovely pink, 但又無血水, very good! 朋友既羊架, 因為我仲係學緊接受羊蘇味, 但都試左一口羊架, 唔so, 我覺得幾好味之後叫左杯coffee.. 係即磨, crema 都唔薄, 我覺得唔錯呀

有蠔有龍蝦湯有牛排鋸, 埋車一人$190.... 開心價啦

接完機就去左味千醫肚, 價錢比出面貴, 最平個套餐都$75 (一個小食加一個麵), 叫左3個餐, 泡菜唔入味, 個辣椒味唔對板的, 不過係日式連鎖店叫韓式泡菜... 可以要求d 乜。 餃子正常, 但個皮一夾就散, 個麵係"林"身底, 但起碼唔係楜口, 湯底無咩味, 我要勁落7味分。不過, 對機場食物無期待, 志在醫肚, 還算令人接受..

用餐中途發生左令人O 咀既事, 隔離台老外一家大小, 倒潟左碗麵, 成台成地都濕哂, 個經理見到, 俾左一疊紙巾佢地就行左去, 咁老外企左身成5分鐘, 望住個經理, (個經理係完全唔想往LEE 邊望, 你係忙, 都俾手勢同個客表示叫佢等一陣呀... 無LAW) 之後佢先黑口黑面過黎拖地... 個客個麵明顯未食過的.... 大佬你國際機場餐廳, 收得人咁貴, 係咪應該俾過碗佢呀? M 記都會啦! 無LAW... 仲見佢有張咩服務大賞証書．．．呸．．． lee d 咁既餐廳唔好再放係機場啦... 趕客咩

Firstly, the price is much expensive than outside the airport, the cheapest set is already $75 (1 snack and 1 noodles). We ordered 3 sets. Kimchi... it's too early to serve, I think it needed more time to get taste absorb into the vegetable, and its not the right taste as Korean Kimchi, but you ordered a kimchi in a Japanese chain stores, what can you expect? Dumplings, the pasty is loose, but it's OK. The BBQ pork noodles, BBQ pork was fine; noodles is OK, at least it is not sticky in your mouth. but I prefer "al dente" noodles. The soup.. it's no taste, I had to add many seasonings to finish the noodles. Right, what can you expect a chain stores at the airport?

But during the meal, there was a disgracing thing happened at our next table. There was a foreign family, the noodles was overthrown, soup and noodles was everywhere on the table and the floor. The manager (YES, MANAGER.. ) just given them tissue, but didn't offer further help until the family stood up for 5mins and kept looking at the manager. Then he helped to clean with his very dull face! And I could see the overthrown noodles is not even started eating , but the manager had no intention to replace them another bowl! It's Hong Kong International Airport, the first gate welcoming our tourists! But obviously they got NO services in this restaurant! We even saw they got a certifications of Hong Kong services award at the door! I wondered what standards are needed for the services award.