今次去旺角食一個海鮮火鍋放題，7點半前離座$298加一，基本上大部分既食物都係任食，唯獨係刺身冇得再叫，由前菜食到落甜品，一round已經飽哂😂 🐽前菜 每日都會唔同款式，最好食係松露蝦多士，香脆可口，蝦肉彈牙，加埋上面既松露沙律醬，好好食🤤，encore左一次，另外蜜糖雞翼都唔錯，雞肉嫩滑，都幾惹味😋，其他個幾款包括沙律、涼拌蓮藕同咸菜豬肚豬紅就普普通通 🐽直送刺身盛宴 係一次性既，刺身款式都幾多，最鮮味係帶子、油甘魚同牡丹蝦😋，隔離仲有包紫菜可以包住啲海膽食 🐽原隻鮑魚花膠雞煲 唔見有鮑魚，但就多左兩隻大蝦，唔知係咪轉左，而且都會有少量花膠，整體都尚算夠味，雞件都幾多🤔 🐽花膠老火湯鍋 要早啲預訂，湯底清甜，好足料，打邊爐前可以飲返碗湯先🤣 🐽環球海鮮船 有8-10款海鮮，有蟹、蠔、花膠、蜆等等，都算新鮮，但食落冇覺得好驚喜，唔係去到好鮮甜既程度，之前食過一間既海鮮火鍋仲好味🤔 🐽極上牛肉 油脂分布幾靚，牛味濃，但其實食到呢度，都飽左6、7成，所以都冇再encore 🐽手工火鍋配料 有手打三色丸、水餃、響鈴、魚皮同烏冬，全部都正常味道，係魚皮淋左😔 🐽花之藝術 是一個蔬菜籃，幾款菜都幾新鮮😎 🐽芝士蛋糕 蛋糕好正，芝士味好濃郁，囗感幼滑，岩岩係雪櫃攞出黎，夠哂凍😋 飲品方面都幾多選擇，有啲自家製既竹蓆茅根、桂圓紅棗等清熱養生飲料，當然都有汽水、烏龍茶😌

🐽咖喱牛腩炒米 米粉係煎過，好索汁，牛腩同牛筋都幾多，另外仲有啲青紅椒、洋蔥、薯仔，賣相都唔錯，但可惜咖喱味唔夠濃味，可以再鹹啲🙊 🐽海南雞飯雞肉份量都幾多，但味道都係較淡，肉質都算滑，唔會鞋，醬汁方面都可以再更好，因海南雞既醬汁都幾重要🤔

雞地不嬲好多野食 終於有間新式麻辣野 裝修方面就比較簡約 感覺都幾舒適 乾淨企理🎈 🐽口水雞+薯粉 $48 一黎到紅當當都覺得正😚，叫左小麻，但都幾夠麻辣，麻椒比較多，口水雞都好足份量，又有雞髀又有雞亦，雞肉亦都好滑，同都好夠味，另外薯粉就係幼身個隻，份量都好足，夠哂大碗 🐽酸菜魚+薯粉 $62 啲份量真係嚇親人，佢除左有魚有酸菜，仲有啲豆卜同木耳，每樣都索到啲湯，夠哂入味，但佢個湯就比較清啲，唔會話太酸，所以都食到魚既鮮甜味，因為啲魚片無骨又無陣雪味🤣 🐽蒜泥白肉 $34 又係份量多多，連啲調味料都好多😋啲白肉包住啲蒜同麻椒食真係好正😆而且佢啲白肉肥瘦都好平均🤤完全唔洗要特登飛走啲肥肉 仲想讚多讚除左每次翻枱都見到店員會消毒清潔之外，佢每一枱都有擺左盒紙巾🧻食開麻辣都知會用好多紙巾，雖然係好小既事 但唔係好多餐廳都會比任拎，大部分都要你加$2買包紙巾，所以我個人覺得依間餐廳都好體貼細心😚

🐽避風塘炒辣蟹 $688 蟹有幾款唔同既整法，今次揀左避風塘做法，辣度就小辣，隻蟹好大隻好多肉🤤🤤蟹肉都好鮮味，連埋炸蒜同蔥食好香好惹味 🐽黃金流沙蝦球 $38（1隻） 蝦球又係大大隻🤣蝦肉爽囗彈牙，啲蛋黃碎好好味🤤沾滿哂成個蝦球，超級邪惡，隔離仲會有碟沙律，可以解下漏同食左會更加清新 🐽拍蝦香芋娃娃 $118 上面會有啲蝦肉、芋頭同肉碎，令到碟菜冇咁寡，夾埋食芋頭味都幾出，娃娃菜都好索湯同夠淋🤩食完咁多重口味既野，要食返啲菜先得🤣 🐽蜂蜜燒汁鱔球 $138 鱔球幾新鮮，用粉炸過，個汁係甜甜地😙下面仲墊左啲乾葱 而家有時夜啲好多餐廳都已經會關門，但呢間餐廳會開到11:30，同只要打齊針，可以最多12人一枱🤩

突然間好想食梳乎厘班戟，夜晚就去左試荃新天地呢間名古屋過江龍班戟專門店，有好多唔同款式，有甜有鹹🤣 🐽士多啤梨梳乎厘班戟 $138 Pancake好香蛋味，裹面唔會過份空氣，但又做到好鬆軟既質感，上面有層厚滑既cream同好多心形既士多啤梨🤤Cream唔會太甜，所以食落唔會膩，落埋啲糖漿食就Perfect😆 🐽煙肉比薩 $88 餅底係厚批，餅皮比想像中好軟鬆，配料有煙肉、粟米同cheese，上枱時熱辣辣都幾好味😙 🐽彩虹刨冰 $68 打卡好靚😍係彩虹既顏色，主要係有啲波子汽水味，唔夠味既會有啲煉奶可以倒入去，刨冰份量都幾多，夠2-3人share 🐽芒果沙冰 $48 芒果味一啲都唔假，係平時芒果雪糕既味道🤤上面會有cream同裏面仲有啲芒果醬，沙冰質感都幾幼滑😳 🐽焦糖沙冰 $48 唔會太甜，本身仲驚會好甜，焦糖味都好香🤩

呢間餐廳真係好有韓國氣氛，播住韓國流行歌曲同四圍會貼住一啲人氣偶像既相，置身於韓國一樣😆😆 🐽 鐵板韓式蔥炒五花肉 $238 五花肉既份量好多，而且唔會韌，裏面仲有啲年糕、泡菜，食落去個汁係甜甜辣辣咁，超級惹味，仲會配埋一份生菜，可以包住黎食，食法似足哂韓國人😋 🐽韓式無骨烤雞 $188 驚太熱氣，所以就揀咗烤雞，無揀炸雞，呢款會附上埋甜辣汁同埋醬油汁，一次過可以有哂三種口味，烤雞上面有啲拉絲芝士，雞肉口感尚算嫩滑，但本身調味比較淡，所以建議要沾個兩款汁食 🐽海鮮蔥餅 $140 蔥餅煎得好香脆，真材實料，有好多海鮮，蝦同魷魚都好彈牙爽口，加上大量既蔥同甘荀絲，每一啖口感都好豐富，最重要係粉漿唔厚，真係十分推介，但因為真係太大個😂所以最尾都食唔哂 🐽辣豬肉炒飯 $128 味道唔會太辣，飯好濕潤，配上豬肉同甜甜既洋蔥絲同菇片 🐽西柚碳酸水 $56 味道非常清新，西柚味都好濃，食辣野配住似好解辣🤩

星期五至日係半自助早餐，每人可以揀一款即叫即煮既熱食，另外出邊會有半自助Table，我地叫左個Egg Benedict同煎雙蛋配薯餅，兩款味道都幾好😋 ✔️包類好出色，所有包都熱辣辣，牛角包係必食，好酥脆同軟熟，未食過咁好食既牛角包🤣 ✔️煙三文魚同火腿都好新鮮 ✔️生果切到細細舊，好方便食😆 ✔️乳酪是一樽樽，好高質 😟唯獨係種類比較少，但其實每樣食少少都夠哂飽，唔夠可以食多兩個包😂

好耐之前去過一次深水埗個間食佢個特餐同西多士，今次就去另一間分店試下啲晚市小炒，嗌左個滋潤燉湯二人套餐（$168）加個小菜，套餐會包一條是日海上鮮或者海南雞/霸王雞半隻，一個季節小炒、2個燉湯同2個飯🤩 🐽豉汁蒸倉魚 條魚熟度岩岩好，魚肉都算滑，而且都好新鮮，一啲都唔腥，豉汁調味洽當，唔會太鹹，同行好友超愛食倉魚，都讚條魚好好味🤣🤣 🐽花膠海鮮煮雜菜煲 （+$10） 個煲份量超大，上面有好多唔同既海鮮，包括花膠、魷魚、蝦、魚塊同蟹柳，食雜菜煲，最鍾意食就係食佢啲粉絲🤤索哂啲湯，勁好送飯 🐽蜜椒野菌薯仔牛仔骨煲 $78 牛仔骨有少少韌，但好夠味，有啲黑椒係面，非常惹味，鹹鹹甜甜，薯仔同菇都好出色，薯仔唔會太淋，但外皮已經沾滿哂個汁，兩樣都好入味😋😋 🐽花旗參玉竹煲雞腳 個二人餐仲包2盅燉湯，個燉湯一啲都唔hea，飲到花旗參既甘味，每盅仲有一隻雞腳，熱辣辣，好正😆

🐽Cheesy Omni Pork Nachos $158
墨西哥芝士新豬肉薄脆，有蕃茄莎莎、牛油果醬，橄欖同純素車打芝士，所有醬同配料都好夾，個牛油果醬同個cheese都好正，令人會想係咁食😂😂好開胃，而薄脆就算擺左一陣，都依然好脆，最特別係有啲新豬肉，食落同真既豬肉冇分別🤣


🐽Seared Tuna Nocoise Salad $148
香煎吞拿魚尼斯沙律，仲有薯仔、烚蛋、法邊豆、橄欖同蕃茄，吞拿魚比較嚡口，菜都好新鮮，但如果係想食沙律建議可以嗌第二款🤔



🐽Slow-Cooked Crackling Pork Belly $228
需時會比較耐，因為真係即叫即整，皮好脆，而且豬腩肉都好淋，切既時候好易切，但肥既部分唔係好多，如果係因為想食好肥既肉而叫，咁就可能會有啲失望🧐，旁邊配左個醋既汁，食落就冇咁膩🤩


🐽Smoothie （Mango+Pineapple） $68
係芒果加菠蘿既奶昔，都幾好飲，酸酸甜甜咁🤤

🐽Oreo Madness $68
正常既oreo朱古力奶昔味，但呢餐飯小編鍾意水果奶昔多啲，比較清新😆

🐽松露干貝意粉 $98 醬汁好creamy，亦都好香既松露味😋意粉都好掛汁，干貝有3大粒，但煎得有點過火，可以再嫩滑啲 •••••••••••••••••••••••••••••• 🐽炸魚薯條 $88 炸魚既炸粉夠薄，幾夠味，魚柳都好滑，薯條係粗薯條，份量都好多，配埋個自製辣辣地既醬，超級惹味😝 •••••••••••••••••••••••••••••• 🐽焦糖蘋果·伯爵茶麻糬·檸檬 $138 好新穎既配搭，食落去都非常有驚喜😳窩夫係伯爵茶味，茶味都幾出，而且口感鬆脆，配上清新既檸檬雪芭同酸甜的焦糖蘋果醬，出奇地夾，隔離仲有啲伯爵茶味既cream，而且好解膩，同朋友share每人2件岩岩好🤩 •••••••••••••••••••••••••••••• 🐽多明尼加朱古力奶 $48 朱古力味濃郁🙊但價錢略嫌有點貴 •••••••••••••••••••••••••••••• 🐽起源港口 Mocha $45 都幾易入口，淡淡既朱古力味