milkto82 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-01-29
今次是團購試下個醬油蟹,148元加一,價錢都可以,book了12:00我早到了11:45,一落去有幾張枱,這時間唔多人,坐底後給我們清水,四小碟!二個人份量都合理,蟹就一個紫菜飯一個海帶湯,首先我地就試下個湯先無咩特別,跟住就到隻蟹!我們就立刻試下個蟹腳先,一咬落去(係細隻啲),但啲肉好甜好新鮮,同個醬油好夾,好好味!但係食落個醬要食埋個飯先,因為越食越咸!一係唔好點咁多醬汁!我地另外叫了一份牛頸脊,因為我試下個爐邊蛋,牛就一般有生菜附上,可以包住食,但牛就約8塊到!爐邊蛋有兩邊,一邊有泡菜,一邊原味,有泡菜那邊好味啲!燒烤佢有套餐但要二百幾一位!服務員都好好,教我地食蟹可以撈飯食!它還有午餐set 70幾蚊到,見隔離枱份量都大碟,下次會再去的試下午餐!
評分: 味道 2 環境 2 服務 1 衛生 2 抵食 3
2014-09-25
之前團購買了優惠券,所以就去try try ,我同朋友2人去食,上到去環境都可以,一坐底侍應就奉上橙汁一杯,跟住我地就出去攞蠔了,蠔不是很肥美,是扁平的看來不太吸引,但食落是超新鮮,我沒有加檸檬都不會腥,我之前好怕食蠔,因為怕好漏食唔到其他嘢,可能佢扁和新鮮,我吃了6隻都不覺漏,我朋友食了19隻!太跨張!壽司方面,三文魚超甜,款式約6種左右,味道大至上一般,冷盤沙律,我喜歡吃煙三文魚薯仔沙律,他們有三色椒加雞比茹沙律,外觀有啲怪,但食落去都ok !其它都是平時吃到的冷盤,瀨尿蝦比較細隻,但肉質都ok !那個燒豬頸肉好爽口!咖哩雞有啲辣,不過好好味,薄餅好煙韌.他們有蝴蝶粉和濶條麵去選擇放湯麵食,味道ok !甜品有朱古力噴泉,蛋糕款式有约6樣選擇,但太飽所以我無食到,食了movenpick雪糕和布丁,布丁味道不太甜!整體上唔錯,服務都好好,人不太多!衛生都好好!下次會再去食多次!
評分: 味道 4 環境 4 服務 5 衛生 5 抵食 4
2014-09-25
晚餐叫了兩份黑毛豬扒,一份牛扒和羊扒,餐湯是蘑菇湯,是暖同凍之間,湯是沒咩味,感覺水Nu Nu !喝完湯後就上主菜,是没有餐包的,主菜上碟時外觀都不錯,但吃時豬扒和牛扒煮得過火了,意粉和醬汁是凍的,牛扒叫5成熟變8成,黑毛豬除了近骨部位是8成熟外,其他是全熟,所以好韌!牛扒不是好厚的,但5成變了8成,所以好韌,味道一般,得個咸,醬是紅酒汁偏酸小小!4人去,3人食完了主菜,羊架都未到!追了兩次,成半小時先到!問佢到未,又話到,第二次問佢,先話整緊!又話羊架會耐啲!羊架上碟時叫7成熟就7成,但要燒了半小時,牛扒和豬扒燒到熟哂都已經食完了,分已是漏了單!服務員態度還可以!羊架味道是咸的,因為只吃到鹽味,另外吃羊架醬汁不多,只有紅酒汁和黑椒汁,牛扒和豬扒醬汁也是!羊架最基本的薄荷醬和芥辣都沒有!失望!環境都過得去,但冷氣機是滴水的,食嘢時又要小心會滴水落去食物到!已經叫佢用布抹過了! 每人消費都差不多200元,價錢一般啦,但我不會選擇去多次了!
評分: 味道 1 環境 2 服務 3 衛生 3 抵食 3
|