江南庭敘 (九龍灣)

花家姐介紹呢打邊爐，地點有d隔涉，加埋今日係星期日冇shuttle bus由德福去，所以我哋搭的士去。
去到即刻叫個蕃茄排骨湯底先，再叫手切牛半份，手打四寶丸，韮菜餃，黑豚肉眼，肉眼筋，桶蠔，鮮枝竹，牛肉丸，篙荀同油墨菜加埋兩杯啤酒～
人生第一次食桶蠔，本身唔係好想食但佢勁大隻，花家姐又話佢d frds都勁贊桶蠔，咁就試一隻喇～
嘩，好好味呀～～好滑，好肥美仲一d都唔腥。
手切牛肉同牛肉丸牛肉味好濃，好好味呀
花爸爸同花家姐話豬腳筋都好好味，我冇食唔知～其他食材都唔錯。不過下次再唻應該會叫清湯底，因為本身d食材唔錯，清湯底可以再令食材d味再出d。餐廳通風應該好唔錯加上樓底夠高，食完成餐邊爐個身一d邊爐味都冇

Koffee Mameya & Omotesando Koffee (尖沙咀)

Cofee達人介紹呢間Coffee shop,今日唻買吓外賣先.

Egg sando: 預先整好,一order就已經有.麵包超軟熟,夾住層好厚嘅蛋.蛋嘅texture好特別,似好滑但又凝固咗嘅蒸蛋咁...不過佢搽咗wasabi定mustard,我就覺我唔係太鍾意.同埋因為D蛋好厚嘅關係,食完超飽.
Iced cappuccino: 成杯cappuccino係冇冰嘅,所以唔會越飲越淡.本身唔係好識飲coffee,唔識comment,不過覺得飲落好滑
Kashi: 一粒好細粒嘅甜品,以為會好甜但又ok wor,外層硬硬哋,入面都算濕潤
Matcha brownie:  睇落好似一粒發咗霉嘅石頭但食落又OK.比較乾身但係唔算甜嘅,抺茶味有少少咁喇

BEP Vietnamese Kitchen 越灶 (尖沙咀)

因為K11有食$200平$150嘅coupon,今日花家全家出動試呢間越南餐廳。
一行4人叫咗超多嘢食，每人一碗湯粉再加生蝦，柚子沙律，炸春卷，兩杯滴漏咖啡同埋一個椰青。
食咗咁多嘢減埋coupon先$400。
今日商場個app冧檔攪到有d混亂，個個staff都好忙但佢哋嘅超有禮貌，服務一流一定會再encore

Lagom Kaffe (牛頭角)

花老嘢唔係香港，好耐冇寫食評lu，難得今日同個friend食完呢個餐廳心血來潮想寫吓～

Dirty: 其實係杯凍奶係top加層expresso。唔錯，不過飲到最尾有d苦。

台北燉牛肉意粉：牛肉好嫩吓，唻到果時仲有少少粉紅色。雖然見到幾粒辣椒同有d辣油咁嘅汁，但食落係麻而唔辣。不過呢，d牛真係有d膻，我都仲ok接受到，但我個friend就唔太like,所以我食咗大半

Banana hazelnut waffle：有驚喜喎呢個。waffle唔知係古古力定hazelnut味，上面有碎walnut。雖然我唔鍾意食walnut,但最緊要係其實我食唔出佢係walnut. 有一小篤banana果蓉，但我又係唔食嘅所以冇試，我個friend話好味～每一啖waffle我都加ice cream同一小篤啡色嘅cream,好好味！食完一d都唔覺意漏，因為個waffle其實唔係好甜。

臨走前仲買咗兩個rum raisin scone同一個figs bread。返到屋企焗返俾花爸爸同花咪咪食，佢哋都話好好味～

下次會返去試佢個all day breakfast 同紅豆waffle

The Galaxy (尖沙咀)

之前食lunch經過見到有一個大粉紅杯hoegaarden已經好想試,今日就撩花老嘢去試先.第一啖入口有少少甜,再入到喉嚨就開始feel到有d莓嘅酸味,d酸味都唔算artificial嘅.老嘢呢個時候嗌餓,咁就叫咗個蝦餅喇.一份5舊,熱辣辣炸起,點埋雞醬,好味.不過唔知係唔係食完咸嘢,杯hoegaarden好似甜咗wor,都幾得意.
不過對比起原味,呢杯有dd漏嘅感覺,一次只可以飲一杯喇