chingyee=] 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-07-10
細細個果陣就已經係呢到食牛肉麵 次次都覺得好好食 今日下晝有係呢頭所以就過尼幫襯下 其實呢到既野食幾好食嫁 但係咁多種入面我最愛既都係生滾牛肉麵 加上炸蒜就更加帶出牛肉既鮮味 另外我就叫左杯凍檸茶 total 24蚊都ok呀唔錯 不過有一樣野要講一講 就係係我食緊lunch既期間 部冷氣間唔中都滴水落尼 係時候要整整啦=] 推介美食: 生滾牛肉麵
評分: 味道 5 環境 3 服務 4 衛生 3 抵食 5
2011-07-10
今日去開紅磡見又有d肚餓 於是就行左尼時新到食個包 其實都唔係第一次幫襯 不過就今次先尼寫個食評 時新既沙律汁係自制既 別有一番風味 今次叫左一個芝士蛋漢堡包 我去幫襯既時間係差唔多夜晚7點 所以人唔算好多 一去到買左飛 個包脆脆地感覺非常好! 難怪有咁多好評哈哈 事實上我都覺得佢地既漢堡包真係整得好出色 咁有特色既食物一定要keep住呀!! 推介美食: 芝士蛋漢堡包
評分: 味道 5 環境 3 服務 5 衛生 3 抵食 5
2011-07-07
今日去完婆婆屋企探佢 於是就係長沙灣呢到搵d野食下 平時返教會都會經過旺記 不過就真係冇咩點幫襯過 襯今日有時間又自己一個就試下啦 長沙灣呢一頭多數住既都係公公婆婆 所以呢頭餐廳d野食都普遍平d 迎合返地區既消費指數 15蚊一個車仔面有3個送 我揀左墨魚丸,牛柏葉,豬皮同幼麵 另外再加左兩串串燒,一串豬頸肉一串羊肉 先講車仔面 我以為幼面係平時食開果d雲吞面 原來唔係既 不過我就覺得個麵質不太好 牛柏葉冇咩味,墨魚丸ok,豬皮係咖哩味 但個味道都係普通 至於串燒就好得多了 但當燒好既串燒加上醬汁,芝麻等等 就突顯到果種地道風味 正呀! 推介美食: 串燒
評分: 味道 3 環境 2 服務 3 衛生 2 抵食 3
2011-07-07
今日lunch唔知食咩好 於是求其就係藍田搵d野食下 記得以前有朋友同我講過話大滿貫唔係咁好食 所以我一路以尼我都冇幫襯過 不過唸唸下見佢都係呢到做左咁多年 如果真係咁差都做唔到落去啦 同埋見到佢個意粉餐幾吸引於是就決定試下 餡料有4款,包括火煺,牛肉,蝦球仲有雞肉, 但只可以揀兩樣,於是我揀左牛肉同蝦球 醬汁方面有兩個,包括菠菜忌廉汁,另一個我唔記得左 咁我就揀左忌廉汁 意粉方面有長通粉,普通意粉同扁意粉 而我就揀左長通粉 飲品可以揀羅宋湯or中湯or汽水 咁我就揀左sprite 成個餐先係30蚊我覺得ok唔錯 上到家姐屋企一打開 一試之下覺得佢地既汁好香好濃,牛肉好滑 蝦球就比較硬身左少少 但食落我覺得真係好好味! 30蚊食到一個咁好既lunch 下次繼續!
評分: 味道 4 環境 3 服務 4 衛生 3 抵食 4
2011-07-07
今日同朋友係朗豪坊行街 行到攰而且又到左tea time 所以就搵d野食下啦 食甜品的確係夏天消暑其中一個選擇 我叫左一個椰汁西米露涼粉 價值22蚊 但又可以能夠令我地食到好野真係好! 椰汁好香好滑,西米好林,加上涼粉既質感真係好好! 已經唔係第一次食呢個嫁啦 食左咁多次都仲係咁好食 正呀! 推介美食: 椰汁西米露涼粉
評分: 味道 5 環境 4 服務 4 衛生 4 抵食 5
|