見之前關注組有人講起呢間車仔麵 呢難得過黎拎開嘢，就入去試下 空間感大，坐得舒服 除左麵食，仲有唔少小食選擇 QR code落單好方便 自選車仔麵，幼麵 滷水塘心蛋，滷水豬大腸，滷水腩肉 秘制牛腩，牛腩汁，小辣，多蔥 腩肉炆得好腍又夠入味 秘製牛腩又唔會韌，個人最鐘意佢隻滷水塘心蛋，好夠味，值得一試 朋友叫左 通菜，魚片頭，滷水溏心蛋，滷水豬手 韭菜餃，花生沙嗲汁 試左佢個豬手，都好惹味 啲餸份量都幾多 另外叫左椒鹽炸墨魚丸同炸雞髀 即叫即炸，幾有水準 墨魚丸好彈牙

放假就會同主子周圍去 今日就特登黎到呢到，環境靜靜哋 又有冷氣，又有戶外位，仲要無限時 最開心就係pet friendly 狗狗仲可以一齊坐一齊食 店內仲有兩隻可愛毛孩一齊玩 仲可以黎親子聚會，生日派對等等 環境不錯！ 而且店內主打用上全天然無激素肉 蔬菜大部份係有機，食得放心 白酒煮大蜆配蒜蓉包 每隻大蜆肥美無沙，非常鮮甜，充滿白酒香氣 再配埋香脆蒜蓉包，一流！ 串燒拼盤 大大盤，有雞串，牛肉串，燒魷魚 煙肉荔枝卷，腸仔，薯條，非常豐富 簡單調味已好足夠，啱晒兩個人食 自家製有機蕃茄醬辣肉腸薄餅 餅底烘得薄脆，舖滿微辣嘅辣肉腸 再配上自家製有機蕃茄醬水牛芝士 好惹味 Virgin Mojito ，Fruitology 造型好靚，岩哂打咭 唔會太甜，好fresh又解渴

滾得棧原來已經開業20週年，由油麻地認識到尖沙咀新鋪 最近佢地為了慶祝亦推出週年優惠活動 營業到凌晨兩點半，絕對能夠滿足夜生活的朋友 而且惠顧尖沙咀分店，只要有8位或以上就可以升級獨立房間 呢晚食左最新推出嘅火焰雞煲，店員話採用左三種不同的酒烹調，45度酒精在火焰下蒸發掉，餘下的材料只剩下濃濃嘅酒香味 雞煲十分足料，有雞，有蝦、仲有豬潤、彩貝等 個湯有酒味仲有蔗汁嘅甜味，食完仲會加上新鮮蔗汁做湯底 每次黎都會叫招牌的手切牛 色澤紅潤，油脂均勻 肉味濃得來很軟腍，必食！ 時令刺身，肉質Q彈鮮甜 吃完之後更可以做成椒鹽魚骨 另外仲叫左唔少火鍋料，食神棒打牛丸母 梅菜豬肉餃，蝦丸，蔬菜籃等等 餐廳食物素質相當不錯 即日起至4月30日，只要提早一日係Whatsapp或致電訂座，憑訂座碼「滾得棧生日快樂」，即可享全單9折，4月生日壽星更可享全單88折優惠

朋友一直想試呢間好耐 呢日特意一齊約黎試下，餐廳坐得舒適，而且服務都唔錯 荔枝蝦球 荔枝樹同樣也是靈氣迫人 很有中國古代神話世外桃源的感覺，巧妙地利用乾冰製造仙境盆景，有心思又有創意外層仿似茘枝皮用咗紅色脆米粒粒 掛係樹到真係好似荔枝 內裏就係蝦肉 真材實料 啖啖肉好彈牙 炸饅頭 坐著麻辣風雲號送來 饅頭炸至金黃色，香脆鬆軟 配埋煉奶簡直係完美 開胃宜賓涼拌冷麵 冷麵同醬料拌勻，微辣又清爽，幾開胃 酒釀丸子 淡淡嘅桂花香 清甜，加埋大量小丸子

難得假期入長洲 除左掃下街，呢日仲食埋海鮮先走 一出碼頭向左行過去就有好多餐廳 價錢都係大同小異，最後我地揀左第一檔 因有海景位坐 最平有任選2款小菜 ＄188，我地當日揀左3款小菜＄278，另外仲送左炒生菜同粟米羹 叫左椒鹽賴尿蝦，避風塘魷魚，薑蔥炒蟹 避風塘魷魚 份量多到兩個人食唔曬 魷魚炸粉好薄炸得香脆 肉質煙韌 好有口感 椒鹽賴尿蝦 估唔到有咁多隻，惹味可口 薑蔥炒蟹 有成2隻蟹都有肉地，慢慢食都幾好 望住個海食飯的確幾寫意

大圍冬菇亭除咗大飯堂成日幫襯之外 最近屋企人成日都會過嚟食 下午茶都幫襯過幾次 餐廳位置唔算多，晚餐時段人多一定要訂位 唔收加一服務費，價錢大眾化 絕對稱得上街坊飯堂！ 呢晚散叫咗幾樣 菠蘿拔絲咕嚕肉 咕嚕肉係梅頭肉，外皮炸到好脆 咬落外脆内軟，個汁酸酸甜甜 好送飯 沙薑川味豬手 一碟份量都唔少，豬手入味又彈牙 食落好香花椒味，最後食唔哂要打包 豉油王炒麵 雖然材料好簡單 但炒得好有鑊氣，麵條夠乾身，推薦！ 腐乳通菜 食咁多肉係要食返啲菜

牛大人絕對係我成日都會記掛住嘅任食火鍋 無論湯底，飲品，食物種類都較多同質素穩定 同上次一樣揀左澳洲極上和牛吃到飽 ＄328/一位 可以一次過食晒嚟自美國同澳洲嘅牛肉 個人最愛澳洲和牛M5牛肩卷 油花分佈均勻，肉味濃郁，好嫩好滑 最緊要係每人有兩粒澳洲M9和牛牛丸 一咬開爆多汁又彈牙，和牛味濃郁 湯底揀左阿嬤養生濃湯鍋 配上大量蔬菜幾清新，唔會好易膩 自助區食物選擇都好多 擺位整齊衛生 店員補貨都好快手 值得一讚 其他就需用Qr code 落單 例如蝦，沙白，水蓮，鴨血 小食台灣香腸、鹽酥雞 甜品可以揀雪糕或者仙草涷 食飽好滿足

同朋友黎到呢間有理念餐廳，用上本地優質食材的Fine Dining，直接由農場到餐桌的餐飲體驗 每道菜都好精緻，非常適合打卡 味道亦出眾 Oxen Tartare Lau Fau Shan Oyster Sabayon • Housemade Potato Chips 生牛肉嫩滑鮮甜，再配上流浮山蠔的醬汁 刺激味蕾 基圍蝦千層酥配蝦米蛋黃醬 賣相味道一流，最上果層係春卷皮 再加上鮮蝦同青瓜，幾特別 手工製蜆蚧醬長意粉配三黃雞翼 手工意粉，口感不錯 雞翼再配上蘑菇木耳絲，好滿足 全晚最特別一定係 烤平原三黃雞 配羊肚菌，黑皮雞樅菌及時令菇菌，本地種植二澳米 雞肉來自香港第一家環保雞場 不含激素荷爾蒙，再用多種材料的湯中浸泡一整日，絕對食得皮脆骨軟，脂肪豐滿 羊肚菌及黑皮雞樅菌又係必食之選，配搭二澳米 更加香濃 最後甜品環節，個人最喜歡雞蛋仔 維記牛奶意式雪糕搭配印度香料雞蛋仔，底部搭配花生醬，好對味

荃灣新開米線小店，個招牌大大個 好遠都見到，見好多人食 我地都特登試下 估唔到有驚喜 叫左新疆湯底，如果你同我一樣鐘意孜然味 相信呢個湯底一定岩口味 另加螺旋藻，豬軟骨，豬大腸 米線粗身，份量多入口偏腍身 配料仲會有芽菜、酸菜、韭菜、肉碎 米線湯底味道夠濃夠重口味，但又唔會太油或者太鹹，而且加入孜然令到湯底比較特別 個人幾鐘意 豬軟骨，豬大腸入味又軟淋 處理得幾好！ 朋友叫左酸辣湯底，墨魚頭，豬耳，腐皮，豬潤 朋友幾鐘意夠濃味之餘唔會過鹹，我試左佢個墨魚頭好彈牙！ 小食叫咗個涼拌皮蛋 麻辣汁的味道太輕，相對失色 相信嚟緊會有二訪，三訪落去

友人生日特意去食餐好 呢晚去咗尖沙咀食鐵板燒，師傅即席喺我哋面 前烹調，望住真係非常治癒，氣氛好似瞬間帶去咗一轉日本 晚市有散叫，亦有套餐可以選擇 我哋揀咗和牛龍蝦，鮑魚套餐二人前 內容豐盛 先有前菜三小點 有明太子沙律，日本麻醬豆腐及煙燻雞肉 每道菜都好精緻，煙燻雞肉好特別 火龍果沙律 加左麻醬同柚子汁，更加開胃 大大隻日本生蠔 上面加上魚子醬，肥美又鮮甜 全部刺身都好新鮮 油甘魚、吞拿魚厚身油分重 茶碗蒸 茶碗蒸充滿蛋香，上面有三文魚籽 底下有黑木耳，食落爽囗，層次好豐富 鮮活南非鮑魚 鮑魚味道鮮甜，口感爽口 帶有淡淡日本酒味及牛油味 而且底下更有不少海帶 配上特製醬汁就更加提升味道 澳洲龍蝦 龍蝦的調味及熟度都是剛好，原隻龍蝦拆殼起肉龍蝦膏與牛油炒製成美味的醬汁，再配上紫薯粉和精美的花朵裝飾 好看又好吃，龍蝦頭會留起用嚟煮龍蝦湯 A4鹿兒島和牛卷 採用了A4和牛，脂肪分佈平均 會先炒菇再加上大量蔥花，再以和牛捲上 更搭配烤大蒜和新鮮蔬菜，充滿了風味 香而不膩 鐵板炒飯 炒飯最為特別 第一次食到加入梅子醬的鐵板炒飯 鹹中帶酸，吃到一半仲可以 變成茶泡飯 一飯兩吃 龍蝦味噌湯 龍蝦頭就是拿來煲湯，鮮甜無比 套餐會附送雪糕，我地加錢轉左一份焦糖多士 絕對邪惡又美味，絕對為呢餐畫上完美句號