因為睇左OPENRICE其他食家的提醒
當日早上打去BOOK檯BOOK海鮮
費事去到無得食, 白行一趟, 好彩仲BOOK到

去到坪洲, 雖然係假日, 但無乜人, 好寧靜既小島,
真係可以HAE的地方
行行下到食飯時間,
去搵呢間快車, 由於我地得3個人,
所以要同人搭檯, 不過唔緊要.

因為BOOK左, 好快就上菜,
我地只係左3個菜:

蝦膠豆卜湯 - 好多豆芽, 無摘的, 豆卜可以話細細粒, 但可以一啖一個, 蝦膠唔算塞到好飽滿, 湯底唔好期待係好濃魚味, 反而係好濃既PEPPER, 唔好湯的食家可以唔試.

花雕蟹蒸蛋- 一如其他食家所言, 好香花雕酒味, 蛋亦滑, 佢俾左兩隻蟹我地, 新鮮, 唔算好大隻, 回家問老娘, 可能係花蟹. 我好鍾意有酒味既野, 超愛醉雞!! 所以呢個都好鍾意!!

蝦蒸糯米飯 - 蝦新鮮, 份量夠, 應該係海蝦, 糯米飯好好好好好食!! 你話係咪有蝦既甜味, 我唔係好食得出, 但本身個飯就煮得好好, 唔油唔硬, 又夠香, 如果你唔係事必要海鮮舖面, 可以唔要海鮮, 平D, 同埋已經好好食!!
(見到隔離檯係用鮑魚仔蒸, 所以你話啦~)

我地仲叫左支啤酒...好似係青島, 咁先食得痛快~
可能多人幫襯啦, 全家總動員出黎幫手, 小島風情就係咁
埋單三百幾. 每人百零蚊. 都差唔多.
順帶一提, 呢到食完可以去洗手, 唔駛成手海鮮味, D水仲要好冰涼!

下次一定會再黎, 相信其他食物應該都有番咁上下.
不過希望如果會越來越出名, 食物質素都KEEP住啦

7個女仔食晚飯, APM一般都係食6:30或8:30...好INFLEXIBLE
只係叫左普遍上海菜
記得的...好似叫左

雞絲粉皮 - 偏鹹, 唔夠麻味, 唔算好食
炸銀絲卷 - 夠脆, 不過我唔好
不知名肉(冷盤, 有點兒麻辣) - 有些部位比較難咬, 吞下肉後先會FEEL到有麻味, 唔係好辣
上湯莧菜 - 清清地, 幾好, 菜唔會過老
炒年糕 - 份量少, 味道都係咁上下
炒飯 - 朋友話無味, 但我覺得有味既, 只係清淡D, 唔會油膩, 但有好多蔥

上菜都幾快, 茶都幾好飲
CITIBANK信用卡可以優惠價叫以上某碟菜 (我唔知邊碟, 因叫菜時, 我唔係到)
下次如果去, 我會叫其他菜, 因為好似吸引D

埋單每人$74
總體感覺, 大食人士不宜到此, 唔抵食
但我鍾意佢有間隔, 可以同隔離檯稍為隔一隔, 唔駛聽到人地講野/被聽到 =)

向來都不太喜歡上樓上CAFE
因為食物質素同價錢不相對
但今日想同好友詳談
出面天氣又熱辣辣咁
就揀左呢間

2點到入到去
好大陣空氣清新劑既味道
本以為隨後就會有陣陣煙味
點知我坐左6HRS都無
對煙味敏感既人, 可以考慮黎呢間CAFE

食物方面, 我同朋友叫左兩個LUNCH
$3X-$5X, 包一杯$30 DRINK
好似有最低消費 (1杯DRINK?)
味道都OK, 但唔會有驚喜
服務都幾好, 後生女既WAITRESS多, 但無寸樣, 都幾有禮貌

到下午就越黎越多人
佢話可以坐好耐,
但費事阻人做生意, 又想繼續坐, 又叫左TEA SET
CHOCOLATE CHEESECAKE,...都係一般
但FD話個TOAST就乾左D

CAFE分開兩邊, 一邊坐SOFA, 一邊坐地下(要SHOES OFF先)
有電視, 有WIFI, 都有幾多GAME玩
但個TOILET就麻麻地, 希望會有改善啦
下次可能都會再黎既

放工去試佢
去到1點幾..有幾PAIR人排緊隊, 座上全部係客
都唔係排好耐, 就到我喇

叫左
碎牛炒蛋茄面
- 好鍾意佢用TOMATO整湯底..鍾意TOMATO既人記住要叫呀,
- 其實炒蛋有D唔似炒蛋, 但可能佢要同碎牛痴埋一齊, 就做成好似剪蛋咁...
- 但D牛真係有牛味, 唔似係一般茶餐廳既牛,都唔知自己食緊乜..
- 面既份量夠, 我大食都覺得算OK

檸蜜脆脆
- 脆, 真係有HONEY架..食得出, D SAUCE唔會就住俾少少你..路過既, 真係可以買番個當下午茶

咸檸七
- 第1次飲, 支裝汽水真少見架喇, 一支都夠倒3杯...真係飲飽食醉--哈哈
佢DUK碎左先上, 我係覺得好LEMON可以多兩塊, 或者厚身D就更好, 大熱天時, 飲一飲, 即係涼晒!

仲想講...D阿姐真係好記性..又講得笑, 咁熱天氣, 咁多人客, 雖然望落去, 佢地會行慢D, 但已經做得好好, 好明白佢地有幾辛苦, 而且唔似有D室內涼緊冷氣既WAITER寸寸槓咁..

食野除左食味道, 都要食埋SERVE你既人既付出

同朋友係赤柱出番黎,,搵dinner食
黎左呢間, sat night都要等下架
佢原來同一條街有兩間, 去左新個間
幾乾淨, 都舒服既

叫左
蜜汁燒鱔: 無想像咁出眾, 豉椒蒸仲好食, 但唔係唔好食, 份量較少
蝦醬通菜: 鹹左d, 蝦醬味唔係好重
辣酒花螺: 真係辣架(試過食廟街某店的, 完全唔掂), d汁幾好味, 但酒味唔重, 份量ok, 唔算多
椒鹽九肚魚: 滑, 但每舊都係好小段, 中間條骨要吐出黎,,唔記得之前食, 係咪咁
京蔥爆牛肉: 有牛味, 蔥多, 但唔夠香

全部菜上碟時都熱辣辣
都送得飯架
每款價錢$45-$60左右
侍應叔叔們唔會話好有笑容, 但都有效率同禮貌既
招牌菜仲有墨魚餅.......等..下次再係cwb搵食, 再黎都唔錯

叫左雜菌魚湯米線
湯真的有魚味, 但不夠甜
唔係味精湯, 飲完唔口渴
雜菌以秀珍菇為主
舊冬菇唔知點解好入味
面唔會lim身...可能另外煮掛
但唔會有湯味

有茶飲下, 野飲要加錢
坐位幾迫, waiter們都好好身手
做野好快, 性格都夠爽快

入大圍踩車, 最頭痛就係唔知去邊食野, 又平又飽
行行下見到有商場, 天氣熱, 就入去
呢間野個經理/boss係咁sell佢地既定食,
門口仲擺左雪櫃, 標明movenpick, 唔知真定假

叫左
芝士南瓜海鮮飯($5x): 幾好食, 芝士味幾香, 南瓜都幾粉, 但我嫌唔夠甜, 因為我同朋友share, 我只食到魚, 炸得幾好
吉列豬扒飯($4x): 豬扒ok, 汁係照燒汁, 稀左d, 味道ok既, 但另外上既飯真係好少
豬軟骨拉面($4x): 面好腍, 豬軟骨唔係軟骨, 唔夠腍, 成碗面, 一d都無日本風味, 唔講係日本拉面既..味道都食得入口既
黑椒牛舌($30): 本身我地叫係燒物既牛舌, 點知佢黎左串燒, 仲要我地問, 佢先話舖到無燒物個隻牛舌, (咁就唔好擺佢係menu啦!! 仲要唔講俾客人知), 兩串上, 大舊有4件, 細舊(剩低的)有2小件, 有咬口, 味道唔錯, 但咁就$30

由於係套餐, 會有前菜同甜品
前菜係麻醬味既玉子豆腐...only 1件, 食落好似食緊腸粉咁
甜品就係頭先講既movenpick ice-cream, 只有綠茶同芝麻味, 綠茶幾清甜帶甘, 同一般食唔同, 芝麻味幾濃, 但都幾甜...(如果唔食雪糕, 可轉飲品, or+$5轉特飲)

service..not ok架喇, waiter們無笑容, 落單又好似好唔耐煩, (上述)仲要唔老實, 唔怪得無乜客人啦
順帶一提, 睇menu時, 記得睇清楚大menu同普通menu的菜式同價錢
因為例如我地叫既芝士南瓜海鮮飯, 係普遍menu係套餐&平d, 但係大menu個名好似少左"芝士", 係單叫, 仲要貴d.................
仲有menu上竟然會有泡菜石頭飯...但明明就係日式料理台....
真係好奇怪 呢d亦係香港好多食肆既通病

9點幾入去食DINNER
要自己搵位既...後尾先有姐姐帶下位咁
D姐姐唔係香港人黎播....
口講唔知咩話, 但俾我聽到有D講英文
仲要好似講客人問埋D STUPID QUEST.

加價了..由$20底加到$21
唔緊要啦
我叫左豬腩肉, 朋友叫左魚腐
鍾意呢到有得揀多/少韮菜/芽菜/酸/芫茜..
都有得揀幾辣..我叫左中辣同非常酸
真係幾過癮, 咬到酸菜頭時...真係好酸
但其實我覺得酸菜味麻麻..唔香, 唔夠嫩
我MAMI整既仲好食
上菜時仲會問你,,,D米線配搭岩唔岩
OVERALL總算係咁, TST要食幾好味既酸辣米線
呢間都食得過 (暫時所知)

呀....如果有興趣食既, 記得要TICK煮耐D
如果唔係...米線會好似唔熟咁

1點幾去到, 同fd聚下, 食lunch
等左一陣就有位...入面唔係好大

事前睇openrice的食評, 見佢拎獎
所以就揀呢間食...點知....我應該睇清楚佢拎咩獎
sushi好細件, 或者佢特登做成咁
suit番OL姐姐們的小嘴巴
一啖一件囉...好似仲細件過百佳個D
同之前係元朗金田食既好大對比

至於味道....都算新鮮既
叫左個帆立貝刺身,,,伴碟有青檸, 搞到d刺身有LIME味
第一次食咋..覺得有點立, 係咪應該咁既呢?
鵝肝壽司, 無想像中咁好食, 朋友話有D腥, 但我唔覺
反而覺得個汁太強, 蓋過鵝肝味..但個汁係幾好味
如果嫌甜蝦貴左D, 可以試下板長蝦,,唔錯
最慘係..今日竟然無海膽同象拔蚌!!!!!!!!
唔知係咪要留俾夜晚個ROUND?

SERVICE幾好...係黎過1次錯單
雖然WAITER們好少望過黎,
但壽司BAR的同事們好好, 幫我地叫佢地過黎
TOILET雖然一格, 但幾乾淨

總言....食過一次就算, 要食好味壽司..
一定有第2間

行完南生圍, 6點幾去到金田, 無乜人, 4人就姑且一試
見d檯都幾迫, 檯與檯間好少空位, 好彩冷氣都夠
原來特價壽司係2:30-7:00
我地仲有1個鐘叫
不過特價得, 就唔係長長壽司喇!

食物方面: 茶真係幾好飲, 幾香, 朋友話係玄米茶, 加水都幾快
sushi.....係唔凍, 可以叫做暖暖地 飯無乜醋味, 散散地
三文魚無乜味, tuna有雪味, 甜蝦好黏, 牛油魚勁難食, 霉同腥
八爪魚, 蟹籽 好求其擺左係d飯上面
螺肉好大舊, 但變左數量好少, 得1,2舊, 但2nd round時, 細舊左, 以上兩樣味道ok
鰻魚就幾好食, 但仍然唔夠香
圍住飯既紫菜好唔脆, 想咬一半都難
朋友叫埋墨魚, 熟蝦, 蟹柳, 中華沙律sushi, 我無食
之後仲叫左 櫻花卷同加州卷....櫻花卷外圍pink既物體唔似sakura的東西, 似棉花糖, 甜甜的
兩樣都好難食!!! 最後仲食剩一舊
熟食只叫左餃子雞翼....係幾脆, 但內裡無味!!
我見隔離檯都叫左好大舊既卷sushi
好似火山形咁...唔通幾好食?

入座之後...好似差唔多7點就多人喇
不過d人食得好快, 好快走, 仲有我見留座個話, 會留冷氣機位
service方面:::本身serve我地既姐姐態度幾好
但一黎就被唔知邊個入錯單
叫左1件蟹柳, 黎左10件都有
之後第2個姐姐黎serve, 黑面, 仲要粗聲粗氣
今餐真係.....叫做試過元朗既壽司喇..