Elyse214 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-10-07
一直想去呢間Café試下,點知超近新屋企🏠 以後可以常去😆 我要係不同位置打卡🤣 °爽瓜瓜熔岩手打(美國)牛肉芝士漢堡(特調花生醬)🍔花生醬配漢堡幾夾,原來熔岩係指花生醬,個包係有烘過,食落去質地係我喜歡的,但牛肉太碎,打得唔夠膠,咬落去碎濕濕咁,有待改善 °焙茶麻糬Bagel🥯最好味,煙煙韌韌,好夠焙茶味,作為焙茶控嘅我覺得🅰️💯仲有幾舊麻糬增加口感,暖烘烘咁食👍🏻正 °特濃香烤芝士忌廉雜菌雞肉意粉(微微微辣)🍝正常水準,特別在於佢個辣味,食落似係‘腐乳’🤔🤔但唔確定🙈大家都可以去試下 食物分量都算大,都幾飽,連老公都嗌飽😆 價錢我覺得係中上價,都算合理,係個Bagel 有點貴 距離啟德站5-8分鐘路程,都算方便,地方寬敞,落地玻璃採光十足,有日光時影相顏色好好,多款不同位置可以打卡,就算唔打卡,係度過1個悠閒下午都真係幾舒服。 推介美食: 焙茶麻糬Bagel
評分: 味道 4 環境 5 服務 4 衛生 4 抵食 3
2022-08-09
老公生日驚喜《上山頂》 當日係平日,平日嘅山頂真係無咩人🙈 我哋好似包場咁🤣可以好好享受+欣賞餐廳嘅裝潢,最喜歡餐廳中間一排燈💡💡💡 不過呢間餐廳嘅分量比較適合多啲人一齊食 樣樣菜式都好正,起碼我哋order嘅菜式無一樣會覺得比較之下會變遜色,反而係樣樣都覺得“嗯!好味喎”,而且個“烤豬腩肉”仲✨️非常出色添👍🏻👍🏻 “薄切牛仔肉”同個醬真係好match😋 經典“辣肉腸蕃茄水牛芝士薄餅”無得輸😆 “薯條”唔係嗌貨個種,應該係真薯仔切😋正呀! ⭐️超推薦大家去食⭐️ 本身我通知咗餐廳今餐係老公生日,餐廳本身都有準備,但2個人食呢個份量真係太飽,真係食唔到甜品,但餐廳💕超好💕知道我哋已經超full,所以送咗2杯酒for慶祝老公生日🎂🥂 職員全程都好好,又有禮貌,仲好慇懃,而且個個都好好笑容👍🏻 好質素,價錢合理,一定會再去幫襯👍🏻👍🏻 推介美食: 烤豬腩肉
評分: 味道 4 環境 4 服務 5 衛生 5 抵食 4
2022-07-15
老公生日驚喜《去⭐️⭐️餐廳 Arbor食Lunch》 5月就book定😆仲request 埋舒服寬敞嘅sofa位俾身形龐大嘅老公🙈🙈 雖然中環一定係高樓大廈景,但25樓都算高,大玻璃採光都足夠,夠光猛,感覺都夠寬敞。 一黎就飲香檳🥂So Happy🤭 明明係食西餐,但Arbor主要用日本食材烹調,所以入口又好似食緊日本菜咁☺️好得意 最重要係望住菜色係會諗唔到可以咁煮,所以入口就好有驚喜,老公一路食一路都好開心💕,好想參考個烹調方式😆 而我,非常enjoy美食,而且精緻嘅美食仲可以一款都有多種口味,就好似個《Tuna醬油Pancake》咁,Pancake面有2種配搭,碟邊亦有2款醬汁配搭,我就比較喜歡煙燻醬,擺入口一合埋口,個醬頂上味蕾,濃濃嘅煙燻味好正😍又有似食壽司嘅感覺,好過癮😋 餐前麵包《法國牛油軟包Brioche》非常鬆軟 老公話加入白味噌嘅麵包就食得多,再加埋紫菜就好少,再加埋醬油牛油,就好似食緊味噌湯咁😋 《乳鴿Pigeon》 肉質嫩滑,同樣都有多種配搭,我個人喜歡配花椒口味,好有驚喜🤩老公話佢去埋E所以同平時食到嘅唔同,唔會硬到食唔到 《Medeleine》暖烘烘,入口順,唔會有糖嘅顆粒感,老公勁讚👍🏻 甜品有我喜歡嘅麻糬+豆腐雪糕+咸蛋+炸腐皮,我個人喜歡以呢種淡口味、清味蕾作結👏🏻👏🏻 🎉Happy Birthday to My World's Best Husband🎉 老公非常滿意今餐,有個識食又識煮嘅老公,帶佢去烹調&味道都複雜嘅餐廳實無錯🤣🤣🤣 慢慢細緻品嚐,佢已經夠晒開心啦😁 今餐我哋嗌咗3杯酒,$2-3xx/glass 嗌咗2個4C 嘅Lunch set $1776 推介美食: Tuna, Pigeon
評分: 味道 4 環境 4 服務 5 衛生 5 抵食 4
2022-06-08
之前1個人去食深水埗💛cafe 🦞香煎帶子黑魚籽龍蝦汁闊條麵 $138 有3粒厚身刺身級數嘅帶子,如果多1粒就更好🤭 龍蝦汁香濃,有咸鮮味,但整體份量略嫌太少,我嘅細胃口嚟講只係“有野落肚”,正常人應該一定唔夠肚,但真係好味👍🏻 🍵焙茶鮮奶(熱) $42 呢杯會帶有微甜嘅味道,人人都岩飲,而且都有濃郁焙茶茶香,只係我個人喜歡無甜味嘅焙茶鮮奶多啲🙈 總結:我會再去食,仲要帶埋老公去,因為呢間舖有個打卡位,但我1個人去所以無辦法去影……而且上網睇佢哋嘅甜品都好出色,無奈我1個人真係食唔落…… P.S. 聽講週末假日好多人排隊,唔想排隊就最好12點前去到,我食個日係平日下午2點後,所以唔洗等,即刻有得入😆
評分: 味道 4 環境 4 服務 4 衛生 4 抵食 3
2020-08-14
11Jul 2020 男友🎉Birthday 🎂 驚喜 朋友推薦🎈香港出名扒房【MORTON'S】 聽講之前起碼要早成個月先有機會Book到,而今次咁岩Book到,仲可以安排到window位置😄 🎂一坐低就有驚喜🎊印上男友的名字嘅menu🥰仲有Happy Birthday 添🥰 🎂上菜之後更幫我地影相,當時男友仲未知發生咩事🤭到職員印好出黎,制作埋Birthday card🎊俾佢時,佢個驚訝開心樣,真係好正🤣🤣🤣🤣 🎂樣樣都高水準嘅美食😋當然我都有search 啦! 🟠外脆內軟又香噴噴嘅🧅洋蔥包包🍞 🟠《必食🦀蟹餅》真係超多🦀蟹肉,第1次蟹肉味咁澎湃,仲好鮮味添,係暫時食過最好味嘅蟹餅 🟠2人海鮮冷盤好鮮甜,咬落去質感就會知夠新鮮,有🦀蟹腳、🦪生蠔🦞等等。 🟠帶骨肉眼🥩牛扒,真係不得之了‼️‼️男友係超讚👍🏻我都非常滿足😋好嫩滑又Juicy,有慢煮嘅感覺,真係值得再去試多幾次,試下其他菜色😁 🟠因應壽星仔要求order咗薯條,係好味,而且分量好多,又係男友喜歡嘅質感 🎂到甜品時間啦~又係驚喜🎊時候,會多1款甜品同時亦會寫上"Happy Birthday" 今餐重重驚喜🎊男友非常滿意,講真會再去,因為仲有好多野未食,而且每樣菜色分量都偏大份架 P.S. 冷氣比較大,建議女生帶件披肩更好 推介美食: Crab Cake
評分: 味道 5 環境 5 服務 5 衛生 5 抵食 4
|