這是第二次來,第一次只order小食,但已經留下印象,想再試主食
是日中秋,很多cafe都提早收,事先打來一問,好彩...畢竟在旺角想搵個地方慢慢坐不是易事......

今日點了生薑燒豚肉烏冬,慢工出細貨,一點都不馬虎,在cafe應該不會要求稻庭烏冬吧,不是噹噹已經加哂分。

香炸魚柳粟米青瓜沙律,擺盤用心,食落都開心D。魚柳即炸非常脆口,青瓜粟米亦見到廚房即煮。

在cafe,你當然諗住慢慢食,慢慢傾,繼續慢工出細貨吧。

非繁忙時間來這裡hea係一個非常好的選擇

漫無目的想著一個慢活一點既地方,香港地真的不易。
本想試試日式家庭店,可惜要等45分鐘。
向旁邊一看發現Aldou,最吸睛的除了門外的單車外,還有美國手工啤。
有位,就入去試試吧。被安排靠窗的一檯,高椅可不是那些冷冰冰Metal dining chair,幾舒服。

看見餐牌把原條立魚歸類為前菜,忍不住跟店員問了一句,店員說其實都唔細...百思不得其解。
結果我們點了三個「前菜」。初初覺得有點九唔搭八,無咩信心。可是,今日又唔想食pasta, ristto。那burger就成為主糧了。
雞扒兩塊,唔係死乾一塊柴皮雞肉,與很多burger店相比,這個更親民一點。蒜片辣肉腸炒椰菜仔,為這頓晚飯加少少纖維。立魚水份沒有被抽乾,根本不用靠黑水欖醬味蕾已經很滿足。唔夠味既話,旁邊有少少鹽為重口味人士吊味。
這一頓,中上環食閒閒地收我每位$300落樓。全程服務又好,又無因為繁忙時間趕我地食快D。很有心的一間新店。

元朗可不是非常慢活的一地,馬田街附近,離開大馬路一點,總算未被攻陷。這店要努力研發新菜式啊,期待下一次有新驚喜。

Friday night來到港大附近的ethos。最近有人喜歡文青生活,一眾ranger相伴而至。 一批餓狼先order飲品,熱朱古力，熱茶是取暖的好朋友。 一口氣叫了所有 三文魚沙律,穩陣之算。沙律菜再fresh d就好了。 海鮮意大利飯,海鮮處理麻麻,雪藏味...意大利飯既質感亦很一般。當然，這只是一間cafe。 穩陣的Carbonara,如果再al dente 一點就更好。 韓式炸雞。如果唔係有啲泡菜在旁,我以為係pizza hut的雞翼小食...味道正常,但就不可以韓式炸雞為牌頭吧… 薯條,最受rangers歡迎。當中黑松露醬最快消失。 甜點時間,affogato,偷了一啖expresso,酸..貪心之過,配了雪糕就咩事都冇。 Double choclate pie,其實唔太甜,朱古力很濃厚,略為加熱後更見誠意,但我就是不好朱古力..rangers努力吧。 很寧靜的Friday night，rangers們談食又得,談情又得,上至天文,下至地理。 Work hard,eat harder! Esio,很舒服的環境,食物可以再稍稍進步。

對於重口味這回事，我地這群人係非常之喜好的。而香港既川菜真也都係遍地開花，俾左好多選擇空間我地，但係咪每一間都係有水準呢？真係要一一試過先知。透過OPENICE既招牌哈哈笑，今次我地選擇左佐敦既哩間臥龍莊精品川菜館，而睇番有限既評點之下，基本上係一面倒推介的。咁事實上係咪如此呢？我既答案係，否定的。唔係話佢去到難食，但係中等價位下，真係睇唔到有咩亮點之處。
口水雞(例牌)
好食既口水雞，鮮、香、辣、麻缺一不可。而哩碟雞既口水汁食落去，只嘗到豆瓣醬既咸同些許單調紅油辣，說好的麻與香完全唔覺。而隻雞既肉地亦較實，口感與鮮味都唔算突出，當然對於雪雞你唔可以要求咁多，但當個汁都唔夠好之時，隻雞既缺點就自然無限放大。
虎皮尖椒
成晚唯一滿意既菜式，尖椒肉身較厚，調味合適，如無嘗錯佢應該用左些少醋來吊味，哩個煮法亦都係我喜歡既口味。
蒜泥白肉
基本上很難處理得差既涼菜，佢既蒜同紅油汁並非似坊間一早撈定既整法，亦食得出係新鮮蒜，其實哩個係抵讚的。而白肉既刀工都合格，完全係四平八穩水準。
涼拌黑木耳
唔肯定當日係理換左廚定係香港人少食涼菜，哩碟野係調味上完全唔合格，木耳此類自身唔重味既食物好唔好食就睇個汁，但哩碟涼菜個味最出既只有芫荽味。
酸菜魚
很多朋友話川菜一味得辣，但事實上唔係咁。酸菜魚既酸菜、泡椒加上姜既辣會令到個魚湯既鮮味更為突出，果種鮮香、濃得來會非常順口兼有層次。但臥龍既酸菜魚，味道吾好話有層次，最基本既鮮香都做唔到，就更加唔好去理佢既酸菜同魚又好吾好食了。
大家可能會問，點解剩係叫涼菜同個魚呢？因為第一，我喜歡涼菜，一來開胃醒神，二來越簡單處理既菜式越可以睇到佢地既真功夫。第二，哈哈，我地非常擔心中伏，所以只叫左上半場。雖然最後不幸言中，但亦令到我地當晚立即動身前往
高木炭火鳥燒。得唔得？補唔補到飛？下回繼續。

＃飯罪感
＃M。J。
＃M。M。

上一次既高木唔可以話滿意到我心心眼，只可以話係哩個價錢下，佢唔算係水準以下。
要你好想成日去幫襯下咩？佢未去到果個層次。但鳥燒居，佢唔會令到有哩種到喉唔到肺
既感覺，你去過，就會知道哩間老店點解可以係尖東做到咁耐。當大富豪、中國城一間間
唔係度既時候，佢其實係少數睇到尖東夜生活既食店。當然，以價比價，我建議大食友請
做好打底準備，唔好諗住以食串燒來飽肚。
雞心：
食燒鳥唔食內臟的話，真係等於食炒牛河走牛肉咁，完全冇晒意義。鳥燒居既雞心火候剛剛好，
唔會過老，彈牙既口感配合醬油、雞油係燒過後既香氣，真心冇得輸。
免治雞肉：
間間做法唔多相同，個人喜好則係喜歡多碎軟骨，鳥燒居既雞肉串唔係哩種做法，但完全冇阻礙
我對佢既喜好，調味合益，咬落去有肉汁，加上蛋液既增潤，口感上係非常順喉的。
雞肝：
同雞心相同，同樣係重口味，但口感則係行棉密路線，加上雞肝獨有既甘香味，送啤一流。
牛舌：
嘩。真心，我一向偏好厚燒兼重調味，但鳥燒居既牛舌係薄切兼加些少香辛料調味，果種脆、香、辛
一次過係口腔爆發既感覺係值得你叫多串的，雖然一串要二十幾個大洋，哈哈。
雞皮蒜子：
有脆口、雞油香、而蒜既辛辣味幾火燒後其實唔重，都唔錯。
雞軟骨：
唔會有得輸，火喉得益，又係送啤良品。
新鮮銀杏：
估唔到係成晚最貴，但我又覺得還好，未去到唔食有損失既地步。
大蔥，菇，豆腐，茄子，椒：
正常水準，對於食肉獸來講，唔食哩d，便便點算好？
當然，講到尾，鳥燒居既另一個賣點就係佢既氣氛，你要裝修？佢冇，你要清靜？佢冇。
你要客氣、生熟客一視同人，佢都冇。但佢就好似大阪梅田食街果d燒鳥舖頭一樣，係辦公室友
放工來唏噓、來嘻哈、來飲酒既天堂。哩d，先係叫「風味」。

#飯聚感

燒烤這回事，真心係一衆朋友既最愛。無他,就係燒烤既味道來得相當直接，肉類脂肪遇熟後既油香係令人難以拒絕既味道。而事實上，碳火係聽覺上同視覺上都係比電爐更為優勝，當油脂接觸到碳火而爆開既火光真係點睇都唔會厭。當然，更重要既係佢果種獨有既碳燒焦香，坊間唔係好多間做得到。一來成本，二來師父火候控制，三來發牌問題都係令碳火越來越少既原因。話時話，想當年太安樓深夜既檔仔沙爹燒烤真心做到我心中所想，果種油脂、焦香，沙爹香三合為一，真心要了小弟既命。
Hum...話歸正題，係第一餐唔夠皮既情況下我地選擇左高木。其實係尖沙咀要找好食既燒烤類食物我只係諗起伊呂波，當然哩個只係好籠統既講法，無把串燒、端爐燒、鐵板燒、日式燒肉、韓式燒肉分開來講。不過要講肉既質素，伊呂波就其係無得輸。噤高木又點呢？係型式上佢當然同伊呂波好唔同。高木係日式燒鳥店，我地就自然要試下佢既內臟類同免治雞肉串，可惜既係內臟類全沽清無得一試龍與鳳。噤有得賣既果d又點樣呢？我地一於去片。
免治雞肉串um春蛋沾汁，對辦。肉質還好兼有肉汁，但說好既雞軟骨呢？太碎既雞軟骨令個免治雞肉既囗感上有所不夠。調味方面，相對上重手，就噤食應該會偏咸，但對我哩d腎衰竭人使，其實還好，只不過個雞既鮮味就真係唔多夠。
牛舌姐係噤，燒牛舌就好難話唔好食。哩串舌頭既質感唔錯，師傅又無燒過火，調味上都係剛剛好起到個提味作用。
燒鱔
噤講，哩串就略有泥味，肉地都唔夠爽，同行人士都表示相對失望。
日本大蔥同牛舌一樣，只要處理得宜其實好難唔好食。正如中菜既料頭一樣，薑蔥蒜既香氣係十分吸引的，咬落去有汁且香而且無蔥既辛辣，唔錯。
雞皮萬惡既脂肪，點會唔好食？但高木既處理唔係一片噤去燒，而係緊緊地一串噤串埋一齊，加上燒到係完全乾身既質地，令到我地既食相異常美麗。所以如果大家想分食就請做好心理準備，俾你既對家望下你個靚樣。
其他食物正正常常，但哩度居然有埼玉縣的Coedo手工啤，真係開心死我。果隻Beniaka 甜薯味真係相當和我心意。

#飯聚感
#M。M

蟹籽丸蟹柳上海麵, 被喻為打邊爐材料…所以食送方面冇咩可以講…..湯底才是主打, 老闆見我地唔係熟客就建議試少少辣先,再唔夠佢先加俾我地,免得我地食唔慣太辣,食唔到就慘~
不過小小辣未滿足到,所以試左幾啖湯之後要再加d辣湯,這回真係夠喇~又麻又辣,看著對面的車品品就想起超麻但不辣的米線,極麻但完全唔辣,好得意...不過這畢竟是不同賣點..這裡的是又麻又辣冇欺場~

咸豬脷出奇地好味道,唔靱!!!

香草.麻辣雞翼,明明係3隻$17,但想試哂兩種味道,老闆就俾我地叫4隻,每款兩隻~太好了…可以試哂!! 香草雞翼好香,好入味~~ 麻辣雞翼相比之下就輸左少少喇.可以再辣少少,不過仍然好香

油菜 – 芥蘭,特別想講係因為原本點了蠔油芥蘭的,但老闆話腐乳芥蘭都好正,於是俾左d炒過的腐乳醬,出奇地夾,原來腐乳唔只夾通菜同生菜~

又o黎懷舊一番~這次來到大埔,人生路不熟,找來這間舊式西餐廳..一進去就有少少舊舖的霉味,這是舊的印記吧~
餐牌封面的凱旋門,大概現在的餐廳都拒絕使用這古老風格的照片成封面
金必多湯:有火腿,雞絲,生菜,紅蘿蔔絲的白湯,但這原來不是最正宗的,看來要搵多幾間懷舊西餐廳才可嘗到最正宗的味道
多士:很脆,但沒有多士爐烘製的金黃色,是用油炸,還是怎樣做成的?
大蝦拼牛柳($125): 牛柳要左6成,但切開o個陣係一d都唔似6成…4成左右啦….太紅太生了,到最後只敢食邊位..如果熟番少少就好,牛柳唔韌,而且份量好夠又厚~ 大蝦有兩隻,今次真係嚇親,好大隻…又o黎蒜蓉tim,蝦身都好夠味,但唔知點解蝦頭係一d味都冇,明明都有膏..但就完全冇味…配以長方形闊薯塊(真係可以用長方形o黎形容….)幾香口,唔會俾d汁浸淋哂…
煙肉蒜蓉焗生蠔($80 兩隻): 炸蒜配煙肉,香口得很!請自備香口膠…不過幫生蠔影相既時候,d油一直沿蠔殼滴落o黎…一定要將蠔裡面d油倒哂先夠膽食…太多油了…我也只敢淺嘗墊底的薯蓉…生蠔都大隻而且肥美,唔腥~

西班牙奄列 ($5x): 這應是舊式餐廳的名物吧..比手掌還要長的奄列,餡料有紅椒,青椒,磨菇,火腿,食落好似pizza,蛋皮唔會過厚同過熟,(最怕厚蛋皮..太滯了..)

總括來說,這裡可以一試,感受那陣懷舊風,不過下次特登搭車入o黎大埔就會再試第二間了~
總是厚待懷舊風~給它一個笑

原本諗住去太興食OT飯,行過看見新開的台灣牛肉麵,即刻轉軚..舖頭連埋甜品店一齊,食牛肉麵既時候會有榴槤味飄過,很古怪的感覺....

牛肉水餃麵: 究竟係麵唔夠熱定係我坐正風口位底...幫碗牛肉麵影完相之後就唔熱........牛肉唔夠稔,有d硬....湯底色好似幾濃但其實試落覺得可以再濃d....水餃,皮太厚,餡料非常一般......至於麵, 有咬口又唔會太粗

鹽酥雞冬粉:鹽酥雞,炸得幾香gei。

蜜糖燒鱔: 令我想起開心麵皇,佢地d燒鱔真係好脆,好有蜜糖味ga...這裏的,鱔夠厚,皮夠脆…亦有蜜糖味唔會太甜,但就總係冇左開心麵皇整既燒鱔咁impressive!可惜開心麵皇又結業…

吃過這餐後,十分十分掛念永康牛肉麵及台北車站的清真牛肉麵…香港可以有一樣質素的牛肉麵嗎?

不是它快將結業,或許都不致令大家蜂擁而至吧~我也是其中一個蜂擁而至的人~
看見大家的食評都一致推介牛展治,就叫這個吧~
的確幾特別,好像沒有太多餐廳有這款食物吧..牛展治 ($12)麵包好軟,牛展好入味幾稔~
熱奶茶($11), hmm..幾滑但係有d澀…
食物質素是其次,此刻,來到這裡享受的其實是那種懷舊及不捨的感覺。連外國人也被它的懷舊味道吸引過來~