此店小弟一直由開業以來希望一試，希望好過味x拉麵，今日終於有機會試下la
醬汁豚肉豬骨湯拉麵$35（包飲品）
一看就知係fushion日本野，不過又真係算係創新，個拉麵ge碗有別傳統，市面的上好少有醬汁豚肉配上拉麵，因為多數係豬軟骨or叉燒,味道……醬汁豚肉只不過係醃過的肥豬肉，無乜特別，不過不失，d拉麵好重鹼水味，d湯好鬼差，有點苦澀味？，總言個湯好「特別」！
不過總算「食得落口」，當然好過味x拉麵，但係仍然覺得今次真係期望太高lu，我相信以後未必再來了！

昨日係沙田行街,原本打算去食越南野，但過了下午茶時間，價錢貴一倍，當然唔去la，就去了近幾個月無食過的mos buger食野
摩斯漢堡
依然和以往咁好，包的質地和麥xx的差得遠，最鐘意就係d汁，賣相當然唔錯la
薯條（隨餐）
真係好好食，薯條的薯仔份量充足，亦唔會好多鹽，根本唔使點茄汁也一樣咁好食
咖喱脆雞漢堡
係新野，個包的質地和摩斯漢堡的一樣咁好，但d咖喱汁好少兼是唔辣幾乎食唔出咖喱味，脆雞d雞充滿冰藏的感覺，口感：ok la，但唔係話好特別的脆
因為係food court所以環境較差，但個人接受到la,價錢真係有d貴，但當然喱間好食過麥xxla，可以偶然來食

今天因為要係灣仔有d野做，順道食埋午餐，但v灣仔無野好食，所以就轉移到銅鑼灣食，於是就決定去applegreen食
由於太早來，所以無乜人來食，環境清靜佈置簡約，最鐘意係d假既apple
我個人覺得主菜單的野有d貴，所以就食set lunch既野
伏特加青口忌廉貝殼粉＋honey mostard沙律
貝殼粉的味道真係唔錯忌廉味唔會好濃，亦唔會太多汁or太少汁，而影響味道，份量ok la，食得幾飽ga；包埋個沙律，有三種口味任配一種，我就配了honey mostard，味道唔錯wor，上菜前會d菜同沙律汁攪勻，不過又攪得好均勻，good
香煎龍利魚配焗薯＋honey mostard沙律
份量少得…真的是太少，太少假不了，一塊有點麵包糠的龍利魚，唔得，焗薯係用原個薯仔但係好細個且得一個，不過焗薯的味道係唔錯，d配料唔會太濃，薯仔口感適中，係此碟上唯一的轉淚點，連埋的沙律同上述的口味一樣，味道亦一樣
總結
唔會再食香煎龍利魚配焗薯，伏特加青口忌廉貝殼粉值得一試！

香港的夏日天氣真係好熱,經過歇腳亭,門面幾大ga,忍唔住陣陣的熱浪，於是就試下…
樂活水果茶$16/杯
份量幾大杯，杯的水果有好多種，但只係得d茶味,一d水果味亦冇,感覺怪怪地,結果飲左一半就冇飲到，超唔抵
不過店員服務就幾好，會主動講解d飲品的味道同材料，總結來說，雖然服務幾好,但不能代表一切…

隆姐厘間係較為舊式的泰國菜館，環境唔係咁乾淨,家庭式的經營，雖然係咁，但係網站的好評，真係忍唔住，所以今日得閒就去試下
由於太早去到，未到食飯時間，店入面只係得幾個人，所以根本就唔使排隊，可能人唔多，d店員就係店內拜佛，真係好虔誠a…
order左…
海南雞飯
真係好傳統,d雞係一d骨亦冇，雞油飯較為軟熟和油份均勻,份量幾大碟,最緊要係價錢好合理$25碟，包埋湯，不過太鹹la，落了好多味精，唔我口味！
鴨肉湯河
份量多,湯河的味道幾好，湯底唔會好鹹，河粉的口感唔錯，價錢亦可算合理
另外再加了小食，但要等好奈
炸蝦餅
口感幾脆,蝦肉有咬口o,但因為即叫即炸的關係，好熱a…
最後送埋糖水，但因為好飽的關係所以就冇叫待應上,後來上網睇番，個糖水唔係咁好食，看來唔食亦唔會蝕底
下次一定會再來！

天時暑熱，不過今年的夏天真係特別熱,深水埗人多車多仲熱，所以好有意慾食甜品，見糖百府係食甜品，所以就去試下
店內人唔係好多，只係得幾個人,店員得1,2個,服務：ok la,環境：夠光，店鋪唔算大，但座得舒服,order了：
牛奶冰
值得一提：上菜速度幾快
味道方面牛奶味不算太重，個人接受到ge
配上藍莓汁,幾好食,醬汁不太濃，絕不會蓋過牛奶味
加上可可碎，充滿口感，同d冰食埋落口口感一流
加3元加埋芒果，芒果唔夠fresh，一般la
以30元的價錢，算抵食la，總算不錯，以後我會再光顧的！

麥奀記係永吉街唔算易搵，因為有個檔位檔住，所以鋪面唔係好明顯，店唔算大，雜物真的唔少
牛腩麵
牛腩肉質不錯，最緊要係肉質入味和柔軟,麥奀記做得真係唔錯，麵質有咬口冇梘水味,真係幾傳統,只係份量少，看來大食ge人就唔係咁適合
雲吞麵
雲吞真係名符其實的七成蝦肉三成肥肉，好食，而湯底個人覺得純屬一般,麵質和牛腩麵麵質一樣有咬口冇梘水味，份量和牛腩麵一樣咁少,價錢就真係貴了d……
總結來說,味道係唔錯，只係環境衛生和價錢差d…

本人經常把麥文記和麥x記搞亂，因為共同點亦好多，同時賣雲吞麵，又只係相差一個字,但味道就…
店的環境較麥x記此外店較為企理，和店的面積較大，，但「復古味」較為重，又有另一種風味
豬手麵
雖然係好出名，份量真係幾多，但個人覺得豬手不夠軟熟，亦一點不入味,麵質只係覺得一般水準
雲吞麵
雲吞真係唔得，雲吞細細粒係正常，但一d肥肉都無,麵質和豬手麵一樣,份量同麥x記一樣少,又唔係平
因為麵的份量少，所以另叫淨水餃,厘個就幾好食，份量不少
總言，以後未必再來，就算會來都只會食淨水餃

曲奇四重奏早聞名己久,據說係由前港姐謝寧開設,加上近來好評如潮,so好期待一試,今日終於有機會試,結果買左…
蝴蝶酥$48
見好多人買,所以亦買來試,食落口感覺鬆化香脆,牛油味不重又唔太甜，好食！
藍莓曲奇$60
聽店員講係新產品,所以買來試試,食落口覺得d藍莓係幾fresh d,味道係幾好，餅又鬆脆，但係可惜d藍莓貼住d牙,同價錢特別貴,係藍莓曲奇缺點
店內幾乎全部口味有得試食,可以試食後買,服務幾貼心,店員樂意解答提問,其中試左…
川椒榛子曲奇，個人食不出川椒味,另外個人亦感覺味道一般
朱古力曲奇,朱古力味很重,但下次再買
係值得一試,但價錢有點貴喔……

今日來蘇豪一帶行街,行經門口,看店面裝潢幾好又靚,所以就入去see see
店入面有不少可愛的擺設,不過個人對甜品方面唔係咁熱愛,所以就只是買了2個Macaron
Rose Macaron
有一陣好香的Rose味,餅的口感比預期的好,一入口就溶在口中,味道的確幾甜,所以下次食其實應該配埋紅茶會仲好食
Chocolate Macaron
朱古力味幾濃,論口感其實同Rose味的相若,而個人覺得朱古力味味道比起Rose味Macaron更好
味道比預期的好,包裝亦好靚,下次試下d cake