中秋做節晚飯揀咗呢間，訂2張枱，第一枱蒸條魚唔熟，失敗，另一抬，蒸頭腩仲衰，完全冇刮鱗，食到滿囗魚鱗，失敗中之失敗，話俾經理知，真係得個知字，點下頭就行開咗，乜都冇講，零解釋，零回應，想下次再黎，好難啦

今次去馬交覺得d野真係貴咗超超多，有d價錢直情貴過香港，吸引力大減!
早在約一年前幫襯過"祥記"，覺得幾好味但都幾貴，今次再幫襯感覺完全唔同，第一價錢又貴咗，要成$24.00一碟蝦子撈面size 又細，d面又濕又唔夠爽，價錢同質數唔成正比

食完晚飯特登唔食咁飽，留返小小位(胃)去食糖水，點知揀正果間"明師傅甜品"，唉真係有d失望。
因為門口哥哥仔不停咁sell又話好出名，又話好多電視台訪問過，咁就落咗答!
食完之後覺得咁嘅質數都開得檔，真奇怪

1. 芝麻糊 - 唔夠香，太杰又煮到一舊舊，好似用微波爐叮熱咁，no good，真係超級市場買用水即開即食嘅貨式仲好味過佢
2. 芒果涼粉 - 芒果好甜，涼粉正常，份量小，不過整體只是OK而已

因"團購"關係，平平地就試下la.

1. 冷氣唔夠凍，好似無抽風設備(唔肯定，因為超焗)，空氣唔流通，成間店充滿燒烤味，
食到身水身汗，好難頂

2. 食物好行貨，無咩特別，我記得食"刺身"時發覺有骨，小心小心

3. 洗手間要行出舖外，都幾核突

每次去青衣城"聯邦"飲茶都覺得好奇怪??????
1. 晨早(大約8:10am)去到都要等位，又唔覺得係full house??????
2. 入到去大堂旁邊見到緊有一條人龍??????
原來出面攞籌排隊一班人，入面無攞籌"打尖"又一班人，嘩咁都得，唔怪得次次去到見到無嘜人都要等十幾分鐘啦!!!!!!
最慶曾經同部長投訴過佢話無計!!!!!!
咁樣對果d排隊守秩序嘅人好唔公平!!!!!
下次如果大家有機會去青衣城"聯邦"記得睇下咁奇怪而咁唔公平現象!!!!!!
好心d管理層改善下呢d陋習啦!!!!!!仲有d伙記及知客態度認真麻麻，有待改善!!!!!

每次去到沙田搵野食時就係最煩惱嘅時候，沙田真係好聚人，全日都人山人海，所以有d食店雖然唔好味都可以生存，"IKI"就係一個例子，果日好彩只係食lunch如果唔係仲慶＞＜
黑豚扒 - 凍嘅，嘜唔係鐵板燒黎咩？點解上到枱係凍嘅！（死罪）
活鰻魚 - 好腥，咩叫活鰻魚？（一d都唔新鮮，名不符實）
加$22.-先至有湯稻庭烏冬味道OK不過好細碗、沙侓（非常普通）、前菜（非常普通）、及味噌湯（最愕然係只用水開嘅都可以係暖暖地，感覺佢地無heart囉！）
加$15.-先至有香菇飯味道OK，沙侓、前菜及味噌湯（同上面描述一樣la)
不包飲品要加$8.-至有得飲，不過唔係完全無好野，個人認為全店最好野就係辣醬幾好味架，真吹脹！

睇完電視介紹想去試下，去到現場發覺有d唔妥，lunch time 人影都無隻，咁"順"，點知完來無開，嬲死!!!!!
做嘜無啦啦唔開，攪到白行一趟。究竟係唔係所有大時大節都唔開架?????

睇完食評走去試下，可能無嘜期望，哈!發覺又幾啱口味。

湯 - 羅宋湯(頗酸)
泡沫煙三文魚忌亷湯(好濃三文魚味，好好味)

麵包 - 麵包無嘜特別，好正常，但搽麵包果個三文魚白汁醬就好正(好好味，成碟搽晒)

主菜 - 煎三文魚(好滑，不過記得要求煮到糖心就very nice)
羊扒拌田螺(一樣咁好味)

甜品 - 雪糕班戟(O.K.)
香蕉班戟(O.K.)

餐飲 - 熱奶茶(好一般)
凍咖啡(好一般)

餐廳大堂都無嘜問題，如果可以改善洗手間問題就最好，因有d dirty同埋地下好滑，真係出入要小心!

肥老公睇完openrice食評之後，咁經過觀塘就試下，可能係母親節前夕既關係，一入去已經覺得佢好想你快D食完就快D走咁，食完一碟餸時亞姐就會即刻收咗隻碟，好快咁上晒所有餸菜連八寶茶，當飲緊八寶茶時亞姐就話即將有好多人黎緊，其實成餐飯我哋食咗大約35分鐘左右都算快係麻! 總括來講食物質數一般，招呼麻麻!

想提醒大家如果想去"葡國美食天地"食燒乳豬一定一定要星期六去，因燒乳豬只在星期六供應，剛剛過去嘅星期日胃食妹同肥老公山長水又遠去到點不知食唔到真激氣 或者下次啦!