美儀 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-08-10
星期六中午來到了海港城, 午飯於尚膳潮州小廚食, 因為睇中了不用三百蚊就食到的套餐, 夠四個人食架 套餐有酸梅蒸烏頭, 川椒雞, 炒菜一碟, 胡椒豬肚湯, 配飯食 推介此餐廳, 除了個套餐唔算貴之外 (海港城的STANDARD 計), 個別菜色味道都很有水準, 最好味係酸梅蒸烏頭, 烏頭肉滑, 個人經驗, 蒸魚的火侯係好難掌握的 (自己在家蒸成日都蒸唔掂, 所以好少蒸 ), 就算去街食, 好多時都食到唔好食的蒸魚, 此店的師傅功力都幾深厚呢 酸梅唔會太酸又唔會無味, 豉油都幾好味 另外碟川椒雞都好好食, 雞肉的調味佳, 特別喜愛伴碟的炸葉, 食落脆脆又香口, 眨眼一掃而空了 服務普通, 此店人手看似不夠, 應付不了客人的要求呢 推介美食: 酸梅蒸烏頭
評分: 味道 4 環境 4 服務 2 衛生 4 抵食 4
2011-08-10
好不容易先有位坐, 搭枱的情況很嚴重呢, 但總算有得坐了 打開餐牌, 會發現價錢不算便宜, 例如今次食的焗豬扒飯跟焗田螺, 已經用了我百五蚊了 雖然食物貴, 但味道卻是出奇的好, 大家看我拍的照片就見賣相都幾別緻, 焗豬扒飯的茄汁做得好好味, 豬扒好鬆軟, 肥瘦都很適中, 加隻靚靚半生熟的荷包蛋上面, 影完相之後, 已經急不及待用匙更拮穿隻蛋, 把蛋黃汁撈飯來吃 噢! 茄汁溝了蛋黃汁, 好美味 田螺煮得好味, 墊底的薯蓉好香口, 邊位輕微的焗焦, 帶出更香的薯蓉味呢 間唔中, 我都會過來食LUNCH, 因為價錢唔平, 唔可以成日來啦 推介美食: 焗豬扒飯
評分: 味道 5 環境 4 服務 2 衛生 4 抵食 2
2011-08-10
早幾日的一個晚上, 兩口子擺脫了兒子 (好彩媽媽幫忙照顧, 偷得了一個晚上同老公撐枱腳), 到了佐敦的重慶燒食野 入座之後, 侍應會遞上餐單, 自己用筆揀選想食的東西, 一看之下, 種類繁多, 多得樣樣都想食啊 我地揀左芝士西蘭花, 牛仔骨, 雞脾肉, 大眼雞同焗蠔, 再配以蒜蓉包同飯團食 蒜蓉包都係燒的, 但如果燒耐少少會好味, 溫度不夠熱噢 不過個蒜蓉味好香, 幾好食, 飯團都係燒的, 味道就普通, 只可視為填肚的工具 主菜遂一上桌, 先來了芝士西蘭花同牛仔骨, 西蘭花用錫紙包住燒, 芝士同蒜蓉的味道都已被充分吸引, 好好味, 牛仔骨加上了川式的調味粉, 味道幾特別, 份量適中, 眨眼就給我兩掃清了 之後係雞肶肉, 同樣用了川式調味粉, 啖啖肉, 都不錯的; 大眼雞比較失色, 可能燒得過熟, 肉比較乾同O鞋 焗蠔係甘多樣之中最好味的, 蠔肉多汁, 加少少檸檬汁食, 效果更好 座位比較迫夾, 但街坊小菜就是這個格局, 不可要求太多, 反正店內氣氛都好好的 推介美食: 焗蠔
評分: 味道 5 環境 2 服務 2 衛生 2 抵食 4
2011-08-10
同老公到了尖沙咀的 "得萬" 商場看電影, 之後就到了樓下的食店食晚飯, 最後的決定係食泰國菜, 因為酸辣野會開胃D 兩個人都叫了不少野食, 計有炸蝦餅, 特級火車頭, 炒椰菜苗同活蝦刺身 前三者都沒太大特別的地方, 味道不錯, 但沒有很大的驚喜, 就當係普通的一餐泰國菜食到的東西啦 但碟活蝦刺身就十分好味, 蝦雖然係生的, 但食落肉身出奇地爽脆, 很新鮮噢 而調味的酸辣汁更是開胃, 可能本人特別喜愛青檸的味道 (飲PERRIER 我會飲青檸味的 ), 所以此蝦更合我口味 看卡片九龍城是他們的總店, 下次想去總店試試, 可能會仲好食呢 推介美食: 活蝦刺身
評分: 味道 5 環境 2 服務 3 衛生 3 抵食 3
2009-04-17
第三樣同大家分享既美食係喺新港中心入面既BREAD TALK, 佢地賣既QQ芝士波真係好好食, 質地係有少少鬆化既麵包仔, 每一粒都充滿濃厚芝士味, 我一星期會去兩次買嚟食, 去親都係放工之後去, 可能係因為啱啱大家都收工, 所以都好多人買, 要排隊俾錢添, BREAD TALK有好多種特別既麵包, 我試過佢地個腸仔包, 腸仔好好食架, 好香口, 係我另一個推介既麵包嚟, 希望大家都可以食到好野啦
評分: 味道 4 環境 4 服務 3 衛生 5 抵食 3
|