話說明日是7.1假期，咁就約埋同事一行9人食個晚餐buffet ,計埋網上訂枱折扣，每人約720，價錢屬我食開嘅中上價位。 我地係坐門口第1張，環境ok嘅，又近廁所同凍盤，行過d有飲品區，算係四通八達，坐又唔會好迫。 咁第一輪我拎左長腳蟹同麵包蟹，點知隻麵包蟹出晒事，黑到嘔電，一開頭以為隻蟹器官多的是，點知見同事個隻白肉肉又多，唔知係我唔好彩定員工無留意某d蟹一早已死🥹希望無肚屙 跟住轉戰其他野，但選擇唔多，片皮鴨同同串燒我拎左兩次，最後想唔到食咩拎兩個湯醫飽肚算，臨算整個雪糕做尾聲同甜品。 本來嚟食為左食凍海鮮，但如果咁嘅質素同價錢食，我寧願食 海逸

今日生日食完tea行去深水埗，醒起依到有間好出名嘅麵檔，咁就試下啦 份量少之餘味道仲要好普通（同埋有少少咸） 如果38食個麵咁我倒不如行過隔離大街食牛腩面，又平過你地方又明亮d 如果淨對比豬手的話，長沙灣保安道個邊嘅興發仲好食過你，人地仲要30蚊。所以值唔值大家嚟試依間真係三思。 同場有個客嘈話琴日買左魚蛋話唔熟係到嘈左兩句，開頭老闆話佢做左幾十年生意唔會賣生野比人，咁個客繼續嘈後老闆懶得同個客嘈比番39蚊個客（外賣），依個值得讚，琴日出品死無對証，與其煩到自己或其他客，不如比錢佢打發佢走😂

石蔭嘅雲南小鍋米線 星期日3 pm入場唔洗等 叫左豬軟骨，雞絲同炸醬 小小辣 辣度無三哥嘅五小咁辣 雞絲用心之作 就咁食又得，浸d湯又得 炸醬就同荃灣幾間水平差唔多 至於個豬軟骨.....依鑊家燕姐上身 從來未食過咁好食嘅豬軟骨呀，救命呀 食唔出咩醃料,總之好食 你睇我連湯都飲就知好味

話說今日原本二人行想食某放題，點知佢公眾假期無第二位半價優惠 覺得唔抵咁就轉場食牛大人 約12:50去到拎飛B13,見等一張台應該好快姐，順便可以用埋佢個app member discount 食第二種牛有9折，約10分鐘有位。張單寫住1303入座，咁埋位第一時間出去拎飲品同打醬油，點知發覺約有三分一個場吉左.......有d仲要卡位嚟，唔明點解有位唔放人入嚟😦 講番食物，上菜速度快，叫炸物上菜熱嘅，唔錯，牛牛同丸，滑都正常，但我地前後叫左5份鴨血淨係嚟左2份🥴🥴🥴鴨血好貴？ 約食到1點40分同我地講last order.....唔係話最後30分鐘先截單咩？點解五十幾分鐘就截單？？驚我地食晒d肥牛定鴨血？算啦，咁好啦，臨走前食雪糕同拎飲品，發覺裡面好多吉座，但出面好多人排緊又唔放人入嚟，咩玩法？ 雖然遇到178一位唔會好服務，但覺得此風不能助長，故開post 引以為戒

昨晚星期日6:00，原本想食90後海南雞，但見佢關半閘咁周圍行，行到依到見好多人排隊，原來新開，就試下啦 叫左隻海南雞外賣，大約十分鐘後就有，拎時待應問我要唔要餐具，咁我環保無要到。拎回家煮埋其他餸7:30前開飯，打開見隻雞好細，食d雞肉鞋嘅，要咬幾口先食到，肉同皮之間無啫喱狀，應該無用冰水浸過，可能新開張多生意就減工序，但好失敗，醬汁得一款，無咩特別 以168價錢細size雞仲要鞋無肉味嘅唔會有下次

難得星期五放半日，同同事去旺角打邊邊，因新開張時食過一次，見個時個場全爆，今次我醒目早一個星期訂兩位，可能新開張熱潮已退，又或許2月15是情人節後，做節都選晚上，所以得半場滿，場面比較靜 今次再食味道依舊，因同事唔食牛，所以我地選個最平，只有雞肉同豬肉，我要豬骨湯 佢要黑蒜，肉是冰鮮，唔係雪藏，所以肉質較嫩，幾好食，食左兩轉肉後我想就食出面d食物，埋單每人110有找，性價比高隔一排會再食 唯一失望的是：新開張時有得食日式叉燒，以家唔知係咪全線唔做

本人幾鍾意食印度薄餅，土耳其轉轉烤肉等，見長沙灣開左間土耳其式轉轉烤肉店心感期待，但見竟然開係小食x旁又擔心，眼見每幾個月，佢旁既小食店都比佢打殘，最耐個間賣雞蛋仔都只能頂兩年，希望佢頂得住啦
說回食物，價錢同係油尖旺，中西區差唔多，但size大少少，食過兩次烤轉卷都係即叫即整，拎到回家沖完涼都仲係熱抵食
今日叫左個土耳其式烤肉，問個老闆係牛肉，食落好似漢堡朳，味道一流，可惜係我非常大食（食米線可食過橋），食完都係未飽，唯有當小食多餐，晚d食水果補數

記得當年還在讀書時,有時放午飯回到家才知老媽子冇煮飯,立即出街食,第一時間想起英車聯車仔面(當年係咁叫)每次食都係爆場,搞到要抱著書包仔𦂨埋一舊,本身又係住係長沙灣,所以假日或晚上都會來吃
後來潮流興食米線,漸漸地少左來挑戰英超聯

上幾個月突然心血來潮行過來食
今晚又心血來潮想食,為左緬懷十年感情決定寫埋食評

入到去又係近乎爆位,望望d人同十年前一樣,靚靚侍應,老闆,唯獨老闆娘唔知係咪返早唔見左人.坐低點餸,叫左沙爹牛肉,豬腸,米底加底同埋最重要既羅白,每次黎食識食一定係食籮白,佢d籮白係好甜冇渣,我叫沙爹牛肉同豬腸都係想加濃d湯味,令羅白走上主角之位,遞單前一刻老闆向周遭所有新客:某某食物賣晒,所有菜賣晒,跟住我一遞紙,老闆同我講:阿仔,你中晒啦,我笑笑口講,咁係係開心定唔開心,佢冇應我埋頭送其他食物

即叫即整大約等左五分鐘食物就到,廢話左咁耐講食評啦
沙爹牛肉有d辣,不過可能因我唔食得辣,食左一半就流鼻水,但醉翁之意只在為羅白鋪路
然後到試豬腸.....一流好味,但食到我覺得份量少左d
最後到主角羅白,甜,大份,冇渣,好味
其間一路食,老闆又向新客宣揚:某某食物賣晒,沙爹牛肉岩岩整起好靚,汁點羅白一流,艽菜搞好靚仔等
有位新客劃order冇劃沙爹牛肉,
老闆話:阿妹沙爹牛肉岩岩整起好靚喎,
個位阿姐話:我唔識牛
老闆:sorry
其間我又食食下睇眾生相,有位先生order可樂,侍應叫左廚房出可樂但幾分鐘都未來,阿生再叫人要可樂己寫單,老闆sorry立即拎罐可樂來,唔夠十秒先前個位侍應sorry又拎可樂來
態度一來

今日突然想去食,同朋友2人一起去.結果受左一肚氣

     11:20去到,見佢個板寫晒午餐有咩食,咁就試下啦
想叫豚肉蛋包飯,朋友就食鐵皮雞朳飯

打算叫個時,男侍應同我講:依D要11:30先落得,態度OK我接受,咁我地轉食早餐

睇完MENU再叫侍應,今次女侍應來,就叫茄湯肥牛+蛋,火腿豬仔包
朋友叫漢堡+蛋,火腿豬仔包

落落下,女侍應同我講:你落單快D啦,跟住行開左
嘩,我心想,你咩咁大支野?我來食,我怕講太快,你聽唔到,指埋比你睇

過一陣女侍應又來
我叫茄湯肥牛+蛋,火腿豬仔包
朋友叫漢堡+蛋,火腿豬仔包(一樣)

女侍應:你唔食粉呀?餐有粉跟
我望望.係喎,有粉跟喎,但我想講你態度可唔可以好D呢

咁好啦,我地快快手兩個都叫米粉算

女侍應:飲咩
我:熱可力
朋友:熱0茶

全程女侍應,又唔係寫手寫單,又唔係望人,又冇笑容......,正係想用雛妓阿SA名句:我有比錢嫁

跟住食個時,食物冇咩特別,豬仔包來到只係微熱,粉份量也不算太多,雞份糧太少,可能只得半隻蛋或1隻細蛋,只能說不過不失,唯一要讚既係肥牛唔會太大塊一舊舊,咬來去唔會覺太油

總結,我來食野,唔係受你氣

 

當日篤完波搵野食,見依間唔係太多人,而且有我最鍾意既撈米線,咁就入去試一試
叫左個炸醬撈米線+魚腐+豬頸肉+支黑豆漿(加底)(共40完)

首先來左支白豆漿比我,我問佢:我想轉黑豆漿,佢同我講賣晒,咁無所謂啦,反正黑豆漿對皮膚好少少姐,飲少次無所謂
過左幾分鐘見我坐隔兩台既母女來食,我唔知佢食咩,但我見到佢來左支黑豆漿........大佬,你唔想行多轉幫我轉黑豆漿就咪鬼做侍應啦,作個大話呃客人有咩意思呢??

接著我既食物黎啦,由於個時己經好無奈想走,所以唔記得左影相
炸醬撈米線:可能我本身冇話要辣,所以食落去冇咩特別.魚腐街邊貨
豬頸肉:很碎很細條,味道又是普通

正當我食食下其間,有個約是小學六年級既小朋友獨個來,當佢落單時,個小朋友慢慢思考,個侍應又不耐煩咁擺黑臉,最後落完單仲要話個小朋友:你夠唔夠錢比架??咁既服務態度,難怪7點半都未爆場