囡囡放學話上次銀咖哩好食，所以再來！ 跟上次一樣叫了芝士蛋包飯， 不過上次食豬扒... 今天換口味改海鮮芝士咖哩蛋包飯。 仲有吉列魚柳咖哩飯。 先講海鮮咖哩飯： 老實說一眼就看出啲海鮮是我在 涷肉店的海鮮包 得幾粒魷魚仔同蜆肉，超迷你。 乜咁叫海鮮 仲係求求其其整熟放在飯面就是。 件炸魚柳細過我半隻手掌。 其薄無比, 仲要係淡黃色" 外表炸得脆而不香 D肉係炸得過乾，食落仲好腥 咖哩汁尚算保持，飯似乎唔夠香 總結是兩碟飯都是靠咖哩汁食飯

囡囡在官塘上堂。 官塘都很多食店已經都吃過了 有一天早了下課，就走遠一點點來這裡。 時間尚早，12點未到，人不多 我揀 左芝士豬扒嘅蛋包飯 望上去好吸引呀⋯⋯ 成個飯比炒蛋包圍。 輕輕地切開蛋之後好似流心咁 流左D蛋漿出黎。 做得真的不錯，食落去係香滑好味道 個咖哩汁都幾好食，不會整到好咸咁 但咖喱味道吾太重咁。 炸豬扒炸得老左少少, 但略厭有點亁身。 但是都幾大塊 囡囡喜歡食薯條所以加小食薯角 另外加隻煎蛋比佢食... 薯角炸得好香脆，啱啱好！ 非常新鮮！ 煎蛋都是即叫即煎，但是冇乜特別 這美食廣場都幾大間 都推算應該能容納不少人

我哋兩個都好鍾意花園餐廳... 因為夠平民化，呢間雖然服務員唔多。 但係勝位置多幾闊，尤其係卡位。 而且燈光情調浪漫，給予我們舒服感覺。 今天朋友好鍾意食拉麵！ 但係又唔想食得咁貴。 出面閒閒地一碗拉麵都六十七元。 這理卻是四十多。 於是又來花園餐廳... 兩人點了一碗海南雞拉麵和豬軟骨拉麵。 2個湯底是清湯！！！ 海南雞拉麵：雞同麵就係分開上既。 雖然是雞胸位但又滑又有雞味。 特別既係佢個雞皮好清爽， 入口唔會有肥膩感！ 加埋佢地個三個薑蓉就加正。 食啖麵，但係啲麵質點解好似同以前.... 有啲分別咁嘅... 麵似乎煮得未夠身，咬落有點硬。 豬軟骨拉麵：同様係豬軟骨同麵分開上。 一樣的問題，麵有點硬... 不過豬軟骨味道不錯。 個汁好濃而且十分甜。 本身豬軟骨就係食醃料味的所以入味。 但豬軟骨咬落相當硬。 好似食塑膠咁！！！ 硬就是煮得唔夠時間。 最大件事都係2個湯好鹹！ 仲食得出雞粉湯... 其實係呢間都食左好多次都唔錯 所以覺得要分享一下 今次真係死咸左少少。 希望以後需要改善

在觀塘返工已一段日子... 工作中午餐，又過來肥仔食海南雞飯。 地方細小，主打外賣 得一張長吧枱及幾張摺櫈可供客人堂食⋯⋯ 店員爽手，午飯時間呢度好似打仗！ 佢哋都應付自如⋯⋯ 今天當然叫招牌海南雞飯！ 海南雞賣相好吸引，皮光肉滑。 睇見都流口水。 金黃色既雞皮唔會太油。 面頭都有6-7件雞。 去哂骨所以吃起來很方便。 食落一啲都唔鞋，好滑！ 白嫩既雞肉，點埋附送的海南雞醬， 酸中帶辣。更加開胃... 個飯仲會跟幾片青瓜幾青爽。 飯係油飯，米粒分明，香味十足。 每粒都帶有雞油香味。 份量唔多但一個女仔食都夠飽。 仲有個冬瓜湯，味精味重。 但冬瓜幾清甜。 四十元一個午餐真的超值。

一個下著大雨的早上, 又想吃個早餐 卻又想不到那兒吃, 於是衝進了一粥麵。 早餐選擇多, 令人眼花撩亂。 最後還是叫了⋯⋯ 煎雙太陽蛋跟蘿蔔糕 加沙爹牛肉通粉，熱奶茶。 連鎖店果然夠效率... 購票後很快便取餐坐下。 太陽蛋微暖半熟，蛋白是焦香、蛋黃甘甜。 蘿蔔糕味道就幾好，味濃香口！ 係硬淨左少少啫。 明顯粉多過絲的蘿蔔糕, 沙爹牛肉通粉 牛肉入口重梳打味。肉質就有點粗糙。 通粉是雞湯底偏淡。沙爹味都可以。 但通粉掛上沙爹醬汁味道變得香味濃少少。 不過都沒所謂了, 因為份量甚少⋯⋯ 四五口已經吃完了。 熱奶茶䁔䁔地。飲落奶的份量較多。 令到味道較淡⋯⋯ 服務員大多冇咩表情，唔太熱情招呼客人。 但是價錢合理，值得一試。

接囡囡放完游水班，今晚老公去街！ 就同佢食下午茶當晚餐 已經是下午五時半. 幸好還有下午茶餐供應。 好耐無來原來店面重新裝修， 感覺明亮整潔不少。 點了可樂及腸奶醬多士、雪菜肉絲湯米 雪菜肉絲湯米熱騰騰 雖然寫迷你都好大碗,好多雪菜同米粉 米粉好爽口，而且味道不錯~. 腸仔幾爽口，煎得香口 煉奶花生醬吐司 花生醬及煉奶是獨立包裝。 厚厚的吐司跟厚厚的花生醬 令人吃的很滿足， 再加一杯仔簡單的煉奶塗上多士上 為這一餐劃一個完美句號 見到囡囡成個餐全部食哂.... 這個下午茶餐真是令他食到萬般歡喜了, 見他食得那麼開心真是好了

門面既玻璃已經寫左佢地既食物招牌！ 都有好多唔同野食！ 餐廳環境多位又舒適！ 若是午餐經常都要排隊等位的！ 午餐價錢還很化算... 今天個囡囡在對面東廣場 下午十二點多放學，尚有時間。 十一點來到了這餐廳⋯⋯ 寫字樓全部上哂班，所以環境相當寜靜！ 得小貓幾隻，我就是其中一隻！ 本來想吃早餐....... 剛剛見到枱面已換上了午餐牌！ 黑松露鮮菌雞柳大蝦意粉！ 敬送即磨咖啡。 又幾吸引，所以改變主意吃午餐⋯⋯ 黑松露意粉香上枱香氣四溢。 鮮菌雞柳同意大利粉煮得幾creamy。 三隻中蝦啲蝦肉幾彈牙。 意粉本身乾身,質地爽口。 可惜是黑松露望落去不太多.. 食落亦沒有香濃的黑松露味道. 我加上少少美極調味。 令整個意粉的味道層次更為豐富。 不過整體份理略嫌細份咗啲。 三扒兩撥好快就食哂.... 咖啡香濃又多奶，熱度十足。 坐到十二點閞始多客便埋單走人。 一客意粉收$45，價錢都唔平。 同區午餐通常有埋餐湯同熱飲⋯⋯ 但食落知佢貨真價實⋯⋯ 所以都幫襯好多次！

時代唔同了依家飲茶食點心 真係方便到不得了⋯⋯ 茶餐廳又有點心，亦有好多點心專門店！ 如唐記，潻好運，功夫等等！ 功夫點心係我地由細食到大！ 對於我地香港人係普通不過既食物！ 今天早餐想飲茶落樓到樓下就有功夫點心！ 叫咗蝦餃同燒賣... 蝦餃幾飽滿同大粒，蝦膠餡多又唔重味精！ 幾好食。外皮夠薄，上枱時夠熱，正 而燒賣就咁睇圖其實唔覺實物原來比較大粒。 啖啖都係肉味而且保留原有肉質同口感。 地方不大 一般要同人share table, 繁忙時間時間可能要預多點時間等位。 坐位不算太舒服， 茶具有特色服務態度不錯 食物賣相傳統老實，價格合理

要趕文件提早返工 一早同同事去到APM，時間有點趕! 咁早開嘅餐廳真係唔多，肯德基好多人 上兩層去到呢度！ 地方大乾淨企理，好在無乜人客. 不過好多款都製作中. 所以揀好快就落單，攞票去櫃臺等 5分鐘唔使就攞到！ 南冰魚柳+火腿+炒蛋+茄汁豆+烏冬＋咖啡！ 魚柳炸起咗一陣， 所以脆口，魚肉又幾滑 點咗啲沙律醬更好味 火腿片正常，炒蛋好老喔⋯⋯ 但蛋味十足 烏冬彈牙！ 茄汁豆幾好味但是份量少 咖啡我覺得還順口的,濃淡剛剛好. 店員全部都爽手，極快速就上晒食物！ 二十分鐘落單食飽走得！ 整體一般，不過三十三元 好多野食，起彽

下午茶同同事來 本來想食個飯 見這兒的「燒鴨湯米」（$29） 仲有紅荳冰...實在抵食。 雖然明知道燒鵝始終比燒鴨來得好吃 但是燒味飯動不動五十元以上... 而且唔包凍飲 還是捨燒鵝而取燒鴨湯米了 看到那排外皮呈亮麗的燒鴨及 翠綠色的生菜蔥花 浸潤在清澈湯中的半透明白色米粉上 讓人在未品嚐前已不禁食指大動。 細細品嚐之後，米粉滑中帶爽 不會輕易夾斷， 湯頭也味道適中可喜。 主角的燒鴨份量不少 且看到燒味廚師拿著肶位片用的 所以啖啖是肉，肉質口感甚佳 也有不錯的肉味，外皮雖不太脆！ 仍然及格有餘⋯⋯ 燒鴨，米粉與湯三者的組合！ 稱得上配合無間 朋友今天吃西多士及奶茶！ 見到他反應都不錯 一碗教人吃得津津有味的燒鴨米， 一大杯冰凍解渴的紅荳冰 雖然不是燒鵝 對我來說，已是人間美食了。