男人對女人的心思總是不多, 偶爾的小浪漫已經可以令到女生心花怒放. 我說得男人未就係我老公囉…. 好吧, 是日小浪漫就係帶我去一間有情調的餐廳來個二人晚餐. 位於尖沙咀的SHINE, 就鄰近ISQURE,所以地點好易搵. 餐廳內的環境, 就是暗暗黑黑的,情侶們約會的好地方. 先來前菜沙律 (巴馬火腿凱撒沙律$78)開開胃, 但無諗過會咁大碟 但沙律菜確實很新鮮, 食落口感爽脆,  是夏日清新之選 而這個水牛城雞翼 $88 比較乾身, 沒有將醬料跟雞翼混和 雞翼炸得一點都不會乾. 外皮香脆, 內里仍保留有肉汁,很JUICY,  同時食到個甜辣味道, 老公就好喜歡呢個雞翼,一人就KO 4隻. 香辣蜆肉意粉 $148 這個意粉的軟硬度剛剛好, 不會太生及太硬. 醬汁不算多, 而且比較乾身, 如果味道更濃一點會更好 燒安格斯肉眼扒 $318 牛扒點的是七成熟, 個人覺得這個生熟程度剛剛好. 牛扒外層煎得微焦, 咬落肉嫩多汁. 油脂豐富, 仍然保持嫩滑, 肉味香濃, 一點也不會嚡 選左紅酒醬汁,更有提鮮的功效,配合得相當好
是晚食物都好滿意, 份量比我想像中更大份 二人差點就眼闊肚窄, 不過都幾抵食. 唔錯唔錯...

朋友是用來消磨時間的…..這種概念就錯啦! 約左幾日無見的小B, 就用一個晚上大家彼此消磨大家時間吧! 茶聊是小B提議的, 聽說是個不錯的餐廳
而且有我喜歡食的梳孚厘, 當然要試一試 餐廳地方不大, 但就裝修得很有格調 沒有訂位的服務, 所以外經常排長龍 點餐自行到收銀位下單, 再說出枱號, 稍後就會有侍應送餐

一來就被茶聊的水果茶吸引 高身杯, 再裝入滿滿的水果,價錢雖然有點小貴 $45 不過味道果真不錯, 茶會夠濃, 水果份量也很足夠 軟殼蟹柚子沙律 $88 一整隻軟殼蟹凌駕在沙律菜上, 甚有氣勢. 軟殼蟹炸得十分香脆, 內裡蟹肉肉質柔軟,配上清爽的新鮮蔬菜 口感格外豐富,柚子更是整個沙律的靈魂,酸酸甜甜的,十分開胃 蟹肉龍蝦漢堡 $158 單是賣相就十分吸引, 內頭龍蝦鉗大塊, 而醬汁也十分惹味,  龍蝦有海水味，帶鮮甜，肉爽口彈牙，一點也不韌 又以木板和迷你炸籃上菜, 厚切薯條份量多，即炸脆卜卜，，沙律新鮮，豐富大份 原味忌廉梳孚厘 $88 最期待的甜品出現啦.只要用叉一拮，已感受到其鬆軟，入口即溶，質感幼滑細膩， 洋溢著滿滿蛋香和淡淡的奶油香，毋需加任何配料已叫人吃不停口, 但配上雪糕又會整個梳孚厘錦上添花.
絕不比日本出品的梳乎里遜色.

友人升職加薪, 為左同佢慶祝一番
可以豪食又唔洗肉赤金錢,  一於食朋友最喜愛既放題 
今次揀咗好出名的殿 大喜屋, 呢間book位唔容易,
平日夜晚都有九成入座率, 所以想食的朋友真係要早少少book位我地一坐低即刻睇下有咩好食, 選擇算好多. 
而且特色食物都唔少, 可以試到出面放題無的款式.
餐廳有自助區提供食物, 而飲品、甜品、小食都可以自取.



甜品款式選擇好多, 細細件的, 可以食多幾款唔同的.
飲品自取, 而且有清酒、梅酒任飲.


沙律熟食煎炸食物樣樣齊, 小食區就有中華沙律、味付螺肉、八爪魚等等,
供應很充足, 侍應不時會refill, 而且唔係普普通通的食物, 睇得出有用心思去做.



一開始當然必食就是刺身, 先每款點少少, 等最後肚子有空位時再encore都未遲.  
刺身大致都好新鮮, 而甜蝦食得出鮮甜味. 三文魚夠柔嫩，.北寄貝和赤貝不錯,可以再encore.
壽司細細件的, 一口一件. 食完唔會令人太飽, 而且味道很好
特別喜歡火炙三文魚壽司, 放入口中, 有入口即溶效果又有魚油香




必食推介有薄燒牛肉、蒲燒鰻魚同花膠
薄燒牛肉燒到剛剛熟, 口感真係好柔軟, 一點都不韌, 牛味足, 好好好味.
蒲燒鰻魚同花膠都是回本之選, 不過食得多又會覺得有點膩.




其他小食都整得唔錯, 對比好多放題核講,是水準之上.
最後來到我最期待的畫面, 就係名牌雪糕任食,呢個都係我target之一.
一個人食左4杯雪糕, 成餐晚無愧啦~

老公喜歡辣，就算我唔係「辣妹」，都捨命陪君子！ 辣吧位於尖沙咀，地點方便，早早book位，因為星期五晚通常多人食飯。 餐廳主要食麻辣海鮮火鍋，都有即燒串燒，個人覺得價錢普遍比較貴。 整個環境好有東北菜館的味道， 坐位間有一定距離，完全唔局促～ 餐具都好有玩味風，自己找亮點吧！ 是晚連同朋友一齊食飯，所以叫了每人二百幾價錢的麻辣海鮮鍋，而且選了小辣。 鐵鍋上枱後再加辣湯， 對於不太能吃辣的我，小辣已經是我的大辣。 而老公及友人都話呢個小辣已經是普通菜館的中辣，大家就自己看著辦吧！ 整體海鮮都很新鮮，食到海鮮本身的鮮甜味。 不過鍋內的海鮮全部是預先整熟再放上面，比我預期所想的食法有岀入。 而且加入鍋內的湯只有微暖，鍋底雖然有火温熱住，但真的只有温熱功能，根本不足以令到鍋內的湯沸騰，由頭到尾，海鮮都浸係温熱的湯內，好影響口感。 味道雖然不錯，但整個鍋卻完全無特色，對我來説，食一次就夠。

終於唔需要走去旺角排長龍先食到丼飯啦, 荃灣都有啦.  位於荃灣楊屋道百悅坊都開左間高質丼飯專門店. 大丼屋店內比較寬落, 兩邊盡是2人或4人枱,人多時可以拚埋一齊做一張長枱. 最重要這裡有BB櫈, 下次可以帶埋小朋友來 打開餐牌, 才發現這裡原來不只有海鮮丼供應,小食甚至是刺身壽司都有, 價錢平均由廿多元到幾十元不等.  我覺得這裡的選擇比較彈性, 如果同行者不吃魚生, 其實這裡亦有多款熟食丼飯選擇, 例如牛肉, 燒魚、燒雞、燒豚定食等, 而且丼飯都已包沙律及味噌湯,仲免收加一服務費. 價錢大眾化. 我比較貪心, 想試不同款式, 所以築地自選丼就最適合我.可以從8款丼飯中選自己愛吃的. 牛肉口感咬落油香,牛味都算十分濃郁, 最喜愛牛肉同飯都沾滿燒汁, 很惹味, 而且細細一碗, 唔會食到太膩. 鰻魚丼都唔遜色,魚肉油脂豐富，肉身又夠厚 蒲燒將醬汁融入鰻魚之中，醬汁甜蜜味美 海膽的份量舖滿了半碗飯, 看到滿滿金黃色的海膽, 真的食慾大增 又估不到海膽的質素一點都不差，完全沒有苦澀的味道，質地細滑而CREAMY，食完滿口都是甘香鮮味 朋友點的蟹道樂丼(黃金蟹)也十分豐富,當中有蟹鉗、蟹肉、蟹子、蟹膏、蝦. 偷吃了幾啖, 味道超好. 因為佢已經將蟹肉、蟹子、蟹膏拌勻,再連同海膽一齊食,  口感有多重鮮味, 有蟹膏的鹹香, 蟹子脆卜卜的口感和蟹肉的鮮甜

個人認為, 無論味道、價錢或餐廳環境都比我之前去的丼飯專門店好, 性價比高, 下次可以再黎試下其他款.

辛苦返工志在食,  來到開心星期五, 當然要跟朋友坐底一邊食一邊傾計 朋友對吃完全沒有所謂, 本來對方就說吃什麼都可以, 但我總覺得不能吃得太隨便. 左思右想之下, 最後決定來「高木炭火鳥燒」, 貪其店子小小, 風味十足, 兩個人可以吃吃串燒喝上兩杯 店子位於尖沙咀的棉登徑, 餐廳門面就是很典型的日式居酒屋風格, 門口邊掛著燈籠,日本居酒屋的味道.
推門進去, 才發現原來店子真的不大,店內裝潢沒有太花巧, 偏向簡單帶點地道日本風味的居酒屋格局 內裡多是二人或四人座位, 不過如果人多的話,如果獨個兒來的話, 更可以坐在店子的吧台, 看著前方的師傅弄串燒 菜式都比想像中要多, 雞牛豬海鮮及燒蔬菜等等都不缺  價錢一般都在二十多至五十多一串左右; 而除了串燒之外, 亦都有一些單品料理, 沙律, 主食等等. 價錢以尖沙咀地段來說也算合理. 燒年糕 年糕十分厚身, 而且燒出來帶點焦香, 包上紫菜, 賣相的確吸引.  咬一口, 年糕外層燒得夠香, 部份位置更帶微脆, 當中嘗得到有點輕甜的醬油, 內裡質地紮實得來十分軟糯, 飄出陣陣米香 牛肉看起來油潤亮麗, 燒出來的是剛剛半熟的程度, 入口肉質十分柔軟但肉味香濃, 油脂度適中
左起: 明太子飯團、鹽燒豚肉、白鱔 明太子飯團表面燒得帶點金黃十分吸引. 咬開內裡的餡料都相當足夠,而且質地不乾 鹽燒豚肉沒有預期中那麼嫩口, 不知是否燒得過火, 但肉質仍帶彈性的, 感覺如果可以生一點, 吃起來會更嫩更爽口. 燒牛舌似乎是吃串燒的必點之物, 牛脷燒出來是剛熟的狀態, 而且油份不算多, 咬下去十分爽, 肉質甚有彈性, 剛熟的中間還帶點粉嫩, 完全不會鞋口. 其實這個也是滿有水準的. 喜之次  厚身既魚肉燒起出奇地嫩滑 而且好juicy 大大啖魚肉連皮食 成口充滿魚油香味 

老公成日都話, 有時間想同我一齊去食高級鐵板燒,有師傅係面前即表演個款. 呢個承諾日復日, 最後等到天方地老,終於都兌現到. 早就訂了位, 加上時間早到, 餐廳說我們這晚可以使用房進餐. 真心正~ 晚市套餐有3個不同價錢, 大家就按自己喜好選吧.  因應當造材料的原因, 師傅有機會於餐單上作輕微變動, 我們就選取了 $1380的 套餐. 先上枱是冷盤3小樣, 有翡翠冬瓜、黑芝麻豆腐、蛋黃醬蟹肉青瓜 自家製的黑芝麻豆腐, 口感比一般豆腐略為挺身, 吃進口時就會慢慢滲出芝麻香. 蛋黃醬蟹肉青瓜就最醒胃, 味道清新, 蟹肉配上青瓜, 口感爽脆, 呢個最好味. 刺身: 赤貝、牡丹蝦、目拔魚 赤貝就口感爽甜，帶有淡淡海水味道. 我對目拔魚比較新奇, 因為第一次食, 肉質比較有彈性, 有咬感, 而魚味就淡淡的,  鐵板香煎鴨肝, 在師傅製作時已經留晒口水, 真的超香.每份鴨肝都甚有厚度的, 吃起來夠香口豐腴 配上水果一齊食, 更有減膩作用.  一面傾一面講原來已轉入直路, 龍蝦正正式式開始上場 爽口彈牙的龍蝦肉, 令人食到欲罷不能. 精萃在於自制的醬汁. 用上龍蝦汁再加入海膽在內, 令菜色鮮味度再提升. 真心好味. 平時蒲燒鰻魚就食得多, 鐵板鰻魚還是頭一次食. 師傅話這個鐵板鰻魚的吸引之處就是要做到皮脆口嫩 單是控制火侯去煎鰻魚層皮, 師傅都用左10分鐘慢慢煎脆外皮, 鎖住肉汁 的確, 外皮脆到不得了. 有點炸魚皮的感覺, 但食落又同時咬到鰻魚肉, 口感肉質厚實, 彈牙. 真的不得不給師傅舉個”讚” 之後就食個柚子醋白飯魚苗沙律清清口 尾聲來個牛肉炒飯, 炒飯份量不算少,炒得米飯粒粒分明.   味道十分香口, 沒太多油脂,牛肉粒不會嚡, 入口就吃得出很香 剛才的龍蝦頭就用來整個味噌湯, 味道比平時喝的更鮮甜. 最後甜品是水信玄餅和日本上白糖多司, 完完全全是一個完美的ending.

香港人一年四季都會打邊爐，所以火鍋店真係百花齊放 日式/港式/重慶/四川等等….而我就最喜歡的是台式.  就近荃灣都了一間台式主打養生鍋的火鍋店. 我又可以跟最愛的鴨血相遇啦~ 這裡裝潢及擺設很古色古香, 每個坐位都用鏤門隔開, 雖稱不得上私隱度高, 但起碼住得舒適. 湯底不用說吧，選了最多人點的紅白湯底 ($128) 紅湯是麻辣鍋,  用上過10款中草藥又加入多款香料, 湯頭濃郁鮮味,也帶有糊辣的辛辣,  以按自己接受辣的程度要求大、中、小辣. 白湯是酸菜白肉鍋, 酸味極濃郁, 味道十分佳. 喜歡吃酸的朋友一定會很愛 鍋底配料也十分足料, 麻辣鍋內有鴨血和蜂巢豆腐. 蜂巢豆腐吸盡湯汁, 口感Q彈, 而鴨血口感柔韌, 咬落一樣QQ彈彈的, 不乏彈性，沒有腥味 酸菜白肉鍋有大量酸菜及豬肉片,湯底鮮甜, 而且更加入了薯粉 薯粉煮耐了會容易稔, 建議要盡快食, 味道十分好 手切牛肉(細) $238 手切牛肉，雖然有點貴，但並無偷工減料，真材實料 入口牛肉味濃, 肉質軟稔, 更有牛的油脂甘香味 手工丸類拼盤 (12粒)$108 餐牌中有不少火鍋配料，有海鮮類、丸類、肉類和蔬菜等 必食的手打丸相當出色,  這種爽彈口感只有人手打才會有的效果 黑松露蝦丸口感爽口彈牙又滲菌香, 而推介是梅菜豬肉丸. 自家製鮮蝦雲吞 (半份) $42 餃子皮的厚薄度做得不錯, 落湯後不易散開,口感潤滑, 入口有彈性. 烏冬 $48 稻庭烏冬是我每次也會點的火鍋了, 雖然會令人十分飽肚, 但當烏冬拌著火鍋湯汁一起吃的時候, 味道十分佳. 最後更奉上免費的雪糕, 我覺得榴槤味道最佳.

第3次再來到Espuma,因為聽朋友說餐廳已換了全新的菜單,所以心癢癢就來了.  當晚7時已入席,等不到這個late-night promotion了.但有7折優惠,的確好抵~ 牛油果蝦沙律配芝麻汁的份量頗大,蝦肉煎得香口彈牙.配上芝麻汁的沙律菜十分開胃,夾雜熟透的牛油果及香桃,清新可口~ 至尊海鮮西班牙飯(二人份)的賣相吸睛,海鮮分別有藍青口、大蝦、蜆、帆立貝、帶子等等. 先要讚藍青口.平時少食青口的我,都覺得這款青口的肉質夠嫩,而且好厚肉. 另外,大蝦的十分彈牙,煎得香口. 不過,帆立貝吃落有沙,略嫌遜色.米飯粒粒飽滿有嚼口,而且調味汁是蕃茄,所以吃落醒胃. 另外,大蝦的十分彈牙,煎得香口. 不過,帆立貝吃落有沙,略嫌遜色.米飯粒粒飽滿有嚼口,而且調味汁是蕃茄,所以吃落醒胃. 西班牙飯屬二人份量,吃完已經超飽,但甜品胃已預留空間給流心軟芝士麻糬厚鬆餅. 聽個名都已經覺得吸引. 輕輕切開厚鬆餅,望住流心軟芝士慢慢流出來,十分治癒. 與及說是厚鬆餅,反而口感更似梳乎厘.厚鬆餅口感綿滑,富空氣感,而且蛋味十足.中間有一塊薄薄的麻糬,煙煙韌韌,整個組合的確好味.

炎熱嘅天氣,出面三十幾度.   最好的享受當然就係坐係冷氣底下, 涼住冷風食日本菜. 備長環境舒服, 而且有串燒、刺身、小食,好適合三五知己放工小聚 坐下後, 店員送上一盤前菜, 有生菜、青瓜、紅蘿蔔. 清爽脆口,  冷盤通常都是先上, 所以先來刺身降降溫~ 我們點的是特上冷盤刺身六點 HK$298 海膽色澤也算鮮明帶橙黃色, 而且每片形狀完好, 入口比想像中甜, 濃度就不算很高, 口感整體都算不錯的, 配上底下的青瓜, 清爽新鮮,吃起來相當對味. 甜蝦蝦身非常粗壯, 咬下去蝦肉有點黏稠. 肉質爽得來柔棉, 味道亦夠香甜 北寄貝爽口彈牙, 口感爽脆中又柔軟幼嫩. 油甘魚、三文魚、帶子都很新鮮. 整體感覺很好, 也感覺抵食. 鵝肝多士 HK$63/件香煎鴨肝配多士, 每份鴨肝都甚有厚度的, 吃起來夠香口豐腴. 雖然正在修身的我不宜多吃, 但都忍唔住食左一整件 (回家要跑多2個鐘先可以消耗到卡路里) 牛舌厚切 HK$52/串 另加牛舌, 一串二片, 每片都算幾大塊, 而且是厚切. 燒出來的牛舌不會好韌, 表面帶點焦香, 吃起來還帶點彈性爽身. 是來到一定要吃的食物. 最後就是各牛炒飯, 炒飯份量不算少,而且炒得米飯粒粒分明.  味道十分香口, 沒太多油脂,牛肉粒不會嚡, 入口就吃得出很香, 而且一點也不滯膩.

餐廳整體食物水準很好, 店員服務也不錯,收碟加茶都會自動自覺. 所以滿有效率的.