為食May-may 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2016-10-18
第一次嚟呢間酒樓食嘢,以前去第二間翠園都ok嘅,但呢間........ 叫咗:牛腩炒米粉(這是這一餐最好味同似樣嘅嘢),其它點心都係一般般,最差係ox醬炒腸粉,嚟到個個丫大個口,係豉油炒腸粉加一“執”炸過嘅瑤柱絲係面就叫ok醬炒腸粉?起碼都撈埋炒下佢呀! 推介美食: 芝麻卷, 牛腩炒米粉
評分: 味道 2 環境 4 服務 2 衛生 3 抵食 2
2013-07-14
個仔放暑假,所以安排同班死黨一齊食自助餐;見有團購咁平就買左六張齊齊食! 咁平都稔住無好野啦;去到個門口好細(因為我有個輪椅),佢地又安排得OK喎!我地坐既位置後面可以擺到輪椅,只不過安排入坐就慢左D(得一個人帶入去,第二檯又要等個人出黎先帶入去)! 一開始叫野食就乜鬼都寫啦!野食都黎得都唔算慢;最緊要係無乜漏單!不過我地寫12佢黎6!唔緊要,再寫過! 啤酒、汽水任飲,正! 燒羊架,正正正!(如果以價錢論,直情係好過中環間X屋!因為我地全部人都好鍾意食羊架;而最好味係X屋)呢度只係X屋一半價錢都唔駛;簡直超值! 其它壽司、魚生、手卷、沙律等係一般貨色!但團購咁平、重想點呀?重有啤酒、汽水任飲呢! 地方係差少少,但稔下自己比幾多錢就覺得賺哂啦!係唔夠冷氣差D囉;我地個個都肥嘛!(食到出哂汗) 本來我係無稔住寫食評,所以一張相都無影到!今日因為想去食多次就上網查下想再買團購;點知見到呢度有好多人唱佢唔好,唔抵得就寫番篇! 呢度唔係話好正!但夠哂平!咁既價錢食到乜;心照啦!佢重有小童、老人優惠,中環個間乜鬼都無添呀! 題外話/補充資料: 如果部屋可以增番甜品就更正勒!推介美食: 羊架、羊架、羊架!
評分: 味道 4 環境 3 服務 4 衛生 4 抵食 5
2009-04-29
肥仔生日,一眾友好又送禮物、又一齊去食自助餐,認真比面! 肥仔應該記住肥D、契媽、同契爹對你幾好啦! 一早訂左位,但衰在無問價錢!皆因係Open Rice 網頁內看每位$298+1,但埋單竟要每位$338+1! 好似累朋友駛多左錢咁!真唔好意思! Open Rice 版主真要update下D價錢啦! 講番嘢食,都OK啦!但如果係$298就更加OK囉。 去到都幾早(6:45pm),人唔多,見到個Tiramisu未有人食過,就同佢影番張齊整嘅靚仔相(好難得o架,因為一比人叉過就會好醜樣。但到最後食嘅時候就幾失望囉,因為中間個D好似浸濕麵包咁嘅嘢好難食(濕過頭、又甜、又唔夠酒味)。食唔到o個舊嘢就都幾好,但整體嚟講:係個餅稍"削"囉!"實"番少少口感就會好好多(亞蘇話唔駛講口感喎,傻嘅)! 海鮮冷盆 : 即開生蠔 - 我自己一向唔食嘅,因為覺得好腥同我食唔到有鮮味就無謂"屣"啦!但見到即開,又試下!無以前晌第二度食咁腥,但仍然係無乜味道(可能味覺有問題)。Brother 同公子就不停咁食,應該係幾好啦掛! 蟹腳 - 稍細隻、肉質"削"、稍咸,一般啦。 三文魚、凍蝦、八爪魚都係一般貨色,唔好、但唔算差。 娜威煙三文魚、黑椒煙三文魚就中上啦! 當晚係做緊泰國美食: 冬陰公(泰式酸辣蝦湯) - 味道正宗、 足料、有水準,不俗。 好耐無食過 cow dang (泰式飯焦+香葉肉碎),味道正宗;但可惜飯焦放在肉碎上,部份被肉汁浸"稔"有點失真!應該分開放、食時自己放上飯焦面就very good啦! 泰式沙律 - 有豬頸肉木瓜絲沙律、海鮮沙律都OK,重有一個就唔記得左,因為我無食。 燒牛肉 - 我個肥仔食左五、六件都有,佢話好食但我就覺得肉質麻麻。 反而個酥皮三文魚菠菜卷就幾好味! 熱食唔算多,質素都一般,可以不提。 平時我地唔多食甜嘢,但當晚反而食左好多甜品:美式芝士餅、芒果黑糯米、芒果西米布丁、班蘭葉千層糕(杯裝)等等都幾好味! 泰式雪條、Tiramisu 就麻麻地啦! 推介美食: 冬陰公、cow dang (泰式飯焦+香葉肉碎)、美式芝士餅
評分: 味道 3 環境 4 服務 4 衛生 4 抵食 3
2009-04-21
上星期日一早,同亞仔去睇完早場;返去接埋老媽子等大家姐嚟接我地,佢個大女話同我地去黃金海岸玩同食喎! 去到已差不多一點半,好在無落雨。 行左個圈搵嘢食;肥家姐話食上海嘢,OK,上! 入到去,嘩!駛唔駛咁慳呀?烏燈黑火,似足十幾年前番上大陸D酒樓咁,淨用天然光;但佢地可能唔記得個日全程陰天兼時有陣雨! 算啦!或者D嘢好食咪得囉! 我地五個人order左: 砂鍋雲吞雞、三絲炒年糕、四川擔擔麵、毛豆唐菜炒百頁、雞絲粉皮、京式賽螃蟹。 砂鍋雲吞雞同三絲炒年糕 - 一般水準,邊度都食到啦! 四川擔擔麵 - 好似我以前有個姊妹嘅口頭禪話齋:水鬼尿咁,花生碎好少、花生醬味都無D!唯一係D麵幾爽口,但爽口就不是正宗上海麵啦(唔通四川出呢D麵?)!依家D上海舖為左容易、好做D,都轉左用一隻好似鹼水、蛋麵咁嘅麵質;完全失去了上海麵應有的軟、糯、滑感,失敗!: 毛豆唐菜炒百頁 - OK,百頁唔算"鞋"口,皆因大部份上海舖D百頁都係粗過鞋底),呢處係中上! 雞絲粉皮 - 好味........,但青瓜絲都無條!極之忠於名稱!只得雞絲同粉皮 京式賽螃蟹 - 哎呀,佢無嚟到喎!依家寫食評先記得添,唔係我埋單,無check單添,都唔知有無計到錢! 越食就越熱,食到成身汗!可能我地去得遲,D人客都走哂就唔開冷氣,後來又來了一家人,都係食大汗疊細汗!因為外面都好悶熱(成28、9度)。我地已經坐到對正個大門口,有風都OK,佢D伙記都企哂係門口乘涼(變相擋住哂吹入嚟嘅風)﹐,個經理見我攞把扇出嚟起勢"潑",先去開冷氣,但開左冷氣又唔關門,叫先去關左一邊,吹脹! 因為我地有個BB係度搞搞震、嘈嘈閉,搞到我都無心機影相,所以照片欠奉。 總結: 可以不試,無損失!
評分: 味道 3 環境 2 服務 3 衛生 4 抵食 3
2009-04-20
今次已是第二次來金葉子吃晚飯,佢係任叫任食;最啱我地兩母子(一樣咁為食)。 第一次來是今年一月我生日,老死brother話有人介紹呢間幾好,所以嚟食過。食完已經同個侍應姐姐話會介紹多D人去食! 以前有幾年時間曾經要每星期去泰國幾日做事,所以比較喜歡正宗泰國菜的味道! 但在香港試過好多泰國菜館都係改良式香港口味泰菜(九龍城金寶已經係香港口味中最好嘅一間),故在金葉子吃到更泰國的口味,實在意外和非常開心! 講番今次食嘅o野食有: 頭盆先送蟹柳木瓜船,每兩人一份。上次好味D,今次但亦不過不失! 烏頭魚爐 - 好味,但今次條魚不夠新鮮。 炸魚餅、蝦餅 - 水準之上,新鮮、脆口夾彈牙,尤其喜歡魚餅是真正的泰國風味,因裡面有D青色荳荳在魚餅內(在泰國時曾問過荳荳的名稱,但現在忘記了),好多其它泰菜館都無嘅! 串燒 - 牛肉好好味,但上次來時牛肉燒得比較乾,而今次就燒得啱啱好嘞。 Order 左兩款泰式沙律 - 一個是海鮮粉絲沙律;另一個是青芒絲魚鬆沙律。 食過泰菜的人都知道泰式沙律與美式沙律不一樣:美式是凍食而泰式是熱食,只一樣相同就是同樣要撈撈o下! 在其它泰菜館未曾食過一次滿意的青芒絲魚鬆沙律,因為其實多數都無呢個菜,就算有都一係甜到死、一係魚鬆唔夠脆。能夠係金葉子食到咁高水準嘅青芒絲魚鬆沙律,實在太開心啦! 最衰食到尾先記得影相! 同"咪咪"飲啤酒食青芒絲魚鬆沙律;好滿足!重reorder左一個,因為其他人唔食得辣所以淨係我地倆搞掂。 但今次o既海鮮粉絲沙律就好一般,因為我鍾意正式的泰國"街頭"味道(用蝦米和灼熟的尤魚),而他們的是"餐館"口味(灼熟的蝦同尤魚),已經叫佢轉用蝦米,但出嚟連蝦毛都無,唔知係咪無蝦米?但又唔通知聲!最不高興就係連花生碎都無埋!不過味道卻是正宗無異。: 最最最最最最美味的:登、登、登、登!我的最愛冬陰功湯嚟啦!上次因為湯裡的蝦不算新鮮,又無帶相機影相,所以我連食評都唔想寫;但今次呢個湯簡直120分!如果再多少少椰奶添就可以比足200分! 其它:炒菜、咖哩(我個仔嘅至愛)、蒜蓉包、生牛肉粉、酸辣鳳爪、蜜汁燒雞翼(我個肥仔自己"趙"哂一碟)、豬頸肉(我亞媽話好味,入口就鬆軟),全部都係好味加好味! 飲品亦係任叫,但酒就要pay啦!我鍾意飲檸檬冰(泰文叫"笨"),但佢地只有檸檬梳打。 因為我比較喜歡食泰國菜,而呢度又每樣水準都平均,咁嘅價錢------掂! 最可惜唔記得係openrice load張優惠券去,所以無得送避風塘大蝦 2 隻;不過我稔如果同佢講下,個靚女侍應姐姐都會送掛(佢同我講泰文講到咁高興!),食完兩輪甜品;後尾重請我地食雪糕添,嘻嘻!
評分: 味道 5 環境 3 服務 4 衛生 4 抵食 5
|